#الحكايه دي مش داخله دماغي يانديم
فهد ومامون مخبين حاجه
تنهد نديم #انا كمان حسيت كده ،،، قلبي مش مرتاح
#انت مشفتش شكل جومانه ،،، عنيها مليانه دموع وزي ماتكون نفسها تتكلم ومش قادره انا اول مره اشوفها كده
#مامون كمان هيموت عليها عارفه فتح عنيه سال عليها وغمضها تاني متكلمش الالما فهد اجا
#انا خايفه عليهم اوووي يانديم ،،
ضمها الي صدره وقال
#اللي ربنا كتبه هو اللي هنشوفه ،،،،ادم هو اللي وجعلي قلبي ،،،، الواد مكسور وعينيه مليانه حزن
هزت راسها موافقه #انا كنت فكراه زعلان عشان اسيل اتضح انه زعلان منها
#الصراحه حقه يزعل ،،، مكنتش ادتله امل كانت قالت لاء من الاول
#كلنا كنا شايفين انها مش موافقه يانديم
#مش عارف تحسي الموضوع كده متلخبط وفيه حاجه غريبه
#مش عارفه ليه حاسه ان اسيل تعرف حد ابوها عرف ضربها وامها اتصدمت
قال بعتاب #استغفري ربنا ياماسه ،،، بلاش الشيطان يلعب في دماغك دي محصنه متجبيش سيرتها انتي عندك بنت
#استغفر الله العظيم مقصدش ،،،، بس الموضوع كده ميطمنش
ربت علي شعرها #سيبيها علي الله ،،، انا هروح بكره البيت عند فهد بدري اتكلم شويه مع ادم ،،، حسه موجوع الولد كانت عنيه بتلمع بالحب ،،،ومحدش هيبقي فيقله ،،، دا تقريبا كلهم عند مامون
اعتدلت ماسه وقالت بخضه
#يانهار ابيض انس انا نسيته ازاي الولد طول اليوم لوحده
ربت علي خدها
#متقلقيش اسلام معاه
#وهو اسلام هيقدر عليه دا اسلام غلبان
هز راسه تفيا #اسلام اه هادي بس مش غلبان دا مبرمجه يابنتي ممشيه بالريموت
تنهد بقوه #علي العموم فوته عليه بكره يقعد مع العيال هنا طالما هتروح لادم
هز راسه موافقا ليقول
#ربنا يزيح الغمه يارب
#يااارب يانديم انا قلبي مش مطمن
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
#انا مش فاهمه لزمته ايه العند
#هو فين العند بس يافيروز
قالت بعصبيه #انت مش شايف شكلهم عامل ازاي كانوا روحوا ارتاحوا النهارده ياليث ،،، فهد وشه مخطوف وفرحه كمان
ربت علي خدها #مفيش مشكله ،،، هو انتي لسه هتعرفي فهد النهاردة ،،، فهد مش هيرتاح الالما يطمن
احتضنت وجهه وقالت #انا عارفه انك انت كمان قلقان ومكنش عاوز تمشي
تنهد بقوه #انا مش قلقان انا خايف ،،، خايف اوووي عارفه مامون ده تؤامي ،،، مامون لاقدر الله لوجراله حاجه
وضعت اصابعها علي شفتيه
#اشششش قول يارب اجعل المخبي لطيف ،،، انت مؤمن ياليث
#كان كويس اول امبارح ومكلمه فون وقولتله عاوزين نعمل شويه هيصه للعيال في الخطوبه عشان نفرحهم ،،،، قلي اسيل هتفرح،،،وادم كمان كان بيخطط نعمل بالونات كبيره ونعملهم كوشه صغيره في الجنينه ونجيب باند ايه اللي قلب الدنيا بالشكل ده في يوم وليله
#البنت مش عاوزاه ،،، هي اللي خسرانه صدقني ياليث ،،،، ادم مفيش زيه ،،، دا ابني ،،، كلهم ولادي ،،، يمكن عشان كده انا زعلانه من اسيل ،،،، مفيش حد هيصونها زييه ،،،، الولد بيحبها ياليث
#عارف ويمكن ده اللي خلي مامون يخرج عن شعوره بالطريقه دي البنت اديها الاتنين متكسره يا فيروز مامون عمره ماضرب حد من عياله وطبعا جومانه مستحملتش ،،، انا خايف اوي عليهم
#انت مش متخيل حاله جومانه عامله ازاي متكلمتش خالص
#مش قليله يافيروز دا ربنا نجاها من جلطه انا سالت الدكتور وقلي عجز رجليها ده مجرد وقت وهتبقي كويسه وترجع تمشي تاني
#ياااارب ياليث مفيش في ادينا الاندعيلها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
#مش هيحصل يافهد
حدق فهد في وجه مامون باستغراب
#هو ايه ده اللي مش هيحصل
مامون بجمود #هي اللي اختارت تتحمل نتيجه اختيارها
فهد بحنق #انا مش فاهم انت عاوز ايه بالظبط
#هجوزها رسمي
فهد بصدمه #تبقي اتجننت الواد ده لعب عليها لعبه وسخه وكل اللي عاوزه الفلوس ،،، مامون افهم مفيش بينهم علاقه
مامون بانفعال #وهي اللي قالتلك مش كده ،،،وصدقتها يافهد بأماره ايه ،،، باماره انها استغفلتني وعملتني ،،،،،،
قاطعه فهد بقلق #طب ممكن تهدي
غطي مامون وجهه بين يديه ليقول باختناق
#انا معرفتش اربي عيالي يافهد ،،،، بنتي ضربتني في ظهري بس ورحمه ابوك لاهربيها
ربت فهد علي كتفه #مش بالطريقه دي ،،،، مش هنريمها عشان غلطت يامامون استهدي بالله كده واستغفر ربنا
مامون باختناق #عارف اول مره اعرف ان ربنا بيحب عمك ،،،مات قبل مايشوف بنته كده ،،، متقهرش قهرتي يافهد ،،، امها بتموت انت مشوفتش وشها ،، وهي بتصرخ وتقولي بنتي متعملش كده ،،،
فهد بقلق #مامون احنا ماصدقنا الدكتور قدر يسيطر علي الصغط انت منتاش شايف عنيك عامله ازاي عشان خاطري اهدي
مامون # هربيها يامامون والله هربيها
فهد #طب اهدي وانا هعملك اللي انت عاوزه بس اهدي بص نام شويه عشان خاطري
مامون بالحاح #لازم تتربي عشان خاطري اعمل اللي بقولك عليه
فهد #حاضر هجيبه وهيكتب رسمي بس اهدي
#انا عاوز اروح لجومانه يافهد
#متقلقش فرحه معاها .
#انا عاوز اشوفها عشان خاطري
تنهد فهد باستسلام ليسند اخاه الي حيث غرفه جومانه طرق فهد الباب ليترجل كليهما للداخل هبت فرحه واقفه
#حمد لله علي سلامتك يامامون
#تعبتك معانا يافرحه ،،، تعبتكوا كلكوا
فرحه بعتاب #عيب عليك احنا اخوات
مامون #ربنا يديم المحبه
فرحه #ارتاح يامامون انت لسه تعبان
تحرك مامون ليجلس بجوار جومانه النائمه ليمسح علي شعرها بحنان
#معلش يافرحه انا محتاج اتكلم معاها شويه
فرحه # طيب بس متخلهاش تتكلم كتير عشان متتعبش يلا بينا يافهد انت كمان محتاج تاكلك لقمه
تحرك فهد وفرحه للخارج ليهمس بجوار اذنها
#انا عارف انك صاحيه
فتحت عيناها لتنهمر دموعها المختنقه طبع قبله علي جبينها لتهمس
#بنتي ،،، ليه يامامون آثرت في ايه ،،،ربتها غلط ،،، طب فهمني العيب فين
جلس علي طرف الفراش في مواجهتها
# العيب ان انا دلعتها ،،، العيب اني سيبتها براحتها ،،، العيب اني معرفتهاش طريق ربنا صح ،،،، العيب اني متوبتش عن اللي فات ياجومانه ،،، انا سيبته بس متوبتش وكان لازم اشوفها في بنتي ،،،، انا اللي بعدتك عن البيت
ربتت علي يده # متحملش نفسك اكتر من طاقتها يامامون ،،،،انا مش عارفه افكر ،،، مش قادره ابص في وش حد ،،، مامون انا خلاص بموت
قاطعها بلهفه #اوعي تقولي كده ،،، مش هعشها بعدك لحظه انتي هتقومي وكل حاجه هتبقي كويسه ،،،، الدكتور طمني وقالي بشويه علاج طبيعي هتمشي تاني
سقطت دموعها #مانا كنت بصحتي وعلي رجليا ومعرفتش اربي بنتي انا ام فاشله يامامون
ربت علي خدها ليمسح دموعها
#كل حاجه هتتحل ،،، عاوزك بس تقفي وتخلي بالك من نفسك
قالت بترقب #ااانت ناوي تعمل ايه يامامون
تنهد #هصلح الغلط وهعدل المعووج ،،،، هربيها من الاول وجديد ،،، متشغليش بالك انتي وقومي عشاني
طرق الباب تبعه دخول فرحه تحمل بعض الطعام
#يلا يامامون خليها تاكل وكل معاها
حمل مامون منها الطعام ليضعه امام جومانه
#يلا ياحبيبتي كلي
جومانه #ملييش نفس
فرحه#وبعدين معاكي بقي لازم تاكلي عشان تقدري تقفي علي رجليكي
مامون#فرحه بتتكلم صح يلا ياحبيبتي ،،، انا محتاجلك جنبي ياجو
ابتلعت جومانه اللقيمات تصحبها مراره بجوفها مازالت لاتصدق ان طفلتها الصغيره يمكنها ان تفعل ذلك ،،،، ورغم كل شيء وما تعاني منها الاان قلبها الاحمق ينفطر لتطمئن عليها رفعت عيناها الدامعه لمامون وهمست
# هي كويسه
مامون بعتاب # قسي قلبك شويه ياجومانه
فرحه #متقدرش يامامون مهما عملو برضوا هيفضلوا ولادكوا ،،، مهما قسيت برضه هتحن ،،، دي حجات بتبقي جوا القلب متقدرش تغيرها ،،،متقلقيش نور وحنين مسبوهاش واكلوها هتبقي كويسه
ربت مامون علي كتفها ليتحرك ناحيه الشرفه المغلقه فرحه
#مامون اسيل عيله صفيره غلطت ،،،
التف اليها وقال #لازم تتربي ،،،
فرحه # معترضتش ،،، بس خد بالك متقساش لدرجه تخليها عاوزه تهرب منك باي نار ترمي نفسها فيها ،،،، مش معني ان احنا نربيهم نهد حياتهم الجايه ،،،، وارد ان الكل يغلط ،،،بس ربنا مش بيقفل باب التوبه في وش حد ،،،،،كلنا بشر ،،، كلنا بنغلط ،،، عشان نتوب ونرجعله ونقوله سامحنا يارب
ارتمي مامون علي المقعد ليقول باختناق
#لو نور اللي عملت كده كنتي هتعملي ايه
فرحه بحزم #هعرف ان انا اللي مزرعتش فيها حدود ربنا صح ،،، اللي بيراقب ربنا في تصرفاته لما بيقع ويغلط وقعته بتبقي خفيفه ،،، مفيش حد مبيغلطش وانا ولادي مش ملايكه بيغلطوا عشان يتعلموا من غلطهم ،،،، بس كمان مينفعش نقفل باب الدنيا علي غلطه ،،،، لازم قرصه ودن بس متقفلش بابك في وشها ،،، عيالنا مهما كانت غلطتهم كبيره ،،، هيفضلوا عيالنا واسيل هتفضل بنتنا كلنا ،،، اه زعلانين منها بس مش لدرجه اننا نسبها لوحدها في ورطه زي دي ،،،
مامون#انتي اكتر واحده المفروض تزعلي علي زعل ابنك ،،،، انا مش قادر ابص في وشه ،،، ومش قادر انسي شكل عنيه اللي اطفت وهي بتقولي. بحبه ،،،،ااااه
فرحه #اسمع يامامون ،،،، ابني مجروح وموجوع منكرش ،،، هو كمان مش عارف يواجهك اه ،،، بس مش معني كده اننا نهد المعبد كله عشان هو اتجرح ،،،، ابني انا قلتله دواه فين ،،،، في الصلاه وذكر ربنا والدعا ،،،، ملوش خير فيها يبقي ليه خير في غيرها ،،، اسيل من الاول رفضت وكلنا شفنا ده وانت اجبرتها عشان متخسرش اخوك وابنه ،،،، وانا ابني راجل مش هيخسر عمه عشان بنته رفضته دي قسمه ونصيب ،،،، اللي عاوزه اقوله ،،، مش دلوقتي وقت الخصام ،،، وقت الخصام بعدين لما نلم الغلطه وتقف علي رجليها ،،،،
مامون #تتحمل نتيجه اللي عملته ،،، انا خلاص اتكسرت ومقدرش اشيل تاني
فرحه # تمام حقك تقول كده ،،، بس مفكرتش في حاجه مهمه
نظر مامون لها لتكمل
#انك اما تحملها النتيجه مش معني كده انك انت نفسك هتطمن عليها ،،،،برضه هتفضل شايل همها ،،، غلطتها كبيره منكرش ،،، بس مش معناها نرميها للمجهول وبدل ماتبقي غلطه واحده يبقي عندك ناصر جديد يخرج للدنيا ميعرفلوش اب ويبقي عايش وحيد بيتفرج علي اللي حواليه ،،،، ربنا عوض ناصر بأب بعد خمستاشر سنه يامامون ،،، هتضمن يعوض بنتك امتي ،،،، متصلحش الغلط بغلط اكبر منه ،،،، مينفعش تدي بنتك لواحد من عينه عدي السعدي ،،،، انت كده مش هتشد ودنها انت كده هتدمر مستقبلها كله ،،، عدي السعدي مكنش طمعان في فلوس ،،،، وكلب الفلوس ميتأمنش علي عرض
مامون بعجز #انا مش عارف افكر ،،، مش عارف اعمل ايه
فرحه #يبقي تهدي عشان متقعش تاني الدكتور محذر من اي انفعال وعشان الغلبانه دي متروحش مننا ،،،، وسيب كل حاجه لربنا يدبرها من عنده ارمي تكالك علي الله وقول اللهم اني لااسالك رد القضاء ولكن اسالك اللطف ،،،، قوم اتوضا وصلي وقول يارب ارشدني للخير ،،،،
تنهد مامون بقوه ليهز راسه موافقا ،،،، الاخوه المؤازره حتي وقت الغضب ،،،، هذا ما يفعله فهد لهم طوال عمره وهذا مااتقنته فرحه منه ،،،، فرحه هي حياه فهد ،،، فرحه هي من اخرجت فهد من عزلته وهي من انارت الطريق امامه ،،، ارشدته اصغرهم سنا اكثرهم نضجا علي الاطلاق ،،،،
❤❤❤❤❤❤❤❤❤❤❤❤❤❤
