اغلق نديم باب المكتب ليقف بوجه اخاه كان يتوقع هذا بالتاكيد ويعلم ان وجود الطفل هو ما اجل هذه المواجهه نديم
#انا مش هعاتب في اللي فات عشان يوم ماعتبتك في اللي عملته سيبت البيت عشرين سنه ،،،، بس اللي فات كوووم والواد اللي بره ده كوم تاني ،،،لما قريت خبر جوازك في الجرنال من اكتر من خمستاشر سنه قلت هتتعدل بس مفيش حاجه في عدي اتغيرت ،،،، سكه الضياع اللي انت ماشي فيها دي وصلتك لايه ،،،، عندك طفل عنده خمستاشر سنه ذنبه الوحيد في الدنيا انك ابوه ،،،، عيل فاقد الحب والاهتمام عاوز توصله انه يبقي زيك ياعدي بتاع خمره وكاس ونسوان هو ده اللي انت عاوزه
قال بضيق،#خلصت بستفه ولاالدرس لسه فيه كتير
قال بحنق #انت ليه شيفها بستفه ،،،، ليه مش شايفها انك اخويا الوحيد وانا خايف عليك ،،،، مش عجبني حالك انا مش فاهم انت بتفكر ازاي واخره تفكيرك ياعاقل هتوديك لفين ،،،،
اشاح بيده #توديني مطرح ماتوديني دي حياتي وانا حر فيها
قاطعه بغضب #تاني نفس الكلام اللي قلته من عشرين سنه ،،،مفيش اي حاجه اتغيرت ،،،، اسمع بقي انا لحد دلوقتي معرفش انت اتجوزت بنت الحداد ازاي وعقلها كان فين بس الواقع بيقول ان الولد اللي بره ده بن السعدي وانا مش هسيبه يضيع زي ماانت ضعت
عقد ذراعيه وقال بترقب
#وانت تعرف بنت الحداد منين
زفر بضجر #اوووف افتكر شركتها مش صغيره واللي اعرفه انها بتحاربك في السوق ،،،،
ضيق عدي عيناه #تعرف ايه عنها يعني
عقد ذراعيه وقال بغيض
# اعرف انها ست محترمه سمعتها زي الدهب في السوق ،،، عملت شركه وسمعت في كام سنه وانت بقي ايه ،،، شركتك بتقع ولولا الكام فوج اللي بعتهملك كان زمانك اعلنت افلاسك من كام شهر
اشاح بيده #والله مطلبتش منك تساعدني
نديم بتاكيد #مطلبتش اه ،،،، بس انت اخويا الوحيد ياعدي ،،،، حاول تفهم اننا ملناش الابعض ،،،ولو معرفتش الحقك انت مش هسيب الواد اللي هيشيل اسم السعدي يضيع هو كمان
ابتسم بسخريه # يشيل اسم السعدي ،،،،،ليه هو انت اترهبنت خلاص ،،، ولاالنسوان خلصت من الدنيا بعد مامراتك ماتت
#عدي
تلاقت العيون للحظات ،،،عين الفهد خاصته تلمع بوميض غاضب ،،،دوما ماكان يهابه ومازال يحمل بداخله نفس الشعور ،،،، بلع ريقه بصعوبه
#مقصدش يانديم
زفر نديم بقوه # انا عارف ومتاكد زي مانا شيفك قدامي دلوقتي انك مأجتش هنا الالما ادبست في الواد ده ومعرفتش تتصرف ،،، متنحش كده انا عارفك كويس اوي ،،،، انت جبته هنا عشان مقدرتش توديه بيتك ،،،،،، عشان ميشوفش ابوه المدمن الخمورجي بتاع النسوان ،،،،، بس طبعا عملت كده عشان متشمتش فيك بنت الحداد ،،،، عشان هي كمان اكيد سبته معاك عشان كده ،،،،تهد صورتك في عنيه
اللعنه ماسه يبدو ان نديم محق بالكليه ،،، فهذا يفسر لمعه الانتصار بعيناها ،،،، جلس علي الاريكه خلفه واللقاء من بدايته يعاد امام عيناه
#لاء متقلش انك مش فاهم دماغ مراتك
#طليقتي يانديم انا اتجوزت ماسه وطلقتها بعد ساعه
حدقه بصدمه
#انت بتقول ايه يعني الواد ده
قاطعه #ابني يانديم
جلس بجواره وقال بجديه
#ابنك ازاي انت مش بتقول اتجوزتها ساعه ،،، ولااتجوزتها عشان تصلح غلطتك
اشعل لفافه ونفث دخانها في الهواء
#حاجه زي كده
قال بغيض #وانت عرفت ازاي انه ابنك
نفث دخان لفافته
#عشان هي مش كده ،،،، انا اللي استغلتها ،،،، ابوها كان لسه ميت هربت بالخمره ،،، شربتها لحد مافقدت الوعي تقريبا
قال بغضب #يعني استغليت لحظه ضعف لوحده والنتيجه طفل ،،،،
اشاح بيده #انا اتجوزتها ومعرفش انها حامل من اصله معرفتش الامن خمس سنين بس ،،،، شوفت الولد صدفه
عقد ذراعيه #وياتري بقي عندك كام واحد غيره ماانت كل يوم مع واحده شكل
قال بحده#لاء ماسه غير ،،، انا عمري ماقبلت واحده زيها
حدق نديم بوجهه ليقول باستغراب #طب لما انت بتحبها طلقتها ليه
قال بعصبيه #انا مش بحبها انا نفسي اكسرها ،،،،اجيب منخرها الارض
قال بحنق #هو انت كل ده لسه مكسرتهاش
اشاح بيده #اكسر مين ماسه الحداد دي واحده مش من لحم ودم زي البني ادمين ،،،دي واحده من فولاذ صلب ،،، انا في حياتي مشفوتش جبروت بالشكل ده خمستاشر سنه ،،ولسه زي ماهي ،،،، اللي شفتها النهارده هي ماسه اسم علي مسمي مستحيل تتكسر ،،،كنت فاكر لما اضغط عليها بالولد هشوف لحظه ضعف في عنيها ،،،،بس ولاالهوا ،،،،، لبستني في الحيطه
نديم بحيره#انا مش فاهمك ازاي واثق فيها اووي كده وفي نفس الوقت عاوز تكسرها ،،،،
تنهد عدي ليقول
#عارف واثق فيها ليه ،،،، عشان هي دي ماسه الحداد ،،،عارف المثل اللي بيقول ياجبل مايهزك ريح ،،، اهي دي ،،،،، اول انثي تخليني احترمها غصب عني ،،، هي الوحيده اللي عرفت تعلم عليا ،،،ولسه بتعلم ،،، عارف يوم ماشوفتها في المؤتمر كانت عيني في عينها كنت متخيل انها هتتجاهل وجودي هتسيب المؤتمر وتمشي او حتي هشوف في عنيها نظره اي حاجه عتاب غضب ،،،،، اي رد فعل ولااي حاجه سلمت عليا بكل برود ومدير الغرفه بيعرفها عليا قالتله غني عن التعريف طبعا دا طليقي عارف حسيت ان حد كب عليا ميه متلجه ،،،تخيل انا اللي حطيت وشي في الارض ،،،من كتر غيضي قلت الوي درعاها بالولد فهمتها ان انا عارف بوجوده ،،،، يومين واتلقيت الرد اتصلت بيا لاول مره وطلبت تقبلني في النادي رحت لقيتها بتعرفني علي الولد ،،،، بتقولي اضرب دماغك في الحيطه واعلي مافي خيلك اركبه مش انا اللي يتلوي دراعي بحاجه ،،، حبيت اكسرها وقلت هخده قالتلي اتفضل بكل برود وسبتني مع الولد ومشت دي حتي ملفتش تودعه
نديم بتاكيد #اسمع تحبها تكسرها انت حر بس الواد ده ملوش ذنب ،،،، في الاول لازم نتاكد ان ثقتك في محلها وانه ابنك فعلا انا هعمله تحليل بكره الصبح والولد هيفضل معانا كام يوم زي ماانت قلتلها
قال بحيره #بس انا مش عارف اتعامل معاه فعلا
ربت علي كتفه #لو انت حاسس انه ابنك فعلا هتعرف ياعدي ،،،، عدي فووووق بقي مش عشان نفسك عشان الولد اللي بره ده محتاج يكون في اب في حياته
زفر بقوه #هحاول
همهم نديم بيأس #اتمني ياعدي
❤❤❤❤❤استغفر الله ❤❤❤❤❤❤
