الاجواء صاخبه حوله موسيقي عابثه وفتيات تتراقصن وفتيه يتمايلون وعيناه فقط تبحث عنها في وسط هذا الجمع اخيرا لمحها تقف في وسط مجموعه من الفتيات والفتيه وتضحك اقترب بخطي واسعه لينتزعها بعنف
،#اتفضلي قدامي
#سيب ايدي ياادم انت اتجننت
وقف امامه احدهم
#انت ازاي تمسكها بالشكل ده انت فاكرنا مش رجاله ولاايه
ادم بغضب#الراجل هو اللي يحافظ علي البنات مش يسيبهم عرضه بالشكل ده
احدهم #وانت مالك انت سيبها احسنلك بدل مش هتطلع من هنا سليم
ازاح ادم اسيل الباكيه خلفه وقال بتحدي
#وريني مش هتطلعني من هنا سليم ازاي
تجمع حوله البعض وبدا ادم يركل ويلكم فيهم نعم تغلب علي المعظم ولكن احدهم ضربه علي راسه ليشعر بالدوار حاول التماسك قدر الامكان ولكنه شعر بالدماء تسيل علي وجهه لحظه فاخري وانفض الجمع حوله ليري من خلال تشوشه احمد وناصر واسر لحظات وانتهت المعركه احمد بقلق
#انت كويس
ادم #انا كويس ،،، انتوا جيتوا ازاي
اسر #انت طلعت تجري ياادم
احمد # اسر اتصل بيا وقالي
التف اسر الي اسيل الباكيه وقال بحده
#عجبك كده ياست هانم انتي السبب في ده كله
احمد #بالعقل يااسر مش كده
اسيل باختناق #هو انا عملت ايه غلط انا واقفه في وسط اصحابي ادم هو اللي فضحني قدامهم وبعدين انا اخده اذن ماما قبل ماانزل
اسر بغضب #وقولتلها بقي ان سيادتك رايحه عيد ميلاد في ديسكوا ،،، قسما عظما ان ماخرستي دلوقتي لكون مكسر دماغك
ادم بجديه #اقفل علي الموضوع ده يااسر انا ليه كلام تاني مع عمو مأمون
احمد بقلق #ادم انت بتنزف
ادم #انا كويس يااحمد متقلقش
اوقف ادم السياره امام فيلا مامون ليترجلوا جميعا للداخل
#ادم ايه اللي عمل فيك كده ياحبيبي
تطلع ادم الي جومانه التي تجري نحوه
ادم #مفيش ياطنط انا كويس هو عمو هنا
اسر #الست هانم كانت في ديسكوا ياماما لولا ان انا اتصلت بصحبتها وهي اللي قلتلي الله اعلم بقي كان ايه اللي حصل
اسيل باختناق #ياسلام بقيتوا كلكوا دلوقتي الابطال الخارقين وانا اللي وحشه مش كده ،،، وصاحبتي بقي اللي قالتلك مكاني يااستاذ اسر سيادتك بتكلمها ليه
اسر بغضب #انتي هتساوي نفسك بيا يازفته انتي ولاعاوزه تطرمخي علي المصيبه اللي عملتيها
#مسمعش صوت كلب فيكوا
التف الجميع الي مامون الواقف خلفهم
مامون بغضب #الله الله علي التربيه واحده رايحه ديسكوا والتاني بيكلم بنات
اسر بارتباك #يابابا مش بكلم حد
اسيل #كداب دا كل يوم يخرج مع واحده
وقف مامون امامها وعقد ذراعيه
#وسيادتك بقي
قالت بارتباك #اااانا معملتش حاجه عيد ميلاد صاحبتي واستأذنت ماما
صفعه علي وجهها من يد جومانه لتقول الاخيره
#وانتي قلتي ان عيد الميلاد ده فين انطقي
سقطت دموع اسيل #فففي بيتها بس لما رحنا قالت ان باباها عملهالها في الديسكو عشان المكان يكفي
جومانه بصراخ #فتقومي تروحي من غير ماتقولي لحد مش كده ،، هي دي ثقتي فيكي
مامون بقلق #اهدي ياجومانه غوروا علي اوضكوا
ادم #انا هستأذن ياعمو
مامون #استني ياادم انا عاوزك تعالي معايا
تحرك ادم خلف مامون للمكتب ليغلق الاخير الباب
اجلسه ليخرج علبه طبيه من احد الادراج ويبدا بتطهير جرح راسه مامون
#اولا حمد لله علي السلامه ،،، ثانيا معلش علي اللي حصل
ادم بحرج #ممحصلش حاجه ياعمو وبعدين خف ايدك شويه انت ايدك تقيله اوي
ابتسم مامون #ماشي يابن فهد
ربط مامون راسه وجلس امامه وقال بجديه
#فهمني بقي انت ايه حكايتك
#حكايه ايه ياعمو
قال بغيض #ولا انا بحب فيك انك دوغري ملكش في اللف والدوران انا ملاحظ كده ان في حاجه بينك وبين اسيل
ادم بسرعه #ابدا والله ياعمو انا بخاف من ربنا
عقد مامون ذراعيه وقال بغيض
#هو انا قلتلك انك بتغضب ربنا اللي عاوز افهمه ياادم انت مهتم باسيل بالذات حاططها تحت عينك ودا مش من دلوقتي دا من وانتوا صغيرين ،،، اللي عايز اعرفه حاجه واحده بس اسيل بالنسبالك زي نور وحنين ولا ليها مكانه مختلفه
ادم بحرج #لاء طبعا ليها مكانه مختلفه انا بس كنت مستني اتخرج وهي كمان تكون دخلت الكليه عشان اعرف اتكلم بقلب جامد
تنهد مامون #سالتها عن مشاعرها هي
#لاء ياعمو وعمري مالمحت حتي انا مش عاوز اعمل حاجه حرام انا عاوز ربنا يباركلي فيها
ربت مامون علي كتفه
#ربنا يباركلي فيك ياادم ،،، طيب ماتكلم الزفت التاني
ادم #ياعمو والله كلمته بس الحكايه مش زي ماحضرتك فهمت الموضوع كله ان اسر بيحبها بس انا قلتله بلاش تتكلم معاها وهو فعلا بطل هو اتصل بيها بس عشان يعرف مكان اسيل ،،،، عمو انا عارف ان اسيل غلطت بس مفيش حد مش بيغلط وهي اول مره تعملها وانت قلبك ابيض بقي
مامون بجديه #اللي غلط لازم يتحاسب والاهيحس ان غلطته ولاحاجه ويكررها
ادم بارتباك #طب انت ايه رايك في الموضوع اللي اتكلمنا فيه بتاع اسيل
مامون بدهشه #انت يابني مش قلت اما اخلص
ادم بسرعه #لاء مهو خير البر عاجله بقي نعمل خطوبه وكده يعني
مامون #يابني دي لسه في ثانوي اصبر شويه وبعدين انا لسه معرفش رأيها
ربت علي كتفه#انت الخير والبركه ياحبيبي انا هروح اكلم بابا ونيجي نطلبها بكره
قال جملته وتحرك ليخرج من الباب هز مامون راسه وقال بحنق
#انت يلا ،،، الواد ده بيدبسني ولاايه
❤❤❤❤❤❤صلي علي النبي محمد
