❤
#انا فرحان اوي يابابا عارف نفسي ارقص والله
نديم ضاحكا #ياواد اعقل يرجع حد يشوفك يقولها ترجع في كلامها
ناصر بالحاح #طب قولي بقي هتكلم عمو امتي
ماسه بغيض وهي تجلس علي مقعدها حول الطعام
#يابني بطل زن دول لسه ردين امبارح وبعدين فرحه قالت بلاش في خطوبه ادم عشان يبقي يومكوا لوحدكوا
نديم #طبعا عندها حق عاوزه تخطبي البت في بيت عمها مينفعش طبعا
ماسه #لاء الحكايه مش كده اللي فهمته من صوت فرحه انها مش راضيه علي الجوازه دي
نديم #وانا حسيت كده كمان من كلام فهد مع مامون
وشكل البنت بتقول انها كمان مش راضيه
ناصر بحيره #يعني ايه هو ااا ممكن عمو فهد يجبر نور
حدقه الاثنان ليقول نديم بحنق
#انت مالك اصلا ومال الحكايه دي وبعدين انت مش هتشوفها النهارده في خطوبه ادم ابقي اسالها بينك وبينها
ناصر#هو انا ينفع اكلمها في الحكايه دي
نديم ضاحكا # قال يعني معملتهاش قبل كده
ناصر بحنق #بااابا
ماسه # انا مش فاهمه
نديم ضاحكا #اصل ابنك قالها وهي عندها عشر سنين هههه دا اتضرب علقه موت من ادم
ناصر بحنق #يعني انا كنت اعرف انه هيسمعني ،،
نديم #دا علي اساس انها منزلتش فيك ضرب مع اخوها
ناصر ببتسامه بلهاء # مهي دي نور
ماسه #ياخوفي تروح تقلها تمد ايدها وتبوظوا خطوبه الولد
#ماما انا لبست عشان نروح الفرح
رفع الجميع وجهه الي زمرده الواقفه امامهم ماسه بحنق
#نروح الفرح الساعه ثلاثه الظهر
ناصر ببتسامه #ايه الجمال ده يازمردتي ياقمر انت
لفت زمرده حول نفسها لتقول بفرح طفولي
#حلو الفستان ياابيه
هب ناصر ليرفعها بين ذراعيه ويقول
# انتي اللي حلوه اووي وشعرك كمان حلو اوووي
#لاء طبعا انا الاحلي
نظروا الي تميم الواقف قرب الباب ملابسه متسخه عن اخرها هبت ماسه واقفه واتجهت نحوه لتقول صارخه
#انت يازفت انت ايه اللي عمل فيك كده
تميم باسما#كنت بجيب القطه
قال جملته وخرج ليعاود بقط صغير يموء بين يديه لتصرخ ماسه
#ابعد الارف ده بره
اقترب تميم لتهرب ماسه من امامه وتقول بخوف
#نديم خليه يبعد الزفته دي
تميم ضاحكا #ايه دا انتي خايفه من القطه دي صغيره خالص
نديم وهو يحاول تمالك ضحكاته
#انت جبت القطه دي منين
تميم #كانت بتنونو اسيبها يعني
نديم #لاء ميصحش تدخلها البيت وهي مليانه امراض مش كده
تميم بتذمر# لاء اسيب الكلب ياكلها
ماسه بغيض#انت هتعد تحكي معاه ارمي البتاعه دي بره ،،،لاء ارميها في الشارع
تميم بعناد#لاء مش هرميها بقي هه
ناصر #وبعدين معاك انت مش شايف ماما خايفه ازاي ياتميم وبعدين كلب ايه
جلس تميم في الارض ليضع القطه علي ساقه ويربت علي راسها المتسخ
#انا كنت بلعب لقيتها بتجري وفي كلب كبير بيجري واراها بس صعبت عليا طب بصي ياماما دي كيوته وصغنونه هتعملك ايه يعني هتاكلك
ماسه وهي تقف في نهايه الغرفه
#وجنينه الحيوانات دي ان شاء الله فين في الجنينه بتاعتنا
تميم #لاء في الشارع اللي ورانا
وضعت ماسه يديها علي راسها
#ااااه دماغي الواد ده هيشلني ناصر خد البتاعه دي ارميها بره
ناصر #مهو اااياماما حرام دي قطه صغيره وبعدين متخفيش هوديها للدكتور والله وهنحميها
زمرده #دي جميله اوي ياماما والنبي سيبها حرام
ماسه بغيض#لايمكن انا يعيش معايا قط من الشارع
تميم #قولي بقي انك خايفه منها
ماسه بعناد#هخاف من ايه انا
نديم #ماما مش بتخاف منها هي خايفه عليكوا ياتميم القطه دي من الشارع وبنبقي مليانه امراض
تميم باختناق#طب عشان خاطري والله هاخد بالي منها ،،،بلاش نرميها والله هتموت
نظرنديم الي ماسه لتقول الاخيره بغيض
#خلاص اتفضل اطلع استحمي وشيل الطين اللي عليك ده
تميم #طب والقطه
ماسه# ابقي حطلها اكل في الجنينه
ناصر وهو ياخذ القط #تعالو بقي نحميه وبعدين نوديه للدكتور
خرج الاولاد من الغرفه لتقول ماسه
#نديم انا بترعب منهم
نديم ضاحكا #انا كنت ماسك نفسي بالعافيه عشان مضحكش ،،،، كده برضه فضحتينا قدام العيال ،،، طب خلتيها ليه
زفرت بقوه #اصل تميم نفسه يجيب كلب وانا رفضت
عشان ميفضلش يقول كل حاجه لاء
ربت علي خدها #انتي عارفه انا بحبك اوووي
ابتسمت #عارفه وانا بعشقك مش بحبك ،،، والنبي ابقي طلعها بره انا كده ممكن تتحدد اقامتي في الاوضه
انفجر ضاحكا #دي صغيره امال لوكانت كبيره
ماسه بغيض #كنت هسيب لك البيت انت وولادك وخلي القطه تنفعكوا
كاد نديم ان يقترب لولا رنين هاتفه فتح الخط ليقول باسما
#اهلا بابو العريس لسه بدري
#####################
نديم بخضه #ازاي يعني طب انتوا فين يافرحه
##########################
#مسافه السكه وهنكون عندك
اغلق نديم الخط ماسه بقلق
#في ايه يانديم وشك اتقلب مره واحده
#دي فرحه اااابتتكلم من فون فهد ،،،مامون وجومانه في المستشفي
ماسه بخضه #اييييه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
تغمض عيناها بتوجس الالم منتشر بجميع جسدها لقد نجت من موت محقق علي يد اباها ،،،، اباها الذي اعتاد ان يدللها ويخبرها انها وردته ،،، يضربها هكذا لقد رات الموت الحقيقي علي يده،لولا عمها واولاده ،،، ثم اسر الذي اراد ان يخنقها اراد هو الاخر ان ينهي حياتها لولا ادم ،،،، لم يعد لديها حامي من يحميها واباها واخاها يريدون موتها ،،، تخشي ان تفتح عيناها حتي لاتري نظرات الكره في عيون الجميع نعم فهي المجرمه التي هدمت كل شيء ،،، هي الفتاه السيئه المتسببه في مرض امها وابيها ،،،، وهو ،،، الاحمق المتسبب في كل هذا ،،، كيف يوشي بها بتلك الطريقه ويتركها فريسه للكل لينتقم منها ،،،، ،،، انها تحتاج فقط لامها الحبيبه ،،، اباها العطوف واخيها الذي يحبها ،،، تريد عائلتها القديمه لاتريد هؤلاء الوحوش الذين يريدون موتها
بماذا اجرمت ....فقط احبت احدهم ،،،وثقت به وخان تلك الثقه ،،،، نفذ تهديداته الحمقاء لتتلقي هي وهج النيران المشتعله وتحترق ،،، الغد مظلم بشده ماذا سيفعلوا بها ،،، تستمع لصوت نور التي لم تتركها منذ ساعات وحنين الحمقاء
#ايه اللي حصل يانور
نعم الان ستخبرها بالتاكيد ولكن نور قالت
#معرفش ياحنين بس اللي فهمته ان اسيل وقعت من علي السلم ولما طنط شفتها وقعت
حنين #مش عارفه بس كلامك مش راكب علي بعضه
نور#معرفش ياحنين بقي انا بستنتج بس طمنيني بس علي حاله عمو وطنط
حنين #الحمد لله عمو فاق بس الدكتور بيتابع عشان يكتبله حاجه للضغط
نور بحزن #هيمشي علي علاج ضغط
#الدكتور بيقول كده
#طب وطنط
#الحمد لله الحاله استقرت بس اااا
#بس ايه ياحنين
حنين بصعوبه #يعني انت عارفه الجلطه بتسيب اثر ووو
#حنين انا مش ناقصه انطقي بقي
#مش حاسه برجلها
نور بصدمه #اتشلت
صمت حنين كان كافي لان يؤكدالمعلومه امها شلت وابيها اصابه المرض ،،،، قلبها يعتصره الالم ،،، الم حاد يكاد يودي بها منذ قليل كانت تفكر بنجاتها المؤقته من يد ابيها واخيها والان تتمني الموت ،،، الموت الحقيقي
طرق الباب تبعه صوت فهد الخشن
#ازيك ياحنين
حنين #الحمد لله ياعمو انت شكلك تعبان اوي
فهد #لاء الحمد لله اسيل عامله ايه يانور
نور #الدكتور قال انها فاقت بس هي مفتحتش عنيها فسيبتها نايمه
فهد بجديه #طب تمام حنين خدي نور تدخل الحمام وتغسل وشها كده وخليها تاكل اي حاجه في كافتيريا المستشفي وانتوا جايين هاتوا اكل لاسيل
سمعت صوت اقدام تبتعد واقدام تقترب لحظه خروج الروح رد فعل ابيها لن يكون شيء بجوار رد فعل فهد المخيف،،، فزعت و انكمشت علي نفسها وهي تسمع صوت جر المقعد ليقترب من فراشها ثم هدوء كامل زاد من رعبها
#انا عارف انك صاحيه
فتحت عيناها يديها لم تسعفها لتستطيع الهرب ولكنه قال
#اهدي يااسيل انا مش هعملك حاجه تحبي اساعدك تقعدي
هزت راسها برعب فقال #براحتك انا سمعك يااسيل
#ععععاوووزنييي ااااقول ااااايه
#كل حاجه عاوز اعرف كل التفاصيل مهما كانت صغيره
نظرت بعيناه التي تشبه عيون الفهد وبلعت ريقها بصعوبه لتحاول الاعتدال ولكنها فشلت بلحظه كان يرفعها ويضع خلف ظهرها احد الوسادات متجاهلا ارتعاشها الذائد ونبض قلبها الذي يضج بجسدها ليجعله ورقه في مهب الريح عاد مكانه ليجلس بهدوء ويعقد ذراعيه
#سمعك من الاول خالص
#اااا نا اااا اااقصد من سنتين صاحبتي قالتلي اعمل صفحه تانيه علي الفيس مش باسمي يعني عملتها اجتلي طلبات صداقه كتير وااا،،،،،،،،،،،،،،،،،،،، ،، ،،،،،،، ،،،،،،،،،،،،،،،،،،،، ، ،، ،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
،،،،، وانهت حديثهاو هي تبكي
#ولما عرف اني هتخطب قالي لازم ااقبله بس انا مرحتش وبعد كده حصل اللي حصل
زفر بقوه # سؤال واحد بس يااسيل عاوز اعرف رده ،،، علاقتكوا زي اي اتنين متجوزين
هزت راسها#لاء هواااا اصلا قالي ان الورقه دي عشان محدش يخدني منه
قاطعها فهد #اسيل سؤالي واضح
#لاء
تنهد فهد بارتياح اعتدل في جلسته وقال
#طيب اسمعيني بقي كويس اوووي ،،، اللي متعرفهوش ان الواد ده بعت صورك لفون ادم من اسبوع وبعدين بدا يبعت لابوكي عشان يبتزه
اسيل بسرعه #لاء ياعمو هو عمل كده بس عشان بيحبني
تنهد فهد بقوه #هو اللي يحب واحده وعاوزها مترحش منه يروح يكتب معاها ورقه عرفي عند محامي ولايروح لابوها يخطبها
قالت بسرعه #لاء هو بس كان خايف بابا ميوفقش
#فقلتي تجبري ابوكي كده
سقطت دموعها وقالت باختناق #انا مكنتش اعرف ان كل ده هيحصل ،،،، هو كويس والله هو عمل كده عشان انا مردتش اروح اقابله
هز فهد راسه وقال
#انت ساذجه لدرجه العبط عارفه ليه عشان دا مش بني ادم كويس بالعكس بقي دا انسان ندل بيستغلك وبس الحكايه كلها هيطلع من وراكي بكام
هزت راسها بعدم تصديق
#مستحيل يااعمو تامر ميعملش كده هو بيحبني
#يعني انت شايفه كل اللي عمله حب ،،،،
هزت راسها موافقه اخرج فهد هاتف من جيبه ووضعه امامها
#دا فون ابوكي لما وقع امبارح الدكتور ادهولي هو ومفاتيحه والحجات اللي كانت في جيبه عاوزك تفتحي الرسايل اللي اجت لابوكي وتقريها كويس اوي
فتحت اسيل الهاتف لتري الرسائل كما اخبرها فهد لتعلق
#مش بقول لحضرتك دا مش رقم تامر
فهد بضيق #لا ياشيخه وميعرفش يجيب رقم غيره طب لو هو مش رقمه جاب الصور وصوره العرفي منين
تابعت اسيل رؤيه الصور لتشرد قليلا
،#تعالي نتصور سوا يااسيل بس بفونك عشان انا فوني صوره وحشه نتصور وبعدين ابعتيهم وامسحيهم من عندك لحسن حد يشوفهم
تتابعت رؤيه الصور ثم صوره العقد العرفي ثم رساله اخيره مكتوبه
#خمسه مليون وكل الصور وورقه العرفي تبقي عندك
اعادت قراءه الرساله لاكثر من مره لتهز راسها بصدمه وبدات دفاعات دموعها تتساقط علي وجهها انتزع فهد الهاتف من يدها
#هاه ايه رايك بيحبك ومبيستغلكيش مش كده
رفعت عيناها الغارقه بدموعها لعمها بعجز ربت فهد علي خدها
،#اسمعيني كويس اوووي ،، اللي عملتيه ده غلطه تمنها الموت ،،، انتي لعبتي بحاجه مينفعش يتلعب بيها شرفك وسمعه ابوكي ،،، غلطتك انك مسالتيش وسيبتي دماغك الصغيره هي اللي تقرر عشان اي كلب يلعب فيها ،،،مش هقولك اللي حصل حرام داانتي عديتي مرحله الحرام بمراحل عارفه عقوبه اللي عملتيه ده عند ربنا ايه ،،، انك تكلمي واحد وتخرجي معاه ويبقي بينكوا خلوه ويلمسك دا زنا ،،،،اوعي تكوني فاكره ان بالورقه العبيطه دي بقي قربك منه حلال ،،،، انتي لسه بنت والنبي قال لاتنكح البكر الابولي وشهود عدول ،،،، كان مين وليك ولاحد انتي اللي جوزتي نفسك مش هقولك كمان دين قانونا الورقه دي ولاحاجه لانك لسه قاصر مينفعش تجوزي نفسك وهو اكيد عارف ده بدليل انه اخدها بس عشان هيكسب من وراها قرشين ،،،
قالت بصدمه #يعني بقاله سنتين بيضحك عليا وبس
فهد بتاكيد #ايه المشكله يتسلي شويه هو خسران ايه يعني بالعكس هو اللي هيكسب الفلوس في الاخر يايدمر سمعتك وسمعه ابوكي وسمعه العيله كلها ،،،، يبقي في ايده ورقه وصور يعرف يبتز ابوكي بيهم ومفيش مانع من شويه تسليه معاكي ،،، هاه ايه رايك لسه شايفاه يستاهل انك تدمري العيله كلها عشانه ،،، انا مش بقولك الكلام ده عشان تعيطي انا بقولك الكلام ده عشان تقرري ،،، تحبي تكملي حياتك مع واحد زي ده استغلك وفضحك عشان الفلوس
هزت راسها نفيا #انا مش عارفه اعمل ايه بابا واسر عاوزين يموتوني وماما ،،، ماما
اختنقت الكلمات علي شفتيها ليقول بتاكيد
#ايه معملتيش حساب ده كله من الاول ،،، علي العموم محدش هيجي جنبك تاني ،،،
#هوااا حضرتك بتعمل كده ليه ااقصد المفروض تبقي اكتر حد زعلان مني عشان ادم
فهد بجديه #بعمل كده ليه عشان انتي بنت اخويا يعني بنتي زي نور بالظبط ،،، وادم هيفضل ابن عمك دا مش هيتغير ،،، ملوش نصيب معاكي هيبقاله نصيب مع غيرك ،،، خليكي متاكده ان الدنيا مبتقفش علي حد ،،،
#طب ماما وبابا مش هيكلموني تاني صح
هب واقفا ليربت علي كتفها
#مش ابوكي وامك بس ،،، كلنا مصدومين فيكي يااسيل ،،، محدش كان يتوقع انك تعملي حاجه زي دي ، ،، المهم دلوقتي ننهي الحكايه دي علي خير ،،،
#هو اااحضرتك هتعمل ايه
#هتصرف خدي بالك من نفسك انتي
قال جملته وخرج من الغرفه ليتركها تغرق ببحر من الندم الاسود يطبق علي انفاسها
❤❤❤❤❤استغفر الله ❤❤❤❤❤
