يجلس بشرود ساندا راسه بكفه منذ انصراف ابيه واختفاء امه في غرفتها الاجازه الاولي لابيه التي يقضوها بهذا الحزن يبدو انها حسدتهم بالفعل كما يقول احمد ،،،، ولكنها اعتادت منذ صغرها ان تراقبهم وحسب ،،، لم تقصد هذا زفرت بقوه وتوجهت نحوه
#وبعدين يعني هتفضل حاطط ايدك علي خدك كده
تنهد بقوه دون ان يرفع عيناه لها
#عاوزاني اعمل ايه يعني ،،،، مااديكي شايفه اللي حصل الدنيا كلها اطربقت في لحظه ،،، ابوكي مشي وواضح انه اتخانق مع امك للمرة الاولي في التاريخ وانا السبب
نور بحنق # يابني بلاش هبل انت السبب في ايه بس هي عيني الفقر اللي جبتهم الارض
اشاح احمد بيده #عينك ايه بس ماانت رشقها في حياتهم من زمان
قالت بمرح #مهي واضح انها كانت عطلانه واشتغلت علي حظك النحس وبتقول عليا بومه داانت عشه البوووم كلها فوق كده عشان نفكر هنعمل ايه
عقد ذراعيه ليواجهها
#اديني فوقت هنعمل ايه ،،،
#ايه هتستسلم بالبساطه دي
قال بتاكيد #لاء طبعا بس مش هينفع اتكلم تاني في الموضوع ده دلوقتي لازم اصبر شويه الكارثه ان البت تطير يانور
#طب انا هكلمها واحكيلها اللي حصل
قال بسرعه #اوعي كده تجرحيها ،،، هي مش ناقصه تحس بالنقص اكتر ،،، انتي قلتي انها خايفه من رفضهم فتقومي تزوديها انتي
#يابني هما مرفضوش بس الظاهر كده ان ابوك داس علي الجرح وصحي حاجه قديمه
ضيق عيناه #مش فاهم
# يابني امك انفعلت بزياده وابوك قال علي نفسه غبي يبقي اكيد اللي حصل ده داس علي حاجه احنا مش فاهمنا
احمد باهتمام #انا مش فاهمك تقصدي ايه
نور # يابني احنا منعرفش حاجه عن عيله ماما غير خلانك اللي بيسالوا كل كام سنه مرة ،،،،ومش عايشين في القاهرة اصلا ،،،،
#تقصدي يعني ان عيلتها كانت فقيره عشان كده انفعلت
فرقعت باصابعها #بالظبط كده ،،، امك قالت علي عمو محمود طبال ،،، تفتكر جدك كان طبال
هب احمد واقفا وقال بحده
#متحترمي نفسك يازفته
اشاحت بيدها #ياعم انا بفكر معاك بصوت عالي بس ،،،،
#بلاش تفكري اصلا
عقدت ذراعيها #يابني مااحنا لازم نحلل اللي حصل عشان نعرف نرسي علي بر ونتلاقي حل
تنهدت نور #لوكان ادم هنا كان حلها
احمد باختناق # دا كان زمان يانور لما كان ادم اخونا ،،،، ادم اتغير اوووي ،،، تعرفي انه مش عاوز حتي يرد عليا فون
ربتت نور علي كتفه #ازمه وهتعدي يعني لومش احنا اللي هنقف ونستحمله مين يستحمله ،،،،
#معترضتش ،،،، بس بجد كنت محتاجه اوي جنبي ،،، علي الاقل كنت هحس اني مسنود
وكزت كتفه #وانا مش عجباك يعني ،،،، اسند براحتك وراك جبل
عقد ذراعيه #طب حليها ياست الجبل
#بص انا هروح لماما واجس النبض ونشوف الدنيا ماشيه ازاي
احمد بضيق #ربنا يستر بقي
كانت في سبيلها للخروج من الغرفه عندما قابلها اسلام
#راحه فين يانور
#هروح لماما يااسلام
اسلام #هو في حاجه حصلت
نظرت اليه #ايه اللي خلاك تقول كده
هز كتفه #ماما اتصلت بفريده وجبتها عشان تعمل الغدا رحت اطمن عليها قالتلي انا كويسه بس مش عاوزه اشوف حد
تنهدت نور بضيق #يعني اتقفلت
#طب ماتفهميني ايه الحكايه
امسكت نور يده لتعاود لغرفه احمد مره اخري اشارت اليه وقالت
# انا واخوك فتحنا بابا في موضوع تقي ومن ساعتها والجو اتكهرب ابوك مشي وامك حابسه نفسها في الاوضه
اسلام باستغراب #غريبه طب ليه
قصت نور ماحدث لاسلام ليقول الاخير
#اممم واضح كده ان الحكايه دي قلبت علي ماما المواجع
نور #والله انا قلت كده
احمد بضيق #ااقعدوا لتو واعجنوا وسيبوني في وكستي
اسلام #يااحمد هما مرفضوش يبقي لسه في مجال للمداولات
احمد #يااسلام انت مشفتش شكل امك صوتها اتخنق وعنيها دمعت وهي بتقوله مش قد المقام
نور #وهذا يثبت وجهه نظري ،،،
اسلام بجديه #الحكايه دي متخصناش في حاجه وطالما ماما اتضيقت منها يبقي بلاش فضول يانور ومتساليش ،،،
احمد #يعني ايه بقي الجوازه في الباي باي
اقترب اسلام ليجلس بجوار احمد وقال بجديه
#لو وجهه نظر نور صح وفي الغالب ايوه يبقي الف مبروك يااحمد
حدق احمد بوجهه اسلام #مش فاهم
عدل اسلام وضع منظاره وقال
#شوف ياسي احمد ،،، تأثر ماما بالشكل ده بيقول ان ابوك كان هيرفض ،،، وبرفضه جرحها هي شخصيا لان واضح ان اهلها مكنوش في مستوي اجتماعي يناسب عيله الحداد عشان كده قال علي نفسه غبي ،،،، نقطه ومن اول السطر ،،،، بابا اهم حاجه عنده في الدنيا مييين
نور #ماما طبعا
فرقع اسلام بين اصابعه
#برافو عليكي ،،، حتي لو كان هيرفض فهو هيقبل عشان يصالحها
امسكت نور وجهه لتقبله علي خده بقوه
#حبيبي العبقري
مسح اسلام وجهه وقال بغيض
#دي مش بوسه دي طلقه رصاص ،،، بص يااحمد وشي اتخرم صح
كتم احمد ضحكاته #والله عنده حق في بنت تعمل كده
ضربت نور كفها بكف اسلام لتقول باسمه
#ضحكناك ياابو حميد
اسلام #سيبها علي الله انت اخدت الخطوه الصح صليت استخاره وكلمت ابوك تستني بقي نتيجه الاستخاره
احمد بشرود # يعني ايه لو ابوك رفض هسيبها
ربت اسلام علي كتف احمد
#ارضي عشان ربنا يرضيك ،،، اوم صلي ركعتين قضاء حاجه وقول يارب يسر لي الطريق
صفقت نور بيديها وقالت
#الله عليكي يافرحه
اسلام #يابنتي كلنا شبه ابوكي انتي الوحيده اللي شبه امك
احمد بحنق #لامعلش انا متحطش في كفه واحده مع انس الحيوان ده
نور ضاحكه # انا عاوزه افهم انت حاطط نقرك من نقره ليه دا عيل يااحمد
احمد بغيض #عيل دا شيطان مش عيل ،،، الجزمه ده دخل بالليل الاوضه وحطلي صابون جو الشبشب قمت لا بيا ولاعليا ادخل الحمام وعنيكوا ماتشوف الاالنور
اسلام ضاحكا #هو اللي كان بيترزع ده كان انت
احمد بغيض #انت كنت سامع طب تعالي الحقني
اسلام #اصل فريده كانت بتنظف المطبخ ففتكرت الصوت جاي من تحت
نوربترقب #طب انت عملت ايه
احمد #هعمل ايه يعني دخلت الحمام علي ايدي وركبي
حكت نور مؤخره راسها
#هواااا انت كنت بتضربه عشان كده
احمد #لاء اروح ابوسه من بوقه ،،،، وقال ايه معملتش حاجه
بلعت نور ريقها لتبتعد قليلا
#لاء مهوووووو اصل اااااا
وقفت عند الباب #شوف انا دورت علي الجاكت بتاعك الاسود متلقتوش فاااانا اللي حطيت الصابون
هب احمد واقفا لتهرب نور اسلام ضاحكا
#خلاص بقي يااحمد ،،،
احمد بغيض #داانا اترزعت حته رزعه انت مش متخيل انا وقعت ازاي
اسلام ضاحكا #ياريتني كنت اجيت ،،،، يخرب عقلك يانور هموت واشوفك انا وانت بتتزحلق من الشبشب هههههه
نظر احمد له لدقيقه لينفجر ضاحكا
#حقه داانا كان شكلي مسخره
❤❤❤❤سبحان الله وبحمده ❤❤❤❤
