نوائب الدهر

23

الـسـلامُ عـلـيـكـم 🌻🌼

نوائب الدهر
عبرات_العباديه
الــبــارت_23_
                                  alabadyia_09

بصوت عريان :

أجس كلبي الفضي
متعوب حد الويل.
وأدعيله الصبر عن لا يفشلني

~~~~~~~~~~~~~~~~~~~~~~~~~~~~~~~~~~~~

كل عام وأنتم بخير اتمنالكم من اعماق قلبي الراحه النفسيه ينعاد عليكم بالصحه والعافيه

سمانه _

بيوم اني نايمه بحضن امي وهيَ تلعب بشعري تحجي وياي بهدوء. خدر مكان لمساتهه وبلشت اغفى محسيت بنفسي من نمت بحضنهه حركتني واني بحلاة نومي رفعتني من حضنهه حسيتهه خلتلي مخده جوه راسي وجابت عبايتهه يمي خاف ابرد سحبتهه تغطيت بعبايتهه ونمت براحه وره شوية حسيت بيهه تكعدني وتهز بجسمي فزيت مرعوبة من هزتهه لجسمي بعدني محاجيه رأساً تلكتني بالكلام

- سمانه تعالي شسوي هسه اني خلصيني حسام هنا وابوج مموجود

فتحت عيوني مفزوعه عبالك رشت عليه مي بارد بعز الشته نترت :- شيسوي جاي وليش تدخلينه

- مردته يفوت بس هوَ ظل يلح قابل اطرده

- عوفيه يمل ويروح

- هوَ صارله هواي كاعد يحاول ويايه اجي اصيحج واني مااقبل بس شيب راسي ومليت كلت اجي اكلج واخلص ابرأ ذمتي

زفرت انفاسي بغضب وهمس اطلب الصبر :- استغفر الله ربي

- يكول عندي كلمتين مااطول

- كليله ماعدهه حجي وياك يجي ابوهه واحجي وياه

- تمام رايحه اكله

راحت ورة شوية رجعت عصبيه وتفور من الغضب اجتي يمي صاحت :

- هذا الكاع متجرعه صار ساعه احجي وياه مياخذ كلامي تكومين لو اقسمله تره بزعت روحييي

كمت للغرفة عدلت نفسي صفنت على وجهي بالمراية وضحكت بإستهزاء شأعدل بوجهي وهوَ صاير خريطه !

طلعت للصاله الي كاعد بيهه اول مدخلت هوَ كاعد ع التخم قريب ع الباب اني وكفت يم باب المطبخ الثاني بالجهه البعيده كتفت ايديه لصدري ولبست قناع البرود وعدم الخوف واني واكفه اهز بكف رجلي بلا وعي احركهه من كثرة التوتر وافرغ بيها غضبي لان مطايقه اشوفه وكارهته كره الاعمى.
بدون سلام نترت :- تفضل شرايد، امي كالت طالبني

من دخلت وهوَ صافن بوجهي وملامح وجهه هبطت بصدمه بلع ريكه من شاف نقوش مسمارية قديمه مرسومه بتفنن على وجهي خله وجهي لوح وظل يرسم عليه بآثار تعذيبه بالشكل الي يعجبه وهسه متفاجئ !! وعلى شنو يتفاجئ شيتوقع مثلاً وجهي يورد لو يسويلي فلر خدود طبيعي بضربه إلي ! رفعت حاجبي وابتسمت بإستهزاء كتله :