التوازن الامر الذي احتاجته بشده ودلها عليه مرشدها كالعاده نديم ،،، لقد كانت بدات تغرق بالفعل في دوامه المسؤليه التي لاتنتهي الاهتمام المفرط بالصغار وتناسي كل شيء لولاه هو ،،، نديم دوما يضعها علي الطريق الصحيح يفتح امامها كل الابواب التي توصد في وجهها ،،، استطاعت ان تقف تكف عن الدوران حول الدائره المفرغه ،،، لقد اهملت كل شيء نفسها وناصر وهو نديمها العاشق ،،، نديم علمها ابجديات كل شيء العشق الحب وحتي الامومه ،،، نديم داعم ليس له مثيل يؤازها علي طول الخط يحتوي تبعثرها ويلمم شتاتها ويجبر كسرها ويصحح اخطائها ،،، زاد قرب ناصر من الصغار وزاد تعلقهم به ،،، الفرق العمري بينهم كبير نوعا ما ولكنه بدا يصرح
#عارفه ياماما انا بحس ان تميم وزمرده دول ولادي مش اخواتي
الحب يبني ويشيد يرمم الجروح ويعيد بناء تكوين قوي يمكنها المواجهه به ،،، قبلت وجود مربيه تهتم بالصغار وعاودت الاهتمام هي بالجميع ،،، في الحقيقه لولا توجيهاته ماكانت لتفعل
#حبيبتي سرحانه في ايه
رفعت عيناها له لترتسم علي شفتيها ابتسامه عريضه
#فيك ،،، عارف يانديم انت فعلا وجودك في حياتي اكبر نعمه من ربنا
اراح راسه علي ساقها وقال باسما
#ايه الكلام الجامد ده
داعبت خصلاته السوداء
#دا مش كلام انا حاسه بكده ،،من غيرك مكنتش عايشه يانديم وبيك ملكت الدنيا
اعتدل ليحتضن وجهها بيديه
# وانا بقي حياتي كلها في عنيكي موج العسل بتاعي ربنا يباركلي فيك يااحلي ملكه في الكون كله
ابتسمت #مش هتبطل تقولي ياملكه
قرب وجهه حتي لفحته انفاسها الساخنه وهمس
#لاء عشان انتي ملكه قلبي
تحب قربه لمساته التي تجعلها تذوب داخل عالمه الخاص بشده ،،، عالم نديمها العاشق
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
#الف مبروك ياولدي
حمزه بسعاده وهو ينحني ليطبع قبله علي يد سليم
#الله يبارك فيك يابا سليم ويخليك لينا يارب
هاشم #مبروك ياحمزه عقبال الفرح
حمزه #قريب ان شاء الله دا بعد اذن ابا الحج طبعا
سليم #رتبوا اموركوا وخبرونا الله في سماه اعملك فرح ماشافته بر مصر كلياتها
حمزه#قدها وادود يابا الحج
انحني حمزه علي اذن هاشم
#ايه هو انا مش هقعد معاها ولاايه هنقضيها مبروك
وكزه هاشم وهمس #متتحشم يابغل واصبر
حمزه بضيق هامسا #انا اتكتمت اهوه
سليم #انت واقف ليه ياولدي دا البلد كلياتها عاوزه تباركلك
حمزه بغيض #البلد كلياتها طب ااااا
وكزه هاشم #ابوي حمزه كان بده ياخد زينب ويخرجوا شويه
سليم #ومالوا ياولدي مهي بقت مرته بس متعوقش ياحمزه
حمزه بسعاده #ربنا يخليك ياباسليم
دفع حمزه هاشم #ادخل بقي هتها
ضرب سليم كفيه وقال ضاحكا
#داانت قاعد علي عينك بقي
حمزه بارتباك #ابدا بس اااااا
سليم #خلاص روح ياهاشم نادم علي خيتك ياولدي
تحرك هاشم للداخل لتقابله جوان ببتسامتها الواسعه
#وحشتني
لدغ خدها #وانتي كمان فينها زينب
#فوق مع البنات عاوزها
# حمزه عاوز يخرجها شويه
قالت بحده #طب اتفضل بره بقولك فوق كله بنات
اقترب ليضم خصرها اليه
# بتغيري عليا
تعلقت بعنقه
#جوي جوي ،،، انت موز وذي القمركده انا هطلع اندهلها
اتسعت ابتسامته ليقول
#امشي يابت دا وقت دلع
تحركت لتقول #ماشي عشان خاطر زينب بس
#جوان فاطمه عامله ايه
تخصرت لتقول بحنق
#بترقص زي القرده
حدقها بصدمه #بترقص
جوان بغيض #اه بترقص هو انا ليه مش بعرف ارقص زيهم
#معرفش بس قوليلي هي بترقص حلو
رفعت سبابتها بوجهه وقالت بتهديد
#انت تحترم نفسك ماشي وبلاش قله حيا
قال ضاحكا #اصل اول مره اعرف ان فاطمه بتعرف ترقص هنشوف الحكايه دي بعدين
قالت بغيض #تشوف دا ايه والله
قاطعها #اشش والله بغيضك اصلك بتبقي قمر لما وشك بيحمر كده
قالت بتذمر #لعلمك بقي انا بعرف ارقص ديسكوا وتانجوا وزومبا وهي مبتعرفش
تغلب علي ضحكاته بالاكراه
#ماشاء الله حريمي عندهم مواهب وانا اخر من يعلم
رنين هاتفه لينظر الي الشاشه ويقول بحنق
#يابت حمزه بيستعجلني اخلصي اطلعي اندهيلها ونبقي نتكلم في حكايه الرقص دي بليل يلا بقي
زفرت بضيق لتتحرك للاعلي وهي تهمهم بكلمات لم يفهم منها شيء ،،، منذ دخول جوان حياته وهو نفسه تغير ،،، تصحيح منذ دخوله هو حياتها واقتحامه لقلبها ،،، جوان وفاطمه كلاهما يسعي لارضاءه شعور رائع ولكن عندما يتحدان عليه يعجز عن مواجهتهما معا تامل زينب وهي تنزل ببطء علي الدرج وجهها مطرق لتقف امامه رفع وجهها
#الف مبروك يازينب
همست بخجل
#الله يبارك فيك ياابيه
#حمزه عاوز ياخدك وتخرجوا شويه
هزت كتفيها #اللي تشوفوه
هاشم #شوفوا البت قال مش هتموت وتخرج معاه يعني
زينب بخجل #اتحشم ياابيه عيب
انفجر ضاحكا #ربنا يسعدكوا يارب ،،، خدي بالك منه حمزه طيب وعلي نياته يلا بقي لجنني اتصالات
تحركت زينب خلفه لتقف علي باب البيت
#خليكي وقفه هنا وانا هبعته ياخدك المندره كلها رجاله
تابعته زينب يتحرك للخارج لتفرك كفيها بتوتر دقيقه واحده وظهر هو ،،، حمزه بطلته المميزه تاملته للحظه لتتلاقي العيون عيناه الفحميه تشع ،،،وكانها احد النجوم المضيئه في السماء اخفضت بصرها بخجل ماان اقترب ليهمس هو
#اتوحشتك جووي
جمله من كلمتين في الحقيقه صدمتها لقد اعتادت علي حمزه في الايام السابقه لانه ببساطه يتحدث معها يوميا ،،، حمزه لم يتحدث مره واحده عن مشاعره بهذا الوضوح الجمتها الكلمات وتسمرت بالكليه عندما رفع ذقنها ليطل بعيناها الذي يخنقها الخجل ليهمس بهيام
#قمر لاع قمري اني بس ينور دنيتي كليتها
حدقت بوجهه بذهول ليقول
#اباي مالك مبحلجه اكده مش مصدقاني ولاايه
هزت كتفيهاوخفضت وجهها بخجل #مستغرباك بس
اقترب خطوه واحده ليرفع وجهها اليه
#مستغربه ليه ،،
#يعني انت عمرك ماقلت كده
قال بقلق #وهو ده عفش يعني
هزت كتفيها #لاه بس ااا
ضرب جبهته بكفه
#ياخساره تعبك ياحمزه دااني طولت الليل بحفظ في الكلمتين دول
حدقت بوجهه ليقول بسرعه
#اصل اني ملييش في الكلام المزوق وانا عارف ان البنته بتحب الحتيت الحلو
قالت بارتباك #بس مش معني اكده انك تقول كلام مش حاسه
تنهد بحراره #مش حاسه ايه بس ،،، داانا قعدت طوله الليل علي النت ادور علي حاجه صغيره اد اكده تعبرلك عن مشاعري متلقتش حاجه توصفها
اشتعل وجهها لتخفض بصرها #ماانت بتقول كلام زين اهه
تامل احمرار خدودها ونظره الخجل الملتمعه بعيناها ليهمس
#يابووووي ،،،دااني لو اطول اجيب نجوم السما احطها تحت رجليكي مش هتاخر ،،،انتي متعرفيش انت عندي ايه
ابتسمت #ايه
امسك كفيها ليهمس
#الباب اللي بشوف منيه الدنيا كلاتها ،،،، كل اللي بتمناه من ربنا اني اسكن قلبك زي ماانتي ساكنه قلبي
قالت بتردد #يعني بتحبني صوح
#لاع داني عشقجان والعشج دوبني خلاص
#الله الله ياسي حمزه ،،،،
التف حمزه بخضه علي صوت هاشم ليقول
#سلام قولا من رب رحيم انت بتطلع منين ياجدع انت
هاشم بحنق # انت شوفت عفريت بتصرفه
حمزه بغيض #انت هتعمل فيها حمايا دااني مصدقت جمعتلي كلمتين
مال هاشم علي اذنه #مش اهنه ياحمار افرض ابوي ولاحد من الحريمات نزل
تناول حمزه يد زينب الذي اشتعل وجهها وقال باسما
#انت صح سلام ياواد عمي
هز هاشم راسه ليتابع انصرافهما ويهمم
#ربنا يسعدك يازينب ،،، ويفك عقده لسانك ياحمزه ومتنيلش الدنيا
❤❤❤❤سبحان الله ❤❤❤❤❤❤
