ترجل ليث للبيت ليري ناصر منكمش علي نفسه يبكي اقترب وربت علي شعره
#مالك يانصور مين اللي زعلك
رفع ا وجهه اليه وقال
#عمو ليث حسام اخد لعبتي ومش عاوز يدهالي
#لاء دا كداب يابابا اللعبه اصلا بتاعه حسام وهو عاوز يخدها بالعافيه وضربه
التف ليث الي طفلته الواقفه تتحدث بتحدي طفولي ذكره عن عمد بجنيته المجنونه لاح شبح ابتسامه علي شفتيه ليخرجه من تأمله صوت ناصر
#لاء اللعبه دي بتعتي عمو فهد جبهالي
اقتربت منه حنين #لاء دي بتاعه حسام ،،، بتعتك انت كسرتها عشان انت بتخرب كل حاجه
ناصر بغيض # قلتلك بتعتي
حنين #كداب وهتروح النار
ليث #بااااااااااس ،،،، ايه اللي بتعملوه ده ،،،هو انا واقف زي قلتي متضربوا بعض احسن
ناصر #مهي ضربتني ياعمو
نظر الي حنين التي قالت بتحدي
#عشان ضرب حسام وانا محدش يضرب اخويا هه بس
احيانا يشعر انه لايستطيع التفاهم مع هؤلاء الاطفال ،،،، يعجز عقله عن فهمهم وادراك كيف يفكرون
#عيب ياحنين ،،، ناصر كمان اخوكي
حنين #لاء مش اخويا ناصر ابن خالتي ،،، ومش عشان هو المدلع يبقي نسمع كلامه
قال بحده # وبعدين معاكي بقي
مطت شفتيها وقالت باختناق # حضرتك بتشخط فيا عشانه ،،،، انا بنتك علي فكره
قالت جملتها وركضت للداخل زفر بضيق
#خالتو فيروز فين ياناصر
لمعه انتصار حمقاء رأها في عيون الفتي جعلته يدرك انه لم يتمكن من احتواء الموضوع كالعاده تحرك للداخل تبحث عيناه عن ابنته ولكنه لم يجدها
#انت جيت امتي ياحبيبي
رفع عيناه ليري الجنيه خاصته تنزل الدرج جلس علي المقعد
#من شويه حنين فين
#لسه طالعه اوضتها ايه الحكايه
قص عليها ماحدث قالت بحزن
#المشكله ان ناصر فعلا عدواني وبيكذب الولد بيحاول بكل الطرق يلفت الانتباه ليه ،،، تحصيله في المدرسه وحش جدا ناصر في مرحله حرجه دا غير انه تقريبا بيكسر كل لعبه ،،، انا قلقانه عليه اوي ياليث ،
ربت علي خدها #انتي بتعملي اللي عليكي يافيروز ،،،، الولد محتاج يحس بامه ماسه مطنشاه خالص
هزت راسها نفيا #مش مطنشاه ،،، ماسه مش عارفه تتعامل معاه ،،، الولد عنيد جدا وهي عصبيه
#لاء يافيروز ،،، ماسه اتعودت انك انتي وطنط زمرده تشيلوا مسئوليتها
تنهدت #ماسه بتهرب ،،،، انا حاسه بيها مش سهله عليها
#هي اللي غلطت من الاول ،،والنتيجه ولد بيضيع ،،،، احنا مش قادرين نشد عليه عشان ظروفه ،،،، الولد بيفلت فعلا من ايدينا
قالت بحزن #والله ياليث مافرقت بينه وبين عيالي ،، بس هو حساس زياده عن اللزوم الولد حاسس انه مضطهد ومحدش بيحبه ،،، انا مبقتش عارفه اعمل ايييه
احاط كتفيها بذراعه ليضمها اليه طبع قبله علي جبينها
#انا عارف الكلام ده كويس اوي يافيروز ،،،، انا عاوزك تتكلمي مع ماسه لازم تحتوي ابنها ناصر في مرحله حرجه ولو مقدرناش نعدله دلوقتي هيفلت من ايدينا
تنهدت بقوه #انت مش متخيل هو صعبان عليا اد ايه ،،،، ولد زي ده عايش يتيم وامه وابوه موجودين في الدنيا
#ابويا عايش
جمله قالها ناصربصدمه الجمت كليهما
❤❤❤❤❤❤❤الحمد لله ❤❤❤❤❤❤
