دخلت غرفتها لتغلق الباب بالمفتاح وتتحرك ناحيه الشرفه اخرجت هاتفها لتتصل وياتيها الرد سريعا
#انتي فين يااسيل
اسيل باختناق #انا في كارثه ياتامر
تامر #كارثه ايه في حد عرف بعلاقتنا
اسيل #لاء بس ابن عمي خطبني
تامر بغضب #خطبك يعني ايه وانتي ازاي توافقي علي كده
جلست علي طرف فراشها وقالت ودموعها تجري
#يعني تفتكر هيبقي بمزاجي بقولك ابن عمي وبابا بيقول مش هيخسر اخوه بسببي
قال بحده #بقولك ايه الكلام الفارغ ده ميمشيش معايا انتي بتعتي انا وبس فااااهمه
شهقت بقوه #اعمل ايه ياتامر
#طيب اهدي شويه وفهميني بقي ابن عمك ده بيشتغل ايه
#بيشتغل ايه دا لسه في الكليه قدامه سنه ويتخرج
قال بسرعه #انا لازم اشوفك مش عارف اتكلم فون انا
#مش هينفع دلوقتي خالص علي الاقل لحد ماادم يروح كليته وكمان مش هعرف اتصل بيك انت مش متخيل انا عشان اكلمك قافله باب الاوضه بالمفتاح
# قولي بقي انك مش فارق معاكي تشوفيني
قالت بسرعه # لاوالله بس مش عارفه اتحرك
#اسمعي بقي انا لازم اشوفك بكره
#مستحيل العيله كلها عندنا بكره
#قلتيلي بقي ،،،
#تامر من فضلك متفهمش غلط انا اصلا مش طيقاه حرام عليك بقي
#طيب يااسيل اما نشوف اخرتها
قال جملته ليغلق الهاتف قالت بلوعه
#تامر طب متزعلش
القت الهاتف علي الفراش لتنفجر باكيه ،،،
علي الطرف الاخر وضع تامر الهاتف علي الطاوله ليزفر بضيق عادل صديقه
#ايه يابني مالك قفلت كده مره واحده
اشاح بيده #والنبي سيبني ياعادل انا مش فايقلك
عادل بمرح #ايه الموزززه زعلتك
فرك تامر ذقنه وقال
#الزفته اتخطبت
#اوباااا. يعني بومبه يامعلم
تامر بضيق #لفلي سيجاره عاوز اعدل دماغي
انتهي عادل ليناوله اللفافه ليشعلها تامر وينفث دخانها
تامر #مش هسيبها
عادل #يعني هتعمل ايه البت دي عيلتها كبيره ياتامر
نفث تامر الدخان وقال بضيق
#اه يااخي الواحد قال هي دي اللي هتطلعه من الفقر
عادل #ليه وانت كنت ناوي تتجوزها
تامر #اتجوز ايه انا بتاع الكلام ده ،،،،الحكايه بس هطلع من وراها بقرشين ،،،،يابني داابوها ملياردير
عقد عادل ذراعيه #طيب والملياردير ده بقي هيدفعلك علي ايه يافالح
نفث دخان اللفافه ليقول
#انت شيفني عبيط انا بقالي سنتين ماشي معاها هي صحيح مثلت الاحترام شويه بس مخدتش في ايدي غلوه
ربت علي كتفه #واهي راحت في الوبا
هز تامر راسه #لاء لسه اصبر بس وانت تشوف
عادل باهتمام #طيب فاهمني
هب تامر واقفا وقال بسرعه #هفهمك بعدين انا لازم امشي
عادل بغيض #تمشي فين يامسطول انت قاعد في بيتكوا
تامر ضاحكا #تصدق صح
عادل #انا ماشي سلام
تابعه تامر ينصرف لتخفت ضحكاته ويهمس بشر
#انا وانتي والزمن طويل يابنت الحداد ان ماجبتك تبوسي رجلي هنا مبقاش انا تامر الراوي
❤❤❤❤❤صلي على محمد ❤❤❤❤❤
