#افردي وشك ده احسن لك ابوكي علي اخره منك
اسيل باختناق #ياماما هو الجواز بالعافيه
جومانه بضجر #انا زهقت منك اخلصي عمك نديم وعمك فهد وصولوا تحت انا نزله دقيقه وتنزلي وافردي وشك وعدي يومك يااسيل
#اوووف بقي
ترجلت جومانه للاسفل لتنقل بصرها الي الجميع وتستقر علي عيون رماديه قلقه ايمائه من رأسها فهمها هو ليزفر بارتياح ماسه
#امال فين العروسه ياجومانه
جومانه #ماانتي عارفه البنات ياماسه
نظرت ماسه الي زمرده وقالت ضاحكه
# لاء معرفهومش زمرده بتلبس في ثواني تميم اللي بيطلع عيني
ناصر #عينك انتي برضه ياماما
نديم ضاحكا #الواد ده بيكفر سيئتنا كلنا
رفع ناصر زمرده ليجلسها علي ساقه
#هو في في الدنيا زي زمرده هاديه وناديه وحبيبتي انا صح يازوزو
زمرده #صح ياابيه
اسلام # الله حلوه ابيه دي
ناصر #الاحترام يابني
نظر اسلام الي انس #سمعت الاحترام
اشاح انس يده #احترام مين ياعم
احمد ضاحكا وهو يشير الي انس
#انس اخويا قمه الاحترام في التاريخ
ادم #بابا هو عمو ليث اتاخر كده ليه
فهد #جاي في السكه متصبر
مال ناصر علي اذن ادم
#هي نور هتيجي معاهم ليه
ادم هامسا #كانت بايته مع حنين من امبارح
جلس اسر في وسطهم #بتنموا علي مين
ضربه ادم علي راسه
#احنا بنم يازفت ايه اخبار الكليه
اسر #فل يامعلم
ناصر #اه فل زي الصيني بعد غسيله
اسر بغيض #اخبار الكليه ايه يااسلام
ادم #اسلام ده العبقري بتاعنا ان شاء الله يبقي اكبر دكتور مخ واعصاب في البلد
ماسه #ربنا يبارك فيكوا كلكوا شاطرين ماشاء الله قليلي يافرحه هي نور ناويه علي ايه
رفعت فرحه يديها امامها
#متسقلنيش انا راي ولاليه لزمه في الموضوع ده
اشارت الي ادم واحمد
#وادي الدليل واحد شرطه والتاني دفاع جوي ماشاء الله بابوهم يعلنوا الحرب
ماسه ضاحكه #بس دي في ثانويا السنادي اكيد مقرره هي علي فين
فرحه #والله انا عملت اللي عليا ولبستها في علم علوم لعل وعسي تدخل طب صيدله مع حنين ربنا يسهل بس ويهديها
انحني ادم علي اذن احمد
#هي امك متعرفش نور
احمد #قسما بالله لونفذت اللي في دماغها
ادم بتحذير #هتعمل ايه يعني
احمد بصوت عالي #وراها وش
نظر الجميع الي احمد ليقول بحرج
#معلش دي كلمه كانت علي لساني بس
#عمو ليث جه
نظر الجميع ناحيه البوابه ليث في المنتصف وتتعلق بيديه فيروز و نور وحنين وحسام يمشون خلفهم اسرع تميم وزمرده ناحيه حنين لتنحني وتعتنقهم
#حبايبي وحشتوني خالص
ماسه #سبحان الله البت دي بقت نسخه من فيروز
نظرت فرحه ناحيه ادم بأسف لتتنهد بقوه
#فعلا حنينه اوي وقلبها زي الجوهره
هب ناصر واقفا ماان دخل الجميع لتذهب عين ماسه الي حيث يركز انتباهه
اسر بهمس في اذن احمد #مين الصاروخ اللي مع حنين دي
ضربه قويه علي ظهره جعلته ينحني للامام ليهمس احمد
#احترم نفسك ياحيوان دي نور
اسر بذهول #يااااراجل قول كلام غير كده
صوت صكيك اسنان ناصر جعلهما ينظران له لينجني علي اسر
#انت تلم لسانك ده خالص او تمشي من هنا احسنلك
اسر #لاحظ انك بتطردني من بيتنا
جومانه #ماشاء الله اللهم بارك ايه الجمال ده يانور
نور باسمه وهي تشير الي حنين
#دي ااقل حاجه عندها
مامون #تصدقي صح الفستان ده من المجموعه الجديده
نور بغيض #في ايه ياعمو انت هتسيحلي في المنطقه ماجميع حريم العائله بيلبسوا من عندك
انحني ليث علي اذنها ليهمس
#مهو مش حاسبك في الحريم
نظرت اليه نور شذرا ليقول حسام
#ممكن تعتقيني بقي وتسيبي دراعي عشان اسلم علي الناس
نور بغيض #اخرص ياحيوان انت لواتحركت هقع
جلس الجميع ماعدا نور وحسام ناصر بحده
#انت واقف كده ليه ياحسام ماتقعد
نظر حسام الي نور وقال بتردد
#لاء انا مرتاح كده
هب ادم واقفا واقترب منهما ليهمس حسام
#خد ياعم اختك طلعت عيني مش قد الكعب بتتنيلوا تلبسوه ليه
نور بحنق #طيب ياحيوان انا اكبر منك بسنه ياواطي
ادم #قسما بالله انا عارف انك هتبوظيلي الليله
نور ببراءه مصطنعه #انا اسحب يابني وقعدني جنبك
تحرك ادم بها لتجلس علي المقعد الفارغ بجواره
نور #امال فين اسيل ياطنط
مامون #اطلع استعجلها يااسر
هب اسر واقفا ليصعد للاعلي ادم
#بس ايه الجمال ده يالعبتي
نور وهي تنظر بعيون حنين الدامعه
#البركه في حنين ربنا يبارك في عمرها
نظرادم الي حنين لتتلاقي رماديته بزرقتيها اللامعه بالدموع شيء ما وخذ قلبه لو تدرك فقط انها غاليه عنده يحبها كنور واكثر حنين دوما كانت المؤازره له علي طول الخط منذ كانا اطفال تنهد بقوه وحاول تخطي التوتر
# تسلم ايدك داانتي بدلتيها خالص
ابتسمت بفتور #نور اصلا زي القمر ووومبروك ربنا يسعدك
#شكرا ياحنين عقبال مانفرح بيكي
اشاحت حنين وجهها لتتلاحم نظراتها مع فهد يقف ليجلس بجوارها يضم كتفيها بذراعه
#هاه حبيبتي ايه اخبارها
حنين #الحمد لله ياعمو تمام وطنط فرحه مش سيباني بصراحه اي حاجه مش بفهمها بتشرحالي
فرحه بحب #داانتي بنتي ياحنين
فيروز #ربنا يديم المحبه يافرحه الف مبروك ياادم امال فين اسيل
مامون #نزله حالا
فهد بجديه #ربنا يبارك في لمتنا ديما يارب دلوقتي ادم بيخطب اسيل المهر والشبكه
قاطعه مامون #في ايه يافهد
فهد #دا جواز يامامون ودا حقها
ليث #فهد بيتكلم صح يامامون
فهد #الشبكه اللي تنزل تختارها والمهر
قاطعه مامون #لاء كده حلو اوي المهر يفرشوا بيه بيتهم يافهد
#العروسه وصلت
نظر الجميع الي اسيل المتجهمه ليعلق ليث
#في عروسه تبقي مكشره كده
ابتسمت ببرود لتتحرك نور وتجلس علي مسند مقعد ادم
#تعالي يااسيل اقعدي هنا
جلست اسيل بجواره لتزفر بضجر ماسه باستغراب
#ايه يابنتي مفيش حتي اذيكوا
اسيل بسماجه #ازيكوا
تبادلت ماسه النظرات مع نديم لتنظر الي جومانه التي تسلط علي اسيل نظره يتطاير منها الشرر هبت واقفه بجوار جومانه لتهمس
#بنتك مالها ياجومانه هي مش موافقه ولاايه
جومانه بسرعه #ابدا هي بس كانت تعبانه امبارح
نظر ادم لاسيل
#مالك سلامتك
#انا كويسه شكرا
اخرج ادم من جيبه علبه من القطيفه الزرقاء وقال باسما
#دي هديه صغيره لحد مانتزل نجيب الشبكه تعالي يانور لبسيهالها
اسيل بضجر #هبقي البسها بعدين شكرا
نور بغيض #طيب هطلع انا اشم شويه هوا تعالي ياحسام
حسام بغيض #اعتقيني بقي لوجهه الله
نور بحنق #انا اكبر منك بسنه يعني تحترمني فاهم
اسلام #طب منفعش انا
نور #انت حبيب قلبي اصلا تعالي يابني
تعلقت بذراعه لتتحرك ببطء وتتابعها عيون زرقاء وهج عسلها يشتعل مامون
#ماتيجوا نقعد كلنا في الجنينه ياجماعه وهو ادم يتكلم شويه مع اسيل
خرج الجميع ليجلس ادم مع اسيل علي مقعدين وحدهما ادم
#مالك يااسيل في ايه .
نظرت امامها وقالت بضجر
#مفيش مالي
#الكل ملاحظ انك متغيره اسيل لوانتي مش موافقه عادي علي فكره لكن متحسسنيش ان انا مفروض عليكي
عقدت ذراعيها وقالت بحنق
#عاوزني اعمل ايه يعني ارقص
#انا مقلتش كده بس عاوز افهم انتي ايه اللي مغيرك
قالت بضيق #هو انت تعرفني عشان تعرف انا متغيره ولالاء
حدقها للحظه ليزفر بقوه
# احنا متربين مع بعض
#عادي بس انتوا ديما بعيد فانت متعرفنيش
قال بعصبيه #ممكن اعرف انتي بتبصي علي ايه بالظبط .وليه مردتيش تلبسي الهديه بتاعتي
التفت اليه لتعقد ذراعها
#افتكر المفروض ان سيادتك اللي تلبسني الهديه انا معنديش جرب
تامل عيناها البنيه الواسعه وشعرها بلونه البندقي الجذاب
#لاء طبعا مينفعش ،،، حرام المس ايدك وانتي لسه مش مراتي
زفرت بضيق #اوووف وطبعا هتقولي البسي الحجاب والبسي طويل و
قاطعها #انتي لسه في حكم عمي انا ملييش كلمه عليكي بس طبعا هبقي مبسوط جدا لو عملتي ده من نفسك
قالت بضجر #لاء طبعا
تنهد بقوه #قدامنا لسه وقت عشان اقنعك انا عاوز في الفتره دي نعرف بعض
#اه ان شاء الله
قالت جملتها واخرجت هاتفها وبدات تلعب
#انتي بتعملي ايه
#القاعده تزهق بتسلي شويه
لم يكن هذا ماتوقعه لم يكن حلمه هي فقط محقه في امر واحد انها لاتعرفه لذا سيمنحها الفرصه الكامله لتعرفه ولتحبه هكذا اقنعه قلبه
#طب بقولك ايه متبعتيلي اللعبه دي واهو نلعب سوا
حدقته بذهول #انت هتلعب كاندي كراش
#علي فكره لعبتها اول ماطلعت وبعدين انا بلعب عادي
#مش متخيلاك بتلعب زيننا
قال باسما #لاء بلعب عادي علي فكره بس بحب العب بابجي الاجازه اللي فاتت قعدنا في بيت الحداد نلعب كلنا لما اتلقينا عمو ليث فوق دماغنا بيقولنا ان الفجر اذن ،،، انتي بتصلي مش كده
#سعات
قطب #سعات ازاي يعني
تابعت اللعب مره اخري
#يعني سعات بنسي
ابعد الهاتف عنها وقال بجديه
#الصلاه مفهاش بنسي اوعديني تصلي الصلاه بصلاتها
ابعدت يده لتتلامس الايدي
#ان شاء الله سيبني بقي اكمل الدور
ابعد يده بسرعه وقال # هتصل بيكي افكرك بالصلاه خدي بقي اكتبيلي رقمك
نظرت اليه وقالت #ليه هو انا رقمي مش معاك
#لاء انا مش معايا ارقام بنات علي الفون الاماما ونور وطنط ماسه وطنط فيروز حتي رقم طنط جومانه مش معايا
#ليه بقي
#عادي مجتش فرصه اخده
#لاء مقصدش كده ليه مش معاك ارقام بنات دا فون اسر كله ارقام بنات
تنهد بقوه #انا بخاف ربنا انا عندي اخت بنت واللي هعمله اكيد هشوفه فيها
بلعت ريقها بصعوبه لتتامل ادم بمظهره الرجولي ووسامته الطاغيه ،،، عيون بلون الغيوم شعر اسود قصير ولكن تظهر نعومته بشره برونزيه جذابه انف مسنقيم وفم مكتنز جذاب ،،، وبدات الصوره تقارن بتامر فالاخير يحمل بشره بيضاء عيون بلون العسل شفاه حمراء نظرا لبشرته شعر كستنائي ناعم وطويل نسبيا شتان بين الاثنين ادم جاذبيته الرجوليه اعلي من وسامته ،،، ادم من عالم مختلف
#هااااي سرحتي في ايه
حركت رموشها بسرعه وقالت #ولاحاجه
#شوفي يااسيل انا عارف انك مستغربه الموضوع عشان انا يعني مش بتكلم
#انت عمرك مالمحت ...دا غير انك علي طول بتتجاهلني
ابتسم #عشان بخاف عليكي مكنش ينفع اتكلم الالما ابقي قد الخطوه دي الحمد لله انا السنه الجايه هتخرج وهتعين علي طول دا غير ان انا بشتغل من اعدادي وبحوش فمعايا فلوس بكفايه
#طب ماهو عمي
قاطعها #لاء البيت هيتفتح بفلوسي مش بفلوس بابا ربنا يباركلنا في عمره يارب بس دي حياتي انا
#ولزمته ايه التعب طالما عمو معاه كفايه
ابتسم #لزمته اني احس بقيمه حياتي اللي يجي سهل يروح سهل
#انا مش فهماك بصراحه
#واحده واحده هتفهميني انا رايح الكليه بعد بكره ان شاء الله نتكلم فون لحد ماارجع الشهر الجاي مش هتجيبي رقم الفون بقي
فتحت هاتفها لتتصل به وقالت بسرعه
#علي فكره انا معايا كل ارقام العيله
#تمام متقلقيش انا هستأذن عمي اني اتكلم معاكي
قال جملته وتحرك ناحيه تجمع الكبار لتهمس بحنق
#ماله ده هيستأذن عشان يكلمني في الفون
عند نور وقفت تستند علي احدي الشجيرات لتهمس بضيق
#اوووف يخربيت الكعب العالي واللي اخترعه
اسر #مالك سانده علي الشجره كده ليه
نور #الزفته الجزمه وجعالي رجلي
اسر ضاحكا #اتريكي مش عارفه تمشي وانا اللي بقول البت بقت انثي
رفعت سبابتها وقالت بتهديد
#انت تحترم نفسك ماشي
#طب هاتي يافالحه الجزمه وانا هسربهالك جوه واجبلك حاجه فلات من بتاعه اسيل
اشاحت بيدها #لاء ياعم هيبقي شكلي زفت
اقترب اسر خطوه وقال ضاحكا #اقلعي يابنتي بلاش عبط
#الله الله هي حصلت ياسي اسر
رفع اسر ذراعيه للاعلي التف ليري ناصر قال بخضه
#يخربيتك سرعتني هو في ايه يابني
امسكه ناصر من تلابيب ثيابه ليقول بغضب
#في ايه دا ايه انت اتهبلت في عقلك ازاي تقولها كده
اسر باختناق #سيب بس الله يهديك يابني انت فاهم غلط هتخنق
نور#سيبه ياناصر من فضلك
دفعه ناصر فكاد ان يقع واقترب خطوه واحده
#مبسوطه سعادتك بالمسخره وقله الادب مش كده
نور بغضب # انا مسمحلكش تكلمني بالطريقه دي انت فاهم ولالاء
اسر #ناصر متكبرش الموضوع الحكايه متستهلش
ناصر بحده #هو ايه اللي ميستهلش اما انت صحيح بني ادم مهزء
#ايه الحكايه ياناصر صوتك عالي كده ليه وانتي واقفه كده ليه يانور
تحركت نور بصعوبه تجاه احمد لتقف امامه وتقول باختناق
#مفيش يااحمد بس الجزمه ديقه علي رجلي فاسر قالي اقلعها وهو هيجبلي واحده من عند اسيل
احمد #طب ايه المشكله
نظرت نور الي ناصر #اساله
ناصر بارتباك #انا اسف يانور اسف ياسي زفت
احمد #خلاص حصل خير وبعدين من امتي يعني بتلبسي كعب عالي
نور بغيض #ماانتو ا اللي قرفني قصيره قصيره
احمد ضاحكا #لاء وانتي كده طولتي صح
ضربت قدمها بالارض وقالت بتذمر
#اوووف بقي ،،،
ناصر باسما #علي فكره انتي مش قصيره للدرجادي انتي طولك حلو
وكزه احمد #خف ياعم النحنوح
اسر #تعالي يانور عشان اجيبلك حاجه فلات
ناصر بحنق #تيجي فين انت تروح تجيبهالها وتيجي
خلعت نور الحذاء لتلقيه علي العشب لتقول بسرعه
#والنبي ماانتو متخنقين انا مش عاوزه همشي بالشراب شكرا
تحركت خطوتين لتتوقف علي صوت حنين
#والله كنت عارفه ان ده اللي هيحصل
نور بغيض #بس بقي مش كفايه اللي عمله ناصر
حنين #طب تعالي انا هتصرف
تحركت الفتاتان ليقول احمد موجها كلامه لناصر
#انت عارف لوبابا ولاادم سمعوك وانت بتزعق كده كانوا عملوا فيك ايه
ناصر #يا احمد ماهوانا مسمعتش الحوار انا سمعت الزفت ده بيقولها اقلعي برج من دماغي طار
اسر ضاحكا #اه وكان هيخنقني وكنت هبقي شهيد الجزمه ام كعب الكيوته دي
عند الحريم
ماسه #والله وحشتني لمتنا كده
فيروز #فعلا بقالنا يجي شهرين متلمناش
فرحه #والله العيال بيتجمعوا كل اسبوع انتوا بقي اخباركوا ايه
فيروز #بس عارفه انا اتفجئت لما جومانه اتصلت بيا الواد ادم مكنش يبان عليه خالص
ماسه #ربنا يحميه ادم ده زينه شباب الحداد كلهم
ربتت فرحه علي ساقها #ربنا يكرمك ياماسه وناصر كمان شاب زي الفل ربنا يحفظه
ماسه #مالك ياجومانه سرحانه في ايه
جومانه #هاااه ابدا ولاحاجه
ماسه #معلش يافرحه تعالي معايا اما اشوف تميم
فيروز #طب خليكي انتي
ماسه #لاء انا هاخد فرحه معايا
تحركت المراتان لتقول فرحه
#ايه الحكايه شكلك كده عاوزه تقولي حاجه
ماسه #بصراحه اه ،،، ناصر عاوز يخطب نور
قطبت بين عيناها #ناصر ونور
ماسه #انا مكنتش اعرف حاجه بس الاستاذ عاوز ينزل يشتغل ولما سالت نديم قالي عاوز يخطب ومش هيروح لفهد يقوله انا لسه بدرس
فرحه #راجل شوفي ياماسه انتي عارفه كويس اوي ناصر عزيز عليا ازاي ،،، بس مينفعش افاتحها دلوقتي هستني بس لما الامتحانات تخلص هي كلها شهر بس وهفتحها واعرف رأيها
ماسه #ماشي ،،،
فرحه بتحذير #سواء وافقت ولاموفقتش دا ميأثرش علي حاجه علي ياماسه
ماسه #انتي عبيطه دااحنا اخوات دا قسمه ونصيب واللي ليه نصيب في حاجه هيشوفها ،،، بس الصراحه اتفجأت بنور النهارده انا اول مره اشوفها بفستان
فرحه ضاحكه #طب مش انا امها اللي مخلفاها اتفجأت زيك بالظبط
#وقفين بتنموا علي مين
التف كلاهما لنور الاتيه نحوهم بسرعه فرحه ضاحكه
#طنط ماسه كانت متفاجأه بالنيولوك الجديد
نور #عجبك ياطنط
ماسه #جدا اول مره اشوفك بفستان
نور #يافرحه ماتمت خد الغراب الجزمه وطار
فرجه وهي تنظر علي قدمها العاريه
#فضحاني في كل حته ماشيه حافيه يااخر صبري
نور#ياامي ياحبيبتي الجزمه عملتلي كالوه في دماغي
ماسه ضاحكه #والله انتي زي العسل يانور
نور #الله يعسلك وانتي معسله كده الاقوليلي ياطنط هو انتي بتلبسي الكعب العالي دي ازاي
ربتت علي كتفها #بالتعود يانور
نور#لاء وانتي ايه برنسس الصراحه متعوده ديمااااا
ضربت ماسه راسها #يابت اتلمي
نور#هوانا قلت حاجه متعوده ديما تلبسي كعب
فرحه#تعالي معايا اما اشوف طنطك جومانه تدارلنا العار اللي انت عاملاه ده
نور ضاحكا# ليه كده بس داحتي الحشيش بيزغزغ والله ولذوذ كده
دفعتها فرحه#عدي قدامي يافضيحه انتي
عند الرجال الجميع يتكلم ومامون صامت يتابع الحديث بعقل شارد
نديم #بس كده هيطولوا اوي يافهد
فهد#عشان يعرفوا بعض يانديم
ليث،#دا علي اساس انهما ميعرفوش بعض
فهد#تقريبا لاء ادم مبيتكلمش مع البنات ومش بيقرب من حد فيهم غير نور وبس
ليث#وانت بتحسب نور دي في قائمه البنات اصلا
نديم#بنوته وزي القمر كمان
ليث ضاحكا #انت محتاج كشف نظاره يانديم
فهد بغيض#انت مش ملاحظ انك بتلبخ في بنتي وانا قاعد ايه يامامون مش هتقول رايك انت كمان
مامون بشرود #تمام موافق
فهد #موافق علي ايه
ليث #مامون انت فيك حاجه
#لاابدا انا بس سرحت شويه في الشغل
هز فهد راسه وقال #مامون الجواز قسمه ونصيب محدش يعرف نصيبه فين
نظر الجميع الي فهد ليقول مامون بارتباك
#انت بتقول الكلام ده ليه
فهد # تفتكر انا قلت الخطوبه سنتين ليه
مامون #عشان ادم يجهز
فهد#ليه وانا ممعيش اجوزه مثلا
ليث #طب ليه
تنهد فهد #عشان يعرفوا بعض حبيته كان بها محصلش اللي مرضهوش علي نور مش هرضاه علي اسيل يامامون مش هجوز بنتي لواحد مبتحبهوش انا متاكد انك شلت خاطري وغصبت عليها بس اللي عاوز اقولهولك حصل نصيب محصلش انت هتفضل اخويا وهي هتفضل بنتي دي حاجه ودي حاجه تانيه خالص
فهمت
تنهد مامون بارتياح ليقول # فهد انا لولفيت الدنيا مش هتلاقي زي ادم ودي حقيقه راجل وعارف ربنا وشايل المسئوليه وهيحاجي ويخاف عليها وهيصونها انا متاكد من ده بس اااا
ليث #اسيل لسه صغيره طبيعي لسه مشاعرها منضجتش
مامون #فعلا عندك حق ياليث
فهد #يبقي تفك كده وتبطل شيله الهم ده واللي كاتبه ربنا انا واهل بيتي راضيين بيه من قبل مانعرفه
هز مامون راسه موافقا الي حد كبيركلمات فهد المتعقله ازاحت هما ثقيل عن كاهله فهو فعليا بين نارين رفض ابنته وغضب اخاه ،،،،ادمل فهد الغضب وبقي رفض العنيده الصغيره ذهبت عيناه اليهما ليجدها تتحدث مع ادم ليزفر بارتياح يبدو ان فهد محق
تحرك ادم ليتجه للمكان الذي يجلس فيه عمه ليري حنين ونور في مواجهته نور
#ايه ياعريس لحقت
ادم بعتاب #انا زعلان منك علي فكره
نور #طب ليه بس داانا قلت اعمل بنت عشان خاطرك اهوه
#طب يرضيكي ياحنين تسيبني لوحدي وتبات عندك
فركت حنين يديها لتقول بخجل
#معلش ياادم الكلام اخدنا شويه عن اذنكوا
قالت جملتها وتحركت لتتبعها نظرات نور وادم علي حد سواء ادم
#حنين مالها يانور
نوربغيض #انت ياحبيبي صنف ملتك ايه البعيد جبله مبيحسش
حدقها ادم بذهول #بت لمي لسانك ده
اشاحت بيدها #ياعم ماانت اللي كلامك ينرفز الصراحه امال لومكنتش قيلالك اللي فيها
ادم #الجواز قسمه ونصيب يانور
تنهدت #عارفه بس لازم نختار صح المهم انك تكون مبسوط
#يعني مبسوط
رفعت وجهها الي ادم لتقول
#ايه لحقت تنكد عليك
#مش الفكره بس بدات احس ان ابوكي عنده حق يعني امبارح السكينه كانت سرقاني بس اللي كنت شاكك فيه اتاكدت منه النهارده
نور بحذر #طب وهتعمل ايه
ادم بحزن #هحاول اوصل لاقلبها
#مش عارفه اقولك ايه بصراحه علي العموم ربنا يوفقك
كاد ادم ان يتحدث لولا وصول اسر
#ايه ياكبير سايب عروستك وواقف تحب في اختك ولاايه
ادم بجديه #ولا ماتلم لسانك
اسر #طيب ياعم اصل انا جبتلها الجزمه
نور بحماس #طب احلف كده
اسر #والله بس حطتها علي جنب عشان الفضايح
ادم #انا مش فاهم حاجه جزمه ايه
نور باسما #اختك ياحبيبي فضحتنا في المنطقه وماشيه حافيه
نظر ادم للاسفل لينفجر ضاحكا
#يخرب بيت جنانك ياشيخه
نور #هححححح يلا مفيش نصيب ابقي بنت كان بودي والله قلي بقي يااسر الجزمه فين
اسر ضاحكا #تعالي معايا
تحركت بجواره لينصرف ادم اسر بجديه
#فهميني بقي انتي تعرفي ايه عن اسيل انا معرفوش
#انت بتسالني انا متسالها
#سالتها ومقلتش حاجه نور انتي زي اختي وانا عارف ان اسيل طقه وطايشه وسمعت كلامك معاها واد مين اللي بيضحك علي عقلها
التفت نور فصارت في مواجهته
#لاء اااانت فهمت غلط
قاطعها #نور انا مش عبيط وكده كده هعرف فوفري عليا الطريق
هزت كتفها #دا واحد اتعرفت بيه من علي النت وبتكلمه هو ده اللي انا اعرفه
#بس انا علي صفحتها وصفحتها مفهاش غير العيله وصاحبتها
هزت راسها نفيا
#عامله صفحه تانيه باسم الورده الحمرا
#يعني الموضوع كله كلام نت
#معرفش حاجه اكتر من كده يااسر
#خليكي واقفه هنا للوحش جاي هجيبلك الجزمه
قال جملته وتحرك لتري اقتراب ناصر شغلت نفسها بتعديل فستانها ناصر بغيض
#ممكن افهم انتي ايه حكايتك بالضبط
#حكايه ايه
قال بحده #الواد ده لزقلك ليه
عقدت ذراعيها #علي فكره ده ابن عمي عادي يعني لما يجيبلي الجزمه
ناصر بحنق#مش حكايه جزمه ،، انتي اصلا متعرفيش الزفت ده اول ماشافك قال ايه
قالت بتحدي #والله ميفرقش معايا اللي يقوله انا مش بعمل حاجه غلط
زفر بقوه #نور انا مقلتش انك بتعملي حاجه غلط بس مكنش لازم يعني تلبسي فستان
قالت بغيض #اشمعني انا يعني ماكل الستات اللي موجودين لابسين فستاين
تحنح وقال بارتباك #اصل ااانتي شكلك كده ملفت اوووي
نظرت الي ثوبها وقالت #ايوه ايه الملفت بقي مهو طويل وبكم ومش ضيق حتي وبعدين انت مالك اصلا ابويا واخواتي محدش فيهم اتكلم انت مالك بقي
لمعه غضب اضائت عسل امواجه
# مله علي جنابك يابعيده ،،، انا محبش حد يعلق عليكي بكلمه
زفرت بقوه لتقول بضيق #استغفر الله العظيم يارب ،،، بقولك ايه ياناصر خليك في حالك ماشي وبعدين اللي عامل نفسه راجل وبيعلق يجي يعلق في وشي وانا احرمه من نعمه الكلام من اصله عن اذنك
ناصر #نور استني
اسر وهو يحمل الحذاء بيده
#نور الجزمه اهيه
انتزعتها نور بعصبيه ودفعته فكاد ان يقع نور بحده
#لما تحب تعلق ابقي خليك راجل وعلق في وشي ياشاطر
اسر بغيض #يخربيتك ياناصر انت يلا فتان
دفعه ناصر فوقع بالفعل #انت السبب يازفت استني يانور
اسر بغيض #ايه دا بقي هو انا الحيطه المايله
❤❤❤❤❤استغفر الله ❤❤❤❤❤
