سعيده وتكاد تقفز بالهواء لقد عبرت عامها الثاني بنجاح وبتقدير مرتفع كالعاده كانت في سبيلها للتحرك من وسط الزحام عندما استوقفها صوت احدهم
#د حنين من فضلك
التفت لتري اللزق الذي يطاردها دوما زفرت بضيق وتحركت ولكنه وقف امامها
#ممكن اتكلم معاكي في موضوع
قالت بحده # اعتقد مفيش بينا موضيع وعن اذنك
تحركت لتعبر الممر لتخرج لباحه الجامعه ركضا تقريبا لقد سئمت من هذا السمج ،،، سئمت مضايقاته لها والادهي انه ارسل اباه ليخطبها اي حماقه يفكر بها ،،،، مصطفي مجرد شاب عابث اعتاد علي مرافقه الفتيات ولانها رفضت شذت عن قاعدته ،،، تعلم جيدا لما يريد القرب منها ،،،، ولكنه احمق لواعتقد انها من هذا الصنف من الفتيات
للاسف لحقها ليقف مره اخري امامها قالت بعصبيه
#انت عاوز ايه بالظبط
قال ببتسامه #ممكن اعرف رفضتي الخطوبه ليه في حد في حياتك
قالت بحده # افتكر دا شيء ميخصكش وابعد بقي عشان مندهش امن الجامعه
اقترب خطوه لتبتعد للخلف اثنين وقال باسما
#براحتك ،،، بس ااا تفتكري امن الجامعه هيعملي ايه ،،، حنين انا بحبك
قالت بحده #اسمع بقي الكلام الفارغ ده تقوله لوحده غيري عشان انا مش هسمحلك وابعد بقي
قالت جملتها وتخطته للتحرك بسرعه للخارج ليتبعها الاحمق وقف احد الشباب امامه
#وبعدين يامصطفي متسيبها في حالها بقي
مصطفي باصرار #مش ممكن افهم يافارس انا بحبها
فارس بضيق #بتحبها ولامعرفتش تطلها البت محترمه ومش بتاعه الكلام اافاكس بتاعك ده
مصطفي بحنق #وانت بتحاملها ليه يعني
فارس بغيض #عشان عندي اخت يامصطفي وبخاف عليها
مصطفي بسخريه #طيب ياسيدنا الشيخ وبعدين انا بعت ابويا يخطبها وهي اللي رفضت
فارس #اه الخطوبه الكام دي ،،، وبعدين هي حره ابوها رفض بذوق يعني مفيش نصيب بطل بقي تعترض طريقها عشان انا بعد كده اللي هقفلك
مصطفي بغيض #تقفلي قلتلي بقي انت بينك وبينها ايه بالظبط
فارس بضيق #انت ايه يااخي مخك متركب ازاي ،،، بقولك عندي اخت بنت وبخاف عليها ،،، والبنت فعلا محترمه والكل يشهد باخلاقها اتفضل بقي عدي ادامي مش كفايه هتعيد السنه انا مش عارف الصراحه انت بتفكر ازاي
اشاح مصطفي بيده #هتفرق يعني انا قلت من الاول مش عاوز ام الكليه الفقر دي بابا اصر خلاص يتحمل بقي
قال جملته وبدا يتحرك ليتحرك خلفه فارس وقف علي بوابه الجامعه ليقول مصطفي بحنق
#اتفرج يااخويا علي المحترمه اهي واقفه مع واحد وربتركب معاه العربيه اهي
تطلع فارس امامه ليري حنين وشاب يتحدثان لتلتف خلف السياره وتركب بالخلف وكزه فارس
#اتقي الله بقي انا مش عارف انا مصاحب واحد زيك ليه تلقيه قريبها عشان كده ركبت ورا
مصطفي #انت بتصدق ،،، يابني دي كلها حركات
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
خرجت حنين مسرعه وهي تري الاحمق يتبعها زفرت بقوه عندما استوقفه فارس علي الاقل سيلهيه حتي تنصرف الامر تعدي كل حدود المضايقات لقد بدات تختنق بالفعل بسبب هذا المتطفل ،،، رفضته بدل المره الف ومع ذلك لايمل هي فقط تحتاج لموقف حاسم وتخبر اباها بكم المضايقات تلك هذا ماتوصل اليه عقله فور مغادرتها بوابه الجامعه كانت في سبيلها لعبور الطريق عندما استوقفها
#حنين
حدقت به بصدمه واسرعت نحوه بقلق
#ادم حد جراله حاجه
هز راسه نفيا #لاء كله تمام
قالت باستغراب #طب انت هنا بتعمل ايه
قال بارتباك #عادي ياحنين انا اجيت عشان عارف انك اكيد هتيجي عشان النتيجه هتتعلق طمنيني
هزت كتفها وقالت بدهشه
#ودا يجيبك قدام الكليه علي العموم الحمد لله امتياز
قال بتردد #الف مبروك ااااااحنين كنت عاوز اتكلم معاكي في موضوع ومش هينفع نتكلم هنا
فركت يديها بتوتر وقالت بحرج
#مش هينفع اركب معاك لوحدنا ووو
قاطعها #ياستي اعتبريني التاكسي بتاعك ولاهتروحي مشي حنين انا محتاج اتكلم معاكي فعلا
كادت ان تعترض لولا رؤيتها لمصطفي بطرف عينها يخرج من البوابه زفرت بقوه لتلتف خلف السياره وتركب بالمقعد الخلفي لحظه وركب هو وهي تري جيدا مصطفي يشير اليها ويتحدث مع فارس انطلق ادم لتقول هي بحده
#مكنش المفروض تيجي هنا ياادم محدش يعرف انك ابن عمي
اين ادم ،،،، ادم شارد تماما في الطريق ،،،، وكانها تحدث نفسها التفت حولها لتقول بحنق
#ادم انت رايح فين دا مش طريق البيت
لااجابه زفرت بقوه وقالت بصوت عالي نسبيا
#ادم انا بكلمك علي فكره
اوقف السياىه لجانب الطريق والتف اليها
#سامعك ياحنين ،،، بس مش لاقي حاجه اقولها عشان عارف ان عندك حق واللي بعمله ده غلط بس انا مش معايا رقم فونك وكان لازم اتكلم معاكي
انا رجعت من الكليه علي هنا لسه حتي مروحتش البيت
عقدت ذراعيها وقالت بترقب
#طب ممكن افهم عملت كده ليه واحنا فين حاليا
ابعد بصره عنها وزفر بقوه
#انا بقالي شهرين منزلتش كنت محتاج اهدي وافضي عقلي عشان اعرف افكر صح ،،،، لما هديت اكتشفت حاجه مهمه ،،، ان القرارات المتسرعه اللي احنا بنخدها ممكن تدمر حياتنا خالص ،،،وتخسرنا اقرب الناس لينا من غير مانحس
ضمنيا تعلم انه يتحدث عن اسيل وبيت عمه مامون اصابها هذا بوخزه مؤلمه ولكنها حاولت التماسك قدر الامكان
#مفيش حاجه في الدنيا ممكن تخسرنا من بعض ياادم احنا عيله واحده ولاد الحداد ميتفرقوش عشان اي حاجه ،،، عمك مامون هيفضل عمك دا مش هيتغير واسيل كمان
قاطعها #اكيد ماجاتش اخدتك بالطريقه السخيفه دي عشان اكلمك عن بيت عمك ياحنين
هزت كتفها بحيره #طب انت عاوز ايه
زفر بقوه #انا ااا عاوز اكلم عمو ليث عاوز اتقدملك يعني
للحظات اصابتها صدمه ،،، صدمه جعلت عيناها تتسع وشفتيها تتدلي ببلاهه تقريبا مظهرها اورثه ابتسامه
#ايه الريأكت الغريب ده
هزت راسها لتقول بصدمه
#انت واعي للي بتقوله ده
اتسعت ابتسامته #يعني تفتكري اكون مسطول مثلا شارب مخدرات قبل مااجيلك
لمعت عيناها بالدموع لتقول باختناق
#مش شرط مخدرات يعني الانسان ممكن يهرب باي حاجه تانيه ،،، حتي لو كانت واحده
قال بحده #مش ادم الحداد اللي يهرب
قالت بحنق #امال انت بتعمل ايه دلوقتي ،،،، بتهرب من اسيل بتنتقم عاوز ترد كرامتك ،،، توريها انك عايش والدنيا ماشيه تمام ،،،، انا مش عبيطه ياادم
تنهدت بقوه #انا عمري ماشوفتك عبيطه بالعكس يمكن تكوني اكتر واحده بتفهمني في العيله ،،،، الحكايه اصلا مش كده ، ،
ابتلعت مراره جوفها بصعوبه لتقول
#طب فهمني تتفسر ازاي
فرك جبهته وقال بتردد
# الحكايه انا عايز ،،،، ابدا صفحه جديده ،،،
#وانت شايف ان القديمه اتقفلت ياادم ،،،
قال بتاكيد #ايوه اتقفلت ،،،، يمكن الازمه اللي عديت بيها فوقتني ،،، خلاتني اشوف حجات مكنتش شايفها ،،،، طول عمري اتعودت ان مشاعري تبقي جوايا ،،، محدش يشوفها غيري ،،،
اغمضت عيناها للحظه لتقول بحزن
#اد كده جرحك رفضها
هز راسه تفيا #انتي فاهمه الموضوع غلط ،،، الحكايه مش رفض انا مش هتجوز واحده مش عاوزاني ياحنين ،،،، انا اتصدمت فيها ،،، زي ماتكوني عايشه طول عمرك بترسمي صوره لانسان وفجاه تشوفي حقيقته بشعه مشوهه مفهاش حته سليمه ،،، يمكن دي كانت اكتر حاجه وجعاني ،،،، مشاعر العيال اللي كانت جوايا انتهت ،،، ولما فكرت بعقلي لقيت انك اكتر حد مناسب اني اكمل معاه حياتي ،،،، عشان كده كان لازم اكلمك قبل مااكلم عمي ليث ،،، عشان متفهميش طلبي زي مافهمتيه دلوقتي ،،،، انا هسبلك.وقت تفكري وكلها يومين وهنتجمع عشان خطوبه نور ،،، وايا كان قرارك انا راضي بيه ،،،، حنين انا محتاجلك بجد
قال جملته ليدير السياره ويعاود ادراجه الي بيتهم اوقف السياره امام البوابه الداخليه ليترجل بجوارها استقبلهم حسام ليجري ويحتضن ادم
#وحشتني اوي ياادم
ربت ادم علي كتفه #وانت كمان ياحسام امال عمي فين
حسام #في المكتب ايه انتوا جايين مع بعض ولاايه
رمقها ادم بنظره جانبيه شارده عيناها تمتليء دموع
ادم #ايوه كنت معدي من قدام الكليه وقلت اوصالها
اقترب حسام منها ليربت علي خدها.
#في ايه ياحنين مالك دا بابا قال انك امتياز شكلك مش فرحانه
حنين بعالم اخر بعيد حيث حديثهم ادم
#هو عمو جاب النتيجه
حسام #اه بس اجا بعد ماهي مشيت ،،، مالك يابنتي سرحانه في ايه
انتبهت من شرودها لتقول
#بتقول حاجه ياحسام
حسام بقلق #مالك في ايه
هزت راسها نفيا #مفيش بس ااامحتاجه ارتاح شويه عن اذنكوا
قالت جملتها وصعدت ركضا للاعلي حسام بقلق
#مالها دي ،،، هو في حاجه ضيقتها ياادم
تنهد ادم #مش عارف ياحسام انا هدخل لعمو عشان اقوله ان انا جبت حنين من الكليه طنط فيروز فين
حسام باسما #طنطك فيروز قيلوله الظهيره عندها عمل مقدس
ابتسم ادم بفتور ليدخل المكتب حيث عمه الذي هب لاستقباله بسعاده
#اهلا بالوحش حمدلله علي السلامه ياحبيبي
عانقه ادم ليقول
#ازيك ياعمو وحشتني جدا والله
ضرب ليث كتفه
#لو كنت وحشتك كنت رديت حتي علي الفون
#كنت محتاج افصل شويه
#المهم طمني انت ايه اخبارك
ادم بسرعه #انا تمام انا وصلت حنين من الكليه كنت فايت فاخدتها في طريقي
قطب ليث #وانت ايه اللي وداك عند الكليه وانت لسه راجع
ادم بارتباك #عادي يعني كنت قريب من هناك
حدقه ليث للحظه وقال
#ماشي مع اني مش بالعها
قال بتوتر # ليه يعني عادي كنت عاوز اطمن علي النتيجه
ليث باستغراب #هو في ايه بالظبط
هب ادم واقفا وقال بسرعه
#في ايه ياعمو بس ،،،
وقف ليث امامه وقال
#ممكن اعرف انت بتهرب بعنيك مني ليه
نظر في عيون ليث ،،، عيون اولاد الحداد جميعها متشابهه تحمل نفس اللون للسماء التي تمتليء غيوم ،،، تختلف بعمقها ولكنها واحده ،
#انا مش بهرب بس ااا عمو انا ملييش في اللف والدوان وانت عارف
ليث بترقب #عارف عشان كده سالتك
تنهد بقوه #عمو انا كنت عاوز اخطب حنين
ساد الصمت لفتره ليقول ادم بترقب
#عمو حضرتك سمعتني
تنهد ليث ليهب واقفا ويتحرك بتجاه المكتب ادم بترقب
#عمو هو حضرتك رافض
عقد ليث ذراعيه وقال بتاكيد
#عارف ياادم انت فيك كل صفات ابوك ،،، راجل وجدع وحنيه الدنيا فيك ،،، قلبك يساع الدنيا كلها حقاني بس مخدتش منه حاجه واحده وهو ده عيبك
قطب #اللي هو
ليث #التسرع ،،،، ابوك قبل ماكان يعمل اي حاجه ممكن يفكر فيها سنه يدرسها من كل اتجهاتها ويحط كل الاحتمالات انت لاء
بلع ادم ريقه بصعوبه وقال بتوتر #افهم من كده ان حضرتك رافض
هز ليث راسه نفيا وقال
#برضه متسرع ،،، ادم خامه راجل نظيفه بس لسه الدنيا معلمتوش ،،، مع اول مطب قابله هرب من الدنيا كلها ،،، ادم لسه عديم الخبره عديم الصبر ،،، انت عارف معني طلبك في التوقيت ده ايه ،،،، انك بترد كرامتك برفض اسيل ،،، بتردها ببنت عمها حد قريب عارف اللي حصل كله ،،، شغل عيال عشان تعرف انها ولامأثره معاك
جلس ادم علي المقعد ودفن راسه بين ذراعيه
#ممكن يكون عندك حق انا فعلا متسرع ،، عشان حنين قلتلي نفس الكلام ،،، بس مش ده اللي في دماغي ،،،، انا اخترت حنين بعقلي عشان لما اخترت بقلبي اتجرحت
تنهد ليث ليجلس بجواره ربت علي يده وقال
#اسمعني بقي وافهم اللي هقولهولك ده زمان وانا في سنك كده اتعرفت علي واحده في الكليه ،،، كنت شايف ان انا بحبها بجنون وهي اهم حاجه في حياتي تلت سنين بنتقابل وانا شايف اللي بعمله ده هو الصح ،،، كلمت ابوك وعمي ناصر وخلاص كنا هنروح نخطبها ،،،، تخيل بقي بعد ده كله ابقي انا ايه في حياتها ،،، رهان ،،،الهانم اترهنت مع اصحابها عشان توقعني ،،،، دا مش كده وبس دي كمان كانت مخطوبه فعلا لابن عمها ،،،، خدت صدمه عمري وكفرت بالحب عملت زيك بالظبط سيبت البلد كلها وسافرت خمس سنين مش عاوز ارجع ،،،، بس ربنا سبحانه وتعالي بعتلي اجمل جنيه في الدنيا ،،، اتعلمت الحب الحقيقي علي ايدها ،،، علمتني لما حاجه تروح مني محزنش عليها بالعكس ارضي ،،، فتتفتحلي ابواب الجنه كلها ،،،، اللي عاوز اقولهولك ياادم ،،، يمكن يكون نصيبك مش اسيل بس مش معني كده ان دور قلبك خلص ،،،، اوعي اي حاجه في الدنيا تخليك تكفر بالحب ،،،،،
ادم بحيره #عمو صدقني انا محتاج حنين معايا
ربت علي ساقه # طول عمرك وانت شايف حنين اختك ،،، ايه اللي جد دلوقتي
سؤال واضح بشده ومستحيل ان يجيب عنه لانه للاسف يستغل معرفته انها تحبه قال بمراوغه
#محدش بيفهمني زييها
#اسمع ياادم ،،، يوم مااحس انك بتحب بنتي انا اللي هوصلها لباب بيتك ،،،، يوم مااشوف عنيك الدبلانه دي بتلمع زي ماشوفتها يوم خطوبتك علي اسيل هوافق ،،،، انت ابني وهي كمان بنتي ،،، لو وفقت دلوقتي يبقي بظلمكوا انتوا الاتنين
ادم بحنق #ياعمو انا مش هينفع اقرب منها الالو كانت خطيبتي رسمي ،،،، انا عمال أانب نفسي من ساعه ماروحتلها ،،،
تنهد ليث وقال #هسالها واشوف رايها وبطل تسرع متقولش لابوك الالما ارد عليك
ادم #طب حضرتك هترد امتي
ليث بضجر #هو انا يابني كنت بكلم الحيطه ،،، بطل تسرع بقي ،،،اوووم عدي قدامي اخليهم يحضرولك غدا
ادم بسرعه #لاء مش هينفع انا لسه مروحتش لازم امشي وهستني فون منك
قال جملته ليخرج من الغرفه والبيت باسره تنهد ليث
#وبعدين ياادم عاوز تودينا لفين
❤❤❤❤❤استغفر الله ❤❤❤❤❤❤
