وفاه رجل الاعمال عدي السعدي اثر نوبه قلبيه
نسال الله له الرحمه ولاهله الصبر والسلون
خبر صغير من سطرين اثنين قرأته في الصحيفه لعشر مرات وكانه كتب بلغه لم تفهمها هل انتهي عدي بهذه البساطه ترك العالم ورحل ،،، هناك الف الف علامه استفهام تدور براسها ،،،، هل مات اثر ضربات نديم له ،،،، اللعنه انه بالنهايه اخاه ،،، لهذا السبب لم يتصل نديم منذ اسبوع وهي كابرت كالعاده ،،، انه حتي لايتحدث مع ناصر ،،،، هل يحتاجها الان ،،، ولما سيحتاجها هي تحديدا ،،، هي لاتمثل لنديم شيء ،،،،وهو لايمثل لها شيء ،،، علي الاقل تعذيه ،،،، فيمن في عدي ،،، الذي كاد ان يغتصبها ،،،،،في اي حماقه تفكر ليس لها شأن في هذا ،،،، لقد اقسمت بعد ضعفها الذي ظهر جليا امامه ان تعود لحياتها وهذا ماحدث عادت لروتينها القديم لن تنكر ان لحظات وجودها بين ذراعيه اشعرتها بالامان المطلق التي افتقدته بالكليه منذ رحيل ابيها ولكن ماتزال كلماتها المتوسله تطرق جدران عقلها وتشعرها بالخزي ،،، نديم استطاع ان يري منها مالم يراه رجل علي ظهر البسيطه ،،، حتي اباها راي ضعفها الكامل لذا هربت منه ،،، نعم هي تهرب وهي واعيه لهذا تماما ،،، لن تنكر انها تفتقده ولكنها لن تسمح لنفسها بالضعف مره اخري ،،،، علي الاقل تفهم ماحدث ،،،، فهي تركت بيته وفهد متحفظ علي عدي ،،، الاولي ان تتصل بفهد العقل يقول هذا ولكن كيف تخرس صوت قلبها الملح للاطمئنان عليه حركت اصابعها فوق هاتفها النقال حتي ظهر اسمه ،،،، نصفها يود فقط سماع صوته بخير ،،،والنصف الاخر يرفض الانغماس معه اكثر ،،،، لحظه اندفاع ندمت عليها في لحظتها ماان بدات شاشه هاتفها بالوميض لتعلن عن الاتصال ،،،ارادت اغلاق الخط ولكنه للاسف فتح الخط ولكنه لم يتحدث
#الوا ،،،نديم ااا
#ايوه ياماسه ،،، ازيك
كلمات بارده جوفاء اصابتها بالتوتر
#اناااا كويسه ،،، ااااقريت خبر في الجرنال
قاطعها #هو دا اللي خلاكي تتصلي ،،، علي العموم انتحر .وفهد كتر خيره لم الموضوع ،،، هفوق واعمل حصر بممتلكاته و
قاطعته بحنق #ممتلكات ايه
# ميراث ناصر ياماسه ،،، مش هو دا دلوقتي اللي بينا
للحظات اصابتها صدمه من اتهامه فقالت بلوعه
#انت متخيل اني متصله بيك عشان كده ،،، انا معرفش اي حاجه غير من الجرنال من شويه ،،، بس واضح ان انا غلطت لما قلت اطمن عليك
#يعني اتصلتي تطمني ،،، اهمك اوي يعني
بلعت ريقها بصعوبه هاهو نديم عاود لمحاصرتها مره اخري
#انت اااا ااقصد يعني ناصر بيسال عليك علي طول
#ماسه ،،، مش هستحمل هروب دلوقتي ،،، انا محتاج اتكلم معاكي ممكن
قالت بمراوغه # طب ماانت بتتكلم اهوه
#عاوز اشوفك ياماسه
صمتت هل ترفض وتقفل الباب ام
#سكتي ليه مش عاوزه براحتك اكيد مش هغصب عليكي تسمعيني يعني
قالت بسرعه # نتقابل فين
#هفوت عليكي ربع ساعه وهكون عندك
اغلقت الخط لتلقي الهاتف بعصبيه
#كان المفروض اقوله لاء ،،، اللي بتعمليه ده غلط ياماسه ،،،، نديم بيضعفك
زفرت بضيق نعم ماكان يجب ان تتصل هي لاتهتم اطلاقا هي فقط ،،،، تريد الاطمئنان عليه ،،،صوته المعاتب مازال يتردد باذنها هل افتقدها حزن لانها لم تسأل ،،، لقد آذرها نديم وقف بجوارها وستذهب فقط لكي ترد الجميل ،،، هكذا اقتنع عقلها بما هي مقدمه عليه بعد قليل كانت تستقل بسيارته لينطلق بها مجرد رؤيته جعلت خفقاتها اللعينه تتسارع لم يتحدث ولكنها فقط اختلست النظر اليه يطلق لحيته عيناه مرهقه بشده يبدو انه لم ينام لفتره ،،، انتبهت الي انه اوقف السياره نظرت حولها المكان هاديء بشده مجموعه سكنيه من الفيلات الانيقه كومباوند ،،، تطلعت اليه لينظر اليها للمره الاولي
# انت جيبني هنا ليه
#الكلام اللي هقوله مينفعش يتقال في مكان عام انزلي ياماسه متخفيش
كان عقلها يحلل جملته الاولي حتي نطق اخر كلماته لاتخافي ،،،، هل يظنها خائفه منه ،،، هذا الشعور لم تشعره ابدا معه تنهدت بقوه وترجلت من السياره لتتبعه دخل احد الفيلات ليضيء الصاله ثم امسك يدها وتحرك ناحيه الشرفه المفتوحه المطله علي بركه صغيره
#اتعودت اما ابقي مخنوق اوي اجي اقعد هنا ابص علي الميه لحد ماالنهار يطلع واول مااشوف النور بيحارب عشان يخرج من الضلمه افك ،،، بس انا بقالي اسبوع مش عارف انام مش عارف اعمل اي حاجه حاسس ان حياتي وقفت
وضعت حقيبتها علي الطاوله لتجلس علي الاريكه
#اد كده موته مأثر فيك
جلس بجوارها ليدفن راسه بين ذراعيه
#مش مصدق انه راح بالبساطه دي ،،،عارفه لما فهد اتصل بيا وقالي اخوك شنق نفسه ،،، حسيت انه بيكلم حد غيري ،،، لما رحت وشوفته ،،، كان شكله بشع ياماسه ،،،، شكله كان مخيف ،،،، عارفه شوفته وقتها اخويا الصغير اللي كنت بحميه وبتخانق عشانه في المدرسه ،،،، انا حاولت الف مره ارجعه بس هو رفض ،،،، حسيت اني جزء من اللي عمل فيه كده ،،، لومكنتش قلتله ابوك مات بحسرته عليك مكنش مشي ،، كان هيفضل تحت عيني ،،،، بس عدي عمره ماكان بيسمع كلمه من حد ،،،،
ربتت علي يده ليعتدل في مواجهتها
#متحملش نفسك اكتر من طاقتها ،،، عدي مكنش طفل عشان تتحكم فيه
قال باختناق #انا تعباااان اوووي ،،، عارفه لما دفنته وقفلت عليه القبر قلب عليا كل مواجع الدنيا ،،، انا اعتبر مشوفتش والدتي اللي ربتني ام عدي ،،، بصيت علي قبرها وقبر ابويا وقبر انجي وقبر سيف ،كل واحد فيهم انتهي بقي عباره عن شاهد مكتوب عليه اسمه وبس ،،،، كل عيلتي بقت هناك كانهم نقلوا السكن ،،،، انا اتعودت علي الوحده من زماااان حتي وانا في وسط الناس ببقي لوحدي ،،،وعمري مااعترضت وراضي ،،،،، انا متصدمتش بموته قد مااتصدمت بالطريقه اللي مات بيها ،،، المنتحر كافر ياماسه قفل حتي الباب اللي بيهون ،،،، انه راح في حته احسن ،،،، لما الكل مات كنت بصبر نفسي بكده ،،،هما دلوقتي في مكان احسن ومستنيني اروحلهم وحشوني ،،، وحشوني اووي ،،، قعدت قدام قبورهم اكلمهم ،،، عدت عليا لحظات موتهم زي الكابوس يخنق ،،لما عدي رجع سكران جايب واحده معاه البيت وبابا وقف في وشه عدي مكنش في وعيه زقه كل حاجه عدت قدام عيني وهو واقع في الارض عينيه مليانه دموع وقال جمله واحده انا اللي عملت فيه كده ،،،،،مات مني في العربيه ملحقتش اوصل بيه المستشفي ،،،، انجي وسيف ،،،، موتهم كانت اسوء لحظه عشتها في حياتي ،،،انا ظلمتها اوي ،،،، بس غصب عني ،،،
قالت بفضول #مين انجي دي اختك
هز راسه نفيا #مراتي،،،، انجي كانت بنت عمي لما عمي مات كنت لسه عندي تسعتاشر سنه بابا قرر ان مينفعش ممتلكات السعدي تتقسم ولازم اتجوزها رفضت انجي بالنسبالي زي اختي بالظبط ،،،، انا مش بشوفها الاكده. ،،،، بابا اصر وقلي هي بتحبك لما تتجوزها هتحبها ،،،، واتجوزتها بس معرفتش احبها ،،،والله حاولت بس غصب عني ،،،، بس كنت راضي حاولت مأثرش ،،،بس هي شافت ان انا بحرمها من اهم حاجه ،،،،،مشاعر الحب ،،،، ليه معرفتش اضحك عليها واقولها ان انا بحبها ،،،، مقتنع اوي اني مينفعش اكدب في المشاعر ،،،، برغم اني لوكدبت عليها مش حرام ،،، بقت حياتنا علي طول خناق ،لان مشاعري بارده ناحيتها بقت علي طول حاسه ان في حد غيرها في حياتي ،،،،بتغير بجنون من اي حاجه واي حد ،،، لحد ماحملت في سيف ،،، كنت فرحان اوي انا بعشق الاطفال بس كل الدكاتره قرروا انه لازم ينزل ،،،انجي اتولدت بنسبه خلل بسيط ،،،كانت بتاخد مهدئات دا زائد ان التوافق بينا عالي اوي واحتمال ان الطفل يبقي معوق كبير جدا ،،،، بس هي رفضت تنزله فضلت تصرخ وتقولي لو نزلته هموت نفسي ،،، خدتها وسافرنا بره فضلت تحت الملاحظه لحد ماولدت ،،،، واجا سيف للدنيا ،،، وربنا اراد انه يبقي كويس ،،، عملناله تحليل وفحوصات وقرر الدكتاره هناك ان الطفل التاني اكيد هيبقي معوق ،،، انا راضي كفايه عليا سيف ،،،ربنا نجاه عشاني ،،،بقت دنيتي كلها بتدور حواليه ،،،، الولد سليم عضويا اه ،،، بس منطوي زياده عن اللزوم ،،،،، انجي بدات حالتها تسوء علي طول تقريبا بتصرخ بقت حياتي معاها خناق عرض مستمر ،،،،حاولت تنتحر اكتر من مره ،،،وعلي طول انت مبتحبنيش وفي حد غيري في حياتك ،،، كنت بحبها بس مش الحب اللي هي عاوزاه ،،، كنت بحاول اعمل اللي اقدر عليه ،،، بس للاسف الولد حالته النفسيه زي الزفت سافرت اسكندريه اخلص صفقه ،،، وانا بتكلم مع واحده من العمله في المكتب لقتها فوق دماغي بتصرخ ،،،، طبعا عملت فضيحه كالعاده حاولت الم الموضوع اعتذرت للست واخدتها ونزلت ،،،،لقيت سيف في العربيه جبته معاها ،،،طريق مصر اسكندريه تقريبا كان كله خناق والولد قاعد ورا حاضن نفسه وبيعيط ،،،، انترفزت شديت معاها ،،،،قالتلها ان اللي بنا اكبر من الحب هي بنت عمي وام ابني ،،،، قلتلي وقف العربيه زعقت فيها بس فتحت الباب فعلا ،،،،لحظه واحده بس ،،،،اتلفت عشان اقفله ،،،،العربيه لفت بالعرض عشان انا ماشي علي الطريق السريع وفي لحظه العربيه اتفرمت وراحت انجي قدامي في لحظه مكنتش شايف اي حاجه ،،،،غير دمها اللي غرق العربيه ،،،،وبنده علي سيف وهو مش بيرد ،،،،حاولت اتحرك مقدرتش صاج العربيه تقريبا كان هيقطع رجلي بس مش حاسس انا عاوز اشوف سيف وبس ،،،الناس طلعوني وشوفته ،،،،،،،،الخبطه نطرته من الازاز الوراني ومخه انفجر في الارض ،،،، في اللحظه دي اتمنيت اموت وبس ،،،، قلبي يقف وارتاح ،،،، بس ربنا مأردش اني ارتاح ،،، لما فوقت في المستشفي كنت عارف انهما راحوا ،،،، قفلت عليا حياتي ورضيت وحكمت علي نفسي بالوحده ،،،، هو دا العقاب اللي فرضته علي نفسي ،،،،كنت ببعد اي واحده تحاول تقرب مني ،،،،،، كنت مقتنع جدا بدا ،،،القلب اللي معرفش يحب مره مش من حقه يحب خالص ،،،، بس معنتش قادر اهرب اكتر من كده ،،، يمكن دي اكتر حاجه تعباني ،،،
متأثره منفعله لن تنكر ولكن حائره بشده اعتادت ان تصنف جميع الرجال تحت قائمتين لااكثر واحد محب مخادع كابيها ومأمون الخائن ،،، وواحد حيواني كعدي والنادر منهم محب وفي كفهد وليث تحت اي قائمه يندرج هذا ،،،، يعاقب نفسه لانه لم يستطيع مبادله الحب لامراه فرضت عليه ،،،غريب هو حقا انتبهت من شرودها علي جملته الاخيره عن الهروب لتسأل بشرود
#بتهرب من ايه
قال بتاكيد #منك ياماسه حبيتك امتي وازاي معرفش ،،،، بس قلبي اتعلق بيكي من قبل مااشوفك وانتي شغله تفكيري ،،، واما شوفتك اتعلقت بيكي اكتر ،،،، عشان كده سافرت رحت اسكندريه كنت عاوز انفي دا جوايا ،،،، بس خلاص تعبت ،،، اللي حصل وموت عدي فوقني معتش في العمر قد اللي راح ،،،،
حب كلمه جوفاء اعتادت ان تسمعها باستخفاف ساخر بشده ،،،، ولكنها للمره الاولي التي تسبب بداخلها هذا الاضطراب الشديد ،،،، جزء انثوي بحت بداخلها تراقص طربا بها وجزء قتله الحب جعلها ترفضها جمله وتفصيل هبت واقفه وقالت بعصبيه
#مفيش حاجه اسمها حب ،،، مجرد كلمه سخيفه ملهاش اي معني
جذب يدها لتجلس مره اخري كادت ان تنفجر به لولا
#اقعدي ياماسه انا لسه مخلصتش كلامي ،،، عندك حق طبعا ،،، انا كمان كنت مؤمن بكده يمكن مش بنفس المعني بس النتيجه واحده انا كنت مؤمن بوجود الحب بس عارف ان انا اللي مينفعش احب ،،
بس اتضحلي انها مش في ايد حد ،،،، بس انا محتاجلك وانتي كمان محتجالي
قالت بحده #انا مش محتاجه لحد
هز راسه نفيا #غلط ،،، انتي محتاجه اب لناصر وشركه عدي بتقع انتي محتجاني اوقفهالك عشان تعرفي تعملي دمج بين الشركتين وبن السعدي لازم يتربي في بيت السعدي
قالت بصدمه#بتهددني
هز راسه نفيا #خالص الولد اصلا من حقك ،،، بس افتكر ان من حقه يعيش طبيعي بين اب وام وبجوازنا ده هيتحقق وافتكر انك اكبر عقاب ممكن اعاقب بيه نفسي
قالت بحنق #انا عقاب
هز كتفه #اكيد ،،،، عقاب عشان اعيش اللي عيشته لانجي ،،،، اني احب واحده وهي متحبنيش ،،،،
قالت بغيض #يعني عاوز تعاقب نفسك بيا
يريد بشده ان يسجل تلك اللحظات التاريخيه التي تتفلت بها سيطرتها ويظهر انفعالها علي وجهها ،،، لوتدرك الحمقاء المحتقنه امامه انها تخلت عنه في الوقت الذي كان يريد وبشده ان يرتمي بين ذراعيها ويبكي كطفل فقد ماتبقي من عائلته ،،،، ان اكثر شيء آلمه عدم اهتمامها ،،، ولولا وجود فهد بجواره لما كان استطاع ان يتماسك ،،،،حسنا لقد اكتسب اخ حقيقي ،،، لم يستطيع منع نفسه من الابتسام
#ايوه طبعا انتي عاوزه عقاب اسوء من كده ،،، دا جوازي منك لوحده مأساه فما بالك بقي وانا بحبك ،،، مكتوب عليك العذاب يانديم
هبت واقفه وقالت بحنق
#انت تحترم نفسك ماشي وبعدين انا اساسا مش موافقه ،،وماشيه
وقف امامها وامسك ذراعها وقال بحزم
#هتوافقي ،،،،، ولا خايفه
ابعدت يده بعصبيه لتعقد ذراعيها وتقول بتحدي هذه هي ماسته العنيده الذي وعي جيدا كيفيه الضغط عليها
#وهخاف من ايه بقي
عقد ذراعيه وقال بتحدي
#معرفش اسالي نفسك ،،،،يمكن خايفه تحبيني ،،، متقدريش تقاومي تأثيري الفظيع ،،، عارفه عندك حق انت ضعيفه اصلا مش هتستحملي انا عارف
عيون الماسه الغاضبه مزيج مثير من البحر الهائج واشعه الشمس الصاعقه ،،،، قالت بعصبيه
#دا ايه الغرور ده
هز كتفيه وقال باستفزاز #مش غرور دي ثقه ،،،، علي فكره كنت عارف انك هتهربي وتداري رعبك ورا قناع الجمود ،،،، دا العادي بتاع ماسه
قالت بحده #انا مبهربش ومبخفش انت فاهم ولالاء
هز كتفيه #واضح اوي عشان كده رفضتي ،،، برغم انك متاكده ان ناصر فعلا محتاج ده انه يعيش في وسط عيله حقيقيه بدل اللي اتحرم منها ،،،، بس عارفه حقك تخافي علي نفسك مني ،،،
عقدت ذراعيها وحاولت استجماع بعض من هدؤها المفتقد هذا النديم الاحمق دوما مايفعلها يخرجها من كل شيء اعتادت عليه
#ماسه الحداد مبتخفش من حد لامنك ولامن غيرك يابن السعدي ،،، وبعدين هو انت زعلان علي اخوك ولاعاوز تتجوزني
اقترب خطوه ليري اضطراب عيناها يعلم تأثيره عليها حتي لوكانت تخفيه
#طبعا زعلان علي اخويا ،،،بس فوقت يمكن لوكنتي اتصلتي قبل كده كنتي شوفتي نديم تاني ،،،، بس دي بدايه العقاب اللي انا فرضته علي نفسي بيكي ،،،، عشان لما احتجتك فعلا متلقتكيش
العتاب الحزين الذي غلف صوته اخترقها رغما عنها لذا قالت بتوتر
#نديم انااا مكنتش اعرف ووو
وضع اصابعه علي شفتيها ليقول بجديه
# متحوليش تبرري حاجه لانك مش محتاجه ده ،،،، طول عمري وانا راضي بحكم ربنا واللي مكتوبلي في الدنيا ،،،،، بقبله زي ماهو ،،،، بدايه عقابي مش لما حسيت اني بحبك لاء ،،،، بدايه عقابي كانت بموت عدي ،،،،،في الوقت ده عذرت انجي اووي وحسيت باللي كانت بتحسه ،،،، انها تحب اله متحسش بيها ،،،، عرفت انها بتوجع اوي ،،،، عشان كده قررت اكمل عمري في العذاب اللي هي عاشته ،،،، افتكر دا كفايه اوي عشان يخفف احساس الذنب جوايا ،
عاجزه عن الرد انه محق في انها تخلت عنه كابرت كعادتها ولم تكلف نفسها حتي بسؤال فهد ،،،، لم تسال برغم انه امتنع عن الرد علي ناصر ،،، لم يشأ ان يراه الفتي بلحظات ضعفه ولكنه اقر انه كان يحتاجها هي ،،، الحب ان تشعر بمن تحب ،،،، هل هذا سبب اختناقها الايام السابقه ،،،،، لقد ارجعت هذا لما مرت به علي يد المختل الراحل ،،،، وهو محق ايضا في انها تهرب تخشي الضعف امامه نديم تسلل بداخلها سكن بمنطقه بعيده عن جراح عدي وابيها ،،،، بلعت ريقها بتوتر وقالت
# نديم صدقني انا كنت اااامحتاجه انفرد بنفسي بعد اللي حصل و
قاطعها للمره الثانيه
#قلتلك مش محتاجه تبرري ،،،، انا عارف انتي اتصلتي ووفقتي تقبليني ليه ،،،، نوع من رد الجميل انا فهمك كويس ياماسه ،،،،، ولما عرضت عليكي الجواز بالنسبالك مجرد صفقه وانا عارف انك هتحسبيها صح ،،،، وهتوفقي علي الاقل عشان تثبتيلي انك مش خايفه ومبتهربيش ،،،،،
قالت بحده #قلتلك انا مبخفش من حد
ابتسم بنصر رأته يلمع بفحم عيناه ليرفع يدها بين يديه
#يبقي اتفقنا ،،،
قطبت بين عيناها #اتفقنا علي ايه
رفع يدها ليطبع عليها قبله ناعمه عيناه لاتبارح عيناها المضطربه ليهمس
#اتفقنا ان انتي مبتخفيش ومش هيفرق معاكي جوازك مني بالعكس ماسه سيده اعمال ناجحه تعرف كويس اوي فين مصلحتها صح ولاانا غلطان
هناك شيء ما خاطيء فيما يحدث نديم تقريبا يحكم الحصار حولها كالعاده حركت راسها بقوه وقالت بغيض
#انت بتدبسني ياجدع انتي
لدغ خدها وقال باسما
#صح جدا بدبسك ،،،، الف مبروك ياماستي تحبي نكتب امتي
قالت بغيض #انت مجنون نكتب دا ايه
اقترب خطوه لترفع هي راسها تلقائيا وقال بتاكيد
# قوليلي بقي هتعملي فرح ،،، ولانعمل حفله علي الضيق انا رائي نعمل حفله علي الضيق ايه رايك
كادت ان تتحدث ولكنه اقترب خطوه اخري لتتلاشي المسافه بينهما ويهمس
#ربنا يقدرني واسعدك
للحظات غاصت في عمق عيناه السوداء ولمعتها الفريده السعاده ،،،، واحده من مفردات الدنيا التي لم تعرف لها معني منذ طرد ابيها لها النديم يعد ان يسعدها يريد ان تقترن به لانه يحبها وهو واثق انها لن تحبه احمق ،،، ماسه الحداد لاتعرف الحب
#عشان كده مش هتهرب
حدقت بوجهه بذهول انه يرد علي افكارها حاليا ليكمل
#سمو الملكه متعرفش الحب عشان كده مش هتهرب انا هتكلم مع فهد ونحدد الميعاد
تنازع تشتت حيره هذا مارآه في عيناها قال بتحدي
# انا واجهت اللي جوايا وصارحتك بيه ،،،، اتحدت الملكه اللي مبتضعفش ومبتخفش ،،،الدور عليكي
تثبتي دا فعلا ،،،، انا مش هتخلي عنك ومش هخذلك وهحميكي ،،،، الااذا اااا
قالت بتساؤل #الااذا ايه
احذر المجازفه نديم ،،،، هذا كان تحذير عقله ولكنه في هذه اللحظه بالذات كان يحتاج دفعه امل راهن للمره الثانيه علي قلب الماسه قال بترقب
#رفضتي ،،،، في الحاله دي همشي
#تمشي ،،، تمشي فين
#هروح اعيش في ايطاليا ،،،، عندي فرع هناك للشركه ماسكه خالي وولاده ،،،، صحيح العلاقه بينا متوتره شويه بس عادي ،،،ممكن اتأقلم مع ده ،،،وناصر هبقي اتواصل معاه ،،،، وابقي اخده في اجازه الصيف
النديم يضعها بمعادله صفريه ،،،، اما ان توافق اوتفقده للابد ،،،،يلقي الكره بملعبها ويريدها هي ان تقرر ،،،، حسنا هي لن تضعف ،،، ولكن لاتريد فقده كذلك ،،،، ماذا تريدي تحديدا ماسه ،،،، اللعنه علي الحصار الذي فرضه عليها ليجعلها عاجزه عن التفكير المنطقي ،،، حاولت استجماع جزء من هدؤها المعهود الذي دوما مايشتته ويزعزعه زفرت بقوه
#تمام وانا موافقه بس بشرط جوازنا يبقي علي الورق وبس
تامل وجهها للحظه ليعقد ذراعيه وابتسم رغما عنه
،#موافق بس لازم نحافظ علي الشكليات كمان
قالت بتوتر #بمعني
هز كتفه#يعني لازم الكل يعرف ان جوازنا عادي ،،،، العلاقه بينا احنا بس اللي نحددها افتكر دا اللي لازم يحصل
هزت راسها موافقه لتتسع ابتسامته ،،، لقد ربح الرهان الماسه فقط خائفه ،،،فليكن ماستي الايام بيننا
❤❤❤❤❤صلي على محمد ❤❤❤
