Academia: Hidden Powers

EPILOGUE

Masayang nagdiriwang ang lahat dahil sa isang napakalaking paghahanda na ngayon lang nila iaanunsiyo para sa mga mamamayan ng Natharia, Westheria, Eastheria at Satharia.

Ang pagkakaisa ng apat na isla ang siyang nagbigay galak sa bawat mamamayan hindi dahil sa magkakaroon na ng ugnayan ang mga mamamayan sa transaksiyon, kundi galak dahil sa wakas ay magkakaroon na sila ng kapayapaan. Sampong taon mula no'ng ideklara ang pagkakaisa ng mga isla, sampong taon mula no'ng mamatay ang problema at nawasak ang kadiliman na ginawa ng isang kasinungalingan.

"It's been years, ngayon lang nila inanunsiyo?" Sabi ng isa sa mga mamamayan.

"Pinaghandaan daw talaga ang event na ito, usap-usapan ay ipapakilala ang apat na Reyna at apat na Hari sa bawat isla." Agad naman nanlaki ang sinabihan nito na para bang na-excite dahil sa wakas maipapakilala na ang mga bagong Reyna at Hari ng mga isla.

Ang Natharia at Satharia na may limang kaharian ay pinag-isa, Westheria gano'n din ang Eastheria ay mas lalong pinalawak. Pagkatapos mamatay ng mga Hari sa Natharia, bumitiw na din sa kani-kanilang mga posisyon ang mga Reyna. Sapagkat ang Satharia naman ay nagbigay daan sa bagong Hari at Reyna dahil sa respeto nito sa mga nagligtas sa kanila sa kasamaan at kadiliman.

"Paano na ang mga Prinsesa at Prinsipe sa Satharia? They give in?"

"Ginawa silang Apostoles ng magiging kaisa-isang prinsesa ng Satharia na tinanggap naman ng mga ito bilang isang karangalan. Kilala naman daw nila ang Reyna at Hari na siyang nirerespeto din nila."

Usap-usapan na sa buong mamamayan ang mga bagong proyekto ng mga Reyna at Hari. Magpapagawa ng eskwelahan sa Eastheria at mas lalong palalakihin ang nasa Westheria. Binago din ang Natharia Academia at ibinilin sa lahat na ang bawat malalaking pintuan ng mga Academia ay siyang dapat ng buksan, pagpapakita ng pagkakaisa.

Nasa Cluestia ang lahat ng mga mamamayan na Specialist, ang isla na nasa gitna sa pagitan ng apat na isla na minamahal ng bawat isa. Ang Cluestia ay isang isla na matagal ng hindi naalagaan pero ngayon ay binigyan ng importansiya, limang taon ang nakakalipas ng bahayan na ito ng mga sariwang hayop at mga mamamayan. Dito sila nagtipon-tipon para sa pagdiriwang.

Agad napalingon ang lahat ng mga mamamayan sa kalangitan dahil sa trumpeta na pinapatugtog ngayon ni Sotana, sa bawat pagtugtog niya nito ay naalala niya ang namayapang nobyo na si Devos na isa lang palang ilusyon pero kinalimutan niya na ito at namuhay na masaya kasama ang bagong asawa. Natigil ang bawat isa sa pag-uusap at sa mga ginagawa nila dahil sa walong lumilipad na kabayo sakay ang mga Reyna at Hari nito.

Agad nagsiluhuran ang mga mamamayan at agad naman tumikhim ang lalaking may hawak ngayon ng mikropono na si Yvino, ang prinsipe ng Satharia Ice Kingdom noon.

"Ating bigyang palakpakan at respeto ang ating mga bagong Reyna at Hari na siyang magbibigay segyuridad at kapayapaan sa ating tinitirhang mundo. Ating bigyang importansiya ang pagbaba ng bagong Reyna at Hari ng Isla Satharia. Queen Genesis and King Olcor!"

Sa isip-isipan ni Genesis, masaya na siguro si Dracunox sa narating nito kasama ang bagong asawa na si Olcor na ngayo'y nakatingin lang sa kaniyang asawa. Olcor on the other side, akala niya imposibleng magkasila ni Genesis dahil magpinsan lang sila pero ipinasa pala kay Avanza ang pagbubuntis ng tunay niyang ina na hindi nalaman ni Aragaduos. A traditional casted spell from dragons, kaya posibleng ibang babae ang magbubuntis sa anak ng gustong magpaubaya.

"Ang pagbaba ng bagong Reyna at Hari ng Isla Westheria, Queen Satanina at King Specter."

Hindi malaman ni Satanina ang buong kasiyahan na nararamdaman niya ngayon, masaya siya para kay Genesis at kay Menesis lalong-lalo na din kay Specter na nakalimutan na ang sakit na nararamdaman sa kaniyang kambal na si Spencer. Hindi pa nakakapag-asawa si Specter kaya si Satanina lang muna ang Reyna pero handa naman itong magpaubaya kapag dumating na ang tamang oras para sa bagong Reyna ng Westheria.