فيروز بسعاده #ادم خطب اسيل وهنروح كلنا في بيت مامون
ليث باسما #ياااه العيال كبروا يافيروز وهيعجزونا
فيروز #لازم انزل اجيب هديه حلوه لاسيل هتيجي معايا ياحنين
حنين في عالم اخر لقد فقدت فارس احلامها ببساطه ادم هذا الصرح العملاق الذي دوما يحنوا عليها تعلق قلبها الصغير به طفله لينمو هذا الحب ويتشعب بداخلها ليبني قصور عاليه من الاوهام حنين ادم اختار غيرك
#انتي يابنتي بكلمك
رفعت عيناها الي والدتها #بتقولي حاجه معلش سرحت شويه
ليث #سرحتي في مين بقي ياست هانم
ربتت علي يده #مفيش يابابا في المحاضره كانت صعبه حبتين
ربت ليث علي كتفها
#ربنا يخليكي لينا يارب وافرح بيكي ياحبيبتي
حنين باختناق #لسه بدري يابابا انا هطلع اوضتي عن اذنكوا
فيروز بحيره #هي مالها ياليث
ليث بحيره #مش عارف يمكن زعلانه عشان اسيل اتخطبت قبلها واسيل اصغر منها
فيروز #لاء ياليث حنين مش كده دي بتفرح للناس كلها
حسام #عادي ياجماعه هي جايه كده من الكليه وبتقول انها مفهمتش المحاضره وانتو عارفين البت دي دحيحه دحيحه يعني
فيروز بغيض #طب هي دحيحيه انت ايه بقي يااخر صبري
حسام #بصي يا فيري ركزي مع حنين واعتبريني منطقتش
ليث بغيض #وله متقلهاش فيري واحترم نفسك
هب حسام واقفا وقال بسرعه
#علي فكره بقي دي امي ادلعها زي مانا عاوز
قال جملته وهرب الي الاعلي ليث بغيض وهو يري فيروز الضاحكه
#مبسوطه انتي مش كده ابنك بيعندني
وقفت امامه #بينكفك ياليث
ضم خصرها اليه وهمس
#محدش يدلع جنيتي غيري انا وبس
همست #لسه بتغير عليا انا عجزت ياليثي
#فشر هتفضلي علي طول جنيتي المجنونه
#تصفيق حاد انتو مبتزهقوش ياجماعه
التف الاثنان لنور الواقفه علي الباب تصفق بيديها ليث بغيض
#انتي بتطلعي منين يابت انت هو انا هتلاقها منك ولامن العيال اللي فوق
نور ضاحكه #يلا اعمل زي بابا وقلي هادمه اللذات
ليث ضاحكا #والله عنده حق
فيروز #بس بقي ياليث تعالي يانور
اقتربت نور من فيروز لتقول ضاحكه
#لاء.ياستي عشان ميقولش عليا عزول انا هطلع لحنين وانتو خدوا راحتكوا
قالت جملتها وتحركت ناحيه الدرج لتلتف لهم
#عمو ابقي خدلك ساتر عشان محدش يقطع عليك
ليث بغيض #بت
اشاحت بيدها وصعدت #بت ايه بقي داانتوا خلتوها خل
فيروز وهي تحاول التحكم في ضحكاتها
#والله البت دي زي العسل بتفكرني بفرحه اوي بخفه دمها
ليث #بس دي علي لسان اطول قال خدلك ساتر قال
صعدت نور لتطرق باب غرفه حنين وتترجل للداخل لتجد الاخيره تحاول اخفاء دموعها قالت بحشرجه
#تعالي يانور كنت فكراكي بابا ولاماما
اغلقت نور الباب لتتوجه وتجلس امامها ربتت علي كتفها
#متعرفيش بكره مخبي ايه متزعليش نفسك
سقطت دموعها #انا مش زعلانه القلب مش بايد حد يانور ربنا يسعده
ضمتها نور الي صدرها لتربت علي كتفها
#اللي ليكي نصيب فيه هتشوفيه ربنا يعوضك بواحد احسن منه
حنين #مفيش حد احسن منه في الدنيا ،،، الحمد لله انا راضيه والله بس قلبي موجوع
ربتت علي خدها #عارفه ياحنين انا اتصدمت لما قالي اسيل اه بنت عمنا بس اااطبعها مختلفه عن ادم مش هيرتاحوا مع بعض دا غير ان الهانم مش موافقه طبعا عمك اجبرها انتي لوتشوفي منظرها وهي قاعده شايله طاجن ستها زي مايكون ميتلها ميت
ابتسمت حنين بفتور لتقول نور
#ايوه كده حنين قويه ومفيش حاجه في الدنيا تكسرها وياعالم لعل
تنهدت حنين #متدينيش امل مش هيحصل يانور انا مش ناقصه ادم اختار خلاص
نور بتاكيد #اختار غلط ولما حد يختار غلط نفوقه
صدقيني ادم علي طول قافل علي نفسه ومقربش من حد فيكوا بس لما يقرب هيفهم
تنهدت بقوه # دا بس عشان هو محترم وملوش في كتر الكلام
فرقعت بين اصبعيها #صح جدا والست ايسل مبيعجبهاش الاالكلام ،،، في حاجه كده حصلت كنت عاوزه اسالك اعمل ايه
#ايه
#اسر بيقولي عاوز يتكلم معايا
حدقتها بذهول #اسر من امتي يعني
هزت كتفيها #مانا استغربت بس اللي فهمته انه عاوز يتكلم علي اسيل وبعدين الواد ده اصلا عينه زايغه كده وانا مبرتحلوش
حنين بتاكيد #لاء يانور الشهاده لله اسر عمره مابص لوحده فينا نظره مش مضبوطه بالعكس بقي ايام ثانوي كان يمشي ورايا هو احمد لحد مااوصل البيت عشان يحموني
#انا مقلتش حاجه وبعدين هو كمان قلي انت اختي زي اسيل بالظبط بس دا عاوز يكلمني بكره بيقول الدنيا هتبقي زحمه ومحدش هياخد باله
حنين #دا عبيط ده دا مفيش مره اتجمعنا الااما ناصر يبقي راشق عينه عليكي هو ده اللي قلقك مش كده
نور بارتباك #تقصدي ايه بقي
#علي حنين يانور كلنا عارفين ان ناصر بيحبك وانا عارفه انك بتحببه
نور بانكار #انا مش بتاعه مياصه وقله ادب
حنين ضاحكه # هو الحب مياصه وقله ادي ياخوفي يجي يقولك عاوز اتجوزك تضربيه
#بس ينطق دا البعيد جبله
حنين ضاحكه #ينطق ايه يامتخلفه انتي هيتجوزك وهو في تانيه كليه
#طب ماادم اكبر منه بسنه واتنيل علي عينه وقع اهوه
عادت الدموع تمليء عيون حنين لتقول باختناق
#ادم غير يانور ،،، ربنا يسعده
نور في محاوله لتغير دفه الحديث
#شوفي بقي انا جايه مخصوص عشان نشوف هنلبس ايه بكره ست زفته دي بتقول عليا دكر
هزت حنين كتفيها #طب مانا بقولك دكر طول عمري ايه الجديد يعني
نور ضاحكه #منك انت اقبلها اتاخري يابت انا واخده الاذن من ماما ابيت معاكي النهارده بس قسما بالله هتشلتي في نومك لكون مدياكي علقه موت اومي فزي شوفيلي حاجه اكلها وهتلي هدوم انام بيها
حنين بحنق وهي تقف امامها
#،اكونش خدامه ابوكي
تمددت نور علي الفراش لتضع ساق فوق الاخري وقالت
#طبعا ياخدامه بكيزه روحي يلا اخلصي هاتي اللي قلتلك عليه عشان تطلعي الفساتين اللي عندك انقي منها واحد
قالت بذهول #ايه ده هتلبسي فستان وايه اخبار السويتشرت الجديد بتاع احمد
فركت نور يديها #اخدته طبعا هو يقدر ينطق بس عاوزه اغيض ست زفته دي
جلست علي طرف الفراش وقالت
#عمو مامون عامل تشكيله فساتين بعتلي الكتالوج وانا نقيت اتنين واحد اسود وواحد نبيتي انا هاخد الاسود ماشي
فركت نور ذقنها
#وانا البس النبيتي واهو اعمل بلقمتي واشتغل بدل الرقاصه
حنين ضاحكه #رقاصه ايه يازفته انتي دي فساتين محجباااااااااات يعني طويل ومحترم
اعتدلت نور وقالت ضاحكه
#تمام رقاصه محترمه بحجاب اوووف محدش بيكلها بالساهل
حنين ضاحكه #انتي مصيبه البسي فستان وحطي ميكاب وروحي اتكلمي مع اسر وهووووب ناصر يقلبها دندره
صفقت نور بيديها #هااااي واقوم بقي اطلع فيه القديم والجديد واديله واحده سوبلكس اجيبه الارض لحد مايستسلم
حنين #ياخوفي علي الواد ده منك
فكت نور طرحتها لينسدل شعرها الاسود الحريري
#تصدقي الواد اسر قالي الله يكون في عون الواد
حنين ضاحكه #لاء مهو ماشاء الله ناصر مفضوح اوووي الصراحه مدلوق مدلوق يعني
حملت نور غطاء راسها لتربطه من الخلف وقالت
#يكونش مدلوق علي حد غيري ياسكيننه
حنين ضاحكه #اه عشان كده مالي اوضته بكل آيات النور
نور بحنق #شربتي بانجو ولالسه ياسعديه ....شوفتي اوضته فين يابت
حنين ضاحكه #الاسبوع اللي فات لما كنت عندهم تميم طلع يجري واستخبي في اوضته طلعت وراه اجيبه عشان كنت باكله مش ممكن الواد ده عفريت عكس اخته خالص
عقدت ذراعيها #اه وانتي بقي الكمريريه بتاعه ابوه صح كده مكدبتش لما قلتلك خدمه بكيزه
#انا بحب العيال الصغيره اوي
#زي امك مهي اللي مربيانا كلنا ،،، اي حاجه تحصل في العيله كلنا عند طنط فيروز
#حقه يابنتي دي كانت فتحاها حضانه
# والله كانت ايام حلوه مكنش في حواجز وبنتعامل كلنا ببساطه
حنين #الاناصر الاهبل اللي راح لعيله عندها عشر سنين يقولها انا بحبك وعاوز اتجوزك
انفجرت ضاحكه #دااضرب عقله موت من ادم وبصراحه كنت بضرب معاه
وكزت حنين كتفها #مفتريه من يومك
نور بمرح #تفتكري عشان كده مش عاوز ينطق خايف اعلم عليه تاني
#تعلمي علي مين تك نيله هو اسر هتزقيه هيقع
حركت يديها لتشير الي ضخامه ناصر
#دا ناصر دا لما بيقف جنبي بخاف داانتي يادوبك يعلقك في ايده زي المديليه
#هو انا عشان قصيره هتزلوني بقي وبعدين في اختراع اسمه كعب طويل
حنين ضاحكه #انتي هتلبسي كعب
#ايه يعني مش بنت
ربتت حنين علي كتفها #طب قومي قومي نشوف الموضوع ده ياخوفي تقلعي الجزمه تحطيها تحت باطك وتمشي حافيه
#تفتكري
ليتشارك الاثنان بالضحك وتتنهد نور بارتياح علي الاقل خففت عنها ولو قليل
❤❤❤❤❤❤صلي علي النبي محمد
