ترجل الي المطعم بصحبتها يعلم ان مايفعله خطأ مجرد الحديث والتمادي خطأ ،،،ولكن الوقت الذي يقضيه معها يخفف وطأئه الامر عليه ،،،، لن ينكر ان كلماتها تدغدغ شعور ما بداخله ،،،وماذا بعد الي اين سينتهي به الحال ،،،لاقامه علاقه هل هذا ماتريده مأمون ،،،،ان تصبح خائن ،،،، هل ينتهي الحب ،،، نعم ينتهي عندما يتوقف نهره عن التدفق يجفف منابعه ويصبح مجرد ذكري باهته ،،،، هل عشقه لجومانه مجرد ذكري باهته ،،،نعم لايريد الحديث معها لايتقبل محاولاتها في اصلاح الامر انفصل بنومته في غرفه اخري ولكن ،،هل ماتت جومانه بقلبه ،،، كيف لايلين لدموعها ماالذي امات قلبه هكذا ،، جفائها نعم تعتذر ولكن بطريقه بارده جوفاء
#انا اسفه يامامون
#اسفه علي ايه بالظبط
#اسفه عشان الكلام اللي قلته انا مكنتش اقصد كده
#خلاص ياجومانه معدتش فارقه واطمني معنتش هطلب منك حاجه تاني روحي لعيالك شوفيهم
من اين له تلك القسوه ،،،، لما قلبه قسي عليها هكذا لمسه ناعمه علي يده جعلته يرفع عيناه لصاحبه العيون الزرقاء
#سرحان اووي في مين ياتري
نظر علي يدها التي تحتضن كفه خطا مامون ماتفعله خطا ورغم يقينه من هذا لم يبتعد ترك يده
#سرحان في الدنيا
لمسه تتبعها اخري علي وجهه لتلدغ خده
#ممنوع تسرح وانت معايا ،،، اتكلم يامامون انا سمعاك
تنهد بقوه #مفيش حاجه تتقال انا عاوز انسي مش افتكر
#للدرجادي بتحبها
ابتسم #جومانه ،،،، حب عمري كله ،،،، حبيتها عشر سنين وانا معرفش ،، ،اقرب واحده لقلبي وانا شيفها قدامي ،،،، عمري ماخبيت عليها حاجه
قطبت #معني كده انك قلتلها ان احنا بنتقابل
ابتسم #يعني تفتكري هتهتم ،،،،هفرق معاها يعني جومانه اهم حاجه عندها العيال وبس
#غلطانه جدا ،،،، الست اللي تتجوز راجل زيك تعيش عشانه وبس
احذر مامون ان تخطو نحو الوحل تحذيرات عقله التي وضعها باحد الادراج سحب يده ليسند راسه عليها
#وانت بقي معشتيش لجوزك واطلقتي منه ليه
هزت راسها نفيا
#لاء اصله كان من عينه مراتك كده عاوز يلبخني بعيال ،،، وانا عاوزه اعيش حياتي اخرج واسهر ادلع مش عاوزه حاجه تربطني ،،،سبته
نرمين تختلف جمله وتفصيل عن جومانته ،،،، نرمين ترمي بشباكها مدرك ويعلم هو ليس باحمق ،،،ولكن ماذا بعد
#طب وانتي بقي قلتي لحد ان احنا بنتقابل
قالت بنعومه#حياتي محدش يقدر يدخل فيها ،،، بقولك ايه في رحله جنان طالعه شرم الشيخ الاسبوع الجاي انا هاخد اجازه وطالعه ايه رايك احجزلك معايا
#مينفعش اسيب الشغل
قاطعته #مش مقنع علي فكره ،،،، ولا قلقان منها
#لاء عادي هي مش هتسأل اصلا
#خلاص يبقي هحجزلك ونسافر مع بعض اسبوع شوف هرجعك مامون جديد
#هتركبيلي قطع غيار
انفجرت ضاحكه #لاء انت كده تجنن بس هخليك تفك عارف انا حافظه شارم دي حته حته انت روحت هناك
#روحت من كام سنه كده
#لاء لاء دلوقتي بقت حاجه تانيه خالص تمام
#خلاص احجزي يانرمين
قطع حديثه رنين هاتفه نظر علي الشاشه لتعلق هي
#ايه هيه
هز راسه نفيا ليفتح الخط
#ايه ياليث
#انت فين يامامون
نظر اليها ليقول بارتباك
#في الشركه ليه
#في الشركه فين يابني ادم انا عندك في المكتب
#هو في ايه بالظبط.ومن امتي يعني
قاطعه #ابلع ريقك يامامون انا قلت اعدي عليك عشان نروح مع اخوك بس الظاهر كنت غلطان
#استني بس ياليث نروح مع فهد فين
#هو جنابك متعرفش ان اسلام هيعمل العمليه النهارده
#عمليه ايه تاني
قال بحده #جري ايه يامامون انت عايش في انهي منفي ،،،، جومانه مش قالتلك ،،،بقولك ايه انا اصلا نزلت وماشي مش عاوز تيجي انت حر
#استني بس ياليث طب في انهي مستشفي
#مستشفي ،،،،،،،
اغلق ليث الخط يبدو انه محق انه بالفعل يعيش بمنفي يغرق به ،،،، يذكر الان انها تحدثت منذ عده ايام عن امر اسلام ولكنه لم يعلق اللعنه مامون ماذا حدث لك هل اصبحت ملبد المشاعر ايضا
#ايه الحكايه يامامون
هب واقفا وقال #انا لازم امشي دلوقتي ،،،،
#طب قلي ايه الحكايه
تحرك بسرعه #هبقي اكلمك بليل سلام
تابعته ينصرف لتتسع ابتسامتها منذ ثلاث سنوات وهي تريده مامون كان محصن بعشق زوجته ولكن لاشيء يبقي علي حاله انسحبت الزوجه لتترك لها مجال للاقتراب وهي لن تضيع تلك الفرصه ان يكون مامون الحداد لها وستحصل عليه
❤❤❤٠❤❤❤الحمدلله ❤❤❤❤❤❤
