نوائب الدهر

17

الـسـلامُ عـلـيـكـم 🌻🌼

نوائب الدهر
عبرات_العباديه
الــبــارت_17_
                           alabadyia_09

ومثل كل يوم ارد تعـبان
واشمر روحي بفـراشـي
ويلوليلي التعب واغفـى
ومثل كل يوم واكول الدنيا ماتسوة
~~~~~~~~~~~~~~~~~~~~~~~~~~~~~~~~

سمانه _ جسمي كله ظل يرجف وهنه مقيداتني مااكدر احرك لاايد ولا رجل لزمنّي البنات .. وعمتي كامت تصم ايدهه قوي وتضربني بوكس ببطني متت وجع بطني صارت مغص وتأذيني منا مماكله شي ومنا دارت عليه بوكسات ظليت اتوسللهه واعيط

- بروووح عمو عوفيني والله مكلتت شييي

صاحت على بناتهه

- لجن اكتلن وياي بيهه

ظلن وحده تعضني من زندي ووحده تملش بشعري ووحده تضربني راشديات انتهيت بين ايديهن ظليت اسحب انفاسي ببطئ وعيوني غوشت الوجع صعد لراسي وصدع افترت بيه الدنيا ووكعت بين ايديهن ..افتح عيوني ويرجعن يغمضن سمعت صوت ضي نزلت ع الدرج ظلت تصرخ بعلو صوتهه وفتحت ايديهه وصريخهه واصل للضالين

- عززه سمااانه .. يبووو كتلنهه لك ادم ازهرر وينك تعالو شوفو اخواتكم

ركضت عليه سحبتني من بين ايديهن واخذتني بحضنهه حطت راسي على رجليهه وظلت تهز بيه وتصيح

- سمااانه فدوه اروحلج اكعدي سمااانه تسمعييينيي ادددم وينك تعال شوووف

ادم.. اجيت اجيت
شفت المنظر انرعبت التفتت عليهن واكفات يباوعن بكل صلافه صحت بعلو صوتي

- هاي شمسويات بالبنت ادبسزيات متستحن

ركضت عليهن ودگ كتل وين التوجعك ووين التخليك

ضي _ ظليت اصرخ واخبص بآدم التفت ناحيته واصرخ آدم البنت مااتت .. هوَ يتخبل من يسمعني لزمهن كطعهن تكطع وكلما يستراح ويتعب ارجع اصرخ وهوَ يكوم يكتل

خليته يجنزهن وهنه مقصرن بالعياط ركضت غفران من بين ايديه جرت سمانه من شعرهه واني تخبلت حطيتهه بالكاع وكمت عليهه فرستهه كدام اخوانهه جريتهه من شعرهه حيل ومسحت بيهه الارضيه سويتهه وصلة مسح حتى الوصله متتشرف امثلهه بهاي الوصخه

سمعت صوت آدم كال

- هاي اجه حسام هوَ يتصرف

دخل حسام لازم علاكة شفافه بإيده ويمشي فات للصاله شاف المناظر الخلابه ظل وجهه باهت وصار اصفر اني شفته عيونه تدور وحايره صافن شصاير وكعت العلاكه من ايده مصدوم وبلع ريكه بخوف  ظليت ادك على افخاذي واصيح

- يبووو عليك يحسام ماتت مرتك كتلنهه خواتك راحت البنيه

همس وصوته تشحط

- هاي شكو شصاير

- داكولك ماتتتت سماانه مااتت

وكع بالكاع على ركبه تقرب يم سمانه خضهه وظل يكعد بيهه مكعدت. وكف على حيله وعيونه اشتعلت بنار الغضب نزع حزامه والتفت عليهن توجه على غفران خله الحزام يلعب على ظهرهه توكي .. وهبه شعانينهه وكفن چنهه بزونه مخنوكه .. سمانه بحضني نسيتهه ومستمتعه بمناظرهن