يقود علي الطريق يصب كل تركيزه عليه وفقط يستمع لثرثرتها التي لاتنتهي لايفهم ضمنيا ماذا تقول ولكن لايهم لقد اعتاد علي ذلك علي الاصغاء وتحمل عصبيتها المفرطه ،،،احيانا يتفلت امراه ويصرخ بوجهها ولكن يعود للهدوء ماان تدمع عيناها ،،،، يعلم انها تحبه ولكن من بيده ان يتحكم بقلبه،،،احيانا يعطيها العذر ،،، في غيرتها القاتله واحيانا اخري تخنقه ،،،، هي تعلم ضمنيا انه لايحبها ،، وهو يعلم جيدا انها ليست طبيعيه ،،،،انجي لديها خلل بسيط بالعقل ،،، لايظهر الاعندما تحتد ،،،، انجي خلال سبع سنوات حاولت الانتحار لاكثر من مره ،،،لذا لها معامله خاصه ،،، هو يعلم هذا ،،،ولكن اباه جعلها جزء من حياته ،،،، للان لايعلم لما فعل به هذا ،،،ولكنه لم يكن ابدا ليخالف رغبه ابيه ،،،،، مازال قلبه فارغ ولكن لن يبحث عمن تملئه يكفيه ولده الصغير سيف ،،، حانت منه التفاته بالمراه للطفل الذي يحتضن نفسه ويدفن رأسه بينهما ،،، اللعنه عليكي انجي ستدمرين الفتي بهذا الهراء منذ ساعه كامله وهي تتشاجر
#ممكن تهدي شويه ياانجي ،،، انتي مش شايفه الولد عامل ازاي
قالت بعصبيه كالعاده
#الولد الولد الولد ،،،، انت اهم حاجه عندك الولد يانديم ،،،،انا لازم اعرف دلوقتي حالا الست اللي كانت عندك في المكتب دي تبقي مين وعاوزه منك ايه
حاول قدر الامكان الحفاظ علي هدؤه ولكن تفلتت اعصابه رغما عنه
#يعني مش مكفيكي الفضيحه اللي انتي عملتيها ،،،،
قالت باستهجان
#فضيحه ،،، وانت بتسمي دي فضيحه
قال بضيق #لاء لما تزعقي لواحده عميله لمجرد ان سيادتك دخلتي لقيتها في المكتب ،،،، بنتكلم في الشغل متبقاش فضيحه ولاحاجه ،،،انتي عارفه الهبل اللي عملتيه ده خسرني كام ،،، بس دا العادي بتاعك ياانجي انتي من امتي بتهتمي بشغلي اصلا
#هو انت في في حياتك غير شغلك وابنك
ضرب المقود بيده #طب ماتقولي لنفسك الكلام ده ،،،،انتي عاوزه تتخانقي وخلاص ،،، كفايه بقي حرام عليكي ،،،، انا تعبت ياانجي ،،،،الولد هيبقي متعقد بسبب كتر خناقاتك اللي ملهاش معني دي
#انا عارفه انك مبتحبنيش ،،،عمي اجبرك تتجوزني ،،، وادي النتيجه ،،،، حياتي بتضيع قدام عنيا وانت كل اللي يهمك ابنك وبس
بلع ريقه بصعوبه فما قالته حقيقه مائه بالمائه ،،،زفر بقوه
#انا اثرت معاكي في ايه
هزت راسها نفيا #مأثرتش ،،، نديم انت عايش معايا زي الاله اللي بتعمل كل حاجه من غير احساس ،،،، حتي لما بتقرب مني بحسها ،،،، عشان كده ببقي حاسه ان في واحده تانيه في حياتك
زفر بقوه #للمره المليون هقولهالك ياانجي انا مش خاين مفيش حد في حياتي ،،،، انا راضي بحياتي معاكي يمكن مفيش بينا حب من اللي في دماغك لكن اللي بينا اكتر من الحب ،،، انتي بنت عمي ،،، وعشرة سبع سنين جواز وام ابني ،،،،
#بس مش حبيبتك ،،،، وقف العربيه
صرخ بعصبيه #بطلي جنان بقي احنا علي الطريق اوقف العربيه فين
امسكت مقبض الباب وقالت بتاكيد
#وقف العربيه دي حالا بدل ماهرمي نفسي وانت ماشي
يعلم جيدا انها من الممكن ان تفعلها انها احدي نوبات جنونها هذا لانها فتحت الباب بالفعل لحظه واحده ترك المقود ليمنعها ،،، ولانه يسير بسرعه عاليه انحرفت السياره ماان ترك المقود ،،، لحظه وانتهي كل شيء الشاحنه التي تسير خلفهم ارتطمت بهم بقوه هائله ،،،،لتسحلها تقريبا وتسحب السياره امامها لبضعه امتار لم يبالي بالقائم الحديدي الذي اخترق فخده لم يبالي باي شيء سوي هي وولده الدماء تتنافر منها وجذعها تقريبا سحقته الشاحنه لقد التفت السياره من ناحيتها
فقط كلمات مهمه حاول ان تخرج منه #هتبقي كويسه
حاول التحرك يلتف ليري ابنه ولكن جسده معلق بالصاج المتعجن المراه الاماميه كسرت والزجاج كذلك فقط تحدث يريد سماع صوته ليطمئن
#سيف انت كويس
احدهم يحاول نزع الصاج الملتصق به يحاول اخراجه وتحريره فقط
#ابني فين ابني كويس
بضع رجال اصابهم البكم عن لغته هو لااحد يفهمه برغم انهم يتحدثون يستمع فقط
احدهم #والله هو اللي لف مره واحده والله ملييش ذنب
آخر # نحاول بس نخرجه للعربيه تنفجر ،،،،الست ماتت
عجز يحاوطه وغمامه سوداء يحاربها الاتغطي عيناه فقط يريد ولده اخيرا بدا يتحرك ليلتف برغم الامه المبرحه ليجد مقعد ولده فارغ ،،،، الزجاج الخلفي مكسور بفتحه تسمح بمرور جسده الصغير ،،، عقله لايريد تصور هز هز راسه نفيا لعده مرات لينجح الرجال بتحريره اخيرا يحملونه ليرقدوه ارضا ،،،، عيناه فقط تعلقت ببضع ورقات مفروده من احد الجرائد وقلبه يبتهل الايكون مايراه حقيقي ،،،، زحف علي الارض لتهب رياح قاسيه وتنزع الاوراق ،،، ليقف كل شيء الزمان والمكان ويخرج قلبه من جسده ليلتصق بالفتي المسجي علي الارض ودمائه الطاهره التي اغرقت ماحوله اخر طاقه لديه صرخ بها
#سيييييف ردعليا ياسيييييف
#عمو نديم اصحي ياعمو
فتح عيناه ليطالع الفتي الجالس امامه لتسقط عبرته التي حرقت جفناه ليمسحها ناصر ويربت علي كتفه
#انت بتعيط ليه ياعمو
#معلش ياناصر هتلي شويه ميه
ناوله بعض الماء ليتجرعه يحاول اذاله المراره العالقه بجوفه بلا فائده ربته حانيه من يد ناصر ليتسأل الفتي
#مين سيف اللي كنت بتنده عليه دا ياعمو
بلع ريقه بصعوبه وهمس بحشرجه واضحه
#ابني
#انت عندك ابن طب هو فين
فرك جبهته ليحاول التحكم بدموعه وقال باختناق
#راح ،،، راح في لحظه ،،، عارف كان زمانه دلوقتي راجل في ثانوي او في اولي جامعه ،، كان شبه بابا الله يرحمه قعد معايا ست سنين بس ياناصر ، ،،
سقطت دموع ناصر وقال باختناق
#هو مينفعش ابقي مكان سيف ياعمو
ضمه الي صدره وقال بلوعه
#بعد الشر عنك داانت عوض ربنا ليا ياناصر ،،،، ربنا يباركلي في عمرك واشوفك راجل
ناصر باختناق
#طب انا ليه باباي مش بيحبني زي ماانت بتحب سيف
امسك ذراعيه وقال بانفعال
# سيف راح وانت اللي موجود ،،، ربنا يعلم اني بحبك زي ماكنت بحبه بالظبط ،،،وانك بقيت في قلبي زيه ،،، انا من يوم ماشوفتك وانا حاسس بكده ،،، ولو انت لسه حاسس ان ابوك بعيد وان جنبك ،،، يبقي احساسي دا موصلش ليك ،،، ،
ارتمي ناصرعليه ليدفن راسه علي صدره ويقول باختناق
#لاوالله ياعمو ،،، عارف انا سعات بيبقي نفسي اقولك يابابا بس بخاف لحسن تزعل ،،،هو مش عاوزني وانا كمان مش عاوزه انا عاوزك انت
قبل جبينه وقال #لاء مش هزعل طبعا،،،، مش بقولك انت عوض ربنا ليا ،،،،،انت حته مني انا ياناصر مش من عدي ،،،،
ناصر بانفعال #خلاص انا هقولك يابابا ماشي
هز راسه موافقا #ماشي ،،، ممكن بقي تنام في حضني عشان انا خايف
استلقي بين ذراعيه ليضمه الي صدره ناصر
#خايف من ايه
#خايف الفرحه اللي في قلبي تطفي ،،، اصلي متعودتش افرح ،،، ديما فرحتي ناقصه اتعودت علي كده
قبله دافئه بطعم البنوه التي افتقدها وهمسه اكثر دفيء
#ربنا يفرحك ديما يااابابا
❤❤❤❤❤استغفر الله ❤❤❤❤❤❤
