ترجل نديم الي البيت ليري ناصر وجوان جالسان امام احد افلام الكارتون بحثت عيناه عنها ولكنه لم يجدها
#بابا تعالي اتفرج معانا
نديم #امال ماما فين ياناصر
جوان #ايه مفيش حتي مساء الخير يانديم
نديم بضجر #مساء الخير ياجوان فين ماما ياناصر
ناصر #منزلتش خالص بس طنط جوان قعدت معايا دي طيبه اوي يابابا
جوان #تحب اقول للداده تحضرلك العشا
نديم بقلق #لاء اتعشوا انتو
ناصر #احنا اتعشينا يابابا
اقترب وطبع قبله علي جبينه
#طيب ياحبيبي متسهرش كتير ونام بدري عشان هناخد طنطك جوان بكره نفسحها
جوان #بجد يانديم
نديم #ايوه تصبحوا علي خير
قال جملته وصعد سريعا للاعلي لايعرف لما شعر ان انقباضه قلبه تزداد مالم يجدها تنتظره ببرودها المعتاد ،،، دخل الجناح ليترجل لبابها فقط سيطمئن ،،،،فتح الباب وترجل للغرفه ،،،،الغرفه معتمه الستائر مفتوحه عن اخرها فتح الاضاءه الضئيله ليست بالفراش اين ذهبت ناصر يقول انها لم تخرج كان في سبيله للخروج ولكنه رأي الباب الفاصل بين غرفتيهما مازال مفتوح ،،،، عبر للغرفه ليفتح الاضاءه العاليه هذه المره وتصدم عيناه بها متكومه علي فراشه بملابسها الداخليه شعرها ينتشر كموجه ثائره تمليء الفراش ،،،،
منوم القي عليه احد التعاويذ السحريه يتحرك بلا وعي تقريبا تسبقه خفقات قلبه التي بعثرتها الفاتنه النائمه ،،،، جلس علي طرف الفراش الغريب انها تنام بطرف الفراش تحتضن ساقيها الي صدرها ،،،،بدا يزيح خصلاتها وبدا وجهها يظهر لتنفك التعويذه ويوقظه احدهم من نومته ،،،،، وجهها احمر يمتليء دموع اسنانها تصطك لينتبه انها ترتعش رفع عليها الاغطيه وربت علي خدها ابعدت وجهها وهمهمت
#مؤرف ،،، ابعد ،،،،فكني ،،،، ااااه ابعد
همهمتها خنقته حرفيا ،،،، هو يعلم جيدا اي كابوس تعاني الان ،،،،، كما يعلم من تقصد بتلك الكلمات لذا هزها بقوه
#ماسه فوقي
فتحت عيناها وبدات تمسح جسدها بهسترييه
#ابعده عني مؤرف
امسك يديها فاظافرها جرحت جلدها الرقيق بالفعل حاولت تخليص نفسها منه ودفعه
#ابعد ،،،،الموت اهون اقتلني ،،، انت السبب
#فوقي ياماسه فوقي
من يحدث ،،،،يعلم انها ليست في حالتها الطبيعيه تهذي بشيء تراه امام عيناها قلبه يتمزق علي حالها بدات تتحرك بعشوائيه وكانها تقاوم قيودها الوهميه جرحته لاكثر من مره وهو يحاول التحكم في نوبه هياجها اخيرا تحكم بها بين ذراعيه
#انا نديم ياماسه ،،،نديم مش عدي فوقي
بدات حركتها تهدأ نسبيا ولكن ظل انتفاضها كما هو ليشعر بدموعها الساخنه تسيل علي صدره ابعد سترته ليرفع عليها الاغطيه فقط يربت علي شعرها بحنان
#اشششش اهدي ياماسه اهدي انا معاكي
لتهمس بمامذقه بالكليه
#احميني منه يانديم
تطلب حمايته من الراحل عن دنياهم ،،،، لم يعد يفهم اي شيء ،،، كل شيء تشتت ،،،، مستحيل ان تكون كلماته البائسه قد آثرت بها لهذا الحد ،،،، ماالذي ذكرها مجددا بهذا ،،،، لما مازال طيف عدي يهاجمها بتلك الشراسه ،،،،، ماسه لم تتخلص من هذا بعد ،،، ماسه مازالت حبيسه ماحدث ،،،وان ظهرت قويه متماسكه
رفع وجهها ليري عيناها المنكسره الممتلئه دموع وجهها محتقن ابعد خصلاتها عن وجهها وقال بتاكيد
#اسمعيني كويس ،،،عدي مات ،،، انسي اللي فات كله
سقطت دموعها #غصب عني ،،،مش قادره ،،، هو ليه مش عاوز يبعد عني ،
وضع اصابعه علي شفتيها
#اششش هيبعد لما نقرب من بعض ،،، مش هسيبك ليه تاني ،،،، عشان ماسه لنديم وبس
شهقت بقوه لتبعد يده
#انا رحت للدكتور ،،، وهو قالي لازم تبقي معايا ،،، مرضيش يديني علاج ،
ضمها بين ذراعيه ليهمس بانفعال
#اششش انتي مش عيانه ،،، دواكي في حضني ياغبيه
بس انتي اللي بتهربي منه ،،، مش هسيبك تهربي تاني
قبل جبينها #اوعي اشوف دموعك تاني ،،، دي غاليه عندي اوي ،،،نامي عشان تهدي ،،،
ضمها اليه ليرتاح بها علي الفراش تتشبث به كطفل صغير يهمهم ببعض الايات القرآنيه لتستكين بالكليه وتغرق بنوم آمن
داعبت اشعه الشمس جفونها لتفتحها ببطء لتتلاقي بعيونه السوداء اللامعه التي تشبه عيون الفهد يستند الي ذراعه وكأنه ينتظر يقطتها ارتسمت ابتسامه علي شفتيه ليهمس
#صباح الخير مولاتي
انتبهت لخدوش تمليء رقبته واعلي صدره ومازالت عليها آثار طفيفه من الدماء اغمضت عيناها وذكري كل شيء يعاد امامها اللعنه لقد اخرجت كلماته كل السوء بداخلها زفرت بقوه ابعدت وجهها وفتحت عيناها ليطالعها سقف الغرفه بلعت ريقها بصعوبه وقالت بثبات
#طلقتني يانديم
ارتفع علي الفراش وقال بحنق #أايه
نظرت اليه وقالت بثبات #انت سمعتني كويس ،،،انت صح انا مينفعش ابقي زوجه ومش ست من اصله
زفر بقوه #انااسف
ارتفعت علي الفراش وعيناها لاتبارحه امراه ستصيبه بالجنون بلا محاله ،،،، كل شيء بها يعشقه ضعفها النادر قوتها الواهيه التي تجيد رسمها كما الان وجبروتها الزائف
#بتتأسف ليه ،،، انت قلت الحقيقه ،،، انا كده فعلا ومفيش داعي تتحمل ده
التف ليصبح في مواجهتها وقال بجديه
# انتي غبيه ياماسه ،،، ولو افتكرتي اني هسمحلك تهربي مني تاني يبقي متعرفيش نديم لسه ،،، نديم اللي عاش ست شهور في النار ،،،،يمني نفسه بأمل يموت ،،،يمني نفسه بغيره ،،،، يقرب من الباب الموارب وكل مايحاول يدخل تقفلي علي نفسك وهو ياخدها اشاره ابعد فيبعد ،،،،، نقطه ومن اول السطر ،،، اللي فات كله كوووم واللي حصل امبارح كوووم تاني ،،،، لوكنتي فهمتني من الاول مكنش دا كله حصل ،،،، لاكنت اتعذبت ولاجرحتك بالشكل ده ،،،، بس انتي حسبتيها غلط ،،،، نديم مينفعش يبعد عن ماسه عارفه ليه
هزت راسها نفيا احتضن خدها بكفه ليهمس بانفعال
#عشان هي حته مني ،،،، وانا مرايتها ،،، بنوتي الصغيره اللي بتحس بالامان معايا ،،، مش لازم اجرحك عشان ترمي همومك في حضني ،،، عشان محدش هيشلها غيري ،،، ومحدش هيطبطب عليها غيري
لمعت عيناها بالدموع وهمست باختناق
#وانت ايه اللي يجبرك تتحمل واحده ،،،اااقصد تتحمل صوره واحده عامله زي البيت المسكون مليان عناكب وعفاريت ،،،، بيت مهدود مفهوش حاجه سليمه
هز راسه نفيا اقترب ليضع رأسه ناحيه قلبها النابض باضطراب جمدت هي ليقول بسرعه
#اهوه بيدق ذي الفل يبقي سليم
هزت راسها ببطء
#ماانت قلت صوره جميله اللي يقرب منها يتجمد
ارتفع قليلا حتي صار في مواجهه وجهها يشعر بانفاسها المضطربه تلفح وجهه
#عشان انتي صدرتيلي الصوره دي وانا صدقتها ،،،، كنت عارف ان واقف بيني وبينك حاجه انا مش فاهمها ،،،،، بشوف عسل عنيكي بيلمع في موجه بيقولي قرب ،،، واول مااقرب يختفي ،،،، مببقاش فاهم حاجه اتجرح وابعد ،،،، ويرجع الموج تاني يلمع ،،، خلاص قربت اتجنن ،،،، في حاجه حبساكي عني مش عارف اعديها عشان مش عارفها ،،، حسستيني بالعجز وانتي مبتكلميش
اغمضت عيناها وقالت باختناق
#وعاوزني اتكلم اقولك ايه ،،، اقولك انا مسجونه جوا قيود مش موجوده ،،،،، بحسها بتخنقني ،،، بتشدني جوا مستنقع قذر مش عارفه اخرج منه ،،، عايشه في قوضه ضلمه مليانه اشباح بتطبق علي نفسي
اسند جبهته الي جبهتها لتفتح الجميله عيناها وتهرب عبرتها المحتجزه
#ايوه تقولي ،،،، عشان لوكنتي قلتي كنت مديت ايدي وخرجتك ،،،، خبيتك في حضني ،،، بس انتي قفلتي علي نفسك وهربتي مني ،
#مقدرتش ،،، انا مش ضعيفه
قال بانفعال # مش بقولك غبيه ،،، انتي ضعفك يكسرني ،،،،زي ماحبيت ماسه بقوتها وجبروتها رهنت علي قلبها وانا معرفهاش ،،،،، كنت متاكد ان كل ده صوره من غير مااشوفك ،،،، الحب مش ضعف ياماسه ،،،، الحب دنيا جديده ،،،،، جنه بتفتح بابها ،،،، انتي خلتيلي قلب يدق ويحس بالحب ،،،يتوجع ويتجرح من حبيبته ،،، ياخد علي خاطره بس ميبعدش عشان ميقدرش ،،،،
اغمض عيناه بقوه بلع ريقه بصعوبه
#انا مش عدي ياماسه ،،،،،مش عاوز اكسرك عشان اشوف ضعفك
للمره الاولي تفعلها الماسه احتضنت خده ليفتح عيناه الدامعه المنفعله ويهمس
#مش سهله دي بتدبح ،،،، الماسه بتعتي انا وبس ،،،، بغير عليها بجنون بهوس اتجنن لوراجل بصلها ،،،قلبي يطير عليها ويبقي عاوز يخبيها جوا ضلوعه ،،، عارف اللي عشتيه مش سهل ،،،، انا امبارح كنت بموت ،،، بموت وانا بحاول افوقك ،،،، مش عايزك تشوفيه ،،، مينفعش انتي في حضني انا ،،،،، لو في حاجه ترجعني بالزمن اشيله من حياتك خالص مش هتاخر ،،، لو بايدي هموته الف مره عشان اخد حقي منه
همست #حقك
احتضن وجهها وقال بانفعال
#ايوه انتي حقي انا ،،،، وهو سرق حقي مني ،،، ومش هسمحله يسيب آثره عليه ،،،،، عدي سرقك مني مره بس مش هسمحله يعملها تاني ،،،،، مش هسمح لحد ياخدك مني ياماسه .
لمس شفتيها بابهامه وهمس
#من اول مره فتحتي الباب وسيبتيني اشم ريحه الجنه،،،وانا متاكد من ده ،،، انك حقي انا ،،،، الماسه اول مره مشاعرها تتحرك ،،،، محستش غير بيا انا وبس ،،، لسه طفله متعرفش حاجه بكتب في صفحتها البيضا اول سطور الحب ،،،،هربت وقفلت الباب قلت بتكابر وبتعاند وانا نفسي طويل هصبر ،،،، وجعني اوووي اني افتح الباب اتلقاه في وشي ،،،،
# غصب عني ،،، بس انا مش عاوزاه
تنهد بألم #عارف ،،،، انا عارف كل حاجه ،،،، عارف انه استغل لحظه ضياع في حياتك ،،،،
حدقته بصدمه ليربت علي خدها
#متستغربيش ،،،، عشان كده قلتلك سرق حقي ،،،، سرق حقي فيكي وانتي مش في وعيك ،،،، مكنش المفروض تقبليه ،،،، سرق مكاني وبوظ حياتك ،،،،عشان كده لما خلصتك منه كنت بضربه بغل ،،،، كنت عاوزه يدفع التمن ،،،، عشان سرق حاجه مش بتعته ،،،، بس للاسف المره دي كنتي فايقه ،،، المره اللي فاتت ساب جواكي آثر بطفل ،،،،والمره دي انتي سيبتيه ينهشك وقفلتي الباب في وشي انا ،،،، وبقولهالك اهو مش هسمحله ياخد حقي تاني ومش هسمحلك تلغي وجودي فاهمه ولالاء ،،،، مش هبعد مش هسيبك تاني ومش هسمحلك تبعدي ،،،،، جوا الماسه مفيش غير نديم وبس ،،،،ومش هتفتكر غيره ،،، هتحبيني بكيفك غصب عنك متفرقش ،،، القلب دا بتاعي هكسر القفل اللي عليه وادخله دا رهان عمري كله
#وانت كسبت الرهان يانديم
جمله كافيه ان تمحو الالم تنبت ورود ورياحين وتفتح كل ابواب الجنه ،،،، تزلزله وتجعل قلبه يصرخ بعشق جميلته لتتمسك به وتهمس
#انا مش عاوزه اشوفه تاني ،،،، انا عاوزاك انت
قلبه يزمجر كالليث الحبيس يضرب جدران صدره بقوه اعلنت الجميله العشق بعد ان ذاق ويلاته توجته علي عرش قلبها كما منحها قلبه ،،،،، ضمها اليه فقط يريدها ان تشعر بزمجرته العاشقه ،،، و همس
#ااااه ياملكتي ،،، ودنيتي ،،،، وتاجي ،،،،وعرشي ،،،، بحبك املك الدنيا كلها
رفع وجهها ليبعد خصلاتها خلف اذنها ويهمس
#عشان نبدأ حياتنا صح لازم نغسل قلوبنا ننضفها من كل اللي فيها ،،، عاوز حياتي معاكي صفحه بيضا نكتبها انا وانتي وبس ،،هخدك ونسافر نروح نعمل عمره
همست بانفعال
#عمره
#اه علي فكره دي كانت هديتي عشان لبستي الحجاب بس كنت مستني نخلص المطحنه اللي كنا فيها
،#بس انت كنت هتسافر لوحدك انت قلت كده في المكتب
تنهد بارتياح # كنت مخنوق اووي ،،، حاسس اني بحارب طواحين الهوا ،،، عماله تخبط فيه من كل جنب ،،،، قلت هبعد يمكن تنطق
هزت كتفها وقالت بعجز
#نديم انا صعب عليا اتكلم ، ،، ااقصد انا عمري ماخرجت اللي جوايا لحد
ابتسم ليقرب وجهه منها
#اسمها مش بعرف اعبر عن مشاعري ،،،
#يعني حاجه زي كده
اقترب اكثر حتي تلامست الشفاه ليهمس
#انا هعلمك قولي بحبك
همست #نديم
حرك شفتيه علي شفتيها لتزداد ارتعاش بين يديه
#قولي ب ح ب ك
لمسه فقبله فضياع ،،، هذا حاله باختصار ،،، لقد تعلمت الجميله فنون العشق لتبادله القبله للمره الاولي ،،،يري لمعان الذهب بموجها المضطرب ،،، وللمره الاولي ظلت تفتح عيناها وكانها تخشي رؤيته في كل مره كان يقترب ماان تغمض عيناها حتي تجمد بالكليه ،،،، اللعنه لو استسلم فقط للهيب النيران المحترقه بداخله سيفنيها بين ذراعيه ،،،، احتاج لقوه خرافيه ليبتعد قليلا تهاني نديم عبرت الخطوه الاولي بنجاح ليزفر بقوه
#اوووف ،،،، اااااا انا كنت بقول ايه ،،،افتكري كده
ابتسمت لتتفتح الورود بوجنتيها لدغ خدها
#يخرب بيت جمالك ،،، وانتي زي القمر كده ،، يلا بقي
حركت عيناها بسرعه وقالت بتوتر
#يييلا اييه
وكز راسها #نيتك زفت ،،،يلا قولي بحبك
همست #بحبك
امسك كفيها المثلجه ليطبع عليهما قبله ناعمه وهمس
# العشق جنه ونعيم ونار بتعلي لفوووق ،،،، توصل لفوق السحاب البعييييد
قالت باستغراب #ليه نار
بدا يحرك اصابعه داخل كفها وعيناه لاتغادر عيناها
# الشوق نار تحرق ،،،،، والبعد نار تكوي ،،،، وانا عاشق حرقه الشوق وكواه البعد ،،،، بس مستني حبيته قلبها يرق وتحن عليه ،،،
ابتسمت #طب ااا ولو حبيبته متعرفش تعمل ايه
رفع كفها البارده ليحتضن بها وجهه الساخن
#تقرب ،،كلمه الحب تطبطب علي الجرح ،،،لمسه الحب تشفيه ،،،،، الرغبه شيء طبيعي ربنا خلقه جوا البني ادم ،،، وعشان احنا عارفين ربنا ومسلمين ،،،رغبتنا بنحجمها بالدين ،،، متخرجش غير في الحلال اللي ربنا امرنا بيه ،،،،، واوقات بيبقي الحلال واجب لابد منه ،،،، بيتعمل زي اي حاجه اكل شرب ،،،حاجه كده بهته ملهاش طعم ،،،،، لمسه الحب تختلف ،،،، الرغبه لوحدها عمرها ماتبقي حب ،،، عشان مع الوقت الانسان بيملها ويذهدها ،،،لكن الحب حاجه تانيه خالص رغبه الحب بتزيد متنقصش ،،،، ودا انا معرفتوش الامعاكي ،،،،طب ااقولك علي حاجه انا كنت ساعات بتعمد امسك ايدك بس عشان احسها ،،، بس الجميله كانت بتبخل عليا وتسحب ايدها كاني بكهربها
اتسعت ابتسامتها ليطبع قبله براحتها
#مع اني بحبها اوي صغننه وديما متلجه ،،، وظوافرها طويله بتعور
#ااااناااا اسفه ،،، هي بتوجعك
حرك يدها لتتلمس رقبته عضلات صدره والخدوش التي تنتشر به عيناها تتابع يدها ليضعها ناحيه قلبه
#لمسه الحب تعمل فيا كده ،،، عشان لمسه الحب بتاعتي مرتبطه بيكي انتي وبس ،،،
اقتربت ليجمد هو حرفيا لم يتوقع ان تتفهم الدرس بتلك السرعه او ان تنفذه ،،،، مبادره سحبت انفاسه ،،بالكامل لمسه شفاه اتيه من الجحيم لتنشر لهيبها بعضلات صدره رفعت وجهها لتهمس
#لسه بتوجعك
#هااااه اااااا
طرق علي الباب تبعه صوت ناصر
#بابا ممكن ادخل
صك علي اسنانه ليزفر بقوه
#دا وقته ،،،،،لاء ثواني وجيلك ياناصر
خطف قبله من شفتيها ليعدل وضع قميصه ويتحرك ناحيه الباب فتحه ليقابله وجه ناصر
#انت اتاخرت اوووي يابابا انا وطنط جوان جاهزين
#طيب ياناصر انزل انت وانا نص ساعه وهحصلك وخلي داده صباح تحضرلي الفطار انا وماما
لقد نسي تلك الكارثه المتحركه المسماع جوان من الاساس ،،،، ترجل للداخل لتتعلق عيناه بالفاتنه التي رفعت عليها الاغطيه وكانها وعت انها شبه عاريه
#ايه ياماما اتكلفتي كده ليه
قالت بحرج #نديم من فضلك هتلي الروب من اوضتي
اقترب ليجلس امامها
#اولا مفيش اوضتك دي تاني ،،، في اوضتنا صحيح انتي نومك زفت بس زي بعضه علي رأي فهد خد صاحبك علي عيبه ،،،، ثانيا انتي مراتي عادي اما اشوفك كده ،،،وبعدين انتي اساسا بجحه
قالت بحنق #انا بجحه
#ايون كنتي بجحه وبتمشي من غير هدوم ،،، المهم بقي جوان عاوزه تتفسح وانا عاوزك معايا
شردت عيناها يري جيدا الكلمات المحتجزه بها ،،، نفس الحده التي راها بالامس ولكن شتان بين الاحساسين ،،،بالامس اصابته بالغضب الان تصيبه بالنشوي ،،، فقط لان الجميله اعلنت الحب احتضن وجهها لتنظر بعيناه
#قولي االي انا شيفه في عنيكي
تنهدت #انت اااعلاقتك بيها ايه بالظبط
ابتسم # شوفي خالي مهاجر ايطاليا من زمان جدا اتجوز هناك وخلف جنيت وجوان ،،،،، جنيت الكبيره متجوزه ومخلفه ،،، لما حصلت الحادثه انا سيبت مصر وسافرت اتعلقت بيها جدا بنوته زي القمر تتبهري من جمالها مناكفه جدا وبتتكلم مصري مكسر ،،،
قال بحنق #مش جميله للدرجادي يعني
قرب وجهه منها #ياشيخه اتقي الله داابنك بيقول عليها موزززه
عيناها تشتعل وهو مستمتع بشده
#انت وهو زوقكوا زي الزفت
انفجر ضاحكا #احبك وانت غيران ،،،، الماسه الملكه مينفعش تغير من حد عشان هي ملكه واحده في الدنيا كلها ،،،،، انا مقلتش اهم معلومه ،،،، جوان وقتها كان عندها حداشر سنه ،،، يعني اكبر من سيف بخمس سنين ،،، انا بعشق الاطفال ،،،،والفراغ اللي سابه سيف جوايا كنت بحاول اعوضه بجوان ،،،، فضلت معاهم سنه بعدها رجعت مصر تاني ،،،، كنت بكلمها فون واطمن عليها عادي ،،،،من فتره سافرت ،،،جوان كانت كبرت اوووي ،،،وللاسف الفتره اللي اناقضتها معاهم ترجمتها هي غلط ،،، وحاولت ،،فهمتها اني معنديش استعداد اشيل ذنب انجي تانيه ،،،،، انا معنديش قلب عشان يحب ،،،،، قالت لخالي انها بتحبني وهو عرض عليا اتجوزها رفضت لنفس السبب ،،،، علاقتي بخالي اتدمرت وجوزهاومن حوالي شهر اتطلقت واجت عاوزه تبقي زي انجي ،،،، دي الحكايه باختصار
قالت بغيض #يعني هي اجت تعرض عليك الجواز تاني
#تقريبا كده بس طبعا اتفاجئت ان انا اتجوزت ،،، بس اللي انا متاكد منه انها مش هتيأس بسهوله
قالت بحده #اه وانت عجباك الحكايه طبعا
قرب وجهه منها وهمس
# اوي ،
تسارعت انفاسها الساخنه #هي عجباك مش كده ،،، انت ممكن تتجوزها ،،، علي الاقل هي هتبقي طبيعيه و
ابتلع باقي كلماتها بين شفتيه ،،، الامر اكبر من غيره انثي ،،، ماسه تشعر بالنقص ،،،ومزاحه الاحمق اظهر هذا واضح ،،،،، لعله رأي ضعف ماسه من قبل ،،، رأي ضعفها الانساني ،،،،ولكن هذه المره الاولي الذي يري ضعف الانثي ،،،، انثي تفقد الثقه ليس فيمن حولها وحسب بل بنفسها كذلك ابتعد ليهمس
#اوعي تقللي من ملكتي تاني ،،،، ملكتي مفيش زيها في الدنيا ،،،، وانا مش بشوف غيرها ،،،، بحبها زي ماهي ،،، انا كنت بهزر ،،،، عجبني اشوف الغيره في عنيكي ،،،،،
#مش هتزهق
تنهد # لوكان ينفع كنت زهقت وبعدت وانا عارف ان انا علي هامش حياه الماسه تفتكري ممكن ازهق بعد ماعرفت انها بتحبني
#انا عمري ماكنت متلخبطه زي ماانا متلخبطه دلوقتي ،،، انا حاسه بالعجز ،،،، حاسه اني واقفه في وسط الطريق ،،، شايفه ضباب وبس ،
#خايفه مش كده
هزت كتفيها بعجز ربت علي خدها
#اللي انتي حساه ده عشان مش شيفاني ياماسه ،،،، انا جنبك ،،،، اسندك لو وقعتي وتنسنديني لو وقعت ،،،، احنا بنكمل بعض ،،،، ماسه اتعودت تبقي لوحدها ،،،، دا لازم يتغير وهو ده اللي ملخبطك ومخليكي خايفه ،،،، طول ماادينا في ايدين بعض هنعدي الطريق فهمتي
القت راسها علي كتفه ليضمها اليه يطبع قبله علي جبينها
#انا اسعد راجل في الدنيا ،،،، عشان معايا الماسه ،،،،الملكه ،،، يلا ياجميله خدي حمامك وغيري علي مااغير عشان ننزل نخرج ست زفته دي
#طب انت عاوزني معاك ليه
قال بمرح #عشان بخاف علي نفسي من الفتنه ياموززتي
#نديم
#ابنك اللي قالها علي فكره وعجبتني
قال جملته ليرفعها بين ذراعيه ويتحرك تجاه الحمام معلقا
#الصراحه كنت هموت واعملها يوم الفرح بس خفت تنفجري في وشي
نظرت اليه ليتشاركا بالضحك
❤❤❤❤❤❤صلي علي النبي محمد ❤❤
