فهد بجديه #شوف يامحمود احنا جينا النهارده عشان نطلب تقي لاحمد ابني ،،، احمد لسه في الكليه قدامه سنه كمان وهيتخرج ان شاء الله
محمود #كفايه انك شرفتنا يافهد باشا ،،،
فهد #باشا ايه بقي احنا هنبقي اهل
محمود #نسبك يشرفنا ويرفع راسنا لفوق
فهد ببتسامه #الله يعزك يامحمود ،،،، اسمع بقي تقي دلوقتي بنتي زي نور بالظبط ،،،
اخرج احمد علبه من القطيفه وقال باسما
#دي هديتي لتقي يارب تعجبها
وقف محمود ليربت علي كتفه وقال باسما
#ادهلها انت يابني ،،، يا تقي تعالي يابنتي
جلس لتتعلق عيناه بها فور خروجها ياالله تلك التقي بالتاكيد واحده من حور الجنه التي قرا عنهم ،،،، صوره حيه بشده بثوبها البسيط بلونه البني وخماراها بلون العسل كلون عيناها الخجله الحمره التي كست وجهها لتتحرك ببطء وهي تركز بصرها علي ماتحمل صنيه مليئه بالمشروبات مال فهد علي اذن احمد
#زوقك حلو زي ابوك
خرجت نور وتبعتها فرحه من الداخل
زوجه الاب #منورين البيت والله
فرحه #البيت منور باهله
زوجه الاب #قدمي العصير ياتقي
تقي تقريبا ترتعش وتتصبب عرقا في ان واحد تنظر تحت اقدامها خشيه التعثر يحنقها الخجل وتخشي رفع عيناها فقط تري الاحذيه اللامعه في الارض وصلت لتمد الصنيه قليلا فيتناول فهد
فهد #شكرا
تحركت قليلا بنفس الخطوات لتمد الصنيه فيتناول منها ناصر
#مبروك
هزت راسها دون رفع عيناها ثم تحركت لتصل عند احمد الذي هب واقفا ليربكها علي ارتباكها ثم زغروطه اطلقتها زوجه ابيها لتنتفض وتسكب الصنيه كامله علي جاكيته لتتناثر الاكواب في الارض وتتكسر محدثه دوي عالي لتهمس باختناق
#انا اسفه
لتهرع للداخل في حين اجتمع اباها وزوجته في محاوله بائسه لتنظيف الجاكيت محمود بارتباك
#معلش يابني اصلها لبخه
هو فقط عيناه تتبع الجميله الخجله الذي الجمها الموقف برمته ولم يسمع منها الاجمله اسف بصوتها الرقيق
احمد #خلاص ياجماعه حصل خير
فرحه ضاحكه #تعيش وتاخد غيرها
نور #احمد ربنا ان بابا مقلش عاوز قهوه
ناصر #اه كان زمانك اتشويت
فهد ببتسامه # بتحصل
خلع احمد جاكته بعد الحاح من زوجه ابيها وناوله لها احمد
#والله مفيش داعي
فهد #نتكلم بقي في المهم ،،، دلوقتي مهر تقي
قاطعه محمود #فهد باشا ،،، انا عارف ان احنا ناس غلابه ،،، ومش قد المقام ،،، بس تقي دي نور عيني اللي بشوف بيها ،،،، انا مش عاوز مهر ،،، انا بديك بنتي امانه في رقابتك واللي اامنه علي بنتي مش هدور وراه
فهد باعجاب #ربنا يبارك فيها ،،، بس دا شرع ربنا وحقها ،،،،انا هجيب لاحمد شقه خاصه بيه ،،،وهو هيفرشها من فلوس شغله
محمود #شغله مش هو لسه في الكليه
فرحه #انا ولادي رجاله ياعم محمود ،،، احمد بيشتغل من سنتين ،،، ابوه يسنده اه لكن يعتمد عليه لاء ،،،، ابني لو ميعرفش يفتح بيت مش هخطبله
محمود بانفعال #ماشاء الله ربنا يبارك فيكوا ،،، متأخزنيش ياست هانم ،،، بس
فرحه #عارفه قلقان ،،، كلنا ولاد تسعه ياعم محمود ،،،، نور صاحبه تقي من كام سنه ،،، لما سالتها قالتلي تقي عندها اخلاق ودين اغني مننا كلنا ،،،، وهو ده اللي يهمنا ،،،،
تنهد محمود بارتياح #ربنا يجبر خاطرك
احمد #طب انا ممكن اتكلم معاها
ابتسم محمود #مش هتنطق بولا كلمه بعد اللي عملته
نور #انا هدخل اجيبها بعد اذنك ياعمو محمود يقعدوا في الصاله قدامنا
هز محمود راسه ليتحرك احمد ليجلس علي احد الارائك دقائق ودخلت هي لتجلس في نهايه العرفه بجوار الباب
#طيب اجيب ميكروفون عشان اكلمك
فركت كفيها بتوتر
#مهو اااالبيت مش كبير انا سمعاك
احمد #طب علي الاقل نشوف بعض من قريب
قال جملته وتحرك هو ليجلس علي المقعد امامها بجوار الباب مستمتع بشده بخجلها الذي حول وجهها بالكامل للون الاحمر
# علي فكره من حقك تشوفيني انتي كمان واشوف عنيكي
رفعت عيناها ليطل ببحر عسل ممتع ،،، لحظه واحده فقط لتخفض بصرها مره اخري
#انت بتحمرقي علي فكره ،،، انا ملحقتش
قالت بصوت هامس مرتعش
#هوااااا نا ااا
#ممكن تعلي صوتك شويه
بلعت ريقها بصعوبه
# اقصد انا اسفه عشان الجاكيت
#ياستي فداكي الف جاكيت
فركت كفها وقالت بتوتر وهي تتحاشي النظر اليه
#،هو ااانت يعني اختارتني انا ليه
تنهد بقوه # عشان انتي خطفتي عيني
قطبت لترفع وجهها
#خطفت عينك ازاي يعني
# من واحنا صغيرين اتعودنا ان حرام نرفع عنينا في بنت لازم نحافظ عشان ربنا يحفظلنا البنوته اللي عندنا ،،، فكبرنا علي كده ،، غض البصر ،،، انت الوحيده اللي معرفتش اعمل كده معاها غصب عني عيني بصتلك ،،،، انا مشفتكيش الامرة واحده بس ،،، صليت استخاره ومن وقتها وانا حاسس انك نصيبي ،،،
#انت بتصلي وحافظ قران مش كده
تاملها باعجاب حقيقي
#الحمد لله بصلي بس مش حافظ زيك نور قالتلي انك خاتمه
قالت بحماس #ايوه انا ختمت وانا عندي تسع سنين ومعايا اربع قرات وكنت هكمل درسات
قال باعجاب #اللهم بارك ،،، طب ايه اللي يمنعك
هزت كتفها بعجز ليقول
#عاوزه تكملي مفيش اي مشكله ،،، انا لسالي سنه علي مااخلص ممكن ااقدملك
#لاء مفيش داعي شكرا ،،انا بس كنت عاوزه اكمل شغل يعني
تنهد #بصي ياتقي ،،، عاوزه تشتغلي انا ممكن اشوفلك شغل احسن ،،، بس مش هينفع تبقي واقفه في مكتبه في الشارع
قالت باختناق #مهو انا مش هينفع اشتغل الاكده ،،، انا معايا ثانويه عامه بس
#شوفي انا عارف انتي بتفكري في ايه ،،، بس اللي عاوز افهمهولك وتفهميه لعمو محمود بعد اما نمشي ، ، انا مش عاوز حاجه ،،،، احنا هنبني حياتنا مع بعض ،،، واحده واحده ،،، محدش بيجري ورانا ولاحد عاوز مننا حاجه ،،، اللي عاوز اقوله متحمليش عمو محمود اكتر من طاقته حجاتنا احنا هنجبها سوا ،،،، بس ادم يرجع بالسلامه ان شاء الله وانا هطلب من عمو محمود نكتب عشان نعرف نتكلم براحتنا وتعرفي تنزلي معايا تنقي اللي انتي عاوزاه ،،،
تعلم ان نيته طيبه ولكن شيء ما بداخلها جرح
قال بسرعه #انا زعلتك مش كده
قالت باختناق #لا ابدا ،،،، كتر خيرك
زفر بقوه #بصي ياتقي ،،، الماديات عمرها ماكانت اساس لحياه ،،،، انا اتشديت ليكي زي ماانتي شدني ايمانك وادبك واخلاقك ،،،، ودول عندي يسوي كنوز الدنيا كلها ،،،،، ولما قعدت معاكي اتاكدت ان انا اختياري صح جدا ،،،،
#ايه يااخ ابوك عاوز يمشي
رفع احمد عيناه لنور ليقول بغيض
#يخربيت الرخامه ،،، نور ناصر بينده عليكي
اقتربت نور لتجلس علي مسند مقعد تقي
#كلت ودن البت ،،، يجي ابو الهول يشوفك اول جمله مفيده قالها الخطوبه دي حاجه قرف
احمد وعيناه لاتفارق وجهه تقي الضاحك
#والله عنده حق صدقي عذرته
نور #طب يلا بقي عشان الوقت اتاخر
هب احمد واقفا ليناول تقي العلبه وقال باسما
#انا عاقل اهوه خدي يابنتي
نور ضاحكه #اصل ناصر فضحني عشان يديني الدبل ،،، متشفوفيش منظري وهو واقف في وسط الليفنج والعيله كلها موجوده وهوبيقول
#بحبك يانور
التف الجميع الي ناصر الواقف علي الباب احمد
#يابني انت مبتسترش في حته
ناصر #يابابا انا بقولها في وجود محرم عشان حرام
احمد #يابني اصلا مينفعش برضه حرام
وضع ناصر يده علي كتف احمد
#ايدي علي كتفك ونخليها حلال
مالت نور علي اذن تقي
#بيصطاد في الميه العكره وش
تعالت ضحكات تقي لتضع يدها علي شفتيها دفع احمد ناصر ليقول بغيض #عدي يلا مش قلتوا هنروح
خرج ناصر لتتبعه نور احمد بتحذير
#اياكي تضحكي الضحكه دي تاني قدام حد مفهوم
حركت رموشها بسرعه وهي تحدق بوجهه ليهمس
# اصل ضحكتك حلوه اوي ،،،
قال جملته وخرج من الغرفه ليتركها غارقه حتي اذنيها بخجلها ومشاعر غريبه تمر بها للمره الاولي
...........................................................
