نديم #اتصل بيه يافهد شوفه اتاخر كده ليه
فرحه #اتصلت ومش بيرد
تحرك فهد ليقف بجوار فرحه ليهمس
#عجبك كده
ربتت علي كتفه#الغايب حجته معاه زمانه جاي يافهد
ناصر بحنق # والله مش مستغرب انا عارف ان انا فقري
ماسه #متقلش كده ياناصر
ناصر بغيض #يعني يوم خطوبتي عمو مامون ميحضرش وادم يختفي ابقي ايييه
احمد ضاحكا #فقري ياحبيبي وهي بومه تعملوا مكس النحس
اقتربت فرحه لتنزع احمد من جوار ناصر
#اخوك فين
#معرفش
اقترب اسلام وقال بتاكيد #والله ماحد يعرف هو امبارح قال هيصالح بابا
احمد بحنق # بيصلحه اه دا مش بعيدلوشافه دلوقتي يشرحه
ليث #انا مش عارف بس مامون كمان مأجاش ليه
نديم #وبعدين ياليث مهو فهد قالك جومانه تعبانه
فيروز #اصل انا لسه متصله النهارده بجومانه وهي قالت كويسه يانديم عشان كده ليث بيسال
نديم #ممكن تكون حصلت ظروف ولاحاجه عادي يعني ،،، المهم يافهد دلوقتي انا بطلب نور لناصر
ناصر بسرعه #ايوه المهم بقي هنتجوز امتي
حدقه الجميع لينفجر ليث ونديم بالضحك فهد بغيض
#جواز ايه اللي بتتكلم فيه دلوقتي ،،، دي لسه هتدخل كليه
علق احمد #شرطه يعني مفيش جواز الالما تخلص
فيروز موجه حديثها لفرحه #شرطه ايه اللي بنتك هتدخلها دي
رفعت فرحه يديها للاعلي وقالت باستسلام
# ولاليه رأي
نديم #ناصر عارف الكلام دا كويس اوي وموافق
قلد ناصر فرحه ليرفع يديه #ولاليه رأي انا من حزب طنط فرحه
فهد بضيق # فرحه اتصلي تاني بادم واطلعي هاتي البنات
هزت فرحه راسها لتنصرف ليجلس ليث بجوار فهد ليهمس
#متضيقش نفسك الزمن بيداوي كل حاجه يافهد
رفع فهد عيناه لليث ربت علي كتفه
#حكالي بس متوقعتش انه ميجيش
فيروز #ماشاء الله اللهم بارك ايييه القمر ده يانور
تعلقت جميع العيون بنور بفستانها الرائع وتجملها الرقيق ليتحرك ناصر مغيب بفتنه الجميله متيم هو بهذا السحر الخالص عيناه فقط تتبع شعاع خضرتها المبهر اللامع بخجل يذهب العقل لتستوقفه يد احمد علي كتفه ويهمس
#انت رايح فين يخرب بيتك فوووق
ليث باسما #والله عندك حق يافيروز ماشاء الله قمر
فرحه بسعاده وهي تقترب من نور وتقبل جبينها
#مبروك يانون. عقبالك ياحنين
حنين ببتسامه باهته #ربنا يخليكي ياطنط
ماسه #مالك ياحنين وشك متغير ليه كده
حنين #مفيش ياخالتو مبروك ياناصر
ناصر #الله يبارك فيكي عقبالك ياحنين
احمد #تعالي يانور ااقعدي
جلست نور مكان احمد ليجلس ناصر علي المقعد بجوارها نور
#ادم لسه مأجاش
هز احمد راسه نفيا ليقول فهد بحده
#مش عاوز كتر كلام خلصنا بقي
ساد التوتر للحظات بين الجميع ليهمس ليث في اذن فهد
#يمكن كان فاكر ان مامون جاي واكيد
فهد بتاكيد #لاء
ناصر بغيض #انا عاوز افهم بس لزمتها ايه الخطوبه دي حاجه زفت
نظرت له نور باستنكار لتهب واقفه وتقول بحده
#لاوالله ،،، وايه اللي جابك بقي
ناصر بسرعه
# فهمتي غلط مقصدش كده ،،،اقعدي وانا هفهمك
جلست لتعقد ذراعيها
#افتكر ان محدش جبرك ولاايه الحكايه بالظبط
ناصر #متقفشيش كده واسمعي ،،،، يعني افضل مستني سنين طويله عشان اقعد معاكي وابقي قاعد متكتف مش عارف انطق حتي
نور بغيض #ليه حد ماسك لسانك
ناصر #الخطوبه اللي ملهاش ولاتلاتين لزمه دي يعني تبقي قاعده وزي القمر كده ومش عارف حتي اقولك انتي جميله اوووي والله حرام
لاحت ابتسامه علي شفتيها المكتنزه لتخفض بصرها وتغمغم
#ماانت قلت
#بطريقه غير مباشره متنكريش مش ناقص ذنوب انا عارفه انا حلمت باليوم ده اد ايه
بس مش باليوم ده تحديدا يعني ،،،، انا حلمت باليوم اللي هتبقي فيه حلالي واقولك علي كل اللي جوايا فهمتي بقي ليه الخطوبه رخمه
ابتسمت لتفرك كفها بحرج #معرفش بقي
ناصر بغيض #لاءبقي مبدهاش
قال جملته ليتحرك ناحيه فهد ونديم وليث ليقول الاخير
#ايه يابني سايب عروستك ليه
ناصر #ياعمو مهو ده ميرضيش حد ده ،،، انتوا بتعذبوني كده
فهد باستغراب #في ايه يابني مالك
ناصر بغيض # مش انا دلوقتي خطبت
فهد #المفروض في ايه بقي
ناصر بحنق # عاوز اكتب
ليث #في ايه يابني ماتهدي علي نفسك
#ياعمو افهمني افهموني يابشر ،،، دلوقتي بابا قال حرام اقول مشاعري الالما تكون في الحلال
يعني المفروض اعمل صنم واقعد مع البونتيه اقولها شايفه القمر يانور الجو حلو اوي النهارده
هب نديم ليوكز كتفه ويهمهم
#ياواد اتهد فضحتنا
ناصر بحنق #يابابا نفسي اقولها بحبك
فهد بغيض #ماانت سمعتها لامه لااله الاالله اهوه
لمعت عيون ناصر ليصرخ عاليا
#بحبك يانووووور
ضرب ليث كفيه وقال ضاحكا
#والله اول مره اعرف ان الواد ده اهبل
نديم بغيض #فضحتنا يخرب عقلك
ناصر #مش انت اللي قلت حرام ،،،
احمد #علي فكره يابابا ناصر بيتكلم صح
قبل ناصر خده بقوه ليمسح احمد خده
#الله يقرفك ياشيخ انا غلطان
قال جملته ودفع ناصر امام فهد ناصر برجاء
#مش عاوز اعمل حاجه تغضب ربنا ،،، عاوز ربنا يباركلي فيها ،،،،
ابتسم فهد #لسه قدمها كليه ياناصر
ربت علي صدره برجاء
# هنكتب بس ،وبعدين هفضل كده اربع سنين والله افرر منكوا
نديم ضاحكا #كده افضل يافهد ،،،
ماسه # ايه رأيك يافرحه
فرحه#انا مش عارفه انت مستعجل كده ليه ياناصر مش اما تاخدوا علي بعض
ناصر #ناخد علي بعض ازاي ،،، ياطنط احنا متربيين مع بعض
فرحه #معرفش بقي ابوها عندك
فهد #خلاص ياناصر هشوف وارد عليك ممكن بقي تهبط وتقعد
ناصر #ايوه طب هترد امتي
فهد بضيق #يابني بطل زن
نديم #مش قلت اللي عندك روح بقي ااقعد مع خطيبتك
عقد ناصر زراعيه #مش هقعد الا لما تبقي مراتي
ياناااس نفسي البسها الدبله
احمد بغيض #كل ده عشان تلبسها الدبله
حنين #يابني بس بقي حرام عليك البت وشها جاب طماطم
هب فهد واقفا امام ناصر
#مش وضحت وجهه نظرك خلاص بقي ااقعد واحنا هنفكر ونرد عليك
كاد ناصر ان يتحرك لولا ان الباب فتح واطل منه ادم
# اكلتوا الجاتوه من غيري
فرحه بعتاب #انت كنت فين وايه اللي اخرك كده
فتح ادم الباب علي مصرعيه ليرفع يده عاليا
#هما اللي اخروني
لمعت عيون فهد وهو يري مامون وجومانه واسر واسيل يدخلون جميعا مامون بانفعال
#الف مبروك ياولاد
هبت نور واقفه لتتجه ناحيه مامون فيضمها اليه طابعا قبله علي جبينها
نور #فرحتي كانت ناقصه من غيركم
قالت جملتها لتمسك يد اسيل وتتحرك فتجلسها بجوارها فرحه بسعاده
#منور البيت يامامون انت وجومانه والولاد
جومانه #منور باصحابه يافرحه
فهد #بيت الحداد لكل اهله جومانه
مال ليث علي اذن فهد هامسا #الواد ابنك ده مش سهل مبيضيعش وقت ابدااااا
نظر فهد لليث ليتشاركا في الضحك ادم
#متضحكونا معاكوا
ربت فهد علي كتف ادم ليقول الاخير
#ايدك تقيله اوووي ياحبيبي
فهد بسعاده #ربنا يباركلي فيك ياادم
❤❤❤❤سبحان الله وبحمده ❤❤❤❤
