عقله مشغول ،،،،، للمره الاولي ينشغل عقله بفتاه ،،،، مازال يذكر ضحكتها المجلجله فستانها الواسع خمارها بلون العسل كلون عيناها المشع ،،، مشاكسه ،،، طفله ،،، غريبه ،،،، انتزعت نظراته لتتاملها ويبدو انها سرقت احدي نبضاته ،،،، هل وقعت بالحب احمد ،،، الم تتعلم من تجربه اخاك القاسيه انه لايوجد مجال للحب ،،،، مهلا العالم مختلف عما يراه ادم ،،،، ادم منغلق علي نفسه هو اكثر تحررا منه اكثر اندماجا في الحياه ،،،، يعلم جيدا ان الحب موجود ،،، يعيشه بصوره حيه بشده ببيتهم ،،،، عشق الفهد لفرحته ،،،، يمكنه كتابه مجلدات عده في هذا ،،،،،، لاتوجد امراه مثل امه هكذا صرح ادم واقنعه في الحقيقه ،،،، او استماله ،،، هو لم يذق طعم الحب مثل ادم ،،،، لم يتمني فتاه ليجدها في النهايه ترفضه لاجل اخر ،،،، ليس من السهل تقبل هذا ،،،،ادم منذ كانا اطفال وهو يعشقها ،،،، يحلم بها يتمني القرب فقط ،،،، ينتظر بصبر اللحظه المناسبه ،،، وعندما حانت انقلب كل شيء علي راسه ،،،، انهدم المعبد الذي شيده في خياله ،،،،، اسيل تغيرت ولكن هل سيتقبل ادم هذا ،،، لو انه يحبها حقا سيسامحها ،،، سيحاول لملمه شتاتها ،،،، المره الوحيده التي قابل بها اسيل بعد الحادث ،،،،كانت من بضعه ايام فقط وفي الحقيقه لم يعرفها ،،، لقد تبدلت بالكليه ،،،، راي الانكسار يمليء وجهها لتخفض بصرها بحرج ماان رأته ،،،،فقط كلمات مازال يذكرها جيدا
#احمد انا عارفه انك زعلان مني ،،، والله انا اتغيرت واتعلمت حجات كتير اوي ،،، ارجوك قول لادم يسامحني ،،،
#انا مش زعلان منك اد مانا زعلت عليكي يااسيل
قالت بانكسار لم يراه ابدا في عيناها
#كتر خيرك يااحمد ،،، عمري ماكنت اتخيل ان يحصلي كده والكل يبعد عني بالشكل ده ،،، بس عرفت كمان مين اللي اهمهم بجد ،،،، انا مش عاوزه اخسر اخوات زيكوا انت وادم
#انتي بنت عمنا يااسيل يعني بنحبك زيك زي نور بالظبط ،،،، حمد لله علي سلامه طنط جومانه انا كنت جاي عشان اشوفها
تهرب بهذا لم يشأ جرحها اكثر لقد اختلف بيت عمه مامون جمله وتفصيل ،،، هذا البيت المرح الذي كان ياتيه ليستذكر دروسه مع اسر ،، اسر ليس ابن عمه فحسب بل هو اخوه ايضا والاقرب له ،،،ناصر اقرب لادم جميعهم تربوا اخوه تعلموا من الكبار ان الاخ لابدا ان يكون بظهر اخيه يسنده هذا حال اولاد الحداد ،مااتقنوه وعلموه لاولادهم ،،، وهو احدرجال الحداد الصغار لذا كان يتصل يوميا باسر ولكن الاخير انعزل بعالم بعيد عنه ،،،، هو وادم علي حد سواء لم يحمله احد ذنب شيء ،،،، هو فقط يشعر بالخزي هذا ماراه في عيونه فور نزوله من كليته ورؤيته تنهد بقوه الزمن يداوي كل الجروح هذا مااحتاجه ادم لذا ابتعد ،،،، هو الذي ازاره في هذا القرار ،،، ادم مزبوح يتلفظ بكلمات ستزيد الجرح للكل ،،،،، لذا اراده ان يبتعد ان يهدا ولكنه مازال قلق ،،،، قلق من جملته بتحكيم عقله تري ماذا يقصد بها ،،،، الحب ،،،، ادم جرحه الحب وهو يخطو اول خطواته للوقوع اسير لصاحبه عيون العسل ،،، تلك التقي مره اخري ،،،، مازالت تقحم نفسها بافكاره ،،، لقد استمع لنصيحه نور وصلي استخاره ومن وقتها وهي تشعبت اكثر بتفكيره ،،، يشعر بالتردد ويخشي ان يجرح مثل اخاه ،،،، لحظه احمد ،،،هل لو رفضتك ستجرح ،،،انت لم تراها الامره واحده فقط انت حتي لاتعرفها فقط تسللت روحها الطيبه لتسكنك ،،،،توضيح لتسيطر عليك وتملئك فضول لدرجه ان تسال نور في اي جامعه هي ،،،، نور قرأتك بوضوح ،،، هل كنت ستفعلها احمد تطارد احدي الفتيات بكليتها ماذا دهاك ،،،، ضحكه تلك التقي افقدتك عقلك ،،، تري هل تفكر بك كما الحال معك ام انك تسبح وحدك بخيال خصب بشده لتسقط الي اعماق الارض بصفعه مؤلمه كالتي تلقاها ادم زفر بقوه واعتدل علي الفراش ليرفع ساعته انها الواحده صباحا ،،، حرك اصابعه في شعره وزفر بقوه ليهب واقفا
#مبدهاش بقي
قال جملته وخرج من الغرفه ليتحرك تجاه غرفه نور المكان هاديء بشده بالتاكيدفهم ليسوا عائله من هواه السهر بستثناء والدته التي تظل بالايام بلا نوم عندما يتغيب اباه في عمله ،،،، طرق الباب مره وثانيه بالتاكيد نائمه كاد ان ينصرف مره اخري ولكن الباب انفتح طالع وجه نور بعيونها المنتفخه والتي قالت بسرعه
#في ايه يااحمد عايز ايه السعادي
احمد بقلق #في ايه يانور انتي كنتي بتعيطي
قالت بعصبيه #مبتهببش عايز ايه انت
دفعها احمد للداخل ليغلق الباب ويفتح الاضاءه العاليه نور بضيق
#اللهم طولك ياروح انت عايز ايه بالظبط
وقف امامها ليقول بجديه
#في ايه مالك
اشاحت بيدها لتجلس علي طرف الفراش
#مفيش حاجه بس مخنوقه شويه
تحرك ليجلس بجوارها وكزها بكتفه في كتفها
#علي احمد برضه في ايه يابت ماكنتي بتتنطي زي القرد من ساعه مااتكلمتي مع ابوكي وانتي ماده بوزك ومش عاوزه تتكلمي مع حد
هزت كتفيها وتجمعت الدموع بعيناها لتقول باختناق
#مفيش حاجه بس حاسه ان انا لوحدي ،،، امك مبتكلمنيش وابوك عامل مقموص وادم حتي مهنش عليا يرد عليا
قال بحنق #جري ايه يابت انتي هو انا شفاف قدامك ،،، متقنعنيش ان دا اللي يخلي نور المفتريه بجلاله قدرها تعيط فهميني بقي
فركت يديها وقالت بتوتر
#اصل ااااا ابوك قالي ،،،،يعني عشان حكايه الكليه دي ،،،ان ممكن يعني ااااااا
قاطعها بغيض #ممكن جمله مفيده ،،، عشان افهم
اشاحت وجهها #انت عارف ان عمو نديم كلم بابا وطنط ماسه كلمت ماما وووو
ابتسم ليحتضن وجهها
#بتحبيه
ابعدت يده وقالت بحنق # احترم نفسك ماشي
حدقها باستغراب #هو ايه ده اللي احترم نفسي هو انا بشتمك ولاحاجه
تنهدت بقوه #يعني اقولك اه وبعدين ميتقدمش اخد ذنب انا
انفجر احمد ضاحكا ليتلقي لكمه قويه في بطنه
#بتضحك علي ايه يازفت
فرك احمد بطنه متالما #يخربتك ايدك مرزبه زي امك بالظبط ،،،، الواد ده لازم يشد في التمرينات بدل ماتكلكعيه
اشارت الي الباب وقالت بغيض
#اطلع بره يابارد انت ايه اللي جيبك عندي الساعدي
شد ذراعها لتجلس بجواره قال بتاكيد
# ناصر بيحبك اوي ،،، مستحيل حاجه زي دي تخليه ميقربش ،،،، انتي عارفه حلم حياه ناصر ايه
هزت راسها نفيا ليربت علي خدها
#حلم حياته انك تكوني ليه ،،،، ناصر عمره ماشاف واحده غيرك يانور ،،،،
هزت كتفيها وقالت بتردد
#بابا قلي ان مفيش واحد هيقبل ان مراته تبقي ظابط شرطه
قال بحنق #لا ياشيخه كل ظباط الشرطه الحريم معنسين اظن ،،،، بصي هو يمكن يكون عنده حق ،،، يعني مستحيل اتجوز واحده في الشرطه مثلا تسيبلي البيت وتقولي انا رايحه البي نداء الوطن ولاتباتلي تلت اربع تيام بره وتقولي كنت في مهمه
ولاتجيلي واخدالي رصاصه في درعاها ولافي رجلها ،،، ولاتجيلي مهدوده وتقولي كنت بحقق مع بلطجي في مجالات يانور بتبقي صعبه علي البنات مش عشان هي مش ادها لاء بالعكس البنات اللي بتدخل شرطه بتبقي عندها طموح تنجح وفعلا بينجحوا بس للاسف مبتقدرش توفق بين الاتنين ،،،،عشان ببساطه بتبقي مديه كل طاقتها لشغلها في دي الراجل مختلف ابوكي بجلاله قدره ،،،، ساب المكافحه ومسك قسم برغم انه ترقياته بتقول انه كان حاجه جامده ،،،،ساب دا كله عشان حب امك ،،،، بعد عن المخاطر من خوفه عليها خاف ليؤذوه فيها او في حد فينا ،،،، انتي طول عمرك نفسك تبقي زي بابا حاجه كويسه بس مفكرتيش في المستقبل انتي عاوزه تبقي ايه ،،،، تبقي الظابط المشهور اللي نقطه ضعفها بيتها والراجل اللي بتحبه هتستحملي في يوم انك تتحطي في الموقف ده ان لاقدر الله تشوفي ناصر هيروح منك زي ماابوكي شافها قدام عينه
قالت بانفعال #انت بتقول ايه
ربت علي خدها #ابوكي مسبش المكافحه الالما ناس كان بيشتغل علي القضيه بتاعتهم دخلو شقته وكانوا هيخطفوا امك عشان يلوو دراعه بيها ولولا ستر ربنا انه رجع في الوقت ده ،،،، انا مش بقولك كده عشان اخوفك انا في ظهرك وساندك ومتقبل قرارك زي ماهو بس واجبي اني انصحك ،،،، مستهويكي القانون ادخلي حقوق وعلي ماتتخرجي هيكون ابوكي خرج معاش افتحوا مكتب سوا ،،،، او كملي في شرطه بس خليكي عارفه ان مهما كان طموحك ابوكي هيخنقه عشان خايف عليكي واخرك هتبقي في سجن النسا او في شرطه المطار ،،، طموح انك تبقي في المكافحه ولافي المخابرات ده تنسيه خالص ،،،، ابوكي اه سندك تدخلي وهيسندك لحد ماتتخرجي في دي متقلقيش بس كمان مش هيعرضك للخطر انا عارف دماغه كويس اوي ،،،، لو بتحبي ناصر فعلا فكري في اللي قولتهولك ،،،، انا واثق ان ناصر رافض الحكايه دي ،،، بس كمان واثق انه حبه ليكي اكبر من كده وهيتقدم انتي لسه قدامك وقت توزني امورك يانور
قالت بحيره #انت حيرتني ،،، انا مبخفش غير من اللي خلقني ابويا عودني علي كده ،،،،، بس كمان مش هستحمل ان حد من اللي بحبهم يتأذي بسببي ،،،، خايفه اسمع كلامك اندم وخايفه مسمعوش اندم بس بعد فوات الاوان ،،،،
ربت احمد علي خدها
#ااقولك تعملي ايه وتسمعي مني
هزت راسها موافقه قال
#ادخلي طب اوهندسه عسكري ،،،، مجال هتعرفي تنجحي فيه وفي نفس الوقت هتبقي رتبه زينا وهتعرفي تعيشي حياه نور البنوته
اسندت نور وجهها علي كفها
#عارف انا عمري مااتخيلت اني اتكلم معاك كده ،،، يعني احنا علي طول ناقر ونقير
لدغ خدها وقال باسما #يابت داانتي البنوته في مجتمع الذكور ده ،،،، انتي بس اللي كنتي بتقربي من ادم
قالت بحنق #عشان عمره مارزل عليا
#انا رزل يانور ،،، يابنتي انا بحب اناكفك بس وبعدين انا لو برزل عليكي كنت سيبتك تسرقي هدومي ،،، هو انتي ليه مبتسرقيش هدوم ادم ولااسلام
قالت ضاحكه #اصل هدومك عليها سكر وبعدين ادم اكتافه عريضه اوي اي سويتشرت من عنده هيبقي عليا جلبيه واسلام بيصعب عليا مش بحب ازعله ،،، بس انت بقي كيوت كده وهدومك لذوذه وبعدين انا بستني تنزل تجيب هدوم بفارغ الصبر زوقك بيعجبني ادم كل هدومه زي ابوك يااسود ياكحلي
احمد باسما #طيب بما ان الود متصل حاليا ممكن السويتشرت الزيتي لفه انا ملبستوش خالص وقلبت عليه الدولاب بتاعك متلقتهوش
هزت يدها وقالت ضاحكه #دا بعينك داانا عيناه هلبسه في خطوبتشي هو بس لو تقصر بناطيلك وتضيقها حبتين اخد البنطلون الاسود اللي فيه استك من تحت ده
انفجر احمد ضاحكا #مفيش فايده فيكي ،،، طب ممكن تبقي تسيبيلي جواكت الترنجات مش لاقي ترنج البسه علي بعضه
تطلعت نور الي ملابسه #مهو انت بتأيفهم حلو اهوه بس الجاكت ده انت كنت مخبيه فين
قرب وجهه منها #مش هقولك المهم بقي صلي استخاره وشوفي ربنا هيوفقك لايه
تنهدت بقوه#ماشي شكرا يااحمد ،،،هوااانت كنت جاي ليه
حك مؤخره راسه #مممممم مش فاكر بكره بقي نبقي نتكلم
عقدت ذراعيها وقالت بتاكيد
#تمام يعني مكنتش جاي تقلق منامي عشان تسال علي حاجه مطيره النوم من عنيك مثلا
زفر ليعاودالجلوس بجوارها
#بصراحه في ،،، ااااكنت عاوز اسالك يعني ،،، هي تقي ليه مش بتجيلك هنا
قالت بحنق #تجيلي هنا ازاي يعني
#يعني اصلها كانت عند عمو ليث
قاطعته #وعمو ليث الولد اللي حلته اصغر مني انا شخصيا بس هنا بقي في تلت اشحطه اكبر منها وبعدين مفيش ولاواحده من اصحابي بتجيلي هنا اللي مرضهوش علي نفسي مش هرضاه علي بنات الناس يااستاذ وبعدين لو فاهم انها بتاعه كلام وتسبيل تبقي فاهم غلط
قال بحده#كلام ايه وتسبيل ايه يازفته انتي انا بتاع الكلام ده برضه
#مش عارفه انا بدات اشك فيك الصراحه كل اسئلتك حدفه علي شمال كده
وكز راسها #انتي اللي دماغك و
قاطعته #الفاظك المعفنه دي علي القهوه مش في البيت القصد عاوز تعرف ايه
زفر بقوه #بصي انا صليت استخاره ،، وبصراحه مرتاح ،،، فقلت اعرف عنها اي حاجه يعني بنت مين ساكنه فين تفكيرها هتوافق ولا في حد في حياتها
ربعت ساقيها وقالت
#ايوه كده ادخل دوغري توصل ،،،، شوف ياسيدي اسمها تقي الله محمود عامر ،،، مامتها ماتت من وهي صغيره ،،، والدها اتجوز وليها تلت اخوات صغيرين ،،،، اكبرهم تقريبا كده في سن انس ،،،
قال بتردد #يعني مفيش حد في حياتها
هزت راسها نفيا #تقي مش بتاعه الكلام ده يااحمد هما صحيح ناس فقرا وعلي قد حالهم ،، بس تقي ملتزمه جدا ،،، دي خاتمه القران من وهي تسع سنين
قال بذهول #الهبله دي خاتمه القران
نور ضاحكه #لاء هي مش هبله بس انا برجعها عيله ،،،اصل انت مش فاهم قبل ماانت تيجي حبستها قي اوضه الجنايني مع الكلب فضلت تصوت زي الهبل حنين طالعتها سهتني وامت ضرباني علي ظهري وطلعت تجري
قال بحنق #يخرب عقلك ايه الافترا ده
#لاء تقي متعوده علي كده معايا ،،، انت اصلا مش متخيل احنا اتعرفنا ازاي
عقد ذراعيه #ازاي
قالت ضاحكه #كنت خلصت الدرس العشا اذنت فقلت الحقها قبل الدرس اللي بعده في المسجد طلعت متلقتش الجزمه ادور يامسلم مفيش
احمد ضاحكا #هي الجزم عند الحريم بتتسرق برضه
وبعدين
#اليوم ده كانت تقي عامله مقراه وبتعلم عيال صغيره فضلت قاعده اسمعهم من بعيد المقراه خلصت وانا اتاخرت ومش عارفه اعمل ايه ،،، العيال بداو يمشوا والمسجد هيفضي عليا وميعاد الدرس اتاخرت جدا
دا غير المفروض المسجد هيقفل ،،، فكرت اتصل بماما لقيت فوني فاصل المهم اجت سالتني حكتلها اللي حصل قلتلي خدي جزمتي والحقي الدرس بتاعك وانا هاخد شبشب اروح بيه انا بيتي قريب بس بعد كده بقينا اصحاب وبعدين عرفت عليها حنين في المسجد
هز احمد راسه متفهما #يعني معني كده انها مش مع حنين في الكليه
تنهدت #لاء هي مش في كليه من اصله ،،، ماقلتلك ابوها راجل علي قد حاله قعدها في البيت بعد ثانوي عشان المصاريف وكده يعني ،،،هاه ابل الشربات وناخد الحج فهد ونخطبها
احمد بحنق #يابت اتهدي بقي طيب اطلب منك خدمه
#تقابلها اسفه
وكز راسها #مش بقولك دماغك زفت ،،،، انا عاوزك تمهدي السكه يعني قوليلها واعرفي رأيها ولاهاخد ابوكي واروح وترجع تقولي لاء
نظرت بعيناه وقالت # انت قلقان من ايه
هز كتفه #بصي انا عارف ان ابوكي مبيفكرش كده بس قلقان يرفض عشان المستوي المادي
نور بضيق # علي فكره بقي الفقر ميعبش صاحبه الالو خلاه يمشي غلط ،،، وتقي ماشاء الله دين واخلاق وروح طيبه
#يابنتي انا بحط قدامي كل الاحتملات ،،، بس صدقيني يانور لو اتاكدت انها موافقه انا متمسك بيها جدا ،،، علي فكره اتعلقت بيها اكتر من كلامك
ربتت علي كتفه #تمام علي البركه يابو حميد ،،، ااقول للحاجه فرحه ونروح نشوفها
#يابنتي اساليها الاول
#خلصنا بقي الصبح هكلمها فون ولو كده ناخد الحجه وندبسك قبل ماكل تفكيرك يقلب شمال
#مينفعش الالما ادم يرجع يانور بس المهم اطمن
تمددت نور علي الفراش #خلاص هطمنك خد بقي النور والباب في ايدك وانت خارج
تحرك احمد تجاه الباب ليهمس
#مستغله
#سمعتك علي فكره
❤❤❤❤❤استغفر الله ٠٠❤❤❤❤
