صعد فهد للاعلي ليلتقي بالشباب الاربعه ناصر وادم واحمد واسر
ناصر #اسيل احسن دلوقتي ياعمو
فهد وعيناه لاتبارح عيون ادم المحمله بالحزن
#ازمه وهتعدي ان شاء الله مامون صحي ولالسه
اسر #بابا صاحي سال علي ماما وغمض عنيه بس مش نايم
ناصر #عمو حضرتك محتاج ترتاح وشك مرهق اوي
ربت فهد علي كتف ناصر #انا كويس ياناصر متقلقش انا متعود اطبق بالتلت اربع تيام مش جديده يعني ،،، المهم خد الشباب ورحوا انتوا
اسر#لاء انا مش هسيب بابا وماما
فهد بحزم #اسمع الكلام روح خد حمام وناملك ساعتين وابقي تعالي احمد اسال ماما لوهتعوذ حاجه لجومانه ولااسيل يبقي يجبها اسر وهو جاي
تحرك احمد ناحيه والدته ليقول ناصر
#طب وحضرتك ياعمو
فهد#قلتلك انا كويس ياناصر
ادم #بابا انا عاوزك ثواني
تحرك فهد ليتحرك خلفه ادم ليقفا معا في نهايه الممر فهد
#قول اللي انا شايفه في عنيك
ادم #اتكلمت مع حضرتك مش كده
عقد فهد ذراعاه #ايه يهمك تعرف ،،،،
ادم بحزن #يهمني افهم عملت كده ليه
زفر بقوه #ولما تفهم هتعمل ايه ،،، ناوي علي ايه ياادم
هز راسه نفيا #مش عارف يابابا ،،، انا مقهور اوي حاسس بالعجز ومش عارف ارتاح
فهد بجديه #سالت عملت كده ليه ،،، عشان حبت الشخص الغلط
ادم بالم #طب لما هي بتحبه وافقت ليه علي الخطوبه
امسك فهد كتفيه وقال بثبات
#قلتلك من الاول انها موفقتش بس انت مصدقتش ،،، عمك اللي اجبرها توافق خاف لورفض يخسرني اسيل مش نصيبك ياادم
قال بقهر #خلاص يابابا ،،، حتي لوكنت بحبها فالمشاعر اللي جوايا ليها اتكسرت ،،،بقت صوره مهزوزه ،،، بس لسه مش عارف اكرهها
#وانا مش عاوزك تكرهها ،،، الكره بيسيب نقطه سودا في القلب وانا عاوز قلبك يفضل زي ماهو ،،، عاوز ادم ابني اللي ربيته راجل يلم ميفرقش ،،، اوعي اللي حصل ده يخليك تبعد وتقفل علي نفسك الباب بعيد ،،،، اللي حصل ده هيخليك اقوي ،،،تحسب كل حاجه بعقلك ،،، سيب ربنا يخترلك الخير
#متخفش يابابا انا كويس بس لسه مصدوم مش اكتر ،،،، الحكايه هتعدي وكل حاجه هتننسي بس صعب اوي انسي الجرح اللي جوايا منها
ربت علي ذراعه #انا عارف انك ضاغط علي نفسك بزياده بقعدتك دي ،،،،
قال بتاكيد #الحكايه مش كده ،،، الحكايه بس اني لسه مش عارف استوعب كل اللي حصل ،،، حضرتك هتعمل ايه
#لسه اما اعرف اللي في دماغ عمك ،،، المهم دلوقتي مش عاوز حد يعرف حاجه لاعمك ليث ولاعمك نديم فاهم
هز راسه نفيا #محدش قال حاجه حتي ماما قالت انها وقعت من علي السلم ولما طنط جومانه شافتها وقعت من طولها
تنهد فهد بارتياح ليقول # تمام ،،، انا عاوزك تروح تخد حمام وتصلي ياادم عاوز اشوف ابني ،،مش قادر اشوف الكسره دي في عنيك
اشاح بوجهه #للاسف اسيل كسرتنا كلنا يابابا
فهد بتاكيد #ولاد الحداد ميتكسروش ،،،بالعكس الضربه تقوي عظمهم وتنشف جلدهم اكتر ،،، اوعي تكون فاكر اللي انت حاسس بيه دا كسره لاء دي بس صدمه وخزلان الكسره الحقيقه اللي يحسها عمك واسر ،،،، عمك اللي مش عاوز يفتح عنيه عشان منشوفهاش فيه ،،، واسر اللي حاطط وشه في الارض ومش قادر يبص لحد فينا ،،،، مش احنا اللي نكسر عين بعض ياادم
ادم بختناق #يعني عاوزني اعمل ايه يابابا انسي اني اضربت في ظهري واتصدمت في الانسانه اللي اتمنتها ،،، انسي واروح لعمي ااقوله ولايهمك محصلش حاجه عادي ،،، قلي اعمل ايه وانا
قطع كلماته اوبالاحري دفنت بين ذراعي فهد الذي حاوطه ،،،،، ليهمس فهد
#سلم امرك لربنا يابني ،،، متوجعش قلبي عليك اكتر ماهو موجوع
رفع ادم وجهه ليصدم بعيون فهد الدامعه
#بابا انا هبقي كويس والله ،،، انا بس محتاج اهدا ،،، هروح ارتاح شويه في البيت وهبقي كويس
طبع فهد قبله علي جبينه
#طيب روح وانا هبعتلك احمد واسر
تحرك فهد ليعبر الممر في حين تحرك ادم للخارج مارا بغرفه اسيل لحظات فقط تعلقت عيناه بباب الغرفه ليتحرك خطوه فاخري ليستوقفه صوت حنين
#تعالي ياادم اتفضل اكيد جاي تطمن علي اسيل
التف ادم ليطالع حنين بوجهها المستدير عيونها الزرقاء النقيه انفها المنمق وشفتيها الناعمه لباسها الانيق المحتشم وحتي غطاء شعرها المميز ثم صوتها الذي اقترب قليلا
# انت كويس ياادم
هز راسه ببطء لتكمل #مخنوق عشان الخطوبه اتاخرت معلش ظروف وهتعدي
هز راسه بايمائه #معلش ياحنين انا لازم امشي .
#ادم ثواني عاوزاك في كلمه
التف ادم ليري نور الواقفه علي باب الغرفه اشاح وجهه وتحرك لتتبعه الاخيره ركضا وقفت امامه
#ادم انا عاوزه اتكلم معاك .
اشاح وجهه #ابعدي من وشي يانور
نور باختناق #انا معملتش حاجه عشان تزعل مني
قال بغضب #كنتي عارفه ومقولتيش سيبتيني ادخل بقلب جامد ،،،، طب كنتي حذريني حتي والله ماكنت هاخذ الخطوه دي
نور بتاكيد #لاء حذرتك وقلتلك انها مش زيننا قلتلك هي متحرره بزياده ،،، وانا مكنتش اعرف ان الحكايه وصلت لكده والله ماكنت اعرف
ادم #لو كنت قلتي كنت عرفت
#ااقولك ايه وانا كل اللي اعرفه طرطشه كلام من المدرسه ،،، ممعيش دليل عشان اقوله
#خلصت ،،،، خلصت يانور
قال جملتها وانطلق ركضا الي الخارج لتسقط دموع نور بقهر وتتجه للاعلي مره ثانيه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لايريد رؤيه احد يدعي النوم حتي لايواجهه احد ،،، لايريد اسئله لايريد حديث فقط يريد الذهاب اليها رؤيتها ولكنه عاجز حتي عن الحركه اجهزه غبيه معلقه بجسده تقيده وهو لايحتاج المزيد من القيود يستمع لصوت ليث ونديم كلاهما يحاول التخفيف ،،، حمقي لايدركون طبيعه الحال الذي آل اليه مأمون ،،،، مامون الحداد يتلقي جزاء عبثه بابنته ،،،، الجزاء من جنس العمل ،،،، واعماله السابقه كلها ،،،،علاقات محرمه ،،،نعم مصدوم افق مامون انت لست كذلك لم تصدم ،،،،بل مقهور لم تشعر بتلك القهره بحياتك مثلما تشعرها الان ،،،، ابنتك قهرتك اخرجت ذنوبك المدنسه علي السطح لكي تخنقك بعدما دفنتها بسرداب معتم ،،،، كل شيء يلاحقك ،،،كل كل شيء انت السبب مامون ،،، لوانك حافظت صغيرا كان حفظ الله لك كبيرا ،،، ولكنك ضيعت ،،، ضيعت كل شيء ولاتنتظر الحفظ ،،،،انت بكارثه مامون كارثه محققه ،،،، الي كم يحسد عمه الان لقد مات ،،، مات ناصر الحداد قبل ان يعيش تلك اللحظه ،،، لما لايموت هو الاخر ،،، انتبه لجلوس احدهم بجواره ضمه حانيه لراسه باعثت الدموع لتحرق مقلتيه ثم صوت فهد المميز يتلو بعض الايات ،،، دوما فهد يعرف الطريق ،،،، يعرف الملجا الذي يرتكن اليه وهو ضائع بلا مأوي تتخطفه الشياطين ،،، بدات الدموع تتفلت من عيناه لتجري علي وجهه بصمت عاجز ،،،، دموع لعلها تخفف شيء من الثقل الجاثم علي صدره انهي فهد ترتيله ليهمس باذنه
#كل حاجه هتتحل بس فوق يامامون
تنهد بقوه ليعتدل وهو يمسح وجهه
#انا كويس يافهد لسه عايش متقلقش ،،،
ليث بلهفه # كده برضه يامامون تخضنا عليك
نديم #بيعرف غلاوته عندنا ياسيدي ،،، غالي اووي والله بس بلاش الرقده دي
مامون بصوت متحشرج #معلش تعبتكوا معايا
ليث بجديه #تعب ايه بس المهم انك تبقي بخير
مامون بالم #انا كويس ،،، متخفش اخوك لسه فيه نفس ،،،، عارف عمري مااتمنيت الموت ،،، انا بخاف من الموت اوي ،،،، لما ام جومانه ماتت انا هربت عشان مرحش المقابر ،،،زي ماهربت يوم عموناصر وطنط زمرده ،،،، بخاف اووي من القبر وشكله ،،،،، بترعب منه ،،،وعلي قد الرعب ده مبطلبش من ربنا دلوقتي غيره
نديم بقلق #وحد الله يامامون ،،، مفيش حاجه تستهال
مامون بقهر #لاء فيه يانديم ،،، فيه حجات ممكن تخليك تتمني الموت ومطلوش ،،،،
ليث بقلق #ايه الحكايه يامامون ،،،
اغمض مامون عيناه وقال باختناق #الحكايه ان اخوك اتضرب
قاطعه فهد #اخوك عامل حكايه عشان اسيل رفضت ادم
نديم بذهول #ضربتها مش كده انت اللي عملت فيها كده يامامون
فهد بسرعه #ايوه هو اللي ضربها ،،، طبعا جومانه انهارات لما شافت بنتها
ليث #حرام عليك يامامون ،،،، الجواز قسمه ونصيب ربنا يعوض عليها بغيره ويعوض عليه بغيرها
نديم #الحكايه عادي يامامون وبعدين يااخي دا فهد محذرك من الحكايه دي
ربت فهد علي كتف مامون ليقول
#الحمد لله انها اجت علي قد كده ،،،
رفع مامون عيون ملئه بالعجز والدموع المختنقه لفهد ليربت الاخير علي كتفه مامون بحشرجه
#عاوز اشوف جومانه يافهد
نديم #الدكتور هينقلها النهارده في اوضه ان شاء الله وشوفها زي ماانت عاوز،،، الحمد لله الحاله استقرت والموضوع كله شويه علاج طبيعي وهتبقي زي الفل
مامون باستسلام #يااارب يانديم ياااارب
❤❤❤❤❤❤صلي علي النبي محمد ❤❤
