#مبروك ياهاشم ماجالك والف حمدلله علي سلامه ام ياسين
رفع هاشم عيناه ليهب واقفا ويعانق حمزه يربت علي كتفه
#تسلم ياحمزه عقبال كده مانشيل عيالك
حمزه #في حياتك ان شاء الله ،،، هاه سميته ايه
هاشم #شبل
حمزه #ربنا يباركلك فيه وتشوفه راجل ان شاء الله هاشم كنت عاوز اتحتت معاك في موضوع اكده
#خير ياحمزه
حمزه بارتباك #اني ااقصد يعني ان اااا انت خابر ان اني بجدد دار ابوي وهي قربت تخلص وكنت عاوز يعني استأ ذنك بس اتحتت مع زينب
حك هاشم راسه ليداري بسمته ليبرر حمزه بسرعه
#احنا داخلين في سنه مخطوبين اهه وانت خابر الخطوبه دي اعفش حاجه في الجواز
لم يستطيع هاشم كتمان ضحكاته ليقول
# بطل دبش ياحمزه ،،،والله انا خايف تتكلم معاها تطفشها
حمزه #والله. انا الود ودي كنت اتجوزت من زمان بس ابا الحج هو اللي مأخر عشان امتحانتها واهي خلصت
هاشم #امتحانات السنادي اللي خلصت زينب لساتها في سنه اولي
حمزه بحنق #وعاوزني اصبر كل ده كيف يااخي حرام عليك نتجوز وتكمل
#هتكلم مع ابوي ونرد عليك
حمزه بالحاح # طب ايه اكلمها طيب
هاشم #مش هخلص من زنك انا عارف ،،،، بس كمان انت عارف ان بوي مش هيوافق وهيديني ادابه محترمه وانت بقيت خواجه ونسيت عاداتنا وتقالدنا وووووو
اشاح حمزه يده #اباي عليك ،،،، هو انا بقول هقابلها لاسمح الله ،،، والله ياهاشم بشوفها صدفه في المصنع مبكلمهاش حتي ،،،،
ربت علي كتفه #عارف ياحمزه خلاص هكلم ابوي نكتب وهخبره انك عاوز تتحت معاها .
دفعه حمزه وقال بلهفه
#انت قاعد ليه اوم بقي خير البر عاجله يلا ياحبيبي الله يرضي عنيك
ضرب هاشم كفيه ليتحرك للداخل جلس حمزه مكانه متي ستكون له زينب صاحبه عيون العسل الواسعه ،،، يذكر جيدا يوم خطفت قلبه وسرقته منه بلا عوده كانت مجرد طفله في العاشره من عمرها لم تحتجب بعد يومها كانت تجري بحديقه المنزل تقطف بعض الزهور الحمراء الملائمه تماما لخدودها ثم جرحت يدها الزهور القاسيه لتبكي اقترب بلا وعي ليربت علي كتفها
#عورتي يدك
رفعت يدها وقالت باختناق
#الورده جرحت يدي وانا معملتهاش حاجه
ضحكه من القلب قادره علي بعثها زينب
#طب متبكيش هي بس معوزكيش تقطفيها
قالت بحنق#تقوم تعورلي صباعي اكده
#متزعليش منيها
هزت كتفيها #مش زعلانه انا بحب الورد جوي
مجرد لقاء واحد بكلمات ضئيله لترسم الجميله صورتها بداخله ثم يسافر هاشم ليحرم هو من طلتها المبهره ،،،، زينب سرقت قلبه طفله وهو عاشق ملتاع لايعرف كيف الوصول لغايته طرق الباب وخطبها ووضع امامه الف الف سور شائك
#ياولدي انت متتعيبش بس زينب لساتها صغار ولسه هتدخل الجامعه،،، وامها متقدرش علي بعادها وانت بتشتغل في مصر
#ابا سليم اني عارف وهستنها وان كان علي الشغل هصفيه واشتغل اهنه
وعد احمق نفذ نصفه ليصفي كل اعماله ويبدا ببلدتهم حتي يكون بقربها يقف من بعيد فقط ليراها وهي ذاهبه الي كليتها ،،، متي يقترب البعيد متي
#بوي موافق تاخد رقمها ويامين اكده واديك التمام في موضوع الكتاب ده خد الرقم اهه
انتبه من ذكرياته علي صوت هاشم الواقف امامه ليخفق قلبه بعنف ،،، وهو يتمسك بتلك الورقه التي بها نبضه هاشم بتحذير
#اني اللي ضامنك متسغرنيش
حمزه #انا عمري عملتها ياصاحبي
هاشم #لاع بس بحذر بس ،،، كلها يامين ونشوف
حمزه بسعاده #ربنا مايحرمنيش منيك ابدا
قال جملته ليتحرك امامه هاشم بحنق
#رايح فين انت
حمزه #هروح
هاشم بحنق #خلصت حاجتي من عند جارتي مش كده ،،، انت مش ناوي تحضر سبوع الولد ولاايه
حدق حمزه في وجهه ببلاهه
#هااااه
هاشم ضاحكا #هاه ايه عدي قدامي خلينا نباشر علي الدبايح
حمزه باستسلام #حاضر ياسيدي ،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
تمدد حمزه علي الفراش ليرفع هاتفه يوم طويل ظل كامله لدي هاشم يعلم ان الوقت تاخر ولكن لايستطيع ان يصبر اكثر من ذلك اتصل ليستمع الي الرنين المنتظم ثم فتح الخط
#السلام عليكوا
#وعليكم السلام هاشم اداني رقم التليفون وقال انك هتتصل
اهدا حمزه اللعنه علي نعومه صوتها تنحنح بحرج
#احم ااااكيفك
#انا بخير وانت عامل ايه
تنهد بحراره # الحمد لله علي كل حال هاشم خبرك بطلبي
#ايوه
#طب ورايك ايه
#مش شايف انك مستعجل شويه
هب جالسا ليقول بحنق
#مستعجل داايه ،، دااحنا بقلنا سنه بحالها
#ااااا ااقصد ااايعني
قاطعها#قولي اللي بدك اياه البيت صورته كله ونقلته علي تليفون هاشم لو عاوزه تغيري اي حاجه ااؤمري بس ياست البنات
#مش هو ده اللي كنت عاوزه اقوله ،،، انااا عاوزه اسالك سؤال
#اتفضلي
#هوااانت خطبتني ليه عشان انا بنت الشناويه واخت صاحبك مش كده
تنهد # صحيح الشناوي اكبر عيله في البلد بس كمان المالكي مش قليله ،،،شوفي يازينب انا يمكن زي مابيقول هاشم بلق دبش ،،، بس كمان مقدرش اقولك مشاعري الالما تكون في الحلال ،،، بس اللي عاوزك تتاكدي منه اني عمري ماشوفت غيرك
#ازاي يعني انت كنت عايش في مصر و
قاطعها #وبخاف من ربنا اووي وكل صلاه كنت بدعي بس انك تبقي نصيبي ،، وكل اللي طالبه من ربنا انه يقدرني واقدر اسعدك
#ااااتصبح علي خير
#وانتي من اهله
اغلق الخط لتتسع ابتسامته قلبه يرفرف لاول اتصال حقيقي مع حبيبته جنته التي يتمني الغرق فيها بلاعوده
❤❤❤❤❤استغفر الله ❤❤❤❤❤
