الحب ،،، الخرافه التي يقنع بها الجميع نفسه ،،،يهرب بها الشخص ليعيش بعالم افتراضي ينسجه خياله المريض ،،،، مجموعه متشابكه من الاوهام وجدت فقط لتجرح ،،،، تجرح اي من الطرفين ،،،، الحب يورثك ضعف ،،، والضعف يقتلك في عالم الذئاب ،،،،، ليس هناك مدينه فاضله ،،،،،، ليس هناك سعاده دائمه ونعيم مقيم ،،،،كان من المستحيل ان تؤمن بالحب ولكنها كذلك كانت تعرف ان لكل قاعده شواذ ،،،، حالات نادره ينجح فيها الحب ،،،، كان لها مثال جيد في اولاد عمها ،،، فهد وليث ومامون الاحمق ،،،، عفوا مامون الخائن ،،،، الخيانه طبع متأصل في الرجال يجري مع هرموناتهم الذكوريه العفنه ،،،، جميهم كأنات مؤذيه كل رجل مر بحياتها ترك بصمه بجرح ،،،، ناصر عدي ،،،حسنا حصيلتها من الرجال قليله ولكنها كافيه لان تعزف وتبتعد فقط عن اي طريق يمشون فيه ،،،، احدهم يمثل الحب يغرقك بالحنان والدلال ثم يلقيك في جب مظلم لتتخبط به ،،،،ثم الاخر ،،،، حيوان يتبع شهواته وحسب ،،، يدمر ماتبقي من اطلال ناصر بداخلها ،،،، معقده هي ،،،تعلم هذا جيدا ،،، العلاج النفسي جعلها تستفيق من وهم الحب الاول في حياتها ،،،، حب تملكها البغيض ،،،،جعلها تتجاوز الجرح العميق الذي تركه عدي بداخلها ولكن لن يجعلها تتقبل الرجال مره اخري ،،،، الرجال في نظرها اما غادر يمثل الحب كناصر ،،،او يطمع في الجسدكعدي ،،،،، مامون الاحمق تم تصنيفه ،،،،تحت مسمي المحب المخادع ،،،،لم تتفاجأ جدا عندما اخبرها فهد بطريقته الجديه المعتاده
#ماسه انا محتاج منك خدمه
#خير يافهد
#جومانه عاوزها تنزل تشتغل معاكي
استغربت طلبه بشده جومانه تركت العمل مع مامون منذ وضعت طفلها الاول
#ايه الحكايه بالظبط
#بصي باختصار زي ماتقولي كده ااااا مامون عك وانا بربيه
#خانها ،،، اكيد مش اول مره
# متحكميش من غير ماتسمعي من الطرفين ،،، هما الاتنين كانوا محتاجين القلم ده عشان يفوقوا هاه هترجعي امتي
#بصراحه القاعده هنا مريحه فعلا يافهد وناصر مبسوط هقفل الاسبوع وارجع عشان الشغل وهتصل انا بجومانه اتفق معاها ،،، اللي اعرفه انها مديره مكتب ممتازه وانا محتاجلها في الشغل فعلا
#تمام كده خدي بالك من نفسك ومن ناصر
#ماشي يافهد سلملي علي عندك
كانت تتمني ان تستطيع اخباره عن امر تهديد عدي لها ،،،، ولكن شيء ما بداخلها منعها ،،،،،لاتريد طلب الحمايه من احد ،،،،،هي تعتمد علي نفسها اعتادت علي ذلك ،،،، ولكنها تشعر بالرعب الحقيقي كلما لاح لها شكل عدي ،،، هي موقنه ان عصر الامان انتهي بطرد ناصر لها من جنته ،،،، علي الرغم ان فهد قدم الدعم والحمايه اللازمه
ولكنها كانت لحظات ضعفها المريره ،،، هي الان اقوي ،،،اقوي من عدي واقوي من النديم الاحمق ،،،، الذي اختفي بعد ان نفث كلماته المسمومه ،،،، الغريب ان ناصر لم يعد يذكره اطلاقا ،،،، وبالتاكيدهي لن تسال والاغرب موقف ناصر ،،،،منذ حضورهما وهو استعاد وجهه المشرق ضحكاته وعاد للثرثره والتذمر من حنين المشاغبه كالعاده تشعر ان ناصر الصغير يخفي شيء ما ،، هذا الطفل لاتستطيع فهم تفكيره في لحظه تشعره ناضج يفهم كل ماحوله وفي اللحظه التاليه تطغي طفوليته ،،، هو مجرد طفل تعامليه علي انه احد الراشدين ،،، لاتقبلي هفواته واخطائه ،،، هذه كلمات النديم ،،، هذا ماكان يقصده ،،، تشعر انه هو من منع ناصر ان يذكره امامها في الحقيقه احترمت هذا ،،،، لحظات الاختلاء اليومي بالنفس ،،، النظره المتسعه للعالم المحيط ،،، لحظات تعيشها دوما في هذا الوقت ،،،وقت انبعاث النور من عمق الظلمه ،،،، وقت يختلط به سواد السماء بنور يتولد ليعلن يوما جديد ،،،،تطلعت للبحر امامها المشهد اروع مايكون علي البحر
#بتحبي الشروق
التفت مره واحده فالصوت افزعها لتتلاقي عيناها باخري سوداء فحميه تشبه عيون الفهد ابتسمت لتتسع ابتسامتها ثم تحولت لضحكات قال بغيض
#هو انا قلت نكته ولاحاجه
تمالكت ضحكاتها لتقول
#لاء بس فهمت دلوقتي اشمعني اسكندريه وليه ميامي بالذات
يبدو انه فهم ماتعني لانه ابتسم وقال بجديه
# انا اتفاجات انه اجي ،،،هو بس سالني في الفون انا فين ،،،، مردتيش علي سؤالي بتحبي الشروق
تطلعت للبحر واحتضنت نفسها
# وهو برضه اللي قالك اني ببقي هنا
وقف امامها وقال بحنق
#دا علي اساس انه يعرف انك بتيجي هنا
كلامه منطقي ناصر يستيقظ في التاسعه ولايراها ،،،
#يعني عاوز تقول انها صدفه
قال بسرعه #علي فكره انا كنت بتمشي ورجلي جبتني لهنا انا الشاليه بتاعي هناك اهوه
قال جملته ليشير الي شاليه بالجوار قريب منها قال بسرعه
#اظن بقي هتقولي انا اللي جبتك جنبي
هز ت كتفها #اكيد لاء العشر شاليهات دول بتوع الشركه
نظر الي البحر وقال
#علي فكره بيقي شكلك احلي بكثير لما بتضحكي مردتيش برضه بتحبي الشروق
لاتعرف لما انتابتها مشاعر متباينه ارادته ان يتحدث ،،، صوته مع صوت البحر بعث لها سيمفونيه ناعمه بشده دغدغت حواسها
#بتسأل ليه
جلس علي الرمال وقال باستفزاز
#طبعا لو قلت لسمو الملكه تعد علي الرمل ممكن اتعرض للشنق
كتمت ضحكاتها مرغمه هذا النديم له مقدره غريبه ان يجعلها تنفذ مايريده لانها ببساطه افترشت الرمال بجواره
#خالص علي فكره انا بحب الرمل جدا
ابتسم #وبتحبي الشروق ،،،محدش ينزل من بيته في الوقت ده الالوبيحب شكل السما في الوقت ده
نظرت الي السماء وقالت بشرود
#ابيض في اسود ،،، مختلط نور بيحارب وضلمه بتهرب
تنهد بقوه #لحظه ولاده ،،،، الم وجع وبعده نور
رمقته بنظره جانبيه وابتسمت
#يعني حاجه زي كده
زفر بقوه والتف ليصبح في مواجهتها
#انا اسف ،،، الكلام اللي قلته يوم النادي انا فعلا مقصدوش
لاتعلم لما ادمل اعتذاره جرحها
# حصل خير ،،،
#طب ممكن تقبلي اني اعزمكوا علي الغدا
اعتادت طوال عمرها عندما تتحدث لشخص تنظر بعمق عيناه وهذا اورثها خبره ليست بالهينه في قراه العيون ،،، عيون هذا النديم تبعث رساله ما بلمحه حزن لم تفهمها عقدت ذراعيها وقالت بجمود اعتادت رسمه واتقانه بشده
#ليه
تنهد بقوه #عشان انا محتاج اقرب اكتر من كده من ناصر ،،،، انا مش عاوز اشوف عدي تاني
اللعنه علي عدي وسيرته التي تجعلها تشتعل
#وانا مش هسحمله
تنهد بقوه ليهز راسه
#للاسف الموضوع هيخرج من ايدك في خلال سنه اوسنتين بالكتير ،،،، ناصر بيكبر ،،، وشخصيته بتتكون ،،،في حجات بيبقي محتاج فيها لشده راجل ،،، ودا اللي ميقدرش حد بعيد عنه يعمله ،،، انت بتقربي منه فبتعملي اللي هو عاوزه ،،، وللاسف انا كمان بعمل نفس الحكايه ،،،، حتي لما بيغلط مش بقدر اشد عليه ،،، عشان ببساطه ميكرهنيش ويبعد ،،، انا محتاجه علي الاقل يوم في الاسبوع ،،،، يبقي تحت عيني ،،،، صدقيني انا مش بحاول افرض عليكي حاجه ،،،، بالعكس انا واثق انك عاوزه مصلحته وتقدري تساعديني
الي حد ما مايقوله هي تعرفه ضمنيا فقد قاله ليث من قبل ولكن ليس بتلك الصوره المباشره
#طب وانت هتسفاد ايه ،،،
#قلتلك هستفاد اني مشوفش عدي تاني ،،، والده عدي كانت عيله صغيره بابا اتجوزها بعد وفاه والدتي كانت مدلعاه زياده عن اللزوم ،،،، واول ماماتت بقي بابا اللي بيدلعه ،،،، وادي نتيجه الدلع ،،، بابا مات بحصرته ،،،لما رجع البيت سكران ومد ايده عليه ،،، للاسف جتله جلطه وراح فيها ،،،، ولما حاولت اعاتبه ساب البيت عشرين سنه ،،،،، ولما حاولت ادخل في حياته قلي دي حياتي وانا حر فيها ،،،، عشان كان خلاص فلت ،،،، انا مش عاوز اشوف ناصر كده ،،، يوصل للمرحله اللي هيبقي فيها راجل ومحدش هيقدر عليه ،،،، يبقي عاوز ينفذ اللي في دماغه وبس ،،،،
هي واثقه من داخلها ان نديم مختلف جمله وتفصيل عن عدي ،،، حتي بملامحه اكمل
#اللي عاوزه منك انك تعتبريني صديق عشان اقدر اقرب منه
#مفيش حاجه اسمها اصدقاء ،،، انا عمري ماكان ليا صديق
قال بغيض #وهو دا طبيعي يعني ،،، ياستي اعتبريني زميل عمل كويس كده
ابتسمت #ليه انت ناوي تغير مهنه
عقد ذراعيه #علي فكره انا سيبت المجال كله لما عدي فتح شركته عشان كان مستحيل ينجح والسعدي للسياحه موجوده علي الساحه
حدقته باستغراب ليبتسم هو
#للدرجادي بتحبه
#دا اخويا الوحيد ،،، انتي عارفه يعني ايه اخوات اللي فهمته من ناصر ان علاقتك قويه جدا باختك وولاد عمك ،،، ولاماسه الحداد مينفعش تحب حتي عيلتها
جمتله الاعتراضيه الاخيره تحدثت بلسانها ،،، لسان ماسه من نطق بها لذا نظرت اليه بذهول اللعنه انه يلاعبها وهذا يحنقها بشده حاولت تغيير الموضوع
#طيب بماانك اخوه الوحيد بقي ،،،، ابقي شوفه لانه مش طبيعي
اضطراب سكن عيناه ليتسال
#يعني ايه مش طبيعي
#يعني في حاجه غلط ،،، معرفش بقي عيان ولاماله بالظبط ،،،
قطب #وهو انتي شوفتيه فين
السؤال في حد ذاته تطفل لاتقبل به ولكن منه هو ،،،لاتعرف لما تقبلته ،،،ولاتعرف لما ارادت التماس الامان منه
#اجالي الشركه ،،،قبل مااسافر ،،،وهدنني بالقتل
حدق وجهها وقال بقلق يمليء عيناه
#ودا عادي يعني ،،، انتي بتقولي انه مش متزن
هبت واقفه لتنفض بنطالها الذي علق به التراب
#ميقدرش يعمل حاجه
وقف امامها وقال بحده
# البرود مطلوب احيانا ،،،، بس لما يتحط مش في محله بيبقي سخيف ،،، انتي بتقولي مش متزن ،،،عدي مبيخفش من حاجه ومبيرعيش حرمه حاجه ،،، انتي واعيه ممكن يعمل ايه
قالت بتحدي # اعلي مافي خيله يركبه انا مبخفش يابن السعدي
قالت جملتها وكادت ان تتحرك لولا جملته
#واضح انك مبتخفيش ،،،عشان كده سافرتي ،،،
كادت ان تنفجر بوجهه تخرج رعبها وخوفها ولو عن طريق الغضب ولكن مافعله اخرسها جعلها تبتلع كلماتها وقف امامها بقامته المديده ليربت علي خدها وجمله واحده فقط
#متخفيش من حاجه طول مانا حي ،،، انا هتصرف في الموضوع ده ،،،
تأثرت لن تنكر ،،،، للحظات رأت ابيها في دفيء عيناه وربتته الحانيه ،،،دوما ماكان يفعلها ،،،، حاولت انتزاع هذا الشعور الذي طغي عليها فقالت بحده
#انا مش محتاجه حاجه من حد
#حتي لومش محتاجه انا هحميكي ،،،، معرفش ليه بس انا حاسك مسؤله مني زي ناصر بالظبط
عقدت ذراعيها وقالت بسخريه
#عاوز تقول انك هتقف في وش اخوك عشاني
#زي ماوقفت في وشه عشان خاطر ناصر ،،،، مش كل الرجاله عدي ياماسه ،،،، انتي غاليه عندي ،،، عشان انتي ام ابني اللي مخلفتوش
لاتعلم لما استعادت كلمه ناصر في هذه اللحظه
# مش بيعاملني زي
النديم اوصل مشاعره الصادقه للفتي ليستشعر الاخير ان هذا العملاق ابوه الحقيقي ،،، حائره ولكنها مطمئنه للمره الاولي بصحبه رجل قال بسرعه
#بتحبي الملوخيه
حدقت بوجهه هذا النديم مختل بلا محاله قالت بحنق
#نعم
هز راسه وقال بتاكيد #بتحبي الملوخيه ولالاء
#بحبها بس مش فاهمه ايه علاقه دا باللي بنقوله
قال باسما #تمام يبقي عازمك علي احلي طبق ملوخيه هتدوقيها في حياتك ،،،
حدقت بوجهه ليقول ضاحكا
#انتي وناصر علي فكره ،،، بلاش النوايا السودا دي
حدقت بوجهه وضربت كفيها ببعضهما
#انت اكيد مجنون
قال باستفزاز
#تصدقي صح انا بيني اتجننت ازاي اطمع ان الملكه تتعطف وتاكل مع واحد من عامه الشعب
ضحكه صافيه لتقول باستغراب
#ايه حكايه الملكه دي
لمسه لكفها اورثتها رعشه غريبه لم تعتاد عليها ليرفع كفها ويطبع عليه قبله راقيه
# عشان انتي ملكه فوق عرش عالي اوووي ،،،، تسمح بقي الملكه تتنازل وتشارك واحد من الرعيه الملوخيه
سحبت يدها وقالت باضطراب لم تستطيع السيطره عليه
#ااااهفكر
قال بتاكيد #يبقي هفوت عليكوا الساعه تلاته ،،،اتفضلي بقي عشان اوصلك ،،، ومن فضلك متنزليش تاني علي البحر بدري كده انا هرجع مصر كمان يومين واشوف ايه حكايه عدي دي ،،، بس المهم بلاش مجازفه ماشي
ابتسمت فقط لطريقته وكانه يلقن طفله مايجب ان تفعله ليكمل هامسا
#ولو ينفع ياريت يعني ،،،بلاش حجات عريانه اوي كده
حسنا لن تقبل بهذا هذا تدخل سافر في حياتها ولن تقبل به ولكنه للاسف حجم غضبها هذا لانه احاط كتفيها بسترته وقال باسما
# دا عشان ربنا مش عشان حد ،
للحظه كانت علي وشك الرفض ولكن بتفكير بسيط ادركت انها للاسف لاتستطيع الاعتراض قالت بحنق
# اللي بيني وبين ربنا محدش يدخل فيه
ربت علي ظهرها
#صح جدا ،،، بس انتي اكيد مش وخده بالك ان لما جسمك يبان بالشكل ده حرام
تم محاصرتها ،،، هذا النديم يخترق شيء ما بداخلها ليتلقي اول تذمر طفولي عنيد منها ضربت ساقها بالارض وقالت بغيض
#برضه متدخلش
لمعان عيناه في هذه اللحظه آثر بشده
#خلاص هدعيلك
همست بانفعال #تدعيلي
اقترب خطوه لترفع هي راسها تلقائيا
#ايه غريبه اني ادعيلك
هزت كتفها بعجز وتحركت ليتحرك بجوارها وقفت عند باب الشاليه لتنزع الستره وتناولها له
#اتفضل
تناول منها الستره ليقول
#احنا اتفقنا ان انا هاخد ناصر صح ولاااا
هزت راسها موافقه ودخلت البيت لتتسع ابتسامته ويهمهم
#طفله مرعوبه من الدنيا كلها
❤❤❤❤❤استغفر الله ❤❤❤❤❤❤❤
