#الحقيني ياماسه ناصر عرف ان ابوه عايش ووومش عارفه اعمل ايييه
تطلعت ماسه الي فيروز الباكيه بانهيار وليث الذي يربت علي كتفها ويحاول تهدئتها
ماسه #اهدي يافيروز انا كده كده كنت هقوله لان عدي عارف ان عنده ولد
حدق بها الاثنان باستغراب ليقول ليث
#عارف منين
ماسه #معرفش بس تقريبا كده فاكر انه هيلوي دراعي بيه
تقدمت نحوها فيروز لتقول باختناق
#والله انا كنت بتكلم مع ليث وهو اللي اتصنت انا مكنتش
قاطعتها بهدوء #ممكن تهدي شويه محصلش حاجه عشان ده كله هو فين
ليث #في اوضته ماسه انا عاوز اتكلم معاكي شويه تعالي في المكتب
تحركت خلف ليث ليغلق الاخير الباب ويقول
#ماسه انا عاوز اكلمك بخصوص ناصر ،،، ناصر محتاج لماسه الام ،،اللي مشفهاش ولامره ،،،،،انا فاهم كويس اوي انك مش عارفه تتقبلي دا بس ناصر فعلا بدا يفلت من تحت ايدينا محدش عارف يسيطر عليه ،،معظم تصرفاته بقت غلط ،،، ناصر حاسس بالنقص وحاسس انه ديما مضطهد انتي فهماني
هزت راسها موافقه #فهماك ياليث انا عارفه اني مأثره في حقه ،،،،،صدقني بحاول اقرب منه بس مش عارفه الطريقه
#خديه في حضنك حسسيه انك بتحبيه ناصر مجرد طفل
#حاضر ياليث
#عاوز اعرف ايه حكايه عدي
عقدت ذراعيها وقالت #انت عارف ان احنا بنشتغل في نفس المجال ،،، اخدت منه كام شركه نقلت تعاملاتها عندي بس فهد قلي بلاش انتقام وانا سمعت كلامه ،،،،بس الاستاذ بقي مش عاوز يسيبني في حالي
#طب انتي عرفتي ازاي انه عرف بموضوع ناصر
#كلمه رماها ،،،، فهمت منها انه عارف قلي احنا بينا تالت
ليث بتحذير #ماسه بلاش تحطي الولد في الحرب بينك وبين ابوه ،،، هو مش ناقص عقد دا مجرد طفل ملوش اي ذنب في حاجه
تنهدت بقوه #عارفه ياليث
#طب انتي هتقوليله ازاي علي موضوع ابوه ده
اشاحت بيدها #مش عارفه
خرجت من المكتب لتصعد للاعلي حيث غرفه طفلها زفرت بقوه وترجلت للداخل لتري ناصر يجلس علي فراشه يحتضن ساقيه ويدفن راسه بينهما اقتربت حتي جلست امامه
#ممكن افهم انت قاعد كده ليه
رفع وجهه لتري دموعه الجاريه
#بابا عايش وانتي مش عاوزاني اشوفه مش كده
زفرت بقوه ،#اسمع ياناصر انت معنتش عيل صغير انت دلوقتي كبير وراجل ،،،،،انا اتجوزت ابوك فتره صغيره جدا وانفصلنا ،،، كنت وقتها لسه بيبي في بطني ،،، بعد مااولدتك تعبت جدا ودخلت المستشفي وقت كبير اوووي ،
قاطعها بحيره#طب وبابا مش سأل عليا خالص
#لاء ،،، معرفش كان يعرف او ميعرفش لكن هو مسألش ،،،وجودنا هنا في بيت الحداد يمكن خلاك تتعلق اكتر بخالتك وتيته عشان هما اللي قاعدين معاك طول الوقت
#بس انتي مش بتحبيني
جمله من طفل في الخامسه عشر من عمره شعرتها كخنجر مسموم ينشر الموت بعروقها
#لاء دا مش حقيقي ،،، انت ابني ،،، يعني حته مني ياناصر ،،، انا ملييش غيرك ،،، يمكن مش بعرف اتكلم ،، يمكن مش
الام الخارقه زي خالتك بس بحبك جدا جدا
عد علي اصابعه #بس انتي ديما بتشخطي فيا ومش بتتكلمي معايا
قاطعته #عارفه ان انا اثرت في حقك ،،، سامحني بس اوعدك من النهارده هسأل علي طول ماشي وانت كمان تسال ،،،
#طب وبابا
#عاوز تشوفه انا معنديش مانع ولو عاوز تروحله كمان انا معنديش مانع ،،بس هو معندوش حد يهتم بيك
قال باحباط #هو كمان مش هيهتم
حظك سيء يافتي ولدت لاسوء اب وام في التاريخ شعرت بوخزه بقلبها فهي تعلم تماما انها المتسببه فيما وصل اليه ولكن من جهه اخري عدي الحقير لن تجعله ينتصر زفرت بقوه
#اسمع بقي انا مش بعرف افهمك اللي انت بتفكر فيه قوله وانا هسمعك
قال بحذر# بس انتي بتشخطي فيا وبتضربيني
الفتي لديه مخزون سيء وهو محق بالكليه
#لاء مش هضربك ومش هشخط فيك بس بلاش عند ماشي ،،، شوف احنا نبقي اصحاب
# هو انتي ليه مش بتخرجي معايا وتفسحيني زي خالتو
#عشان خالتو قاعده في البيت بس انا بشتغل ،،،،،كل يوم اجازه هاخدك ونخرج بس بشرط ،،،تذاكر كويس
#بس انا مش بحب المذاكره ،،،، انا بحب العب علي الفون عمو مأمون جاب لاسر فون حلو اوي وهو مش بيرضي يخليني امسكه وحنين الرخمه كمان معاها فون حلو
قالت بضجر #هجبلك فون ماشي عاوز ايه تاني ياناصر هات من الاخر عشان انا بدات ازهق
#عاوز اروح الملاهي وووانام في حضنك ووووتذاكري معايا ووو
قاطعته # ايه يابني انت ماصدقت ايه الاستغلال ده
هز كتفيه #فرصه وانتي مش متنرفزه
ضحكه حقيقيه خرجت من قلبها استغربتها بشده او نسيت كيف تكون ليشاركها الفتي الضحك هب واقفا ليقول بتاكيد
#استغلال بقي هلبس ونروح النادي ،،، هو انا هشوف بابا امتي
ابتلعت ضحكاتها لتغرق مره اخري بواقعها المرير
#البس وهتصل بيه اجيبهولك في النادى تمام كده
قبله منفعله علي خدها لتضم الفتي لذراعيها للمره الاولي فتي حرمته من الحنان وحرمت نفسها من نعمه وجوده في حياتها ،،،، للمره الاولي تري ان هذا الصغير امتداد لما كانت عليه ماسه في السابق ،،،، الفتي يشبهها في كل شيء تقريبا لايحمل شيء من ملامح الحقير ،،،،، حتي بطباعه المجنونه ولكن هي كان لديها ابيها يحتوي كل شيء وهي تركته يتخبط في كل شيء ،،،،،
❤❤❤❤الحمد لله ❤❤❤❤❤❤❤❤
