ترجل فهد الي غرفته لتقابله ابتسامه فرحه كالعاده ،،، شرد للحظات في ملامحها التي يعشقها لتقترب منه وتزيح سترته
#اتاخرت اووي النهارده يافهد
ربت علي خدها ليجلس علي طرف الفراش
#معلش يافرحه كان عندي شغل جامد
جلست كعادتها لتنزع عنه حذائه وجواربه ربتت علي ساقه
#علي فكره مش بتعرف تكذب وتخبي عني حاجه
ابتسم #ياسلام وليه بقي
قربت وجهها منه #مفقوسُ مفقوسُ ياااااولدي
اتسعت ابتسامته # هي مش كانت مفقود هما غيروها
لدغت خده #ايوه غيروها عشان خاطرك ياحبيبي ،،، اوم خد حمام دافي علي مااحضرلك الاكل
امسك يدها ليقول #مش عاوز يافرحه ،،، انا عاوز اخدك في حضني وانام
قال جملته ليتمدد علي الفراش فتندس هي بين ذراعيه لترفع عليهما الاغطيه
#هاه ايه الحكايه بقي
هز راسه #يابنتي عاوز انام تعبان
اسندت ذقنها علي صدره
# مش هتعرف تنام الالما تحكي ،،،، هاه احكي بقي
ابتسم #انا برضه ولاانتي اللي مش هتنامي الالما تسمعي ،،، موضوع اسيل خلص
اعتدلت جالسه #لاء انت هتكروتني بقي
تنهد #مامون بيته بيضيع
#اممم انت اتكلمت مع جومانه
#لاء انا اتكلمت مع نور ،،، هي علي طول هناك واللي فهمته ان كل واحد فيهم عايش لوحده
تنهدت فرحه #الحكايه اكبر من كده جومانه عاوزه تطلق
اعتدل جالسا في مواجهتها
،#انتي بتقولي ايه
هزت راسها #للاسف الحكايه وصلت لطريق سد يافهد ،،،، جومانه حاسه بالعجز والنقص ،،، دا غير طبعا ان اختها تقريبا مبتسقلش ،،، مره واحده اتلقت نفسها مشلوله علي كرسي ومفيش حد حواليها ،،، اسر اخد جنب ومبيتكلمش واسيل مش قادره تروح حتي تتكلم معاها ،،، ومامون واقف يتفرج عليها ،،،، حست انها بقت حمل تقيل ،،،، انت عارف انا بروحلها يوم بعد يوم لقيتها عماله تعيط ولما كلمتها قلتلي انا قررت اتطلق انا معدليش مكان في البيت ده
#اووووف هو احنا كل مانحلها من جنب تتفتح من الجنب التاني ،،،، ،
قالت بترقب #فهد مفيش اخبار عن ادم
#هو كويس متقلقيش انا بطمن عليه بس واخدها تدريب بزياده ،،،،
اراحت راسها علي صدره وهمست
#قلبي وجعني عليه اوووي ،،، علي قد ماكنت مش موافقه عليها في الاول بس اااا
#ايه عاوزاه يكمل
هزت راسها #مش عارفه ،،، انا عاوزاه يرتاح
ربت علي خدها #تفتكري لواتجوزها هيرتاح ،،، ا
#اسيل اتغيرت بقت بتصلي وغيرت لبسها ووو
#انتي بتبرري لايه ،،، ابنك مستحيل يتجوزها انا عارف ابني كويس اوي ،،، بس كل اللي بتمناه انه ميحولش ينساها بواحده تانيه
قالت بتاكيد #ابني مش بتاع الكلام ده يافهد
هز راسه #متخليش دماغك تروح لبعيد انا مقصدش كده ،،،، انا اقصد انه يتقدم لواحده تانيه
اعتدلت لتنظر بعيناه #انت تعرف ايه ومش عاوز تقولهولي
هز راسه #لسه معرفش حاجه ،،، بس حاسس مش اكتر
#طب هو هينزل امتي
#مش هينزل الشهر ده سيبه يهدي يافرحه اسلام وانس اخبارهم ايه
#تمام اسلام بيصحي من النوم عشان يذاكر وينام تاني بيتعب اوووي
#ربنا يوفقه طب وانس ونور
#دا بقي اعوذ بالله تقريبا كده محدش رباه افتكر كده بتهيئلي وقع مننا الواد ده ،،نور بقي كل يوم عند اسيل بتساعدها الحمد لله النهارده فكت الجبس ،،، عقبال جومانه متقوم هي كمان ،،، تفتكر مامون هيعمل ايه
#مامون لومعرفش يوقف بيته ،،، يبقي ميستحقوش يافرحه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
البيت فارغ ليس فارغ ولكنه يراه هكذا ،،وكانه بيت مهجور خرب ،،، ترجل ببطء في الممر لينظر الي غرفتي اولاده المغلقتين فتح الباب ليجد اسر يغط في النوم علي الفراش تنهد بقوه وتقدم منه ليرفع عليه الاغطيه ويتامل وجهه ،،، اسر يحمل معظم ملامحه ،،، اسر نسخه منه ،،، كبر ليصبح رجل ،،، رجل اخته انتقصت رجولته لتجعله يعزف عن الجميع جلس علي طرف الفراش وربت علي شعره الناعم فتح عيناه وقطب ليعتدل
#بابا ،،، خير في حاجه
ربت علي خده #اه في عاوز اتكلم معاك
اعتدل جالسا ليقول #ايوه انا سامعك
تنهد مامون # زمان وانا لسه شاب صغير يمكن في سنك كده ،،،كنت فلتان بزياده ،،، كنت بجري ورا اي واحده جميله عشان اطولها وبس ،،،وبعدين ازهق وادور علي غيرها ،،، عمك فهد كان ديما يقولي اتقي ربنا بس انا عمري ماشوفت كده ،،، اتخرجت وعمك فهد اداني فلوس كملت عليها ورثي من بابا وفتحت الشركه ،،،، سنه واتقدمت امك عشان تشتغل معايا ،،،، كانت هي صاحبي الوحيد ،،، صاحبي اللي عمري مااتكسف منه كل حاجه حواليا لازم تشيل بصمتها لبسي تسريحه شعري نوع البرفيوم اللي بحطه ،،،،، الدنيا متمشيش من غير جومانه ،،،، انبهر باي صوره جميله واول مااطولها ازهق ،،، عمري ماحسيت بواحده ،،،، بقيت ممثل ممتاز اقنع اي واحده لكن انا لاء ،،،،، لحد ماقبلت بنت جميله اووي ،،، حاولت معاها رفضت رحت خطبتها ،،يوم الخطوبه مأجتش بقيت زي المجنون عيني بتدور عليها هي وبس ،،، بعدها اخدت جنب مني ،،، قفلت الباب اللي كنت بفضفض فيه ،،،، لما بعدت كل الدنيا اسودت البت اللي خطبتها بقيت اتخانق معاها صبح وليل مخنوق ومش لاقي مخرج ،،،،،، كلمتها انتي السبب انتي اللي بعدتي عني ،،،،، ورجعت تاني احكيلها كل حاجه ،،،، لحد مافي يوم مأجتش الشغل يومها كان جواز عمك فهد ،،،، كنت هتجنن ماجتش ليه عاوز اسيب الدنيا واروح اطمن عليها ،،،، لقيت البت اللي كنت خطبها في وشي وقالتها انت بتحبها عاوز تشوفها في كل حاجه ،،،، كل الدنيا وقفت وانا بشوف حقيقه واضحه زي الشمس انا بس اللي مش شايفها ،،،،عشر سنين وانا بدور عليها في كل واحده وهي قدامي ،،، جريت علي بيت جدتك عشان اطلبها قالتلي بن خالتها متقدم وعاوزني انا اللي اقنعها ،،،، عارف لما حد ياخد روحك منك انا كنت كده ،،، واتجوزتها ،،،
قاطعه #انا اول مره اسمع الحكايه دي
مامون بانفعال# عارف انا بقلهالك ليه
هز راسه نفيا ربت مامون علي كتفه
،# عشان متعملش زيي ،،،، احسن حاجه في الدنيا الحب ،،، وانا عشته كله ،،، دخلت اجمل جنه وغرقت فيها بس معملتش حساب الوحل اللي كنت متغرق فيه ،،،،، الوحل اللي للاسف طال اختك عشان كما تدين تدان ،،،، انا اه بعدت بس متوبتش ،،،، كان لازم ده يحصل عشان افتكر اللي نسيته ومكتوب ،،،، خليك متاكد ان خطوه واحده في الحرام هتشوفها قصاد عينك ويمكن بعد ماتنساها خالص ،،،، اختك غلطت ،،،، عيله صغيره عيل و،،،، ضحك عليها بكلمتين صدقته ،،،، كل اللي كان طمعان فيه الفلوس ،،،، يمكن عشان انا بعدت ربنا ماردش اني اتكسر اكتر من كده ،،،،
اسر بانفعال #انت صدقت انه ملمسهاش زي ماهي بتقول
هز راسه نفيا #لاء انا اتاكدت ،،،، الورقه والصور كلهم عندي،،،، عمك فهد جابه ،،،،الموضوع خلص ،،، بس مينفعش نبقي كلنا بعيد ،،،، امك تعبانه وكل واحد فينا في جنب ،،،، انا محتاجلك معايا يااسر ،،، عاوز اسند عليك ،،،، عشان انا كمان تعبان
اسر بحيره #انا مش فاهمك عاوزني اعمل ايه بالظبط
تنهد #عاوز الم اللي اتبعتر يااسر ،،،، البيت بقي زي الخرابه ،،،،،اختك وهتفضل اختك لاتقدر تغير ده ولاتبدله ،،،، قرب منها يابني ،،، كفايه احنا بعدنا ،،، مش عاوزين نسيبها لعقلها تاني فهمت
هز اسر راسه ليقول بحزن #يابابا انا مش قادر اقابل حد من ولاد عمو فهد ،،، احمد كل يوم يتصل بيا من كليته وانا مش قادر ارد عليه ،،،،داانا خايف اروح هناك ااقابل ادم
#ادم هينسي وربنا هيعوضه ،،، ويومها انا اللي هعمله فرحه مش فهد ،،،، كسرتك بتكسرني اكتر عشان خاطري فوق
ارتمي بين ذراع ابيه ليضمه الاخير اليه ويطبع قبله حانيه علي راسه
#احنا ممشناش في طريق ربنا صح من الاول عشان كده كان لازم نقع ،،، لازم نشوف الطريق ونمشيه خطوه خطوه عشان نعديه صح ،،، نصيحه ياابني اوعي تقرب من واحده في الحرام عشان هتشوفها وهتتكسر بيها ،،، وصدقني كسرتها بتوجع اوووي
اسر # بابا انا كنت بكلم بنات بس ادم خوفني قالي خطوه واحده في الحرام تبعد عنك الحلال شارع ومن يومها والله بطلت
ربت علي خده #توب متغلطش غلطتي ،،،، عمك فهد ربي ولاده علي الخوف من ربنا من وهما صغيرين عشان كده لما كبروا بقوا نسخه منه ،،، واحنا صغيرين جدتك علمتنا الصلاه وجدك كان بيحفظنا القران لحد مامات واتنقلنا كلنا بيت الحداد ،،،، عمي ناصر كان غير ابويا خالص ،،،، كان قاسي لدرجه ترعب ،،، كان فهد هو اللي بيلمنا حواليه وهو اللي بيحاجي ويطبطب ،،،، انا بقي كنت بعمل كل حاجه عكسه ،،،كان ديما ينصح ويلم من ورايا ،،،، ولحد النهارده ،،، لسه بيعمل نفس الحكايه ،،،،،،هو ده دور الاخ الكبير ،،،،، وهو ده اللي انا عاوزك تعمله ،،، لازم تقرب انت عشان الباب ميتقفلش الفرق اللي بينك وبين اسيل قليل انت سهل تفهمها اكتر مننا
#بس يابابا انا كل اما بشوفها بفتكر
مامون بجديه # عمك فهد وقف في ظهري وبنتي دبحه ابنه ،،، طنطك فرحه كل يوم عند امك مع انها المفروض علي الاقل تاخد جنب ،،،، حس بالمسؤليه عشان متطلعش فاشل زي ابوك
اسر بانفعال #متقلش كده يابابا
هب مامون واقفا #هي دي الحقيقه ياابني الحقيقه اللي مشوفتهاش الامتاخر اوي ،،،، انا مش عاوزك تبقي زيي يااسر ،،،، تصبح علي خير ياابني
قال جملته وترجل للخارج لن ينكر كلماته مع اسر خفت بعض من المه هل ما يفعله هو الصواب ام انه يتحرك ناحيه الخطأ مره اخري ،،، ويحك مامون انت كطفل متخبط لايدري اين الطريق ،،،، تتخبط بالظلام دون هدي ،،،، ترجل لغرفته التي هجرها منذ عوده جومانه ،،،، اي حماقه فعلتها مامون كعادتك الحمقاء هربت حتي لاتراها عاجزه
صوت انينها وصل لاذنه لينتبه انها ملقاه علي الارض اسرع نحوها ليرفعها ويجلسها علي الفراش
#ايه اللي وقعك كده
اشاحت بصرها عنه وقالت باختناق
#مفيش حاجه ،،،
احتضن وجهها لتتلاقي عيناه بنهر قهوتها الذابله الممتلئه دموع وعتاب عجز لسانه عن النطق ليضمها الي صدره ويهمس فقط
#انا اسف
لم تتحدث فقط يستمع لصوت انفاسها المتسارعه لينتبه لصوت شهقه تفلتت منها رفع وجهها ليراه غارق بالدموع المؤلمه مسح دموعها
#انتي عارفه ان انا مبستحملش دموعك ،،، عشان خاطري متعيطيش
اغمضت عيناها للحظه لتتنهد بقوه
#طلقني يامامون
للحظات ظل يحدقها وكانها تتحدث بلغه لايفهمها ليست تلك المره الاولي التي تنطقها ولكنه شعرها بعد لحظات كخنجر سام زرع بقلبه المتالم
#ايه اللي بتقوليه ده
بلعت ريقها بصعوبه لتقول باختناق
#بقول اللي المفروض كان يحصل من يوم مابقيت عاجزه ،،، بعفيك من الحرج يامامون ،،، طلقني ورجعني بيت ابويا ويبقي كتر خيرك لو سيبتلي حد يخدمني انا معدليش مكان في البيت ده
قرب وجهها منها وقال بتحذير
#قسما بالله ياجومانه لوسمعت الكلام العبيط ده تاني لهتشوفي من مامون وش عمرك ماشوفتيه ،،، اليوم اللي ميبقاش ده بيتك يبقي مش بيتنا كلنا ،،، انتي اساس البيت ده انا عارف اني اثرت غرقت في اللي حصل وبعدت ، بس غصب عني الضربه كانت شديده اوووي ،،، ومش قادر احملها عليكي زي ماكنت بعمل ،،،، مش انت اللي عاجزه ياجومانه ،،،، انا اللي عاجز ومتربط بالارض مش عارف اتحرك ،،،، جوايا مليون حاجه بيشدوا في بعض وانا تايه زي عيل صغير ماشي في طريق ظلمه خايف ومرعوب بس لازم يمشي غصب عنه ،
بدات دفعات الدموع تعاود لتنهمر علي وجهها الذابل
#انا خلاص معتش مني فايده ،،،، انا مش عارفه ادخل الحمام لوحدي ،،،، بقيت حمل تقيل ،،، مش عارفه اروح لبنتي اشوفها زعلانه بس قلبي بيتقطع عليها ،،،، مش عارفه اخد ابني في حضني واطيب خاطره ،،،، انا لوحدي ،،، لوحدي اوووي ،،،، اول مره في حياتي احس اني يتيمه ،ملييش حد ،،،، انا ملييش حد يامامون ،،، ملييش حد
فهد محق ،،، انت زوج فاشل مامون لقد تم الغائك بالكليه من حياتها ،،، جومانه لاتعتمد عليك من الاساس ،،، اعتادت ان تحمل كل شيء بمفردها وانت ضيف شرف في حياتها اين الحب جمله قالها فهد ومر عليها مرور الكرام ولكنها الان تعاد لتكرر براسه ،،،، بلع ريقه بصعوبه
# انا ملييش دور في حياتك مش كده
قالت بقهر #مفيش بني ادام كامل يامامون ،،،، انت متعودش تهتم وانا اتعودت علي كده ،،، علي الاقل انت حاولت تتغير وعملت اللي عليك ،،
هز راسه نفيا
#زمان سالتك سؤال في المكتب انتي شيفاني ازاي ووقتها وصفتيني بالظبط يمكن اكتر مانا عارف نفسي وبعد اكتر من عشرين سنه هسالك نفس السؤال انتي شيفاني ازاي لسه عيل صغير يينبهر بسرعه ويفقد تركيزه بسرعه بيمثل دور مش حاسه كل حاجه بتمر عليه من غير ماتعدي علي قلبه ولا شيفاني زي مانا شايف نفسي دلوقتي ،، انسان اناني مبيفكرش غير في نفسه وبس ،،،،فشل يكون اب وفشل يكون زوج وسند فاشل في كل حاجه ،،، عارفه انا حاولت اتغير ،،، حاولت والله،،،،كنت شايف الدنيا حلوه ،،،، بطلت وساخه نظفت عشانك بطلت سجاير عشان اسر ،،، كنت ببعد عشانكوا مش عشان كنت خايف من العقاب ،،،، بس العقاب صعب اوووي ،،، وفوقني اوي ،،، انا اتكسرت ياجومانه ،،،، مامون خلاص
انا محتاجلك اوووي عاوز اترمي في حضنك واعيط ،،،، عارف اني كده باجي عليكي بزياده ،،، بس انا اللي مليش حد غيرك ،،،
نعم تشعر بالعجز والنقص وان الحب انتهي الشهر الماضي عانت من الامرين كسره ابنتها واهماله لها شعورها بالوحده القاتله وانها لم تعد مرغوب بوجودها ،،، ولكن من جهه اخري لم تري مامون ابدا بهذا الضعف ،،،، لحظه واحده فقط كانت تتطلع فيها لعيناه التي تمتليء دموع ليخترق قلبها الالم ،،،، لحظه انزاح فيها كل شيء الالم والجرح والكسره العميقه بقبلها ليظهر عشقها له علي السطح هذا العشق التي ظنته انتهي ودفن في احد القبور السحيقه ،،،،،فقط ضمته اليها لينفجر بالبكاء كطفل ،،،، مامون لم يفعلها ابدا من قبل ،،،، يبكي بانهيار لدرجه علا بها نشيجه ربتت علي شعره وهمست
#اهدي يامامون مفيش حاجه في الدنيا تستاهل انك تعمل كده
رفع وجهه ليمسحه بيديه ويقول بحشرجه
#لاء فيه ،،،ممكن اتحمل اي حاجه في الدنيا الاانك تبعدي عني ،،، حقك عليا ،،،
#يامامون افهم الحكايه مش كده ،،، انا بقيت حمل تقيل اوووي حتي علي نفسي
قاطعها بانفعال #اوعي تقولي كده تاني ،،، انتي هترجعي تقفي تاني عشاني انا بس ،،، هنلم عيلنا ونصلح اللي غلطنا فيه ،،،، بس مع بعض مش هعرف اعمل حاجه لوحدي
قالت بترقب #طب هتعمل ايه في اسيل
#حكايه اسيل اتحلت ،،، فهد حلها الموضوع خلص انا كلمت اسر وقلتله يقرب من اخته مش عارف دا صح ولاغلط
قالت باستغراب #،كلمته
هز راسه موافقا #نفسي نبقي عيله بجد عيالنا حوالينا بس مش عارف اعمل ايه
تنهدت #يبقي نبدأها صح يامامون نلم اللي وقع مننا ونحاول نصلحه
#وانتي معايا
#وانا معاك
❤❤❤❤❤صلي علي النبي محمد ❤❤
