ليث #يامامون افهم فهد اللهم بارك عنده اربع ولاد والخامس جاي في السكه الشقه اللي واخدها اه كبيره بس ضاقت علي العيال فهد محتاج ينقل في مكان اوسع
مأمون #طيب مانا لمحت للحكايه دي ،،، بس حسيته ملوش مزاج للحكايه
ليث بغيض #مأمون فتح مخك الله يخليك ،،،، فهد صرف تقريبا معظم فلوسه علي علاج اسلام ،،،، دا غير جلسات التخاطب اللي بيرحها تلت مرات في الاسبوع ،،، دا غير ان فهد مصاريفه كتير
فرك ذقنه #طيب والحل نعرض عليه فلوس
ليث #انت اهبل ،،،، هو احنا لوعرضنا فلوس هيرضي يخدها
مأمون بضجر #طب ماتقول اللي في دماغك وخلص
ليث # هنشتريله الفيلا باسمه
#طب ماهو مش هياخدها
ليث بتاكيد #لاء هياخدها اسمع بقي فهد هو اللي اداني فلوس سفري المانيا لما عمك رفض وادلك بدايه رأس مالك في الشركه ،،،، يعني تقريبا اللي احنا فيه دا كله بفضله ،،،،
مأمون #طب شوف في حكايه كده انا عملتها لما جيت افتح الشركه ومكنتش هقول عليها اصلا ،،،،
قطب #حكايه ايه
#انا لما فتحت الشركه اخدت ميراثي من بابا وفهد كملي المبلغ اللي فهد حطه انا كتبت بأسمه عشرين في الميه من اسهم الشركه ،،،، والارباح عملت بيها وديعه باسمه في البنك وكل سنه بحط عليها نسبته
ليث بحماس #انت هايل يامأمون طب مقلتش ليه الحكايه دي قبل كده
#عشان عارف انه مستحيل كان هيوافق ياخدهم وعشان شغله فهد مينفعش يشتغل تجاره وهو في وظيفته ،،،انا عملت الحكايه دي في السر ،،، وقتها قلت يمكن يطلع فيه علاج لحالته ووقتها هيبقي محتاج فلوس كتير ،،، دي كانت نيتي وقتها ففكرت ان الفلوس دي ممكن تساعده بس ربنا جعل الشفا علي ايد فرحه ،،،، كتبت وصيه ان الوديعه توصله بعد مااموت عشان ميرفضش
#كده تمام اوي ،،،، اتصل بالمحاسب هات الاوراق ونفوت علي فهد نحكيله الحكايه دي
مامون بقلق #بس هيزعل دا مش بعيد يقاطعني
ليث #لاء مش هيزعل دي فلوسه وانت استثمرتهاله يعني متجاره
رفع مامون الهاتف
#جومانه هتيلي ملف فهد من الخزنه
اغلق الخط ليتسال ليث #هي جومانه عارفه
#هو في حاجه في الشغل جومانه متعرفهاش ،،، تعرف انها قلتلي عرف فهد بالشركه دي بس انا برضه اترددت
ليث بغيض#انت ليه محسسني انك عامل عمله وخايف تتكشف
زفر مامون بقوه وقال بضيق #عشان انا عارف دماغ أخوك ،،،،فهد قاطعني مره شهر بحاله ايام عمليه اسلام عشان فكرت بس ادفع حساب المستشفي
ربت علي كتفه #تختلف يامامون ،،،انا لما فكرت نتشارك ونجيبله الفيلا يمكن كان هيزعل بس كان هيقدر ان احنا بنفكر فيه ،،،،، بس انت بقي حلتها بذكاء بالحكايه دي
قطع حديثهما وصول جومانه وهي تحمل ملف كبير لتضعه امام مامون علي المكتب
#اخيرا اقتنعت
مامون بقلق #والله اللي خايف منه رد فعله مش عارف ليث ماله مرتاح اوي كده
جومانه # عشان انت بترجعله حقه مش بتساعده
صفق ليث بحماس #الله علي جمالك ياجومانه استاذه يابنتي
مأمون بغيض #لاحظ انك بتعاكس مراتي وانا قاعد
ليث ضاحكا #المره الجايه هعكسها من وراك
هب مامون واقفا ليدفعه امامه
#عدي قدامي قال اعاكسها قال ،،،،
ليث ضاحكا #طب هات الملف ياشملول
مامون بغيض #غور استناني تحت وانا هجيبه واجي
تحرك ليث للخارج ليطالع جومانه الضاحكه بغيض
#مبسوطه جنابك
تعلقت بعنقه #جدا ،،، لسه بتغير عليا يامامون
ضم خصرها اليه ليهمس
#وهفضل لحد ماموت
#بعد الشر عنك
لمس شفتيها الكرزيه وهمس #طب ايه بقي بعد الكلمتين الحلوين دول مفيش حاجه حلوه
حدقت بوجهه #مأمون بطل جنان احنا في الشركه وليث مستنيك تحت
زفر بقوه ليلثم شفتيها ويهمس
#ماشي بس اعملي حسابك النهارده بتاعي انا وبس
#بحبك
قال بغيض #اوووف بقي
دفعته برفق #يلا يامامون ليث مستنيك
حمل الملف لينطلق الي الخارج وهو يهمهم لتنفجر هي ضاحكه علي تذمره الطفولي مامون سيظل مهما طال العمر الطفل المشاغب الذي عشقته
❤❤❤❤❤صلي على محمد ❤❤❤
