#الف مبروك يافهد يتربي في عزك
فهد ببتسامه #عقبال مانشيل عيالك يانديم
نديم ببتسامه #في حياتك هاه هتسميه ايه
ليث #اي حاجه بالالف فهد صبيانه كلهم كده
مامون #لاء هيسميه مامون الواد ده شبهي اصلا
ضم نديم الطفل لصدره ليتشمم رائحته المميزه
ويداعب وجهه الصغير ،،، يعشق الاطفال ،،، نعم حرم من طفل وعوضه الله بغيره ،،، لن ينكر انه يتمني ان يحصل علي طفل منها. ،،، فتاه تحمل كبرياء ماسته وروعتها التي تذهب بعقله ،،،
#هااااي انت يابني بكلمك
رفع عيناه لفهد #كنت بتقول حاجه يافهد
مامون ضاحكا #لاء ياحبيبي كان بيكلم نفسه ،،،ايه سرحان في ايه ،بتحب جديد هات الواد اما العب بيه شويه
فهد بغيض وهو يتناول الطفل من نديم
#تعلب بابني اهو دا اللي ناقص كمان انا هطلع الواد لامه
تابع الجميع فهد وهو يصعد للاعلي طرق الباب لتفتحه له جومانه ناولها الطفل
#ادي الواد ده لامه جوزك عاوز يلعب بيه
حملت جومانه الصغير وقالت باسمه
#ماانت عارف مامون يعشق التهريج اد عنيه ،،، حد يلعب بالقمر ده
تحرك فهد للاسفل لتغلق جومانه الباب وتتوجه للداخل حيث التجمع النسائي فرحه باعياء
#،ايه لحق يصحي
جومانه #لاء لسه نايم فهد هربه عشان مأمون كان عاوز يلعب بيه
فيروز #خلاص ياجو هتيله واحد يلعب بيه
جومانه بغيض #ان شاالله انتي يافيروز
تنهدت فيروز وقالت بحزن #طب ياريت ينفع
جومانه بحرج #فيروز انا مقصدش والله
ابتسمت فيروز وربتت علي كتفها
#عارفه ياحبيبتي ،،، انا هروح اطمن علي العيال وارجعلكوا
قالت جملتها لتخرج فرحه بعتاب
#كده برضه ياجومانه ،،،
جومانه بحرج #والله ماكنت اقصد انا كنت بتكلم عادي
ماسه #حصل خير ياجماعه انا هروح اطمن عليها
قالت ماسه جملتها لتخرج من الغرفه ،،، وصلت لجناح فيروز لتترجل للداخل وكما توقعت وجدت الاخيره تجلس علي طرف الفراش تبكي اقتربت وجلست امامها
#انت عارفه ان جومانه بتهذر
مسحت دموعها #عارفه والله مش زعلانه منها
ربتت علي كتفها # امال بتعيطي ليه
قالت باختناق # بحس بالعجز ياماسه غصب عني والله
#داانتي ربنا رضاكي واداكي الولد والبنت ،،، تخيلي كده لوكنتي عملتي العمليه دي قبل ماتخلفي
تنهدت بقوه #عندك حق ،،، الحمد لله ، طب وانتي ياماسه
قطبت #انا ايه
#مفيش حاجه كده جايه في السكه ،،، داانتي قربتي علي سنه
#لما ربنا يأذن يافيروز ،،،
خرجا الاختان من الغرفه ولكن كل منهما يحمل اوجاعه الخاصه ،،،،
اقتربت جومانه من فيروز لتقبل جبينها
#والله كنت بهزر
فيروز #متعمليهاش حكايه بقي ،،،، وبعدين هو انا عاوزه عيال تاني ليه دا ماشاء الله عندي ٠١عيال
فرحه #ربنا يخليكي لينا يااحن قلب في الدنيا
ماسه باسمه #طب انا مليش في جو الحب ده
جومانه #لاء تقريبا كده راحت علينا
فيروز وهي ترفع كفها بوجههما
#خمسه خمسه علينا ،،،
فرحه باسمه #ايوه خمسي في وشهم ليحسدونا
ماسه #وعلي ايه ربنا يهني سعيد بسعيده يااختي
جومانه #ايه اخبار المشروع الجديد ياماسه
فيروز باستغراب #انتي هتغيري النشاط ولاايه
ماسه باسمه #لاء مغيرتش ولاحاجه بس زي ماتقولي كده ربنا فتحلي باب خير حلو
فيروز#باب ايه قوليلي
فرحه #بتطلع رحلات عمره يافيروز
فيروز بسعاده #دا بجد ،،، ربنا يكرمك ياماسه دي حاجه حلوه اوووي
تنهدت ماسه بارتياح #انتوا مش متخيلين الموضوع ده فارق معايا ازاي
فرحه #القرب من ربنا نعمه والحمد لله انك شوفتي الطريق
ماسه #فعلا يافرحه ،،،،
مالت جومانه نحوها لتهمس
#ادعي للي كان السبب
ماسه بغيض #تصدقي انتي عايزه تضربي فعلا ،،،
صفقت جومانه بيدها وقالت ضاحكه
#هاااااي ماسه بتتغاظ ،،،، اهو ده بقي يوم تاريخي
فيروز # معلش ياماسه استحمليها جوزها بهت عليها
جومانه #بقي كده ماشي انا هروح لجوزي القعده معاكوا تنقص العمر
قالت جملتها لتترجل للخارج كادت فرحه ان تتحدث ولكن ماسه قالت بسرعه
#سيبيها تنزل عشان مأمون يعلقها علي الباب
نظر الثلاثه لبعضهما ليتشاركا في الضحك
❤❤❤❤❤استغفر الله ❤❤❤❤
