بعوده هاشم عادت الحياه ،،، لم تكن تتخيل ان هناك عشق لهذا الحد ،،، انها عاشقه عاشقه لدرجه الجنون ايقنت ان ماكانت تكنه لنديم لم يكن سوي افتتان وحسب قلبها لم يعشق سوي سجانها الحبيب في هذا المكان ايقنت امر واحد فقط ،،، انها لم تحيا من قبل لقد تخلصت من كل الزيف الذي يحاوطها ،،، احبت كل من بالبيت ولكنها مازلت تخشي الكائن الفضائي المسمي جعفر ببندقيته العتيده ماان تراه حتي يتوقف الكلام علي لسانها ،،،، علمها هاشم كل شيء ،،، زرع بقلبها حب لتتفجر منه ازهار مورقه تظلل علي الجميع ،،، لقاءها الاول مع سليم كان يشوبه بعض الحذر ،،، ولكن هي تحبه مسبقا ،،، زينب وصفيه اكثر من سعد بخروجها من الغرفه ،،،علاقتها بفاطمه ،،، علاقه اااااماذا تسميها. ،، في الحقيقه فاطمه تملك قلب من ذهب حقيقي ،،،وحنان فطري غامر ،،، احبتها ولكن احيانا تود ان تشنقها وتقطع راسها وتعلقه اعلي الدار ،،، مفردات صعيديه بدات تتسلل لكلماتها ،،، وهذا جيد حتي تكف المتحزلقه بنعتها الدائم لها بالخواجايه ،،،، المشكله انها مازالت تجهل الكثير. ،،، علمتها فاطمه الطبخ لتعلق بسخافه
#هاشم ميحبش نفس حد في الاكل غيري
احيانا تتعمد اثاره غيرتها بموقف مشابه تحتد وترعد وتبكي وفي كل مره تصالحها
#عقلك قد النمنمه ياجوان بس بتبقي عسل وانت متنرفزه
ايقنت ان فاطمه تشكاسها وحسب ،،، هاشم يقسم الايام بينهما ولكن لم يذهب ابدا الي فاطمه دون المرور عليها ومنحها بعض من دفيء ذراعيه وكل مره يحذر
#اوعاكي تخبري فاطمه اني بقعد معاكي في يومها
سرهم الصغير تعلم ان هاشم يحبها لدرجه العشق تعلم مكانتها جيدا في قلبه كما تعلم انها لاتملك قلبه بالكليه وان فاطمه لها جزء ولو ضئيل به ،،، اعتادت علي غيرتها منها وتعلم ان فاطمه ايضا تغار منها ولكن كلاهما ادرك حقيقه واقعه لامجال لتغيرها انهما يشتركان بنفس الرجل ،،،، لن تنكر ان ليالي فاطمه تشعرها كشوك ينغص عليها نومتها ولكن ماان تشرق الشمس حتي يدعوها للافطار عندهم وبرغم انه يفعل نفس الشيء في لياليها ولكن هي تعتبره نوعا من الترضيه ،،، مر سته اشهر علي تحريرها من سجنها ولكن في كثير من الوقت تشعر بالحنين اليه لتحتجب بغرفتها ويخرجها ياسين من عزلتها ،،، ياسين الفتي المشاغب الذي تعشق اللعب معه ،،،، احبته بشده لتعلن لفاطمه
#اسمعي بقي ياست فاطمه اليوم بتاعك هاخد ياسين
حدقت بوجهها #تاخديه كيف يعني
عقدت ذراعيها #هاخده ينام عندي عندك مانع
فهمتها فاطمه بطريقه اشعلت النار براسها هي
#اد اكده بتحبيني ياجوان عاوزه تفضيلي الجو
وقتها اردت قتل فاطمه بقلب مطمئن ،،،حمقاء هي فهمتها هكذا ولكن رسالتها بانت واضحه علي هاشم بعيناه التي تقزف نيران مشتعله في اليوم التالي ،،، قبل نزوله مر بغرفتها
#بتستعبطي اياك ايه اللي خلاكي تاخدي ياسين
قالت باستفزاز #انت مش بتنام في حضن فاطمه ،،،، انام انا لوحدي يرضيك
قال بحده #ماانتي بتنامي لوحدك من شهور ايه اللي جد يعني
قالت بدلال #مكنتش حسيت بدفا حضن حبيبي ،،،، وبعدين انت زعلان ليه ،،، اصل ياسين حضنه دافي ذيك بالظبط
اصطكاك اسنانه جعل ضرباتها تتسارع سعيده بشده من غيرته ،،، هاشم يغار عليها من كل شيء من ابنه وحتي ابيه سليم الاسطوره ،،،، الغريب ان سليم بالفعل رجل متفهم لابعد الحدود ،،، علمت لما تعشقه صفيه ،،، اعتادت التجول بالحديقه بحريه المهم انها ترتدي ثياب محاشمه ولاتخرج من البوابه ،،،، وجدت الالفه مع الارض تلقي بها بذور وتنبت زهور رائعه ،،، كفلها لها سليم
#ابا الحج هو انا ينفع ازرع في الجنينه
#دا بيتك يابتي عاوزه تزرعي ايه
اقتربت لتجلس بجواره
#شويه نبتات عطريه الارض هنا خصبه اوي ،،، عارف انا طول عمري نفسي يبقي عندي مشتل ،،، هو انا ممكن اعمل مشتل ورا البيت
ابتسامه ودوده ملئت وجهه
#بس اكده حاضر ياست جوان هعملك مشتل مبسوطه
اندفعت لتطبع قبله علي خده وقالت بسعاده
#يعيش سليم الاسطوره
اغمضت. عيناها بقوه وهي تتوقع قطع الرقبه الذي تحدث عنه هاشم حتي سمعت ضحكاته المجلجله
#انا اسفه والله مكنتش ااقصد هتقطع رقبتي صح
حدق في وجهها #اقطع رقبتك ليه
فركت يدها #معرفش هاشم قالي لو انا قلت اسمك بس ينقطع فيها رقاب
انفجر ضاحكا وقال
#لاع مش هقطع رقبتك ولاحاجه ،،، بس مش المشتل ده هيبقي تعب عليكي
قالت بحماس #لاء خالص انا هزرع نباتات عطريه واشتغل فيه انا وفاطمه وزينب وممكن نعمل عطور كمان
#داانتي بدك تشتغلي
#الحكايه مش شغل ،،، انا بحب الزرع جدا ،،، وفاطمه هتشتغل كيميا
فرك ذقنه #بس الحكايه دي هتبقي عاوزه تصاريح وحجات كتير ياجوان
ربتت علي كتفه#انت قدها وادود ياسلومه بقي
سليم باسما #اكده اقطع رقبتك خبرتي جوزك بالحكايه دي
#فاطمه قالت مش هيوافق بس انا متاكده انك هتقدر تقنعه صح والنبي ياسلوم ياعسل
قال بحنق #يابت اتحشمي
#اسمعني بس وانت عسل كده ،،، شوف احنا هنشتغل تجريبي بس الدنيا مشت ممكن نجيب مكنه وندمج العطور الحكايه دي هتشغل ستات هتبقي محتاجه شغل
فرك سليم ذقنه ليقول
#انتي دلوقيت ختي حته الارض اللي جار الاسطبل القديم وزرعتيها
قاطعته بجماس #وهنصلح الاسطبل القديم وان كان علي مكنه الدمج هتصل ببابا يبعتهالي
#داانتي مرتبه كل حاجه بقي
قالت بارتباك #لاء بس يعني
#خلاص انا موافق بس لازمن تاخدو اذن هاشم لاول
لقد كان اقناع سليم امر ميؤس منه ولكنه وافق ،،، وافق ان يكون لهما عملهما الخاص انتبهت علي كلام فاطمه
#اني مش مصدقه ان ابا الحج وافج
قالت بحماس #يابنتي والله وافق ومش كده وبس دا هيظبط الاسطبل القديم لينا
فاطمه بسعاده #عارفه انا فرحانه جوي بس خايفه لهاشم يرفض ويزعل
عقدت ذراعيها #طيب هو هيزعل ليه احنا مش هنخرج بره البيت
#مخبراش ياجوان ،،، طب هنقوله ميته
فركت يديها #النهارده
فاطمه بحنق #وليه في ليلتي يعني جوليله بكره لما يكون حداكي
جوان #افهمي بس مهو انا هاجي كأني هتعشي معاكوا يعني ونكلمه
#قلبي مش مطمن ربنا يستر
لن تنكر انها هي الاخري خائفه ،،، خائفه من رد فعل سجانها
..........................................
منذ ان دخل الجناح وهناك شيء غريب في فاطمه قلق وتوتر ،،، تتحرك امامه وكانها تبحث عن شيء لاتذكره
#وبعادهالك يافاطمه في ايه مالك
التفت اليه وقالت بارتباك
#ممممفيش حاجه ياااواد عمي انا بس
هب واقفا ليرفع وجهها اليه
# مالك متوتره ومنتيش طبيعيه ايه الحكايه
قالت بانكار #اني ،،،ابدا انا بخير وووكنت يعني قلت لجوان تاجي تتعشي معانا
قطب بين عيناه #من ميته يعني
بلعت ريقها بصعوبه
#اصل هيا اااكان نفسها في المحشي وانا قلت ناكله مع بعض
هز كتفيه #ماشي مع اني مش بالع الحكايه دي
تحركت من امامه #هحطلك الوكل طوالي
قالت جملتها لتختفي بالداخل فاطمه تخبيء شيء ما وجوان ايضا يشعرها تخفي شيء عنه ،،، تري ماالذي تخبئه زوجاتك هاشم ،،، تنهد بقوه ليري فاطمه تتحرك بالطعام لترصه باتقان علي المائده هب واقفا
#تسلم يدك يابطه ريحه الوكل توجع
#تسلم ياواد عمي بالف هنا علي قلبك
تحرك حتي وقف امامها
#هاه مش هتخبريني مخبيه عني ايه
قالت #انااااا اصل ،،، جوااان ،،،وواني
قطع حديثها طرق علي الباب تبعه دخول جوان
#مساء الخير عليكوا اوعي تكوني كلتوا من غيري
عقد هاشم ذراعيه #لاع ماكلناش مستنين الاميره ،،،،
جلس الجميع حول المائده ليتبادلا نظرات غامضه تابعها جيدا ليوقن ان شعوره صحيح القي ادوات المائده وقال بحده
#ايه حكايتكوا عاد ،،، فيكوا ايه
جوان #شوف ياهاشم احنا عاوزين نكلمك في موضوع
هاشم # اللي هو
جوان #شوف انا من ساعه ماخرجت من الاوضه وانا بنزل الجنينه عادي يعني ،،، انت عارف انا خريجه زراعه فستأذنت بابا الحج وزرعت شويه نباتات عطريه جنب الاسطبل القديم
زفر هاشم بضجر # تمام انا عارف الحتيت ده كله ايه الجديد بقي
جوان #فاطمه كانت علي طول بتساعدني و
قاطعها #وبعدهالك ياجوان
زفرت بقوه وقالت بسرعه #احنا هنعمل معمل نصنع فيه عطور فاطمه هتشتغل كميا وانا هزرع اللي تطلبه وزينب كمان
قاطعها #الله الله ،،، وفكرتك انتي دي مش اكده
جوان #ايوه ايه المشكله يعني ،،،، احنا هنشتغل جوا البيت
قاطعها بعصبيه # ولاكلمه زياده بعد اكده ،،،، وطبعا الست فاطمه ماشيه وراكي مش اكده
فاطمه بارتباك # انااااا
هاشم بحده #ايه القطه كلت لسانك
وقفت جوان امامه #علي فكره بقي الموضوع كله فكرتي وهعمله
لمعت عيناه بغضب #بتتحديني اياك مش اكده
فاطمه #هي متقصدش ياواد عمي
جوان بحده #لاء ااقصد ،،، انا عاوز افهم انت ايه اللي معصبك ،،،، هو مينفعش نتناقش بهدوء يعني لازم كل حاجه بالزعيق ،، ممكن افهم حضرتك معترض علي ايه .
هاشم #علي المبدا كله ،،، واتفضلي من اهنه علي جناحك
ضربت الارض بقدميها وقالت بحنق
#طب بالعند فيك هنعمله وابقي قول لبابا سليم بقي انت رافض ليه عشان هو وافق هه
قالت جملتها لتختفي من الجناح بكامله لدقائق يحاول السيطره علي الفوران الذاتي التي تحدثه جوان دوما بداخله ،،،، جوان طفله في كل شيء حتي تشبثها بالاشياء ،،،،
#اتفضل ياواد عمي
رفع عيناها لتقع علي كوب تناوله له فاطمه
#اشرب ده وروق دمك ،،، طب وحياه ياسين خبرتها انك هتزعل ،،،،ولاتزعل نفسك ،،، بلاها الشغلانه دي ،،، صحيح كان مشروع حلو وحريمات غلابه كتير كانت هترزق منيه بس يلا ملناش نصيب
تجرع بعض العصير ليقول بعتاب
#بتمشي وراها يافاطمه طب هي طاقه وعقلها علي قدها وانا اللي بقول ان انتي العاقله الراسيه
تنهدت وقالت بهدوء #لاع ياواد عمي انت عارفني زين لااقبل بالغلط ولايرضيني الحال المايل ،،، بس انت اللي مسمعتش كلامها كله ،،، جوان بس مندفعه مش بتعرف توصل اللي هي عوزاه صوح ،،،
اسند كفه الي ذراعه #اديني بسمع زين ياست فاطمه قولي
#هقولك ،،، الحكايه ومافيها ،،،ان جوان حبت تساعد الستات الارامل اللي في البلد كيف ام مهدي وام شوقيه
#وهي عرفتهم منين
#ماانت عارف انهم بياجوا الدار كل شهر ابويا الحج بيديهم اللي فيه النصيب ،،، ففكرت في حكايه المشتل دي ،،،، هي فعلا زرعته وانا كنت بساعدها ،،،، ولما كلمت ابوي الحج رحب وقال هيعطينا الاسطبل القديم نشتغلوا فيه ،،،، الشغل كلياته هيبقي حريم وبس ومش هنخرج بره البوابه حتي ،،،
قال بحنق #يعني عاجبك الطريقه اللي اتكلمت بيها يافاطمه
#لاع معجبنيش بس انت بردك قلتها دي عقلها علي قدها
زفر بقوه #عارفه يافاطمه احسن حاجه عملتها ايه
قطبت #ايه
ابتسم #اني اتجوزتك ،،، محدش فاهمني في الدنيا زييكي ،،، ربنا يخليكي ليا
اتسعت ابتسامتها وربتت علي كتفه
#لووفقت يبقي وافقت عشان خاطرك انت بس ،،،
عانقته بذراعيها وقالت بانفعال
#ربنا مايحرمنا منيك يابو ياسين
قبل جبينها وقال #ولايحرمنا منيكي ياام ياسين
اعتدلت امامه وقالت بتردد
،#امانه عليك ماتسيبها تنام مقهوره منيك لتشتكيك لربنا
#حاضر يافاطمه هطيب خاطرها عشانك بس
قال جملته وخرج من الغرفه لتهمس باختناق
#انتي هبله يافاطمه بعتيه ليها ،،
تحركت ناحيه الفراش لتجلس علي طرفه وتبدا دموعها في غزو عيناها ،،، تعلم ان جوان فاتنه اكثر مما يجب ،،، تعلم ان قلبه يعشقها كما تعلم ان اي خلاف بينهما يمنعها هي ان تري نقطه حبه لها في قلبه ،،، هي ارتضت تلك البقعه لها بداخله ،،،، ولكنها انثي ،،، انثي تغار علي زوجها ،،، هي من اخبرته ان يرحل ،
#اباي بتبكي ليه يافاطمه
رفعت عيناها اليه وقالت بسعاده
#انت عاودت
جلس امامها وقال #مكنتيش عاوزاني اعاود ولاايه
قالت بسرعه #لاع مقصدش كنت فكراك هتبيت هناك
احتضن وجهها بكفيه ليمسح دموعها
#عاوزاني اهملك كيف ،،، حد يهمل حبيبته
هاشم قادر علي منحها السعاده بكلمات مماثله ليقول
#مش حبيبتي انتي اياك ،،، اكده تبعتيني اطيب خاطرها عشان تشتكيني انت لربنا
قالت بسرعه #لاه ياواد عمي اني عمري مااشتكيك ،،،
قرب وجهه منها ليهمس
#طب ليه واد عمي دلوقت
هزت كتفها وهمست #مخبراش بجي
لمعه تسكن عيناه دوما يكون لها نفس الاثر عليها ،،، الذوبان ،،، ان تغرق في بحر من العسل الشهي الممتع لمسه بقبله شغوفه ،،،،، هاشم قادر ان يشعرها دوما انها امرأته الفريده ،،، وهي بين ذراعيه كل شيء بداخلها يمحي ،،، فقط يبقي هو بهمسه الناعم
#بحبك يابطتي
❤❤❤❤سبحان الله ❤❤❤❤❤❤
