#انا مش فاهم الصراحه الناس دي جنسها ايه داابوها ولااكني بعتله حاجه
عادل #قلتلك ياتامر مش هتستفاد حاجه من اللي بتعمله ده ،،،، انت فاكر ابوها غبيط يعني هيبعتلك الفلوس اول مايشوف صوره الورقه الهبله دي
تامر بغيض #ايه الهبل فيها يعني ،،، الورقه رسمي لعلمك ومكتوبه عند محامي
هز عادل راسه وقال
#بطل هبد بس في حاجه متفهمهاش ،،،، ورقه ايه اللي كتباها عيله مكملتش عشرين سنه ،،، الورقه الهبله دي توديك انت في داهيه
ضيق تامر عيناه وقال بقلق
#توديني في داهيه ليه بقي
عقد عادل ذراعيه وقال بتاكيد
#عشان هي لسه قاصر وانت كده غررت بقاصر
تامر بعصبيه #غررت بيها دا ايه انا ملمستهاش
عادل باستغراب # انا مش عارف افهم دماغك انت بقالك سنتين معاها بتحب فيها
اشاح بيده #ياعم انا ملييش في السكه دي الحكايه كلها انا شقطها من علي النت كنت في الاول بتسلي عادي بس اتلقتها ردت اتماديت روحت شوفتها ،،، بنت جميله واهلها اغنيه
#ايه فكرت تتجوزها يعني
اشاح بيده #اتجوز ايه ياعم هو انا بتاع الهتش ده
كنت عاوز اطلع من وراها بسبوبه
عادل #ايه كنت بتقلبها هي كمان
#الصراحه البت عمرها مااتاخرت ،،، بتموووت فيا
اي فلوس كنت بطلبها كانت بتجبها علي طول ،،،لحد ماواحد صاحبي الواد حسن ماانت عارفه كتب ورقه عرفي مع نعمات بس اجتلي الفكره الوي دراعها واطلع بقرشين ،،، وهي الحكايه طلعت فشوش ،،، مش قلتلك الناس دي متفرقش معاهم الحجات دي
# انت بتقارن حكيتك بحسن ،،، طب حسن راح لابوها وهو رفضه عشان ممعهوش ،،، كتب الورقه عشان ابوها يوافق واتجوزها فعلا ،،،، انت بقي ايه
تامر بعصبيه #انت عايز ايه بالظبط
عادل #عاوز افهم
تامر بغضب #ملكش دعوه بالحكايه دي وانا غلطان اني بتكلم معاك من اصله
قال جملته وتحرك ناحيه الباب ليقف امامه عادل
#تامر انت صاحبي من واحنا عيال لزمتها ايه النرفزه دي كلها
زفر تامر بقوه # خلصنا ياعادل متتكلمش في الحكايه دي تاني
#طب افرض ابوها كان بيدور عليك وهيجيبك هتعمل ايه
#اعلي مافي خيله يركبه ولايقدر يعمل حاجه ،،، دا راجل ،،،،،،،
ربت علي كتفه#دول ناس واصلين اووي احنا مش قدهم ياصاحبي
#يدوني فلوسي وياخدو الصور وورقه بنتهم ويادار مادخلك شر
#مش بالبساطه دي ياتامر انت استعجلت لما بعت الحاجه لابوها وخطيبها
تامر #بقولك ايه فضك بقي من الحكايه دي وتعالي ننزل نقعد شويه علي القهوه وانا بقي اللي هلاعب ابوها ده صح
تحرك الاثنان للخارج وهما يتحدثان حتي وصلا لاول البوابه ليستوقفهم رجلان ضخام الجثه
#انت تامر الراوي
نظر تامر الي عادل ليقول الاخير
#انتو مين
احدهم #متتكلمش. كتير مين فيكوا تامر الراوي
تامر #ااانا انتو بقي مين وعاوزين ايه
الاخر#تعالي معانا وانت هتعرف .
تامر #لاء طبعا وانا اجي معاكوا بمناسبه ايه وانتو مين اصلا
الرجل #هتعرف اجنا مين لما نوصل القسم هتمشي معانا بالزوق ولا نخلي القوه تحطك بالعافيه في البوكس
عادل بقلق #بوكس ليه هو عمل ايه
الاخر# هيعرف في الاسم عدي قدامي
عادل #مش من حقك تقبض عليه من غير اذن نيابه
الرجل #اذن نيابه ليه هو انا اخده من بيته هات الواد معاك يافهمي
دفعهما الاثنان امامهما ليتحركا ناحيه سياره شرطه تقف قرب القهوه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
#اممم تمام الواد اللي جاي معاه سيبوه شويه وبعدين خرجوه ومحدش يجي جنبه وابعتلي اللي اسمه تامر ده
اغلق فهد الخط لينظر لمأمون
#مامون مش عاوز عصبيه ولاكلام ممنوش فايده انا سيبتك تحضر اهوه
مامون #،مش هتكلم
طرق الباب تبعه دخول مصطفي ليؤدي التحيه العسكريه
#المتهم يافهد باشا
فهد #سيبه يامصطفي واخرج
تامر بخوف #مممتهم بايه ااانا معملتش حاجه
فهد بجديه #معملتش داانت يومك اسود ،،،،
تامر #ياباشا انا عملت ايه بس
نظر فهد بالاوراق امامه وقال بجديه
#عملت ايه ،،، شوف انا قدامي بلاغ من مامون الحداد بيتهمك فيه انك غررت ببنته القاصر وهتكت عرضها واغتصبتها وبتبتزه وعاوز يدفعلك خمسه مليون جنيه ،،،
تامر بصدمه#محصلش والله ماحصل ،،، انا مغتصبتش حد والله مالمستها ،،،،
هز فهد كتفه #اثبت ،،، المحضر اللي قدامي فيه تقرير طبي بيقول ان البنت مغتصبه فعلا ومعايا صوره ورقه لجواز عرفي عند ممدوح السيد المحامي
تامر #لاء ياباشا والله كده عاوزين يلزقهوالي انا ملمستهاش ،،، ياباشا انا ملييش في الحريم من اصله هغتصبها ازاي يعني
فرك فهد ذقنه # طب لما انت ملكش في الحريم اغتصبتها ازاي
تامر بانهيار #ياباشا والله ماحصل ،،،
فهد #طب والصور دي والرسايل اللي اتاكدنا انها من رقم انت اشتريته بتاريخ ٦/،١من محل في السيده زينب ،،، بص التهمه لبساك لبساك ،،،
تامر #ياباشا هو انا عشان غلبان يداس فوقي يعني ،،، طب حولني كشف طبي ولو كنت بكذب اعمل فيا اللي انت عاوزه
فهد #طب شوف قدامك حل من اتنين يااما احولك كشف طبي ولعلمك دا ممكن يتلعب فيه بسهوله وبعدين احولك علي النيابه ابتزتز واغتصاب وهتك عرض قاصر ،،، يعني بالميت كده نقول حسبه عشر سنين في السجن اوااا
تامر برجاء،#او ايه ياباشا انا في عرضك
#نحاول نحلها ودي تجيب الورقه والفون واي صور للبنت عندك واكتبك محضر عدم تعرض
رفع كلتا يديه #ابوس ايدك هروح اجيبلك الحاجه كلها واجي بس بلاش سجن
فهد #تمام وانا هشوف ابوها ونحاول نحل الموضوع يامصطفي
دخل مصطفي الي المكتب
#اأمر يافهد باشا ارجعه الحجز
فهد #لاء هتبعت معاه فهمي وسليم هيجيب حجات ويرجعوه علي هنا حاول يهرب يلعب بديله قلهم فهد باشا مديلكوا الصالحيات كامله
دفعه مصطفي وقال #عدي ياد ادامي
خرج الاثنان للخارج لينظر فهد الي مامون
مامون #كنت فاكرك هتادبه
فهد#لسه رقبتنا تحت ايده لما ناخد اللي عنده نادبه عشان ميلعبش ببنات الناس تاني ،،، وكده خلاص يامامون ،،،فوق بقي عشان ترجع لحياتك
مامون ببتسامه باهته #حياتي ،،، هي فين حياتي يافهد ،،،، كل حاجه ادمرت في لحظه ،،، البيت بقي عامل زي القبر ظلمه بارد ،،، لاانا ولاجومانه حد فينا قادر يبص في عين التاني ،،،، اسر قافل علي نفسه اوضته ومبيكلمش حد ،،، وهي في اوضتها بتعيط ليل نهار ،،،، انا خلاص حياتي ادمرت
فهد #انت غلطان يامامون ،،،، الضربه اللي متموتش تقوي
قاطعه #اللي اتكسر جوانا كلنا مستحيل يتصلح يافهد احنا حياتنا بقت زي البيت الخربان اللي معششه فيه العناكب
#انت اللي تبنيها وترجعها تاني زي ماكانت واحسن ،،، ايه مستني جومانه كالعاده هي اللي ترجع كل حاجه ،،، جومانه كسرتها مش من بنتها وبس ،،، جومانه حاسه بالعجز ،،،،مش سهل عليها تتحرك علي كرسي يامامون وانت باعد عنها بتزيد احساسها بالعجز اكتر ،،،،
#مش قادر يافهد ،،،، مش قادر اشوفها كده مش قادر اتعامل معاها مش قادر
#فين الحب يامامون ،،،دا اكتر وقت هي محتاجه فيه انها تحس بحبك ده ،،، بقربك منها انها مش خلاص انتهت من الدنيا ،،، دا دورك انك تلم وتصلح اللي انكسر
#انا عمري ماحسيت بالفشل زي مانا حاسه دلوقتي ،،، فشلت اكون اب ،،،ودلوقتي فاشل حتي اني اكون زوج ،،، انا عاوز اسيب الدنيا كلها واطفش في اي حته
فهد بجديه #طبعا تهرب ،،، هي عادتك ولاهتشتريها ،،فوق يامامون ،،، فوق ولم ولادك حواليك مراتك محتجالك ،،، طول عمرك بتقع هي اللي بتقف وتسد لما هي اللي تقع متبقاش في ظهرها
#انا عاوز اللي يسندني يافهد
#بطل انانيه بقي وفكر صح مره واحده في حياتك ،،،، انت رب البيت ،،، يعني انت اللي بتبنيه يامامون ،،،،
#انا تعبان اوي يافهد ،،، تعبان لدرجه انت مش هتتخيلها
#لاء متخيلها كويس اوي وحاسس بيك ،،، بس السؤال هتفضل كده لامتي بقالنا شهر في نفس الحكايه هتفوق امتي يامامون لما الباقي يضيع منك ،،،، اسر ده ملوش حق عليك انك تكلمه وتقعد معاه ،،،، فوق يامامون ولم اللي اتبعتر من حياتك
تنهد مامون بقوهو#حاضر هفوق ،،، عشان معنديش اختيار تاني
❤❤❤❤سبحان الله ❤❤❤❤❤❤
