زفر بقوه يعلم ان ماحدث سيحدث فجوه بينهما ،،،، ماكان يجب ان يستسلم لغضبه ،،، علي ماذا يلوم نفسه لانه لمس زوجته كن محق نديم ،،، الامر لم يكن هكذا في بدايته كنت تريد عقابها فنقلب السحر علي الساحر ،،،انغمست بفتنتها حتي النخاع ،،،،، ثم آثرت الهروب من الموقف برمته ،،،، هي من اوصله الي هذا هي من ضغطت علي اعصابه المحترقه بتحديها اياه ،،، حالتك ميؤس منها نديم ،،، تنتابك نوبات جنون ماعشتها ابدا حتي وانت مراهق ،،،، طرق علي الباب تبعه دخول سكرتيرته
#مستر نديم مدام ماسه خلصت الملف ده وبعتته مع سكرتيرتيها اتفضل
صك علي اسنانه بقوه وقال
#سيبيه ياساره واتفضلي انتي
تابعها تخرج ليضرب المكتب بقبضته
#بتعنديني ياماسه ماشي هنشوف انا ولاانت وعلي الله تبقي لبسه حاجه عريانه
تفحص الملف وكل دمائه تغلي تقريبا انه علي وشك اخراج ادخنه عاليه الكثافه من رأسه ،،،، تبلغه انها غاضبه ولاتريد رؤيته ،،،، رساله مبطنه فهمهما بارسال الملف ففي العاده تأتي لكي تناقشه في العمل ،،،، ماسه رفعت رايات الحرب ،،،،، ولكنها لاتعرف مع من تتعامل الحمقاء انهي الملف ليكتب ملاحظاته علي ورقه بيضاء ويرفقها بالملف رفع هاتف المكتب
#سارا تعالي
دخلت السكرتيره اليه ناولها الملف
#ودي ده لمدام ماسه ،،، انا نازل
قال جملته وتحرك للخارج كان في سبيله الي المصعد عندما سمع صوت احدهم
#عاوز اقابل مدام ماسه مكتبها فين
التف ليتطلع الي الرجل الذي يتحدث الي الساعي تقدم بخطوات واثقه حتي وقف امامه لينسحب الساعي بهدوء
نديم #قلت عاوز مدام ماسه خير
الرجل باستغراب # مسأله خاصه ممكن تقولي مكتبها فين
عيناه تقيم هذا المتحزلق الواقف امامه هو يقصره قليلا تقريبا في الثلاثينات يحمل بشره قمحيه وشعر بني ناعم وعيون خضراء مزعجه ،،،،
#حضرتك تعرف مكتبها ولااقول لحد تاني
زفر بقوه ليشير اليه وساقاه تتحرك خلفه ماذا يريد هذا من ماسته عبر امام السكرتيره نديم
#ماسه معاها حد
فريده #لاء يامستر اتفضل
فتح الباب ليعبره هذا الذي لايعرف من يكون الي الان اتسعت عيناه وهو يتأمل ملكته المتوجه علي عرش قلبه الصارخ بعشقها ،،،، ملكه متوجه يزينها حجابها الجمته المفاجاه وتقريبا نسي المتحذلق الذي عبره ليفسد روعه اللحظه
#ماسه
قطبت للحظه لتطالع هذا ثم وقفت مرحبه ببتسامه لزجه
#حازم ازيك اخبارك ايه
مد يده التي يود قطعها وتفجير هذا الكائن الطفيلي الحازم ،،، اي حزم في هذا كادت الفاتنه ان تمد يدهاولكنه وضع يده بيد المتحزلق لاباس سلام مشحون تقريبا سمع صوت اصابعه تسحق بيده
#مدام ماسه مش بتسلم
انتزع حازم يده لينظر بعمق عيناه التي تشبهه الفهد الذي يستعد للانقضاض يرسل رساله تحذير ابتعد عن عريني
ماسه #اتفضل ياحازم وصلت مصر امتي
حازم بضيق #وصلت امبارح الجرايد بتوصل المانيا متاخر ،،، عرفت بوفاه عدي البقاء لله
نديم من تحت اسنانه #شكر الله سعيك نازل من المانيا عشان تعذيها
حازم بضجر #طبعا ماسه غاليه عندي جدا ،،، ممكن بقي اعرف حضرتك مين
عيناه فقط تتلاحم معها بحوار متحدي لامع لايفهمه هذا المتطفل عقدت ذراعيها
#معرفتكوش ،،،، حازم المحمدي صديق الطفوله ودا نديم السعدي عم ناصر
اللعنه ماسه انها تصر علي اشعال غضبه خصوصا وهو يري تلك النظرات التي تلمع بعين المتطفل الجالس امامه نظرات يفهمها الرجال جيدا نديم بغيض
#منستيش حاجه سيادتك
قالت بتحدي #لاء ،،، هو في حاجه نستها
حازم #ماسه انا كنت عاوز اتكلم معاكي لوحدنا
تصر علي فوران البركان ولكنها لاتدرك ان بركان نديم سيحطم الاخضر واليابس
نديم بحده #تتكلم معاها بمناسبه ايه سيادتك
حازم #ممكن اعرف حضرتك بتدخل ليه في حاجه متخصكش
الامر تقريبا خرج عن السيطره ووجهه نديم يدل علي انه سيرتكب جريمه نديم
# افتكر كل حاجه تخص مراتي تخصني
حازم بصدمه #مراتك
نديم بتاكيد #ايوه مراتي عندك اعتراض
نظر حازم لماسه تستطيع جيدا ان تري خيبه الامل المرتسمه علي وجهه وبالتاكيد لن يفوت نديم هذا
حازم #الكلام اللي بيقوله ده حقيقي ياماسه
نديم مقاطعا#مدام ماسه التزم حدودك
حازم بحرج #انا اسف مكنتش اعرف استأذن انا
قال جملته وخرج لتعقد هي ذراعيها وتقول بتحدي
# ايه اللي انت عملته ده
التف حول المكتب لينتزعها تقريبا في مقابلته وقال بحده
#بت انتي انا جبت اخري منك ،،،، انتي عاوزه ايه بالظبط ،،، وبعدين تعالي هنا مين ده اصلا
ابعدت يديه وقالت بتحدي
#مقلتلك صديق الطفوله انا وحازم اصحاب من زمان بس هو سافر بعد اما اتجوزت علي طول
قال بحده #اه وجاي طبعا يوصل الود المقطوع بعد ماعرف ان السكه فاضيه ،،،،،،
قالت ببرود #ممكن اعرف انت متنرفز ليه دلوقتي ،،،
قال بحده #متنرفز ليه انتي عاوزه تشليني ،،، راس فجله انا واقف قدامك ،،، وبعدين تعالي هنا انتي مش قلتي ليه ان انا جوزك
قالت باستفزاز #نسيت عادي يعني
رفعها ليجلسها علي المكتب بقوه تاوهت بصوت مكتوم قرب وجهه منها وقال بغضب
#نسيتي ،،، انا بقي هخليكي متنسيش تاني
#تعرف ان شكلك بيبقي احلي وانت متنرفز
اللعنه ماسه تتلاعب به ،،، قذفته موجه طائشه من محيط عيناها ليغوص ببحر العسل المنتشر ،،، ماسه تتحكم به بضغطه زر تنقله من النقيض للنقيض بلحظه ذهب الغضب ذهبت الدنيا بأسرها وبقيت هي فقط
#بتقولي ايه
هزت كتفها #زي ماسمعت
اراح جبهته علي جبهتها وهمس
#انتي عاوزه ايييه ،،، عاوزه توصليني لفين ،،،، جننتيني حرام عليكي ،،،،
#بس ااانا معملتش حاجه
نظر بعيناها وهمس
#لاء عملتي ،،،،لما تستخفي بيا يبقي بتكسري رجولتي ،،، ولو ده حصل ،،، انسي نديم من حياتك خالص
حركه رموشها السريعه فتنته لتهمس
#انا مقصدش كده ،،،
تلمس خدها الندي ليهمس بافتتان حقيقي
#ياالله ،،،، ايه الجمال ده
قالت بشك #هوااا حلو
احتضن خدها بكفه وهمس
#يهووس يجنن ،،، فتنتيني بجد عارفه اول ماعيني وقعت عليكي حسيت بقلبي بيزلزلني ،،، ماستي غاليه اووي وعاليه اووي ،،،،وانا فخور بيها اوي اوي ،،، عارفه نفسي اخبيكي عن الدنيا كلها ،،،، محدش يشوفك الاانا وبس ،،،،
فاتنه توصله لحافه الهلاك ،،،،، انت تهلك نديم تهلك في لمعه عيناها البسمه الناعمه التي تمليء شفتيها دنيا تتفتح وعبير الجنه يلفح وجهه وهو فقط يحدق شفتيها المكتنزه اقترب بحذر وعيناه لاتفارق عيناها اللامعه هي ليست مجبره يمكنها ابعاده ولكن الجميله واربت عيناها اشاره اقترب هكذا قرأها لينفذ بدون تفكير ،،،، رحله شيقه من المتعه والاثاره ،،،، وهو فقط يتذوق رحيق شفاه عاصيه لم تعرف شيء عن العشق الذي يكوي القلب ،،، آنت الجميله داخل انفاسه لتعلن عن حاجتها للهواء ابتعد ليضم راسها علي صدره الصارخ
#اسمعيه عشان ده ملكك انتي وبس ،،، ياماستي وكنزي ودنيتي وعوضي عن اللي فات ،،،،،
لحظه فريده استسلمت بها امام طوفان مشاعره المتدفق ،،، نديم يوصل كل رسائله بطريقة مميزه بشده حميميه لابعد الحدود ،،، نعم لم ترتوي من حميميته بعد ولكنها مستمتعه لابعد الحدود بلمسته بقربه بالاستماع لسيمفونيا ضربات قلبه الصارخه ،،، لكلماته العذبه التي مستها باتقان ان تكون امراه تشعر بحجتها للخضوع امام سلطان رجل ،،، ان تكون جزء من تكوينه تنتمي لضلوعه قبله حانيه علي جبينها ليهمس بعدها
#بالمناسبه الحلوه دي انا عزمك علي الغدا ،،،
عدلت وضع حجابها وقالت
#عشان لبست الحجاب
خطف قبله من خدها #الحجاب ليه هديه تانيه ،،،، الغدا بمناسبه البوسه
حدقت بوجهه لتهمس بحنق #ااانت وقح
لدغ خدها #معاكي انت وبس ،،، ابقي وقح وقليل الادب وممكن اكون متربتش من اصله
عقدت ذراعيها وقالت بغيض #عاوز تقول اني بخرج اسوء مافيك
هز راسه نفيا # انتي بتخرجي من جوايا نديم العاشق اللي انا شخصيا معرفوش ،،،، نديم اللي قلبه يتنطنط من لحظه قرب ،،،، نديم اللي تعب من كتر مابيحلم يخدك في حضنه ،،،، نديم اللي اتعلم الحب وفنون العشق من عنيكي نديم اللي توجك ملكه قلبه وواقف علي الباب مستني قلبك يفتحله ،،،،
#انت بتجيب الكلام ده منين
رفع كفها ليطبع عليه قبله ناعمه
،#من جوا قلبي ،،، اللي انتي سرقتيه مني ،،، ماستي مبهونش علي قلبها وصالحتني
عقدت ذراعيه #انا مش بصالح حد
دفعها ولكن ليس بقوه وقال بغيض
#عدي ياماسه قدامي بدل ماارتكب جنايه
نظرت اليه لتغلبها ضحكاتها ويشاركها الضحك
❤❤❤❤❤❤❤سبحان الله ❤❤❤❤
