ترجل الي البيت لينادي
#جو انتي فييين
كان في سبيله الي دخول الغرفه يريد فقط ان يعتذر ويداوي جراح تسبب فيها كليهما ،،،، عندما استوقفه صوت فهد
#حمدلله علي السلامه يااستاذ
قال باستغراب #فهد ،،، انت عرفت ازاي ان انا جاي النهارده وايه اللي مقعدك لوحدك كده
عقد فهد ذراعيه وقال بحده
#عرفت من القريه اللي جنابك كنت نازل فيها وقاعد لوحدي عشان البيت فاضي
ردد بشرود #يعني ايه فاضي جومانه والعيال فين
هب واقفا ليقف امامه
#ايه خلصت صرمحه ففتكرتهم ،،،، جومانه خدت العيال وسابت البيت
قال بحده #راحت فين يعني
#يهمك اوووي راحت بيت ابوها ،،،، اسمع بقي زمان كنت بتلف علي حل شعرك كنت بنصحك وكأني بكلم الحيطه ،،،،، وكنت بقول لما يتجوز هيتعدل ،،، لكن تقول ايه بقي ديل الكلب عمره مايتعدل ،،
قاطعه بحده # انا عملت ايه يافهد عشان تكلمني بالطريقه دي
فهد بحنق #ايه مش عارف عملت ايه ،،،،انت كنت فين ،،،استني انا ااقولك ،،،،كنت في شرم في شاليه مع السكرتيرته بتاعتك بايته في حضنك بقالك اسبوع اقول كمان ولاكفايه
خر علي المقعد خلفه وقال باختناق
# غلطه كنت فاكر ان انا بهرب منها ،،،، بس مقدرتش يافهد
#ومين هيصدقك جومانه شفتك بعينها ،،،،
حدق بوجهه بصدمه #شفتني ازاي يعني
اخرج هاتفه وناوله له
#اتفضل متع نظرك ،،،، جومانه سافرتلك عشان تراضيك وتطيب بخاطرك والنتيجه شافت ده ،،،،
نظر الي صوره مع نرمين ليستمع لكلمات فهد تجلده بلاهواده
،#نقصك ايه ،،،، مراتك ست جميله ربنا انعم عليك بالولد والبنت والكل بيشهد بتربيتها فيهم ،،،، ناقصك ايه عشان عينك الفارغه دي تشوف غيرها ،،،، مشاعرها بردت من ناحيتك ،،،راجع نفسك وانت تعرف ايه اللي وصلها لكده
هب واقفا وقال بسرعه
#انا لازم اتكلم معاها
فهد بحده # عندك يامامون قلتلك زمان انا كنت بنصح بس دلوقتي مفيش نصح ،،،، جومانه مصره علي الطلاق ومش عاوزه تشوفك يامامون
قال بحنق #يعني ايه بقي عينتك المحامي بتعها
فهد بتاكيد#ايوه عندك اعتراض ،،،، انت بني ادام مستهتر مش شايل مسئوليه اي حاجه ،،،مبتشفش الانفسك وبس ،،،، اهم حاجه مزاج الباشا ،،،، والباقي يولع
قال باختناق #فوقت والله فوقت يافهد
فهد بحزم #المره اللي فاتت فوقت وشوفت حبك ليها بعد عشر سنين وهي جنبك مستنيه كلمه واحده منك ،،،، اللي بين اي راجل ومراته لواتكسر مبيتصلحش يامامون ،،،،، خصوصا لما تكسر انثوتها
دمعت عيناه #مش انا اللي كسرت انوثتها زي ماانت فاهم ،،،لاء اللي حصل ده عشان هي اللي كسرتني غصب عني قفلت ،،،،،
قال بغيض #كسرتك تصدق اقنتعتني ،،،،
اسند راسه للاعلي وقال بالم
#ايوه كسرتني ،،،، لما ابقي حاسس انها بعدت عشان العيال اهون بكتير من انها تقولها مش هترتاح الامعايا جومانه عارفه ومتاكده اني مش هعرف المس واحده غيرها يافهد ،،،، وهي عارفه من جواها ان انا عملت السفريه دي كلها عشان اثبت العكس ،،، بس مقدرتش ،،،والله ماقدرت ،،،، شوفتها وصوتك رن في ودني اتقي الله انت عندك بنت ،،، انا تعبان يافهد ومحتجلها اوي ،،،، اول ماالنهار طلع جيت جري هترمي في حضنها واعيط واقولها انا اسف ،،،، انا اللي عملت كده ،،، انا اللي مهتمتش من الاول ،،،، انا اللي بعدتك عني سامحيني والله كنت هقولها اللي حصل كله مع نرمين ،،،، فهد انا بحبها بجد ،،،، الشهر اللي عدي عليا ده كان اسوء شهر عشته في حياتي ،،،، بحاول اقسي واوريلها انها مش فارقه معايا بس كان قلبي بيتوجع عليها ،،،،،
جلس بجواره ليربت علي كتفه
#انتوا الاتنين اغبيه ،،، ومش قادرين تقدروا النعمه اللي في اديكوا ،،،،، الحب زي الورده لومهتمتش بيها تدبل وتموت ،،،، وهو ده اللي انتوا عملتوه سبتوا اللي بينكوا يدبل لدرجه انه بقي صوره مهزوزه مش عارفين حتي تشوفوها ،،،، الحب اهتمام ودعم يامامون ،،، مش علاقه وجنس وبس ،،،، علي فكره جومانه محكتش حاجه ،،،، بس مواقف كتير عدت قدامي شوفتها وهي لوحدها وانت فين ،،،،في الشغل ،،،، انت اللي وصلت اللي بينكوا لكده
قال بالم #عندك حق ،،، انا اللي غلطان ،،،، اعمل ايه يافهد
ربت علي كتفه # انا هساعدك مش عشانك عشان خاطر العيال ،،،، اوووم يلا خد حمام سخن وناملك شويه ،،،، وانا هكلمها واشوف ،،، مامون متتصلش بيها دلوقتي خالص ،،
قال بتردد #بس يافهد
#اسمع الكلام اللي بقولهولك
قال بيأس #حاضر يافهد
تحرك فهد للخارج لتتبعه عيون مامون ،،، يعلم ان مامون مخطيء ،،،ولكن جومانه ايضا مخطئه ،،كلاهما يحتاج تعلم درس قاسي ،،،ترجل الي البيت لتبادره فرحه
#عملت ايه يافهد
جلس فهد وقال #كلمته
جومانه بترقب #وقالك ايه رفض الطلاق مش كده
عقد فهد ذراعيه وقال بتاكيد
#جومانه انا هسألك سؤال ،،، انت متاكده ان مأمون خانك
قالت بمراوغه #مش انا وريتك الصور
فرك ذقنه #جومانه انا سألت سؤال واحد
جومانه بحزن #وهو كل اللي عمله ده مش خيانه ،،، ولاهي الخيانه سرير وبس
فهد#تمام في دي عندك حق ،،،، بس ااااكمان انتي عارفه كويس اوي هو عمل كده ليه ،،،،
جومانه بارتباك # انت بتبررله يافهد
فهد بجديه #خالص علي فكره ،،، علي العموم ياجومانه انا بلغته انك عاوزه تطلقي ،،، وهو ااامعترضش
حدقت به بصدمه #هيطلقني
فهد #مش ده اللي انتي عاوزاه
سقطت دموعها لتمسحها بسرعه وقالت
#ايوه ،،، بس ااا
قاطعها ،#متوقعتيش مش كده
جومانه #يعني ،،،
فهد بجديه #طب اسمعي بقي ، ،،، قدامك حل من اتنين ،،، يااما نمشي في اجراءات الطلاق ،،،والموضوع يخلص علي كده ،، وهو بقي حر يروح لسكرتيرته يتجوز هو حر و
قاطعته بحده #اه قلتلي يعني الاستاذ عاوز يتجوز
قال بحنق #وانتي ايه اللي يزعلك ،،،، دلوقتي وجود مأمون في حياتك بقي عبيء عليكي انت عاوزه تعيشي لاولادك وبس صح كده ،،، وهو من حقه يتجوز واحده تهتم بيه وتدلعه زي مابيقول
بلعت ريقها بصعوبه #يعني هو عاوز كده
فهد #لاء هو مقلش صريح بس انا فهمت كده ،،، شوفي ياجومانه اللي انتي عاوزاه انا هنفذهولك ،،،، بس خدي بالك من حاجه مهمه زي ماانشغلتي عنه بالعيال بصلهم دلوقتي ،،، فكري بالعقل عشان العيال نفسيتهم متدمرش
قالت باختناق #مش عارفه انا معنتش عارفه حاجه
فهد بجديه #لاء انتي عارفه كويس اوي ،،،انتي عاوزه تأدبي مأمون عشان اهمل عشان مهتمش عشان حجات كتير ،،،، بس عشان تأدبيه مش بالطلاق تأدبيه بعقلك ،،،، انتي واثقه انه مخنكيش ،،،هو كان عاوز يعاندك وانتي عارفه السبب ،،، غلط منكرش ،،، بس مش معني كده اننا نهد البيت ،،، انا هفهمه اني اجبرتك ترجعي بيتك عشان العيال المفروض ميحسوش باللي بينكوا ،،، بس طبعا ملوش دعوه بيكي خالص ،،، وحاجه كمان انا هتصل بماسه ومن بكره تنزلي تشتغلي في شركتها
جومانه بحيره #انا مش فهماك يافهد هو انت معايا ولامعاه
فهد بجديه #مع البيت اللي فيه طفلين ،،، معنديش استعداد يبقي عندي ناصر جديد ونسخه من ماسه ،،عقبال مابدات تفهم انها ام ابنها قرب يضيع ،،، انتوا مش لوحدكوا ،،،، عارفه انتي غلطتي في ايه
نظرت اليه ليكمل #غلطتك انه من اول مره مهتمش معتبتيش ،،، خزنتي جواكي
قاطعته بحزن #الاهتمام مبيطلبش يافهد
فهد #لاء في حالتك انتي ومامون يطلب عارفه ليه عشان من يوم ماجومانه دخلت حياته وهو معتمد عليها في كل حاجه ،،، لبسه البرفيوم اللي بيحطه تسريحه شعره ،،،اي حاجه تمر في حياته لازم تعدي عليكي الاول ،،،، مامون اتعود ان جومانه هي اللي بتشيل ،،،، جومانه بالنسباله الحاجه الكبيره اوي اللي يحط فوقها كل حاجه ،،،،،انتي عودتيه علي كده ،،،، عشان كده شاف انه مش مأثر ،،، بس مع الوقت انتي خلاص طاقتك فرغت ،،،وبدل ماتشكيله بداتي تخزني جواكي ،،،، لحد ماقفلتي منه ،،، لوكنتي حسستيه انك محتجاله في اول موقف عمله معاكي ،،،عمر ماكان الوضع وصل بينكوا لكده ،،، فكري في كلامي واديني قرارك
هزت راسها موافقه لتنصرف وتصحبها فرحه اراح راسه للاعلي ليتنهد بقوه ،،،، الامر يحتاج بعض التأديب لكليهما انتبه علي حبيبته التي جلست امامه لتخلع عنه حذائه اعتدل جالسا ليمسك يدها ويجلسها بجواره قبل كفيها
#ربنا يباركلي فيكي
قبلت جبينه # ويباركلي فيك وفي دماغك العاليه اوووي دي
نظر اليها ليكتم ضحكاته #اشمعني
قالت بمكر #بزمتك ياشيخ مامون عاوز يطلق دا مش بعيد يكون بيفرفر دلوقتي
قرب وجهه منها ليهمس
#بتكدبيني يافرحتي
لدغت خده #لاء وانا اقدر برضه يافهودي ،،،، بس انا عارفه دماغك ،،،، بتسوي الاتنين علي نار هاديه ،،، بس اللي مش فاهمه بقي هتنزلها تشتغل ليه
#عشان يحس انها بتفلت منه اكتر ،،،، الاتنين اغبيه والاتنين غلطتنين يافرحه
جلست علي ساقه وقالت بتحذير
#عارف ياحبيبي انت لو عينك الرمادي الحلوه شافت واحده غيري ممكن اعمل فيك ايييه
ضم ظهرها اليه #هتعملي ايه
قربت راسها لتهمس باذنه
#هدبحك
احتضن وجهها وهمس #واهون عليكي يافرحتي
تلمست ملامحه بعشق لتهمس #توء ،،، بس فهد بتاعي انا وبس ،،،، ليا لوحدي ،،،،، مقبلش شريك ابدا
زمجر بخشونه ليهمس
#امممم همااااا العيال فين
#فيروز قالتلي عاوزاهم يقضوا اليوم مع عيالها
لمعت عيناه وقال بحنق
#يعني البيت فاضي
#امممم
رفعها بين ذراعيه وتحرك للغرفه
#انت بتعمل ايه
#هثبتلك كلامك ياحبيبتي ،،،، فهد لفرحته وبس
دخل الغرفه ليصفع الباب بقدمه
