فتح الباب ليترجل للبيت ،،، يوم مرهق لحد الاعياء ،،،قابله الظلام الدامس لعل التيار مقطوع اللعنه اين هم للحظه شعر بالرعب ان يكون نالهم سوء لقد ابتعد عن اداره المخدرات لرعبه عليهم ،،،،كاد ان يضيء هاتفه ولكن الصاله اضيئت
#كل سنه وانت طييييب
اولاده الاربعه حتي اصغرهم نور تعلقو به ضمهم جميعا اليه ليقول ادم
#كل سنه وانت معانا ياحبيبي
فهد باسما #بكااااش كبير
جلس احمد بجواره ليقول #صح يابابا ادم ده اصلا وحش كل سنه وانت طيب بتاعتي احلي صح
قفزت نور الصغيره لتستقر علي ساقه
#لاء طبعا بتاعتي احلي صح يافهودي
فهد بحنق#فهودي هي حصلت
نسخه فرحه الصغيره في كل شيء ،،، مشاكسه عنيده تخرج ضحكته من قلبه بالاضافه لانها انثي بين ثلاث ذكور هي اصغرهم حقا ولكن تشبعت منهم بما يكفي
انفجر ضاحكا لينظر الي اسلام الواقف بعيد هذا الفتي دوما يكسر مابداخله ،،،، الفتي الاصم ،،،، الفتي ولد بعيب خلقي احتاج لعمليه زرع قوقعه ،،،وللاسف فشلت يعيش حياته بسماعه اذن ابتلاء من الله وهو دوما من الصابرين ،،،، فرحه لم تقصر للحظه مع الفتي ،،،بالعكس عاملته علي انه طبيعي ورغم هذا الفتي بالفعل هاديء اكثر مما يجب ابتسم ليفتح ذراعيه له
#تعالي يااسلام
ايقن من عيناه الدامعه انه لايرتدي سماعته ليوضح ادم
#اسلام كانت دماغه بتوجعه وودنه متعوره فماما شالتله السماعه
تحرك ليقف امام اخيه ويبدا يحرك يديه لغه الاشاره لغه التواصل مع الصغير الصامت ،،،، تحرك بيد اخيه ليقف امامه ربت علي خده ليرسم بيده علامه قلب
فهد #انا بحبك اووي
اشار الفتي اليه ليضمه فهد بين ذراعيه
#امكوا فين
#مهو من لقي احبابه لسه فاكر تسال
رفع عيناه ليفترس الجميله داخل ثوب ناعم من الستان اللامع بلون احمر مثير حمالات رقيقه والجميله بدلت لون شعرها ،،،،باحمر ناري ،،، متوهجه ناريه وهو اصابه الخرس انزل نور ليتحرك مأسور بسحرها المشتعل حتي وقف امامها يبعد خصلتها العنيده التي تصر دوما علي تشتيته لترتفع الجميله وتطبع قبله علي خده
#كل سنه وانت في وسطنا عايشين في خيرك وبتضلل علينا تعالي بقي انا عملالك حته توته لوحدك محدش من الغجر دول هياكل منها
بدا الجميع بالتزمر اولاده جمعيهم يعشقون الحلوي مثله. ،،، لكنه حاليا يريد فقط الاختلاء بذات الرداء الاحمر التي رفعت حرارته للمائه المئويه ،،، شموع وهدايا الصغار حب وموده ودفيء ،،،، برغم الصعوبات التي يواجهوها الاان فرحه دوما هي التي تشيد الحياه وتبنيها حوله صغاره انقضوا علي الكعكه ولم يناله منه شيء لتعلن الجميله
#يلا مش كلتو التورته كله يغسل سنانه وعلي سريره يلا
صرفت الجميله اولاده لتمسك يده وتتحرك ناحيه الغرفه ليقول بغيض
#عيالك انقضوا علي التورته داانا ملحقتش ادوق حتي
ادخلته الغرفه لتشير الي الطاوله
#يافهودي انا عملالك واحده ليك لوحدك
قبل خدها #انا بحبك اوووي
خلع سترته وجلس علي الطاوله ليتناول كعكته بنهم ،،،،
#ياسلام بحبك اوي عشان التورته مش كده
ابتسم ليمرر عيناه عليها
#لاء اكل التورته بدل مااكلك انتي ،،، غيرتي لون شعرك ليه
قالت بحنق #يعني اخدت بالك اوووي
جذبها لتسقط علي ساقه
#طبعا ،،بس اكيد مش هعلق قدام العيال ،،، وبعدين انا قلت كام مره مينفعش تعدي بحاجه مفتوحه كده قدام العيال
همست بنعومه #مهو طويل اهوه و
شفاه من الجحيم اتت فقط لتنشر حرائقها عنده ،،، ابتعد ليهمس
#ودرعاتك ورقبتك دول ايه وشعرك دا
قالت بحنق#يعني عاوزني اقعد بالاسدال يافهد
رفعها بين ذراعيه ليتحرك ناحيه الفراش
#ايوه انا لواطول اخبيكي بين ضلوعي هعملها ،،، انتي فرحتي انا وبس
اراحها برفق علي الفراش ليميل عليها فتهمس
#كل سنه وانا في حضنك
جنه باوراق وارفه كاد ان يغرق فيها لولا طرق الباب وصوت ادم الاحمق
#ماما بابا الحقوا اسلام
انتفض كلاهما ليسرع هو ناحيه الباب ويفتحه
#ماله اسلام ياادم
ادم #مش عارف بيترعش جامد اوووي
اسرع فهد وتبعته فرحه الي الغرفه ليروا الصغير وقف فهد مكانه وذكري الم يسكن جسده ويمزقه في صوره ولده الصغير المتشنج علي الفراش ،،، هل انتقلت لعنته للفتي الصغير قلبه يكاد ينفطر وهو عاجز ،،،هذا الشعور القميء الذي ظن انه انتهي ولكنه يظهر حي امامه في صوره تقلص جسد ولده استفاق علي صراخ فرحه
#دكتور يافهد ،،،، دكتور بسرعه
استعاد جزء من ثباته في لحظه
#لاء نوديه المستشفي الدكتور مش هيعرف يعمل حاجه
دقيقه واحده استكان جسد الصغير ليحمله بين ذراعيه وينطلق الي المشفي ،،،،دموع فرحه تقتله حرفيا وهو سابح داخل سرداب ذكريات عفنه ،،،،ذكريات اودت به للتألم طوال عمره حتي ظهرت هي ،،،،، الم جسده عاود في صوره ولده الصغير الاصم ،
#متأنبش نفسك انت ملكش ذنب
جمله من فرحته التي من المفترض ان يحتويها هو ،،،، هي من تربت علي جراحه وتداويها ليضمها بين ذراعيه لتهمس
#قول ياااارب
قال باختناق #ياااارب ملييش غيرك
ساعه كامله الاطباء مع الفتي بالداخل ،،، ساعه اطول من الدهر مكتمل ،،،،ساعه ارواحهم فقط معلقه بالباب
واخيرا خرج احدهم ليسرع اليه فهد
#طمني يادكتور ايه الحكايه بالظبط
الطبيب #الحاله دي اجتله قبل كده
فرحه #لاء دي اول مره
الطبيب # هو حاليا كويس ادناله حاجه هتمنع التشنجات دي بس لازم دكتور مخ واعصاب يشوفه ،،، هو مش بيسمع مش كده
فهد #ايوه مولود بعيب في الاذن وعملناله زراعه قوقعه بس للاسف فشلت
الطبيب #وارد جدا يكون اللي حصل ده نتيجه العمليه بس الاغلب هي كهربا زياده شويه ،،،، هنعمل رسم مخ وشويه اشعه
قاطعه فهد #احنا عملناله رنين ومسح ذري قبل العمليه لوعنده كهربا كانت ظهرت
الطبيب #مش شرط ،،، هو حاليا كويس وفاق بس بيعيط لانه مش عارف يتواصل مع حد فممكن تدخلوله
دخل كلاهما الغرفه لتسرع فرحه نحو الطفل الباكي وتضمه الي صدرها تربت علي شعره الاسود الناعم وتسيل دموعها و،،،،، فقط تسترجع ،،،،طفلته التي تعطيه دروس في الحياه في العشق في الثبات ،،، ان ترتكن لركن شديد ،،،،، ان تلتجيء لمن بيده كل شيء ،،،، علمته انه مهما طالت الظلمه هناك نور يسطع ،،،، انه عندما تغلق الدنيا الباب ،،،، اعلم ان الله لايغلق بابه في وجه احد ،،، تحرك ليجلس بجوار الفتي من الجانب الاخر ليترك الفتي حضن والدته ويبدا يحرك يديه باللغه التي اتقنها الجميع ،،،لغه الاشاره ،،، الطفل خائف يشعر بالم في جسده كله ،،،، يريد الذهاب للبيت ضمه بين ذراعيه وطبع قبله علي جبينه ليطمئنه
فرحه #فهد روح انت عشان العيال وانا هبيت معاه النهارده ،،،، الدكتور هيخرجه الصبح ،،، انت وشك تعبان اوي ومحتاج تنام ،،،ناملك ساعتين والصبح ودي العيال عند فيروز هي هتعرف تتصرف معاهم
ربت علي كتفها #انام ايه بس ،،، انا موجوع اووي يافرحه
اراح الصغير الذي نام باحضانه علي الفراش لتقول بجديه
#اسمع يافهد اللي كان عندك غير اللي عند اسلام ،،،، انت ملكش دعوه دا ابتلاء من عند ربنا عاوز يشوف قوه ايمانا ،،،، اطلب الصبر واللطف ،،،، ربنا رحيم اووي
تنهد بقوه #ديما كلامك بيشيل وجعي
#انا هبقي محتجالك معايا عشان اعمله الاشعه بكره
#اكيد مش هسيبك لوحدك
ربتت علي كتفه #مقصدش كده انا بس بفكرك تتصل بالشغل عشان عارفه انك هتنسي
هز راسه موافقا طوال الطريق والالم يجثو علي صدره
عندما يكون لديك طفل عليل تشعر ان المرض يقطع بك ،،،، منذ ولاده اسلام وهو يشعر انه حمل لعنته ،،،لانه يحمل دمائه الملوثه بعمل شيطاني ،،، جمله واحده فقط طمأنته قليلا قالتها فرحه
#فهد الولد تعبان عنده مرض عضوي يعني انت ملكش دعوه
عرفت وحدها المه لتؤازره واليوم قالت نفس الكلمات فرحه لاتريده ان يحمل الذنب ،،،، ولكن هو نفسه لايستطيع ان يعفي نفسه من ذنب ملعون القي علي والدته ليس له اي ذنب ليحمله هو
٠💙💙💙💙💙يالطيف اللطف يارب 💙💙💙
