متوتره قلقه وكانها ستخوض احدي اختباراتها ،،، ليست مرتها الاولي لتجلس مع رجل ،،، في الماضي كانت تظن انها عاشقه استهواها الكلمات المعسوله لتسقط بعمق بئر ،،،مراهقه غبيه لم تفهم مايدور حولها خدعت بكلمه حب زائفه ،،، انساقت خلف مشاعر حمقاء وطيش اهوج ،،، باندفاع فتاه في السابعه عشر ليس لديها حدود تحجمها وتهدا هذا الاندفاع ،،، والان هي متوجسه خائفه مرتبكه لمجرد جلوسها مع رجل ،،،، ماالفارق اسيل في الماضي كنتي كاحدي اللصوص تختبئي وتداري وتتهربي حتي لاينكشف امرك لم تكوني خائفه ،،، والان وانتي بالنور ترتعشين هل اعتادت نفسك علي الظلمه ،،، طرق علي الباب تبعه دخول اسر
#اسيل بابا عاوزك تحت
هزت راسها ليقترب اسر
#مالك في ايه
#مش عارفه قلقانه اوي يااسر .
اسر باستغراب #ايه اللي قلقك ،،، بابا مش غصبك يااسيل انتي اللي قلتي موافقه ايه الحكايه بقي
تنهدت # خايفه اندم
ربت علي كتفها # خايفه تندمي ولاخايفه تحبي
دمعت عيناها #انا الحب جرحني ولسه مجروحه يااسر ،،،
#انتي غلطانه الحب الحقيقي ميجرحش صاحبه ،،، الحب الحقيقي هو اللي يداوي الجرح ،،،، انسي التجربه دي عشان تعرفي تكملي حياتك ،، ولو مرتحتيش لبلال ارفضي والدنيا خلصت
#ارفض ازاي بعداما قبلت
هز راسه #لاء انتي فاهمه غلط ،،، لسه مدبستيش هو جاي لوحده من غير والده
#يعني ايه مش فاهمه
ابتسم #شوفي انا اتكلمت معاه ،،، اللي زي بلال ده طريقه سكه واحده وعدل ميعرفش يلف ويدور ،،، لما عجبتيه دخل البيت صح ،،، بس مش هيربط حياته بواحده عجبته من بعيد لبعيد ،،، يعني علي الاقل لازم يتكلم معاكي عشان يعرف تفكيركوا هيتوافق ولالاء وعشان كده كلم بابا ،،، يعني اعتبري القاعده دي مجرد تعارف ياستي هاه اطمنتي شويه
#يعني
امسك يدها #طب يلا لحسن زمانه حمض تحت
تحركت بجوار اسر وكلماته تعاد براسها القت السلام لتجلس علي اقرب مقعد تفرك يديها بتوتر
مامون # شوف يابلال انا واسر هنقعد هناك عشان تعرفوا تتكلموا
قال مامون جملته وانصرف ليجلس مع اسر قرب غرفه الطعام عيناها تتوسله الايرحل
#علي فكره انا مش بعض
جمله اعتراضيه جعلتها تنظر لصاحب العيون السوداء لتتلاقي العيون للمره الاولي دون ان يشيح بصره
#انتي ليه متوتره اوي كده
بلعت ريقها بصعوبه وقالت بحشرجه
#ابدا بس ااااالموقف محرج شويه مش اكتر ،،،
ابتسم #في دي عندك حق ،، انا اول مااجيت كنت عامل زيك كده برضه متوتر بس في الحقيقه والدك اللي فكني شويه ،،،
فركت يديها بتوتر
#حضرتك الدراسه بدات من حوالي شهر بس ،،، وتقريبا يعني حضرتك متكلمتش معايا قبل كده مش شايف يعني انك اتسرعت شويه
# عشان اتكلم معاكي كان لازم استأذن من ولدك يعني هي دي الخطوه الصح ولاانتي شايفه غير كده
قالت بسرعه #لاء مقصدش كده ،،، انا اقصد ان حضرتك
قاطعها #شوفي لو في حد في حياتك انا ممكن انسحب بهدوء جدا
اللعنه لقد افسدت الامر قالت بسرعه
#لاء طبعا انا بس
#خايفه ،، علي فكره القرار لسه في ايدك ،،، يعني الدنيا مش هتتهد لورفضتي
حدقت بوجهه لم تكن تتوقع هذا قالت بشرود
#يعني انا لورفضت دا مش هيضايق حضرتك
تنهد بقوه لينحني مستندا الي ذراعيه
#شوفي ياانسه
قالت بحنق #انسه هو حضرتك متاكد انك جاي تخطبني
هز كتفيه #مهو مع حضرتك دي مينفعش الاكده ،،، شوفي انا دخلت البيت ده عشان اقدر اتعرف عليكي ،،، ربنا جعل بينا وفاق كان بها مكنش يبقي مفيش نصيب ،،، محدش بيغير قدر ،،، وانا راضي باللي ربنا قسملي بيه ،،،،، بس انتي وفقتي ادخل فعتقدت انك عندك رغبه حتي تسالي ،،، يعني متوقعتش الحوار كده
قطبت وقالت باهتمام
#امال كنت متوقعه ازاي
هز كتفه #يعني كنت متوقع تساليني عن نفسي بما انك متعرفيش عني حاجه ،حتي من باب الفضول ،،،،بس واضح انك مش مهتمه اصلا
كلامه منطقي تماما ،،، ومنطقه جعلها تشعر بحرج هائل بلعت ريقها بصعوبه
#لاء مهوو اكيد كنت هسالك
#علي فكره الكذب حرام
حدقت بوجهه للحظه لتنفجر ضاحكه تحكمت بضحكاتها لتقول
# الحكايه بس اني متخيلتكش كده
قطب #كده ازاي يعني
هزت كتفيها #يعني حضرتك علي طول مكشر ومش بتتكلم مع حد من بنات الدفعه ،،،، يعني تقريبا كده الدفعه كلها بتخاف منك
هز راسه متفهما
# كده فهمت ،،، شوفي انا اتعودت طول عمري اراقب ربنا في تصرفاتي ،،،، عارف الكلام اللي بيتقال في الكليه ان انا متزمت
شردت #الالتزام بالدين مش تزمت بالعكس ،،، دا بيحمي من حجات كتير ،،،
نعم لو انها التزمت بالدين لما هوت في الوحل ،،، لما ضعفت لما استمالها احد الاندال ،،،، دمعت عيناها رغما عنها مازال قلبك محمل بالكثير اسيل ،،، مازال يحتاج ان يتعافي من آلامه الموجعه
#هاه مش هتسالي
انتشلها من شرودها بجملته لتنظر اليه للحظات تلاقت العيون لتري انفعال يمليء عيناه ،، انفعال لم تفهمه ،،،
خفض بصره ليهمس بشيء لم تفهمه ولكنه شبك كفيه وتكلم
# ممكن اسالك سؤال
هزت راسها موافقه ليقول
#انتي وفقتي ليه
قطبت لتحدقه ببلاهه # مش فاهمه
زفر بقوه #اللي انا شيفه انك معندكيش استعداد للخطوه دي علي الاقل حاليا ،،،،
فركت يديها بتوتر لتقول باختناق
#ااانا مقصدش اني ازعلك
هز كتفه #بس انا مش زعلان ،،، اللي اقصده لوكنتي رفضتي من الاول مكنتيش اضطريتي تقعدي كده مش اكتر ،،، شوفي انا من اول يوم في الدراسه وانا بتابعك ،،، يعني يمكن اللي شدني ليكي انك علي طول لوحدك مش مختلطه بحد ،،،، يعني اللهم اهدي نساء المسلمين يارب الاحوال العامه معدتش كويسه ،،،، سالت عليكي وبعدين كلمت والدك من حوالي اسبوع ،،،،، انا اجيت النهارده عشان دا الحلال اني اشوفك واتكلم معاكي ،،، ممكن مرتحش اومترتحيش انتي ودا برضه عادي جدا ،
لقد افسدت الامر بالفعل قالت باختناق
#وحضرتك مش مرتاح مش كده
#الحقيقه انا اللي شيفه انك انتي اللي مش مرتاحه
قال جملته واخرج ورقه مطويه من حيبه ليضعها علي الطاوله
# الورقه دي مكتوب فيها معلومات عني ،،، في الحقيقه انا كنت جيبها لوالدك عشان يسال عليا بس هو سال ،،، انا هسيبهالك لو حبيتي تقريها ،،
#انت هتمشي مش كده
هب واقفا وقال
#بس برضه هستني ردك سلامو عليكوا
قال جملته ليتحرك بخطي واسعه ناحيه ابيها تابعته بعيناها دقائق يتحدث مع ابيها واسر ثم ينصرف بهدوء سقطت دموعها لتدفن راسها بين ذراعيها ،،، كانت خائفه من خوض التجربه ، ،،، والان تشعر بالاختناق لانها افسدت الامر برمته ،،،،
# مالك
رفعت عيناها لابيها ليجلس بجوارها وقال بقلق
،#بتعيطي ليه ،،، مش عاوزاه عادي يااسيل
قالت باختناق #هو قالك ايه ان هو مش عاوز الخطوبه صح
حدق مامون بوجهها #لاء قالي هستني الرد ،،، انا مش فاهم ،، انتي عاوزه ايه يااسيل
ارتمت علي كتف ابيها
#مش عارفه يابابا
احتضن مامون وجهها
#انتي مرتاحاله ولالاء انتو بقالكوا ساعه بتتكلموا
#انا كنت خايفه ، ،، بس لما اتكلمت معاه الخوف اللي جوايا خف بس هو فهم اني برفضه
ربت مامون علي خدها
#لاء هو برضه مستني قرارك ،،، انا مش بغصبك علي حاجه يااسيل انتي لسه صغيره مش عاوزه ترتبطي دلوقتي مفيش مشكله ،،انا كنت بس عاوز اطمن عليكي
قالت بحيره #يابابا انا محتارة ،، انا حسيته كويس بس خايفه ،،، دا ملتزم وانا اااا يعني
مامون # انتي ايه ،،، اللي فات انتهي يااسيل ،،،، لازم تفوقي ،،فكري واديني قرارك
#حاضر يابابا هفكر
❤❤❤❤❤❤❤❤❤❤❤❤❤❤❤❤ عماله تفركي بقالك ساعه في ايه يافرحه
اعتدلت علي الفراش وقالت بحنق
#مش عارفه انا انت موافق ازاي علي كتب الكتاب ده
فهد بجديه #انتي معترضه علي ايه بالظبط
#يافهد البت لسه صغيره يعني هيكتب ويصبر اربع سنين دا اللي هو ازاي بقي
#يعني هو اهبل مثلا مش عارف الكلام ده ،،، انا اللي عاوز افهم انتي معترضه علي ايه
تنهدت # مش عارفه ابلعها حكايه الكتاب دي ،،، يافهد البت بتفضل بره بالشهر طب علي الاقل كنت خليها في الاجازه ،،
#ياسلام ،،،،هما الكام شهر دول اللي هيفرقوا
هزت كتفيها #ايوه هيفرقوا ،،، احنا عملنا خطوبه علي الضيق ،،،، كمان الكتاب هيبقي علي الضيق .
جذبها لتسقط علي صدره
#في الفرح ابقي اعملي اللي انتي عاوزاه
رفعت راسها اليه #طيب وادم ،،،
#لسه عاوز يكمل ،،، قلي هيروح بكره يتكلم مع عمه
قالت بترقب #هو انت مش هتروح معاه
تنهد #اكيد هروح
نظرت في رماديته الشارده
#ايه اللي شاغل بالك اوي كده
تنهد بقوه #رد فعل ابنك قلقني
#رد فعله علي ايه بالظبط
#لما قلي انه عاوز يكمل قلتله ان اسيل هتتخطب كنت عاوز اشوف رد فعله علي الموضوع
قالت بترقب #طب عمل ايه
#ولااي حاجه اتجاهل الكلام كاني مقلتوش
#انا مش فاهمه طب ايه اللي قلقك
#عشان ده مش رد الفعل الطبيعي ،،،، الطبيعي لما واحد بيترفض حتي لو مش بيحبها هيضايق لما تتخطب يعني بياخد الموضوع كرامه انها فضلت واحد تاني عليه ،،،، ابنك بيحاول يفهمني ان الموضوع مش فارق معاه ،،، وده لوحده يقلق
#طب مايمكن مش فارقه معاه فعلا يافهد
#مش عارف يافرحه ،،،، انا ماصدقت العلاقه رجعت كويسه ببيت مامون
#يعني انت متخيل يعمل ايه
# انا معنتش عارف حاجه لابنك ده
ربتت علي خده #سيبها علي الله وربك يجيب الخير ،،، اااااا ااقصد يعني ناصر كده حشرنا مش هنحلق ن
احتضن وجهها قاطعها
#في ايه يافرحه
تنهدت بقوه # موضوع احمد ،، فهد انا عارفه انك مش مقتنع بالموضوع ووفقت عشاني ،،، بس والله البت كويسه فعلا وواقصد يعني
ضيق فهد عيناه #هاتي من الاخر عاوزه تقولي ايه
قالت بترقب #انت عارف انها علي قد حالها واحمد يعني كان عاوز يساعدها
اغمض عيناه للحظه ليزفر بضجر
#قلت من الاخر من غير مقدمات يافرحه
قالت بتردد #احمد كان عاوز يكتب يافهد ،،، والله يافهد البنت فعلا كويسه
نظر في عيناها وقال بتاكيد
#انتي متخيله اني ممكن اقوله يسيبها مش كده
هزت كتفيها #انا عارفه انك وفقت وانت مش مقتنع
يعني الخطوبه سهل تتفك و اا
قال بحده #وايه ،،، هو دخول بيوت الناس لعبه ،،،
#لاء بس انت مش طايق البنت يافهد ،،،،
قطب #ودي بقي وصلتلها ازاي
تنهدت #ليه وانا اول مره اعرفك يافهد ،،،،انت مش بتتكلم معاها حتي لما اجت هنا سيبت البيت ومشيت ،،،، انت بتحاول تقنع نفسك بس مش عارف
بلع فهد ريقه بصعوبه وقال بمواربه
#دا مش حقيقي
قالت بتاكيد #لاء حقيقي يافهد ،،، انت من يوم ماروحت وخطبتهاله وانت متغير ،،، عشان عملت كده بس عشان متجرحنيش ،،،، واحمد كمان حسها عشان كده مرضاش يتكلم معاك
#الحكايه مش كده ،،، البنت فعلا كويسه ،،بس الاختلاف الفكري بينهم ،،،،
قاطعته #عشان مخدتش الا ثانوي ،،، انا اتجوزت حضره الظابط ونتجتي لسه مطلعتش
قال بانفعال #متقارنيش بينك وبين حد ،،، انتي مفيش زيك في الدنيا ،،، فرحه مش هتتكرر
عقدت ذراعيها وقالت باختناق
#حكمك ظالم ياحضره اللوا ،،،، محدش بيختار ظروفه ،،،،، لو نسيت هفكرك ،،، انت دخلت الكباريه عشان تشتريني يافهد ،،، بغض النظر عن نيتك بس هي دي الحقيقه ،،،،، انا اللي وقفت وقلتلك لاء خليلك فلوسك واتجوزني ،،،،، انا اللي طلبتها ،،، يمكن ربنا بعتك ليا نجده في الوقت ده ،،،، بس لولا دخول فهد حياتي مكنش هيبقي فيه فرحه اللي انت تعرفها ،،،، مش عاوز ابنك يعيش ده ،،،، مش عاوز ولاده ميعرفوش حاجه عن عيله امهم عشان ميستعروش منها ،،،، انا فاهماك وفاهمه دماغك ،،، بس علي الاقل ابو تقي مش طبال يافهد
بلع ريقه بصعوبه #يافرحه افهمي الجواز مش واحد وواحده ،،، الجواز يعني عيلتين بيتربطوا ببعض
قاطعته #ومكنتش تعرف كده لما اتجوزتني
رفع سبابته وقال بتحذير
#انتي مش طرف في الموضوع من اصله
#هسالك سؤال عمري ماسالتهولك قبل كده ،،،، لو الزمن رجع بيك هتتجوزني يافهد ولا هتفكر الف مره عشان انا عيلتي متنسبش الحداد
قال بتاكيد #ولو رجع مليون مرة برضه.هتجوزك عشان فهد مينفعش يعيش من غير فرحته
قربت وجهها منه #طب ليه مستكترها علي احمد
اراح جبهته علي جبهتها
# انا بس قلقان عليه ،،،، مش اكتر
نظرت بعيناه وقالت
#انت تعرف ايه مخبيه عني
ربت علي خدها
# خال تقي بلطجي ومسجون تقريبا ابنك كمان ميعرفش
#طب وهي ذنبها ايه
اراح راسه للاعلي #عارف ان ملهاش ذنب بس ،،، ابنك طيار حربي الحكايه دي ممكن تدمر مستقبله
قالت بحزن #بس انا ابويا طبال وانت
قاطعها بعصبيه #قلتلك انتي مش طرف في الموضوع احنا ظروفنا مختلفه افهمي بقي ،،، احنا اتجوزنا واهلك بعدوا في الصعيد انا كنت في شغلي ليه اسمي ومركزي مش لسه هبدا حياتي ممكن اي هزه تحطمني ،،، ايه هتجوزيهم وهتحرميها من اهلها ،،،،
عقدت ذراعيها وقالت بتاكيد
#لاء هخليه يسبها ،، عشان الجوهره اللي تطلع في وسط الوحل لازم تفضل فيه تتخنق لحد ماتموت نظفتها يافهد ،،،،
قالت جملتها لتتحرك من علي الفراش
#انتي راحه فين
#هروح اقول لابنك يصرف نظر ،،،
تحركت خطوه ليسد عليها الطريق قالت باختناق
#ابعد يافهد
قال بحده # انا مكنتش عاوز اتكلم معاكي عشان كده هتاخدي الحكايه بحساسيه وتتصرفي بهبل
قالت بصدمه #انا بتصرف بهبل يافهد
#ايوه اللي بتعمليه ده اسمه هبل ،،، يعني تفتكري مثلا اكتشفت الحكايه دي فجأه مانا عارف من الاول
قاطعته #ووفقت ورحت خطبتها عشاني بقيت الجمله يافهد بس لما الموضوع دخل في الجد
قال بتاكيد #هكمله برضه انا بفضفض معاكي يافرحه ،،، عاوز اقوله ومش عاوز اكسر فرحته ابنك بيحبها بجد والبنت فعلا كويسه وتستاهل ،،،، انا اللي خايف منه المستقبل ،،، ببص لادوام مش اكتر ،،،
#لو في ايدك وعارفه خاف عليه ،،،، المستقبل في ايدربنا يافهد ،،،، احمد لو بيحبها فعلا هيتمسك بيها ولولا يبقي ربنا يعوض عليها بالاحسن منه ،،،،
امسك ذراعها #طب ممكن تهدي شويه ،،، الصبح ابقي اتكلمي معاه احنا عدينا نص الليل وزمانه نام
رفعت عيناها الدامعه له لتعبره وتتمدد علي الفراش تحرك ليتمدد بجوارها وللمره الاولي تفعلها فرحه توليه ظهرها وتغلق الاضاءه تنهد ليسند راسه علي ذراعه يعلم انه جرحها للمره الثانيه ،،،، ولكن ولده ومستقبله لما لاتفهم انه فقط متوجس من الغد ،،،، اخذت الامر برمته علي نفسها ،،، منذ فتح احمد هذا الامر والعلاقه بينهما متوتره ،،،، مازال يري اثر جرحه لها في عيناها وان دارته وتعاملت كأن شيئا لم يكن ،،،، ولكنها فرحته يشعر بقلبها وكانه يخفق بين ضلوعه ،،،، والان زاد الامر سوء ،،، هي فقط لاتفهم ،،،، انت احمق فهد ماكان يجب ان تتحدث اليها من الاساس ،،،، لما لاتفهم ان الظروف مختلفه ،،،، لما لاتفهم انها انثاه الفريده ،،،، كن صادق فهد الامر مشابه ،،،، انت تخشي علي مظهرك الاجتماعي وماسيقوله البعض ،،،، انت موقن انك تستطيع مسانده ولدك ،،، انت مخطيء فهد ،،، ليس الامر هكذا ،،، انه مستقبل ولده ،،،، قالتها لقد كنت في نفس الموقف تقريبا واخترتها هي ،،، ولوعاد الزمان ستختارها ايضا ،،، حللتها لنفسك والان تحرمها علي ولدك ،،،، تكيل بمكيالين فهد ،،، ليس هذا من طباعك ،،، لقد خرفت فهد ،،،، في الماضي كان لديك عنفوان لتواجهه ،،، كنت علي استعداد ان تعلن للعالم انك وقعت بهوي بنت الطبال ،،،،والان ترفض عشق ولدك ،،،، لم يعد لديك طاقه لان تحارب وتدافع تريد الاستسلام ،،،، منذ متي وانت تستسلم فهد ،،،، تنهد بقوه لينظر حوله لقد غرق في افكاره حتي اعلنت السماء ميلاد يوم جديد تامل فرحه التي مازالت علي حالتها تحتضن نفسها وتوليه ظهرها ،،، تنفسها الغير منتظم نبأه انها لم تتمكن من النوم كذلك ،،،، تنهد بقوه ليتحرك من علي الفراش للخارج ترجل ببطء في الممر ليعبر لغرفه ولده كان يعتقده نائم ولكنه وجده يجلس علي سجادته ليختم صلاته ،،، تأمله بعيون لامعه ،،، انهم تربيه فرحته ،،،، فرحه عبرت به وباولاده لطريق النجاه ،،،، هل حقا تلك التقي تستطيع فعل هذا ،،،، لقد رفضت ان تري هذا فهد تجاهلته في كلماتها وكلمات نور وكلمات مامون عنها ،،،، الفتاه تزرع حبها في قلوب الجميع ،،،،
#بابا صباح الخير
نظر علي احمد الواقف امامه ليربت علي كتفه
#تقبل الله
#منا ومنكم كنت بصلي الضحي ،،،، خير يابابا في حاجه
ترجل فهد ليجلس علي طرف الفراش ليشير اليه .
#ااقعد يااحمد عاوز اتكلم معاك
جلس احمد بجواره زفر فهد بقوه
#امك قالتلي انك عاوز تكتب
#مش هو ده الطبيعي ،،،ولاحضرتك شايف ايه
نظر اليه #فكرت كويس في الحكايه دي
#بابا انا مدخلتش بيت الناس وطلبت بنتهم عشان اهذر معها
#تعرف ايه عن تقي
احمد بمراوغه # كل حاجه دي خطيبتي
هز فهد راسه #تعرف ايه عن عيله تقي
بلع احمد ريقه وقال بتوتر #اه شوف يابابا ،،، انا لما سالت علي عمو محمود عرفت عنهم كل حاجه
اغمض فهد عيناه وهز راسه وقال # اممم بس الورقه اللي سيادتك ادتهاني مش مكتوب فيها كل حاجه يااستاذ احمد
هب احمد واقفا ليبتعد قليلا وقال بتوتر
# مهو ااااصل
فهد بحنق #انت وقفت ليه
حك احمد مؤخره راسه وقال
#اصل ااا،نور قالتلي لوابوك غمض عنيه خدلك ساتر وبعدين يابابا ادم بيقول ان ايدك تقيله اوي ،،،،
اشاح فهد وجهه ليخفي ضحكته ،،، زفر بقوه
#يعني عارف
احمد بتردد #يابابا مهو مش معقول ابقي بحاول اقنعك بالبنت فقولك ان خالها مسجون ،،،، بس كده كده انا عارف انك اكيد عرفت ،،،
فهد بغيض #كل بعقلي حلاوه يلا
احمد #ابدا والله الحكايه كلها بس ،،، ان ،، بابا تقي ملهاش ذنب في الظروف اللي هي اتولدت فيها ،،، محدش بيختار اهله ،،، عمو محمود راجل بيكسب لقمته بالحلال وربي عياله حلال ،،، كون حد في عيلتها مش مضبوط دي بقي مش بأيد حد ،،،، عمو محمود نفسه مقطعه وتقي نفسها متعرفوش
تنهد فهد بقوه # مفكرتش ان الحكايه دي هتأثر علي مستقبلك ،،،،
جلس احمد بجواره وقال
#فكرت ،،، بس المستقبل بايد ربنا يابابا ،،،، بابا انا بحب تقي ، ، اه حلمي ان اكون طيار ،،، دي حلمي من وانا صغير ،،، بس تقي بالنسبالي اهم حلم في حياتي مستحيل اتخلي عنها
حدقه فهد ليقول باستغراب
#يعني ايه ،،،، ممكن تسيب الحربيه
هز احمد كتفه #انا مش هسيب حاجه ،،،ومش هفترض الاسوء ،،، لكن لو حصل يبقي مش نصيبي اكون طيار حربي ،،،، هشتغل طيار برضه بس مدني ،،،
تامله فهد للحظه #داانت مرتب كل حاجه بقي
نظر احمد اليه وقال بجديه
#بابا انا اهم حاجه عندي في الدنيا رضاك انت وماما عني ،،، الباقي ميهمنيش ،،،، انا عارف ان حضرتك مش راضي من الاول ،،، وعارف كمان ان ماما اللي ضغطت عليك ،،، حضرتك حكمت عليها بظروف هي ملهاش اي دخل فيها ،،،حضرتك حتي مش مهتم تعرفها ،،،
تهاني فهد لقد نلت لقب الاحمق الاعظم علي وجه البسيطه ،،، جرحت حبيبتك وكسرت سعاده ولدك زفر بقوه وهب واقفا
# اسمع يااحمد انا اهم حاجه عندي في الدنيا سعادتك انت واخواتك
#عارف يابابا ،،، انا سعادتي مش هتبقي الامع تقي ،،، بس من غير رضاك تبقي سعاده ناقصه ،،، ممكن استحمل اي حاجه في الدنيا الاغضبك عليا
ربت علي كتفه#ربنا يوفقك ياابني
قال جملته وترجل من الغرقه بل من البيت باسره
❤❤❤❤❤❤❤❤❤❤❤❤❤❤❤❤اهلا بالوحش الغائب
ابتسم ادم وتقدم ناحيه عمه ليحتضنه الاخير
#وحشتني ياادم
ادم #انت اكتر والله ياعمو
ربت ليث علي كتفه #هاه ايه اخبارك ياادم
جلس ادم علي المقعد
#تمام الحمد لله طنط فيروز عامله ايه
ابتسم ليث ليقول
#انت جايلي الجامعه عشان تسال علي فيروز طب متروحلها البيت ،،، وعلي العموم هي كويسه هاه طمني ايه اخبارك
#تمام الحمد لله ،،، يعني قدامي اسبوعين ان شاء الله واستلم الشغل ،،، عمو انا كنت جاي عشان اعرف رد حضرتك وحنين
كاد ليث ان يتحدث لولا طرق الباب سمح لمن بالخارج بالدخول
# اجتماع حضرتك برؤساء الاقسام
ليث #ثواني وهكون معاهم يافريده
ادم بحرج #تمام هستأذن انا ياعمو
ليث #لاء انا عشر دقايق وهكون معاك
قال جملته وخرج من الغرفه ،،، وقف ادم ليتحرك ناحيه الشرفه يتامل الفناء الواسع للجامعه ،،، الدراسه بجامعه عسكريه مختلف جمله وتفصيل عن هذا ،،،، تري ماهو رأيها هل سترفض ،،، من الامس وهو يفكر بكل الاحتمالات ابيه لم يطمئنه فقط ساله عن قراره ،،، حارب نفسه بضراوه الايتصل بها ،،،، ابيه يعتقده سيغضب لان اسيل ستخطب ،،، اليس هذا هو الطبيعي ادم ان تغضب علي الاقل من اجل كرامتك ،،، ان يكون لديك فضول لتعرف من يكون ذلك الذي فضل عليك ،،،، الغريب في الامر انه تلقي الخبر بلامبالاه وكانه لايعنيه من الاساس ،،،، خبر عابر لاحدهم ،،،، هل ماكان يشعر به تجاه اسيل مجردوهم ،،، سراب انتهي فور اقترابه لعل الامر هكذا بالفعل ،،،، هل سترفضه حنين هي الاخري ،،،، هز راسه نفيا وكان مجرد التفكير في هذا يؤلمه ،،، نعم يؤلم مابداخله ،،،، حنين لن ترفضه حنين تحبه ،،،، هكذا صرحت نور من قبل انه يملك قلبها منذ كانا صغار ،،،،
وماذا لوفعلت ادم ،،،، عمك ليث لن يجبرها ،،، لن يفعل مثلما فعل عمك مامون ،،، عمك ليث مختلف ،،،، سيفقدها ،،، ويحك ادم وويح تفكيرك العقيم ،،، انت خطبت اسيل بالفعل من قبل ،،، لم تفكر بالاقتران بحنين الالتداوي جراحك الزائفه ومع قرارك اكتشفت حماقه فعلتك الماضيه ،،، اكتشفت ان لحنين مكانه ما بداخلك ،،، مكانه تتعدي الاخوه ،،، تلك المشاعر المبهمه التي لاتعرف تحت اي وصف تندرج ،،، مشاعر هوجاء خام ،،، مازالت ادم عديم الخبره كما اطلق عليك عمك ،،،، عديم الخبره يحتاج ان تثقله الدنيا وتشد من صلابته ،،،،،
#بابا لوسمحت انا عاوزاك اااااااا
صوتها اخترق شروده ليلتف اليها يبدو انها اندفعت للداخل
#حنين وحشتيني اوي
جمله تفلتت من شروده لتجعل وجهها بلون حبه طماطم طازجه وتلمع عيناها بلون السماء الصافيه .
لتقول بارتباك
#ادم حمدلله علي السلامه
تحرك ليقف امامها
#الله يسلمك ياحنين ،،، ايه اخبارك
#انا تمام ،،، وصلت امتي
هز كتفه ليجلس علي المقعد امام المكتب
# امبارح ،،، واضح انك كنتي جايه لعمو في موضوع مهم
#يعني ،،، هو بابا فين
#استدعوه في اجتماع قلي عشر دقايق وهو داخل في نص ساعه
هبت واقفه وقالت بارتباك
#طب خلاص انا همشي عشان عندي لسه محاضرات
قال باهتمام #ايه الحكايه ياحنين ،، شكلك مضايقه في حاجه حصلت في الجامعه
قالت بتردد # يعني عشان كده كنت جايه لبابا بس مش مشكله وقت تاني بقي
#ايه اللي حصل
تنهدت بقوه #متشغلش بالك
قال بحنق #مشغلش بالي ازاي يعني ،،، شكل الموضوع كبير
#انت لحقت يابن فهد
رفع كليهما عيناه لليث الواقف علي الباب ادم
#والله هي اللي جت لوحدها
تحرك ليث ليقف امام حنين
#في ايه ،، مش بعاده يعني تجيلي الكليه
حنين باختناق #بابا من فضلك انا عاوزه انقل عين شمس
ضيق ليث عيناه
# ليه ايه اللي حصل
حركت حنين عيناها لتنظر ناحيه ادم لتقول بمواربه
#عاوزه انقل وخلاص
رفع ليث ذقنها لينظر في عيناها
#طب فهميني ايه الموضوع
ادم بحده #يمكن مش عاوزه تتكلم قدامي ياعمو
حنين بسرعه #لا ابدا ،،،
امسك ليث يدها ليجلسها علي الاريكه الجلديه ويجلس بجوارها
# عاوزه تنقلي هنقلك من بكره بس انتي اللي اخترتي جامعه القاهره ايه اللي حصل
حنين #يابابا اتخنقت والزفت ده مش عاوز يسبني في حالي
ادم بحده# زفت مين دا بقي
ليث# ممكن تسكت عشان نفهم
حنين # مصطفي الوكيل يابابا ،،،
ليث #عمل ايه تاني انتي مش قلتي انه معدش بيتعرضلك
حنين باختناق #ايوه من اول السنه معدش بيتكلم النهارده عرفت انه مطلع عليا كلام زباله شبهه ،،عشان ،،،اااا
ليث بترقب #عشان ايه
نظرت الي ادم وقالت #عشان شافني بركب مع ادم العربيه ،،،،
هب ادم واقفا ليقول بغضب #والله مانا عاتقه
ليث #ادم اهدي ،،، اسمعي ياحنين انت مبتعمليش حاجه غلط عشان تستخبي منها ومش بنتي اللي تهرب
دفنت حنين راسها بين ذراعيها
#يابابا انا مش بهرب ،،، بس مش هقدر استحمل كلام زي دا ،،،،
ليث #غلط ،،، لما اي كلب يعوي العبيط بس اللي يحاول يسكته ،،،،، والواد ده سيبهولي انا بقي
حنين #يابابا المشكله انه فعلا معتش بيتعرضلي ،،،ومش هتقدر تمسك عليه حاجه زي دي
ربت ليث علي خدها ليقول
#بتثقي في ابوكي
#اكيد يابابا بس حضرتك هتعمل ايه
ليث #مبقاش ليث الحداد ان ماخليته يسيب الكليه كلها ويمشي ،،، اومي يلا ادخلي الحمام اغسلي وشك ويلا عشان نروح ،،،، استنيني في العربيه
#حاضر يابابا
تحركت حنين للخارج لتسقط عين ليث علي ادم الجالس يهز ساقه بعصبيه ادم
#حنين خط احمر ياعمو مش مسموح لاي حد يقرب منها والكلب ده لازم يتربي
عقد ليث ذراعيه #اه وناوي تعمل ايه بقي هتضربه
ادم بغضب #اللي يجيب سيره حنين علي لسانه اقطعهوله
حدق ليث بوجهه للحظات ليقول
#عادي ياادم واحد اتقدملها ورفضته بيتكلم من غيظه
قاطعه ادم بحده #لاء طبعا مش عادي ،،،
ليث بمكر #هو انت محموق اووي كده ليه
ادم بسرعه # خطيبتي ومن حقي
قاطعه ليث مبتسما #استني بس هي بقيت خطيبتك خلاص ،،،
عقد ادم ذراعيه #ايوه خطيبتي ،،، ومش هتكون لحد غيري
كتم ليث ضحكاته #ايه هتتجوزها عافيه يعني ،،، وبعدين الولا شكله بيحبها
ادم بتهديد # حبه عزرائيل ياخد اجله ،،،بدل مااريحه من الدنيا خالص
اقترب ليث ليربت علي كتفه
# براحه ليطقلك عرق يااهبل ،،،،
اشاح ادم بيده # مهو انت اللي بتقول كلام ينرفز ياعمو ،،،
اطلق ليث ضحكه عاليه ادم بغيض
#ممكن اعرف حضرتك بتضحك علي ايه
هز ليث يده #ولاحاجه اصل انا كنت ناوي ارفض الخطوبه
ادم بغضب #يعني ايه بقي هتجوزها للزباله ده
ربت ليث علي كتفه #مهو انا لو عاوز اجوزهاله كنت جوزتهاله من ساعه ماطلبها ،،، امال ايه اخبار الثبات الانفعالي
زفر ادم بقوه وقال بهدوء #يعني حضرتك كنت عارف
#اكيد فهد قالي
ابتسم #تمام ،،، جواب سؤالي
عقد ليث ذراعيه
#انا هفتح الباب واسيببك تقرب لكن بشروط
#ايه هي
# لومحبتهاش تسيبها ومن غير مااي حاجه تتأثر انت برضه هتفضل ابني
#موافق
❤❤❤❤❤❤❤❤❤❤❤❤❤❤❤❤
