#انا عاوزه افهم انت ايه حكايتك بالظبط يامامون
اشاح بوجهه #حكايه ايه ياجومانه بس
اقتربت لتجلس امامه
#بقالك فتره مش طبيعي علي طول ساكت وبتروح مع اسر في كل حته والعلاقه متوتره بينكوا ممكن اعرف ايه الموضوع بالظبط
تنهد بقوه #مفيش موضوع ولاحاجه وبعدين تعالي هنا انتي زعلانه عشان بهتم بالولد
#بالعكس انا فرحانه جدا ،،، خصوصا وانا شايفه اسر فعلا بيتغير علي طول بيصلي وكل اما ادخل اوضته اتلاقاه بيذاكر ،،،، حساه كده بقي ملتزم ودي حاجه كويسه جدا ،،، بس مش مرتاحه عشان حاسه انك مخبي عليا حاجه ،،، في كلام في عنيك يامامون انا مش عارفه اقراه .
تنهد بقوه #عارفه ياجومانه اول مره الاحظ ان انا كبرت ،،، كبرت اوي ،،، حاسس اني عجزت مره واحده
#انا عاوزه افهم بس انت ايه اللي قفلك بالشكل ده ،،وحشتني ضحكتك يامامون
رسم ابتسامه باهته علي شفتيه وتنهد بقوه
#انا لازم اعرف فيك ايه ،،،
ربت علي خدها #مفيش حاجه صدقيني انا كويس ،،، بقولك انا كلمت ماسه امبارح تعمل حسابنا في رحله
قالت بسعاده#بجد ،،، طب والشغل
#هتابع من هناك متقلقيش ،،، كلنا محتاجين الرحله دي ،،،،
تنهدت بقوه #برضه مش عاوز تتكلم ،،، عمرك ماخبيت عني حاجه يا مامون
تنهد #مين قال بس اني مخبي حاجه
#يامامون داانا اعرفك اكتر من صوابع ايدي ،،، ،،،يعني حفظاك زي مرياتك
ربت علي كتفها #صدقيني ياجومانه مفيش حاجه ،،انا ااا بس حسيت اني كنت ماشي غلط وان الا وان ان ده يتصلح. ،،، العيال بتكبر ،،،، وشغل الهبل بتاع زمان لازم ابطله ،،، مش عاوز اعمل حاجه حرام العيال يقلدوها
حدقت بوجهه باستغراب لتهمس بانفعال
#عشان كده بطلت تدخن
هز راسه موافقا لتكمل #انا فخوره بيك اوي ،،، وعلي فكره انا فرحانه بالتغير ده بس عاوزه اعرف ايه سببه
قال باختناق
#الحب ،،، عشان بحبك وبحب ولادي ،،، حسيت اني آثرت في حقهم اوي ،،، بعدت عنهم ،،، وكان ممكن يضيعوا من ايدي
ضمته اليها لتقول بانفعال
#آسر عمل ايه خنقك اوي كده ،،،
اغمض عيناه بقوه #معملش حاجه ،،، بس الدنيا معدش ليها امان ،،،، زمان كنت فاكر طالما دخلتهم مدارس نظيفه وبيروحوا نوادي نظيفه يبقي هما محمين بس كنت غلطان ،،،، الوحش في المجتمع ده ممكن يوديهم لسكه اللي يروح ميرجعش ،،،يمكن اسيل لسه صغيره بس انتي قريبه ليها ،،،، اسر بقي في مرحله مينفعش يقربلك انتي ،،، كان لازم اشده عشان ميغرقش
احتضنت وجهه لتنظر برماديته
#انا معاك كل اللي بتقوله صح ،،، عشان كده معلقتش لما شديت عليه ،،،، بس اسر معدش بيتكلم خالص يامامون ،،، حتي مبيتكلمش مع اسيل ومش فاهمه هو زعلان منها ليه ،،،، وحتي ولاد عمه مفيش حد فيهم عارف يكلمه ،،،، انا خايفه للولد يدخل في اكتئاب
ربت علي كتفها #لاء متقلقيش ،،، فتره كده وهتعدي
اطمني انا واخد بالي كويس
هزت كتفيها بعجز #طيب يامامون بس برضه هعرف
ابتسم # مفيش فايده فيكي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
#نديم انا حامل
طلقات ناريه يطلقها قلبه وتنطلق بعيناه يكاد يجزم انها اخرجت جميع الوان الطيف المرأي
#نديم انت ساكت ليه
هز راسه بقوه #هو انتي قلتي حامل ولاانا سمعت غلط
اقتربت منه #لاء سمعت صح
انحني ورفعها بين ذراعيه ليريحها بالفراش
# وواقفه علي رجليكي انتي تقعدي كده ومتتحركش الله هيبقي عندنا نونو ،،، حاجه صغيره كده بمبي عاوز بنوته شبهك ،،،، عينيها موج بحر معجون بالعسل وشعرها لون البندق الحلو
قطبت #انت عاوز بنت
#هو انا هنقي كل اللي يجيبه ربنا حلووواوووي ،،، بنت ولد مش مهم ،،، المهم انه هيبقي ابننا انا وانتي هيربطني اكتر بناصر ،،، ويكبر عيلتنا ،،،، عارفه ناصر هيفرح اوووي قولتيله
#لاء ،،، انت اول حد لازم يعرف
قال بسعاده #لازم نتابع عند دكتور كويس وووولازم تاكلي كويس اوي اوي وتشربي لبن كتير ااقولك هجبلك جاموسه في الجنينه ،،،، وو
#بااااس جاموسه ايه اللي تجيبها في الجنينه
#طب بلاش جاموسه اجبلك بقره
قالت ضاحكه #في ايه يانديم انت ضربت
حك مؤخره راسه #بين الفرحه طيرت البرج اللي كان ناقص ،،، صحيح بقر وجاموس ايه اللي بتكلم فيه ده ،،،، انا فرحان اوووي ياماسه عارفه حاسس ان قلبي بيتنطط
قالت بعتاب #اللي يشوفك وانت عمال تقول كفايه ناصر حتي لو مفيش عيال خالص مش مهم ميشوفكش دلوقتي
هز راسه وقال باسما
#يعني انتي لو نفسك في حاجه اوي وربنا نولهالك تعملي ايه
#هشكر ربنا عليها
#وهتفرحي بيها جدا وتبقي حاسه انك اكتفيتي بيها عن الدنيا صح
#امممم
#وماستي بالنسبالي كده انا كان كل املي في الدنيا اني اسكن قلب الماسه زي ماهي ساكنه قلبي ،،،، فلما يبقي عندي كمان ماسه صغيره يبقي لازم افضل اشكر ربنا طول العمر
ابتسمت #عارفه محدش يغلبك في الكلام يانديم
قرب وجهه منها وقال
#في الكلام بس ياماستي
وضعت اصابعها علي شفتيه
#توء الدكتور قال لاء
حدق في وجهها ليقول بغيض
#اه ،،، لاء لامتي بقي
قالت ضاحكه #حتي اشعار اخر ياحبيبي مش انت اللي عاوز بيبي
قال بغيض #هو هيأدبني من قبل ماييجي ماشي ياست ماسه بس اعملي حسابك اول مايفك الحصار مش هعتقك
تعلقت بعنقه وقالت بنعومه
#واهون عليك يانديمي
#اوووف بقي ،،، طيب ياماسه الايام بيننا
حدقت بوجهه للحظه ليتشاركا في الضحك
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
#بابا ممكن اتكلم مع حضرتك
نظر مامون الي الاوراق امامه وقال بجمود
#خير
اقترب اسر من المكتب وقال باختناق
# هو حضرتك مش هتسامحني ابدا
بلع ريقه بصعوبه
#وانت شايف اللي عملته ده ينفع يتسامح فيه
سقطت دموعه وقال باختناق
#والله مش هتتكرر حضرتك داخل في تلت شهور مش بتكلمني والله مش هعمل كده تاني
قال بتاثر #ولو اتكررت
قال بسرعه #ابقي موتني حتي
انحني ليطبع قبله علي يده زفر مامون بقوه ورفعه ليضمه اليه لينفجر بين ذراعيه في البكاء
#اسمع يااسر ،،، انا عارف انك اتعلمت من اللي حصل وارد اي انسان يغلط احنا مش ملايكه لكن كمان اللي ميتعلمش من غلطه يبقي زي الحيوان معندوش عقل ،،، ،، انت مش ابني بس لاء انت كمان صاحبي ،،، لو شوفت ده عمرك ماهتخبي عني حاجه ابدا
#اوعدك عمري ماهخبي حاجه تاني واي حاجه هسألك فيها
قال بتحذير #مهما كانت يااسر
#اوعدك يابابا
❤❤❤❤❤صلي علي النبي محمد ❤❤
