رنين هاتف متواصل اخرجها من حلمها لتسقط علي ارض الواقع وتفتح عيناها بثاقل رفعت الهاتف لترد دون النظر الي شاشته
#سلامو عليكوا
#انتي لسه نايمه قومي
تثائبت بكسل # اقوم ليه عاوزه انام ياناصر
#يابنتي قومي النتيجه طلعت
اعتدلت جالسه بسرعه
#انت قلت ايه
#مبروك يانور٨٩%يادحيحه
#بتتكلم جد ولابتهزر
#يابنتي انا قاعد علي النت طول الليل لحد ماالموقع فتح ولسه ظهرالي حالا بس انتي عسل انا مش فاهم جالك نوم ازاي
هبت واقفه لتتحرك من علي الفراش
#مهو بقالهم اسبوع بيقولوا هتظهر ومفيش حاجه
#نور انا هسيبك بقي عشان تفرحي اللي عندك وليكي مني هديه حلوه بس عاوز اتكلم معاكي في موضوع كده
قالت بترقب
#موضوع ايه
#مش دلوقتي باليل نبقي نتكلم الف مبروك
#شكرا
اغلقت الخط ونظرت الي هاتف تعلم ضمنيا فيما يريد التحدث ،،، ناصر خطبها منذ شهر ،،، يحدثها يوميا بالهاتف ،،، نعم لم تسمع اعلان العشق مره اخري بعد صراخه يوم خطبتهم ولكنها احترمت هذا ،،، ناصر يشبهها في كل شيء ،،، تقريبا تعرف تفاصيل يومه يوميا علي الهاتف وهي اعتادت علي الحديث معه باريحيه اكثر ،،،، العشق اذ صنته بقي لك لاخر العمر هكذا تعلمت من ابيها وامها ،،، وهذا ايضا مايفعله هو ،،، للان ناصر لايعرف بعشقها هي ،،،، كان يحاول بناء مكانه لديها ليستطيع التحدث ،،،، وعت هذا وفهمته جيدا تري هل سيضعها في الاختيار الاصعب في حياتها ان تختار بينه وبين حلمها ،،،،، تنهدت بقوه لتخرج من الغرفه لتصطدم باحمد الشارد
#ايه ياعم مش تفتح
احمد بغيض #يابنتي انتي اللي خارجه زي القطر
ربتت علي كنفه #طب خلاص متزعلش ،،،كنت راحه افرح ماما النتيجه ظهرت
#طب ايه طمنيني
عدلت وضع منامتها لتقول#٨٩
#دا بجد طب احلفي
#والله ناصر لسه قيلي دلوقتي
نظر احمد في عيناها #امال ليه مش حسك فرحانه اوووي
هزت كتفيها #ناصر عاوز يكلمني ،،، اكيد هيتكلم في موضوع شرطه ،،، انا مش عاوزه اخسره ومش عاوزه اموت حلمي بايدي
تنهد احمد #برضه اللي في دماغك في دماغك يابنتي احنا مش اتكلمنا في الموضوع ده
نور #وهو انا قلتلك ان انا اقتنعت ،،،،
وكز احمد راسها #امال كنتي بتخديني علي قد عقلي يعني
تنهدت #عارف لما ابوك كلمني في حكايه الكتاب دي ،، قلتله مش دلوقتي مش عشان ناصر لاء بس كنت عامله حساب الموضوع ده ،،،، كنت عارفه ان ناصر مستني الوقت المناسب عشان يتكلم
احمد باستغراب #ايه فكرتي انه ممكن يمنعك بالعافيه مثلا
هزت كتفيها #يعني ،،،، مهو لما نكتب هيبقي جوزي ولازم اسمع كلامه
احمد بحذر #معني كده انك ممكن تسيبيه
حكت نور مؤخرة راسها
#اسيبه ده ايه انا هدخل شرطه وهو كده كده ادبس خلاااااص ،،، وبعدين هو عارف بالحكايه دي قبل مايتقدم
احمد بضجر #كان مستني تتعلقي بيه عشان تسمعي كلامه بس واضح انه عايم في ميه البطيخ القصد الف مبروك
#هو انت رايح فين بدري كده
اشاح بيده #نازل الجنينه مخنوق يانور
#برضه مش عارف تفتحه
قال بغيض #افاتحه ازاي يعني ماانت شايفه الظروف اخوكي ولع الدنيا ومشي
تنهدت #انا مش عارفه ايه اللي جري لادم ،،، عمرة ماكان كده
#اخوكي طول عمره متسرع يعمل المصيبه ويندم عليها ،،،، واحنا نتكربج بسببه ،،،، يعني بالله عليكي واحده متقدملها عريس عشان هي شمال
هي لو كده هيتهبب يخطبها ليه انا معنتش فاهم ادم دماغه متركبه ازاي
#صدمته في اسيل أثرت عليه يااحمد ،،، انا بحمد ربنا انه اتكلم مع ابوك مرحش لبخ الدنيا عند عمك ليث
قال بغيض #طب انا ذنب امي ايه ،،، والبت المتحنطه اللي ابوها حتي ميعرفش ،،، يعني وارد اوي علي مااتهبب اقول لابوكي تكون اتجوزت وخلفلتلها عيل
نور #لامتقلقش انا كلمتها وفهمتها ان في ظروف في البيت عشان كده انت مش عارف تفاتح بابا في الموضوع
تنهد بقوه #زمانها دلوقتي فاكرة اني كلمت بابا ورفض ،،،، زي ماانت قلتي هي اصلا متوقعه الرفض
زفرت بقوه # بقولك ايه بقي لوفضلت تاجل عشان طققان اخوك يبقي مش هتتجوز ،،،، شوف انا هنشر البهجه واقولهم ان انا نجحت وانت ورايا علي طول تقول علي موضوع تقي وانا في ظهرك وهي ياطابت يااتنين عور
#هتتعوري عشاني ياحبيبتي
ربتت علي كتفه #لاء انت اللي هتتعمي بابا هيخرم عين وماما هتخرم التانيه ،،، واهو ابوك النهارده اجازه يعني مروق وهيصحي مزاجه حلو
احمد بغيض #قريه غيب حضرتك
نور ضاحكه #لاء قريه ابوك كويس ياخفيف ،،، طب افتكر كده ابوك عمره عكنن علي حد صباح يوم الاجازه
فرك احمد ذقنه وقال بتفكير
#تصدقي لاء ،،، انا عمري ماخدت بالي من الحكايه دي
نور ضاحكه # انا بقي اخدت طب داانا كنت بحوش طلباتي كلها في هذا الصباح المبارك
هز احمد راسه #سوسه من يومك
#اسمها فن استغلال الوقت الصح ،،،، انت تروح تجيب لوحين شوكلاته حلوين كده وانا هنزل اعمل الفطار
قال بحنق #فطار ايه وشيكولاته ايه
زفرت بضيق # متسمع الكلام بقي ،،،، ابوك لساله سيكه ويصحي عاوزينه ينزل هو والكوتنس والدنيا تمام ،،،
#هنرشيه يعني
نور باسمه #والله الحكايه دي بتجيب معاه نتيجه لما فرحته بتعملها ،،،،مهو يايقبل الرشوه او يكمل الفيش علي وشك بايده التانيه
فرك احمد خده # طب ليه كده بس
نور ضاحكه #انا بديك كل الاحتمالات اتلقيته غمض عنيه وقام وقف خدلك ساتر قبل ماينفجر في وشك ،،، اتلقيته بص لامك اعرف ان الحكايه فيها مداولات ومناقشات
قالت جملتها لتتحرك بالممر ليتبعها احمد
#يخرب عقلك انتي بتجيبي الكلام ده منين
قالت باسمه #من مرقبتي ليهم ،،، ابوك وامك ياحبيبي بيتكلمو بعنيهم ،،، تبقي الدنيا ولاعه وابوك لساله سيكه وينفجر يبص في عين امك الدنيا تبقي هادياااااا تقولش بتنيمه ممغطيسي ياجدع ،،،
انفجر ضاحكا #يخرب عقلك داانتي مركزه معاهم اووووي
تنهدت نور #اصلهم بيبقوا حلووين اوووي ،،، حاجه حلوه جد ان الواحد يتلقي نصه التاني كده
المهم روح اعمل اللي قلتلك عليه علي مااعمل الفطار عشان نلحق نلم نصك المتبعتر
تحرك احمد ليقول
#والله مانا عارف انا ماشي وري حته عيله ليه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فتح عيناه لتظلله غيمه خضراءلامعه لتبتسم هي فترسم علي وجهه ابتسامه بالتبعيه
#صاحيه من بدري
طبعت قبله ناعمه علي جبينه لتهمس
#ربنا يباركلي فيك
ارتفع قليلا علي الفراش ليضم وجهها بين كفيه
#ايه الحكايه يافرحه
تنهدت لتهمس #حياتي كلها عدت قدامي ،،، يااايافهد ،،،، تخيلت للحظه لو ربنا مبعتكش عشاني كان هيبقي مصيري ايه ،،، سكينه العمدة علي رقبه امي خلتني اقف واغني عشان احميها ،،،، وياعالم كان ايه اللي هيحصل لو مكنتش ظهرت في حياتي
#ايه اللي فكرك بالحكايه دي دلوقتي
هزت راسها #مش عارفه ،،، يمكن حال ادم اللي اتبدل
ربت علي خدها #ازمه وهتعدي ،،، مهما كان الوجع كبير بكرة هيبقي مجرد ذكري ،،،، الايام بتداوي يافرحه عشان كده قلتله يروح كليته ادم محتاج يبعد ويفهم
هزت راسه نفيا #لا يافهد اللي حصل اثر عليه يمكن تكون فعلا اسيل انتهت من جواه زي مابيقول بس للاسف سابتله الاسوء ،،، الشك ،،، ادم بقي بيشك في كل حاجه ،،،،
ربت علي خدها ليقول بانفعال
#يدويه الحب ،،، زي مادواني ،،، ادم مشكلته ان مشاعرة لسه مذبذبه مش عارف يستقر علي حاجه ،،، مش عارف هو عاوز ايه ،،، اللي اتاكدت منه ان مشاعرة لاسيل كانت وهم مش حب حقيقي يزلزل صاحبه ،،،،
#بس جرحه مبيقولش كده يافهد
هز راسه نفيا #كرامته اللي اتجرحت قلبه لاء ،،،، ادم لسه خالط مابينهم لما يحس بالحب صح هيفهم ده ،،،، حاجه كمان ادم بيحب حنين
حدقت بوجهه بذهول
# ودي جبتها منين بقي
ابعد خصلاتها السوداء عن وجهها ليهمس
# من ناصر
هزت راسها نفيا #انا مش فاهمه حاجه يافهد
ابتسم ليطبع قبله علي خدها
#شوفي ياستي يوم خطوبه نور ابنك دخل سرق فونها عشان يكلم حنين ،،،، ادم عاوزها توافق وبس ،،،برغم ان ليث محذرة يكلمها ،،، المهم ناصر اللي قاله علي حكايه ابن سامح زين الدين دي ،،،
قاطعته #طب هو ايه اللي خلاه يقوله حاجه زي دي ،،، البت اصلا رفضت
اتسعت ابتسامته ليقول
#كان بيستفزه ،،،، ولع عليه النار وسابه يشيط قاله اتقدملها وانا اللي سالت عليه ،،،، طبعا ابنك طول الليل معرفش ينام واول ماالنهار طلع نزل يزعبب في البيت زي ماانتي شوفتي ،،،، معدش بنات عدله كلهم شبه بعض ،،، حنين كمان تعرف واحد وحضرتك عارف ومقولتش ،،،، طبعا انا خدت الكلام زي ماهو بيقوله وكنت هكسر وشه ،،،
لحد ماوقفتي انتي في وشي
#ماانت كان شكلك يخوف يافهدي ،،، خفت اعصابك تفلت
#وهو ده اللي كان هيحصل فعلا بس انتي اللي لميتي الموضوع لما وقفتي واتكلمتي معاه ،،، افتكري كده لما قلتله انت غبي واحد راح اتقدم لوحده وهي رفضته انت بقي بترميها بالباطل علي اي اساس ،،،، كل اللي علق عليه انها رفضته بس وقتها مكنتش شايف الصورة صح اللي وضح الموضوع كله ناصر ،،،، لما ادم طلع يلم شنطته عشان يروح الكليه ناصر دخلي المكتب وقالي
ياعمو ادم بيحبها واللي بيهببه ده غيره والله وانا السبب انا اللي قلتله ،،،، كلام ناصر خلاني اهدي شويه واعيد الكلام كله في دماغي تاني
قالت باستغراب #طب خليته يمشي ليه وبفضل محبوس في الكليه
ربت علي خدها #بعلمه الادب ، ،، عشان يتعلم يتحكم في تسرعه اللي هيوديه في دهيه ده ،،، عاوز مشاعره تثبت عشان يعرف يوجهها صح ،،،، لما ناصر كلمني رجعني اعيد حساباتي من الاول ،،، ادم من وهو صغير بيتجاهل اسيل بس كل تركيزه مع حنين ،،، عشان كده انا كنت متوقع من الاول انه يخطبها هي ،،،، ناصر قالي لو سمعته وهو بيتكلم علي حنين هتعرف انه بيحبها هي ،،،ادم نسي شكل اسيل هو اللي قالي كده
فرحه باستغراب #نسي شكلها ازاي يعني
#هو قال كده لناصر ،،،، مشكله ابنك انه ترجم مشاعره غلط ،،،هو دلوقتي محطوط بين عقله وقلبه ،،،، عقله بيقوله الحب ضعف وهتنجرح وقلبه بيشاور علي حنين وهو مش عاوز يعترف وبيقنع نفسه ان حنين اختيار عقله
قالت بغيض #دا ايه اللعبكه دي انا مش فاهمه حاجه
تنهد #شوفي يافرحه ،،، طبيعي العيل الاولاني بياخد كل غلطات التربيه
قالت بعتاب #يعني انا ربيت ابني غلط يافهد
هز راسه نفيا #مقصدش كده ،،، احنا قفلنا علي ادم اوووي من وهو صغير تقريبا كنا عاوزينه يبقي ملاك ميغلطش ،،، ادم ملوش اصحاب الااخواته وناصر ،،،، احنا خرجناه يعيش جوه المدينه الفاضله ،،، اللي فيها الخير واضح والشر واضح ،،، والدنيا مش كده عشان كده مع اول ازمه عدت عليه وقع ودا اللي انا بصلحه دلوقتي ،،،، احمد غيره ،،، عشان احمد كان يغلط وادم يداري عليه ،،،، يمكن احمد اصغر بس فاهم الدنيا اكتر منه ،،،، ليث قالها كلمه ،،، قالي ابنك ميتعيبش اديله بنتي وانا مغمض ومطمن ،،، بس مش دلوقتي ،،، ادم لسه طري الدنيا معلموتش ،،، عشان يبقي اد المسؤليه لازم يتعلم
قالت باستغراب #انت كلمت ليث امتي
ابتسم #هو اللي كلمني ،،،، الواد بن سامح ده بيضايق البت في الكليه وهي راحت اشتكت لابوها ،،، هو كلم عميد كليتها وقالي عشان اكلم سامح عشان هو صاحبي ،،، سالته هتعمل ايه مع ادم قالي زي ماانت قلتي خرج نفسك من الموضوع ،،، هنشف عظمه واعلمه يبطل يتسرع ،،،، نجحت يبقي هدهاله وانا مطمن ،،، فشلت يبقي خرجته من قلبها خالص ،،، عارفه يافرحه انا بتعلم منك كل حاجه في الدنيا ،،،،
ابتسمت #دا اللي هو ازاي بقي
# الازمه اللي عدت كنت شيفها شر وبس انتي بس اللي كنتي بتقولي فيها خير بس مستخبي عن عنينا ،،،، تخيلي لومكنش ده كله حصل وابنك كمل مع اسيل كانت هتبقي النتيجه بيت خربان ميعمرش ،،،،كانت حياته وحياتها هتتهد ،،،،
تنهدت #الحمد لله ،،،، ربنا انعم علينا بنعمه من اعظم نعمه ،،،، الرضا يافهد ،،، طول ماانت راضي ربنا يرضيك ،،،، بس ارضي بقلبك
#والله راضي ،،، وطول عمري بس سعات بتقفل في وشي
ربتت علي خده #ارجعله وقول يارب
قبل جبينها وقال باسما
#انتي مش هتفطريني ولاايه دا النهارده اجازه
كادت ان تتحرك ولكنه امسك يدها
#راحه فين انتي
#هعملك الفطار
اراحها علي الفراش ليميل فوقها هامسا
#احلي فطار ده ولاايه
قطمت شفتيها لتهمس بنعومه
#فهد وبعدين معاك
ليلتهم شفتيها بشغف ،،،، في كل مرة يقترب يشعرها مرتها الاولي ،،،، فرحه لاتكبر ،،، شعوره بها لايختلف مهما مر الزمان ،،،، علي العكس يزداد عمق متعه ورغبه ،،،،،
ترجل علي الدرج بصحبه فاتنته يعتنق كتفها
#هعلملك الفطار علي طول
همس #انتي مبتحرميش
اطلقت ضحكه عاليه #نيتك وحشه انا ااقصد فطار بجد
#طب مش بزمتك الفطار بتاعي احلي .
وكزته بخفه #بس بقي حد من الولاد يسمعك
فهد بحنق #هما عيالك نطنلي في كل حاجه حتي الكلمه كمان
#صباح الفل يابابا صباح العسل ياماما
تطلع فهد الي احمد ليهمهم
#فل وعسل ربنا يستر
فرحه باسمه #صباح الخير يااحمد ،،، صحي اخواتك علي مااحضر الفطار
نور #احنا صحيين ياست الكل وحضرنا الفطار ومستنينكوا
نظرت فرحه الي فهد لتهمس
#كده بدات اقلق ،،،
نظرت فرحه اليهما لتقول
#من امتي يعني النشاط الجامد ده
احمد بسرعه #بنحتفل بالجمعه المباركه
فهد باستغراب #ايه الجمعه المباركه دي
نور بسرعه #اااحمد يقصد ان يوم الجمعه يوم عيد عند المسلمين ،،،،
وكزته نور لتهمهم #ايه اللي بتقوله ده يازفت
فهد #هو في ايه بالظبط واسلام وانس فين
احمد #اسلام وانس راحوا المسجد
فهد #المسجد الساعه تسعه الصبح
احمد #دا دورهم في تنظيف المسجد مانا بقالي شهر شايل مكان ادم
تحرك فهد ناحيه طاوله الطعام
# كلوه بثوابه يااحمد ،،، ايييه دا انتوا عاملين وليمه مش فطار
نور #بنحتفل يابابا اصل النتيجه طلعت
فرحه بلهفه #انطقي يابت جبتي كااام
احمد #سهنه كبيره جابت ٨٩%
فهد #الف مبروك يانور
فرحه بسعاده #بجد يانور داانتي كده تلحقي بشري
نور باسمه وهي تجلس
# بشري مين ياحبيبتي
احمد هامسا #ابوس ايدك مش وقته
نور #بتقولك بشري
فهد #انتوا بتتوشوشوا بتقولوا ايه
احمد #مفيش حاجه ياحبيبي منور الفطار والله
ضيق فهد عيناه #متجيبوا من الاخر ياولاد فرحه
الداخله دي وراها ايه
احمد #ااااااا اه انا جبتلك شيكولاته
ضربت نور جبهتها هامسه #غبي
فهد بغيض #جري ايه يالا عيل صغير ادامك انا
احمد بارتباك #لا والله مقصدش بس انا عارف انك بتحب الشيكولاته
عقدت فرحه ذراعيها وقالت بجديه
#بقولكوا ايه عاوزين تطلبوا ايه عملنله المقدمات دي كلها ،،، هاتوا من الاخر
اخرج احمد ورقه مطويه ليضعها امام فهد فتحها الاخير ليقراها باهتمام اغلق الورقه وقال بذهول
#انت عامل تحريات علي محمود عامر ليه
فرحه #مين محمود عامر ده
وكز احمد نور لتقول الاخيره
#شوفوا بقي احمد عاوز يخطب تقي بنت عمو محمود
فهد# وانت عرفتها منين
نور بسرعه #تقي صاحبتي يابابا احمد شافها عند حنين
فرحه #تقي دي البنت المختمرة البيضا صح
وقفت نور
#ايوه ياماما هي ،،، تقي انا اعرفها من سنتين والله ماشوفت في اخلاقها ولاطيبتها ،،،،
نظر فهد بعيون فرحه لتقول الاخيره
#متردد ليه يافهد
نور #ياماما تقي بنت غلبانه علي قد حالها والدها قعدها بعد ثانوي عشان مصاريف الكليه بتشتغل في مكتبه عشان تساعد والدها في المصاريف ،،،، ، عمو محمود حارس الكليه اللي بيشتغل فيها عمو ليث عشان كده احمد كان متردد يتكلم
هروبه من عيناها اثبت حدثها هبت واقفه لتعقد ذراعيها
#ايه يافهد باشا ،،، مش قد المقام مش كده ،،، عيله الحداد فوق اوووي ،،، ميصحش بنت الطبال تبصلها
تلاقت العيون للحظه
احمد #ماما هي بباها مش طبال
اشاحت فرحه وجهها لتنظر لاحمد
#طبال ولاحارس كلهم غلابه يابني ،،، والغلبان اللي يبص لفوق رقبته تتكسر ،،،، بلاش يااحمد
قالت جملتها لتنصرف سريعا للاعلي احمد
#استني ياماما
نظر احمد ونور لفهد الشارد نور
#بابا هي ماما زعلت ليه
هب فهد واقفا ليتحرك خلفها مهمها
#عشان ابوكي غبي
قال جملته ليصعد ركضا للاعلي احمد باختناق
#قلتلك مش هيوافقوا
نور بحيره #محدش فيهم رفض الموضوع اكبر من كده يااحمد انا اول مرة اشوف امك دموعها مخنوقه في عنيها كده واول مرة ابوك يهرب بعنيه منها
احمد بغيض #اهو عينك اللي راشقه معاهم دي اللي هتجبهم ورا
حكت نور مؤخره راسها .
#تفتكر داانا علي كده سري بااااتع
صعد فهد ركضا للاعلي انت غبي فهد جرحتها ولكنه لم يقصد هذا ،،،، فتح الباب ليتحرك للداخل لتعتدل هي جالسه في محاوله فاشله لتخبئه دموعها جلس امامها
#انا اسف مقصدش والله
تنهدت #انت مقلتش حاجه يافهد ،،، الحكايه كلها اني شفت في البت دي نفسي ،،، بنت الطبال اللي في يوم وليله بقت مرات حضره الظابط ،،،، بنت الطبال اللي كانت بتخاف تخرج مع جوزها عشان ميتعيرش بيها
قال بانفعال #بنت الطبال هي اللي عملتلي حياه اعيش فيها وعشانها ،،،،
قالت بانكسار #شوفتها في عنيك يافهد ،،،، دي مش قد المقام عشان تفكر فيها ،،،
قال باسف #انا غلطان ،،،، الحكايه كلها فهد الاب اللي فكر وعاد حسابته ،،،، بس حسبتها غلط ،،،،بصيت للمظاهر لثواني ،،، بس حبيبتي فوقتني قالتلي فوق مش فهد الحداد اللي يفكر كده ،،،
سقطت دموعها #بس دا الطبيعي اللي هيفكر فيه الكل. ،،،،
احتضن وجهها #اوعي اشوف دموعك دي اغلي عندي من روحي ،،، انا هسال علي البنت لوهي كويسه هجوزهاله يافرحه ،،،، انا عمري ماهتميت بكلام حد ،، وانتي عارفه كده كويس ،،، متوجعيش قلبي بقي ،،، انا غلطان
ربتت علي خده #سلامه قلبك ،،، متعملش حاجه انت مش مقتنع بيها عشان تراضيني يافهد
رفع كفيها ليقبلهما وقال بعشق
#داانتي رضاكي عندي بالدنيا واللي فيها ،،، قلتهالك انا بتعلم منك كل حاجه ،،،، لما اغلط فرحتي هي اللي تقف في وشي وتقولي انت غلطان ،،،، انت مين عشان تحاسب حد علي رزق ربنا ليييه ،،، من امتي البني ادم بيتقيم بغناه وفقره ،،، تقولي مش تخدي علي خطرك مني وتزعلي
هزت راسها نفيا #انا مزعلتش منك انا بس نفسي صعبت عليا ،،، حسيت بكسره كنت بحاول اداريها بتعليم بدكتوراه ب
وضع اصابعه علي شفتيها وهمس بانفعال
# عمرك ماكنتي مكسورة ولااقل من حد ،،، انتي اكبر نعمه ربنا رزقني بيها ،،، ولو علي الكسره يبقي انا اللي كنت مكسور وانتي اللي جبرتي كسرتي ،،، قبلتي تعيشي مع واحد مريض مستني الموت كل لحظه وهو بيتقطع من الالم ،،،، دنيته كلها بيعشها يوم بيوم عشان الموت بيطارده في كل حته ،،،، انتي اللي عملتيلي دنيا بحالها اعيش فيها ،،،، ادخل جنه عمري ماحلمت بيها واعيشها وانتي في حضني ،،،، ،، حقك عليا
ضمها الي صدره لتعانقه بكلتا ذراعيها قبل مفرق شعرها وهو يستشعر دموعها
#تفتكري الواد احمد اكل الشيكولاته
رفعت وجهها لتنظر اليه بغيض لدغ خدها
#بعشقك يافرحتي ،،، خلاص بقي
هزت راسها لتضحك ويشاركها الضحك
