# بنوته وولد زي القمر
نديم بانفعال #المهم هي كويسه يادكتور
#الحمد لله عدت هي حاليا بتفوق من البنج وممكن تشوفها كمان شويه
فهد #الف مبروك يانديم
سجد نديم بالارض ليرتفع واقفا #الحمد لله انت مش متخيل فتره الحمل دي انا قضتها ازاي
ربت ليث علي كتفه #كلنا كنا بندعيلها الحمد لله والف مبروك
مامون #ماشاء الله حلوين اوووي مبروك يانديم
تطلع نديم للاطفال الذي يحملهم مامون وليث وقال باسما
#الحمد لله بس قلبي مش هيطمن الالما اشوفها
فهد #الدكتور طمنك متقلقش يلا اذن للعيال وقلهم اسمائهم دي سنه
ابتسم وهو يرفع احدهم
#ودا بقي الولد ولاالبنت
ليث #لاء واضح انك مكنتش معانا الولد طلع الاول هو اللي في ايدك ده هاه هتسميه ايه
#تميم
فهد بسخريه #تميم نديم يابني انتو بتجيبوا الاسماء دي منين
مامون #،اسم تحفه طب والبنوته
#زمرده
ليث #تميم وزمرده ربنا يبارك فيهم انا هتصل بفيروز اطمنها لحسن هبلتني اتصالات
كان في سبيله للاتصال عندما علق مامون
#عين فونك يابني فيروز اهيه
التف ليري حوريته تاتي نحوه شبه راكضه ليث بعتاب
#انتي ايه اللي نزلك
فيروز # كنت هتجنن ياليث ،،، هي عامله ايه
نديم #ارتاحي يافيروز انتي وشك تعبان هي الحمد لله بخير
جلست فيروز علي المقعد لتتنهد بارتياح
#اللهم لك الحمد ،،، الفتره اللي فاتت كانت صعبه اوووي ،،، الدكتور علي طول بيحذر وماسه عنيده وكنت علي اعصابي
احتضن ليث كتفها ليقول ضاحكه #اه الاستاذ نديم يبقي بابا وانا اللي يطلع عيني
وكز نديم كتفه #يعني تطلع عيني لوحدي دا حتي ميبقاش عدل
فهد #الصراحه كلنا عينينا طلعت يانديم ،،،
نديم بامتنان حقيقي #اقبل صاحبك علي عيبه بقي
فهد #بس الحمد لله
نديم #قلبي مش هيطمن الالما اشوفها ،،، ناصر هيفرح اووي بالعيال دا كان مستنيهم اكتر مني انا وامهم
مامون #طب والنبي خليه يخف لنازل غيض في العيال هيبقي عندي اتنين نونو وانتوا لاء
حملت فيروز احد الاطفال لتقول باسمه
#اللهم بارك شبه ماسه بالظبط
#اتفضلو المدام فاقت
اسرع نديم خلف الممرضه وتبعه الجميع فتح الباب لتلتقي عيناه بموجها المتعب اقترب ليطبع قبله علي جبينها
#الف حمد لله علي السلامه ياملكتي
همست بتعب #الله يسلمك ،،، بطني بتوجعني اووي يانديم ،،، امال الولاد فين
ربت علي كتفها #معلش فتره بسيطه ان شاء الله وتعدي ،،،بره مع فهد وفيروز كنت مستني بس اطمن عليكي بالسلامه وهروح اجيب ناصر عشان يشوف اخواته،
امسكت يده وقالت #متسبنيش خليك معايا انا خايفه ،،، خايفه اوي
قطب #خايفه من ايه
قالت باختناق#خايفه افشل ابقي ام ليهم زي مافشلت اكون ام لناصر
ربتت علي خدها
#اوعي تقولي كده ،،،، انتي احسن ام في الدنيا واعظم زوجه في الكون كله. ،،،متخفيش من حاجه وانا جنبك ،،،
نديم دوما ما يبث الامان والطمأنينة بداخلها ،،،لقد مرت باصعب فترات حياتها امراه في بدايه الاربعين تحمل بطفلين ،،، توتر دائم وضغط مستمر عاشت لتسعه اشهر برعب دائم ،،،، رعب ان تفقد جنينها خصوصا ان الطبيب صرح انها فرصتها الاخيره ،،، رعب تكتمه وتداريه ودوما هو وحده من يشعر به كما يشعر بكل ما تمر به ،،، انتبهت الي دخول الجميع وان نديم وضع احدهم علي ساقيها
#دا تميم
اشار الي الطفل التي تحمله فيروز
#ودي زمرده هانم
فيروز #الف حمد لله علي سلامتك ياحبيبتي
ماسه #الله يسلمك ايه اللي نزلك بس
ليث #دي فيروز
فهد #حمد لله علي السلامه ياام العيال
#الله يسلمك يافهد
مامون #حمد لله علي السلامه ،،،، وربنا يكون في عونك دا عيل واحد بيطلع عين امه
نديم بغيض #شكرا علي الدعم يامامون مش عارفين صراحه من غيرك هنعمل ايه
فيروز #ولاتشيلي هم انا موجوده ياحبيبتي ،،،نديم متنقلوا في بيت الحداد لحد ماماسه تشد حيلها
ماسه #مش هينفع نديم مش هيرتاح في بيت الحداد يافيروز
احاط نديم كتفيها #ياحبيبتي المهم تبقي كويسه
ليث# شويه بس ياماسه عشان لسه الجرح جديد ومش هتعرفي تهتمي بالعيال لوحدك
ماسه #خلاص اللي تشوفوه
❤❤❤❤سبحان الله ❤❤❤❤❤❤
