تنهدت نور بقوه لتذهب الي خزانتها وتستخرج دميه صغيره تربت علي شعرها وتتسع ابتسامتها كانت مجرد طفله ،،، هي طفله استثنائيه مولوده بمجتمع ذكوري بحت اباها يعامل اخوتها وكانهم ولدوا رجال اقربهم لها ادم الكبير الجميع يهابه ولكنه دوما ينعتها بلعبتي ،،، ودوما ترق لاسلام فهو عاني الامرين صغيرا مازالت تذكر عندما كان يضع سماعات الاذن ،،، تذكر جيدا ذلك اليوم ببيت الحداد وقتها كانوا مازلوا يجتمعون معا يلعبون ويختلطون ببساطه بحكم انهم جميعا كالاخوه يومها كانت في العاشره من عمرها ولاتدري لما استهوتها تلك الدميه بالذات كانت اسيل تلعب بها
#اسيل هاتي ا لعروسه العب بيها شويه شكلها عجبني
اسيل #وانت من امتي يعني بتلعبي بعرايس انا مش عارفه انتي قاعده معانا ليه اصلا
حنين #ايه اللي بتقوليه ده يااسيل تعالي يانور شوفي انا عندي عرايس كتير نقي اللي يعجبك.
يومها شعرت بالاختناق #لاء انا مش عاوزه هي بس شكلها حلو
ابتعدت عن محيطهم لتسمح لدموعها بالانهيار لتفاجيء به امامها
#انتي بتعيطي يانور ايه اللي حصل
هزت كتفيها وقصت عليه ماحدث ليربت علي خدها
#ولايهمك منها داانتي احلي اميره في الدنيا اوعي تعيطي تاني
الجميع ينعتها بالذكر هو وحده فقط من كان يدعوها بالاميره يومها تغيب لبعض الوقت ليحضر لها تلك الدميه المميزه ذات الشعر الاسود الطويل ويناولها لها
# احلي عروسه لاميرتي انا
#انا اميرتك
هز راسه موافقا #اميرتي اللي بحبها اوي ولما نكبر هتجوزها
للحظات اصابها بكم مفاجيء لتسمع لصوت ادم الصارخ
#انت يلا اتهبلت ايه اللي بتقولوا ده
شجعها صراخ ادم #انت قليل الادب
وحدث الشجار وماكانت لتقف متفرجه كانت تلكم وتركل مع ادم ولكن بعد رجوعهم للبيت ظلت طوال الليل تبكي لاجله ومن ذلك اليوم وناصر يعيش بقلبها احتضنت الدميه الصغيره الي صدرها لتلف حول نفسها بسعاده لترتطم بامها الواقفه عاقده ذراعيها قالت بارتباك
#ااااماما
#بتعملي ايه
وضعت الدميه خلف ظهرها وقالت بتوتر
#اااامفيش كككنت بحرك رجليا شويه في ايه
فرحه بقلق # مش عارفه قلبي مقبوض اوووي حاسه ان ابوكي فيه حاجه
#طب متتصلي بيه
#اتصلت مبيردش والزفت احمد كمان اتاخر اوي
#انتي هتقلقيني ليه بقي
جلست علي طرف الفراش وقالت
#مش عارفه يانور ،،، ابوكي مخنوق انا حاسه بخنقته
نور بدهشه #معقول بتحسي بيه للدرجادي
#طول عمري من ساعه ماعرفت ابوكي وانا قلبي بيحسه من غير مايتكلم ،،، انا اتصلت بيه علي تليفون القسم ومصطفي قالي انه مشي من بدري
اجعل المخبي لطيف يااارب
عادت فرحه مره اخري لتتصل علي رقم فهد ولارد تقريبا توترها انتقل بالعدوي لنور لتتصل هي الاخري دون رد بدات فرحه تتحرك بعصبيه
# يعني احمد كمان مبيردش ،،، انا مش فاهمه هو في ايه بالظبط
اعادت فرحه الاتصال ليرد اخيرا
#فهد انت فين ،،، احمد انت مع ابوك ،،، ابوك جراله ايه يااحمد
################
فرحه باستغراب
#طب ايه اللي حصل
########################
#طيب يااحمد علي ماتيجي اكون لبست خد بالك من ابوك
اغلقت فرحه الخط لتقول نور بقلق
#ايه الحكايه ياماما بابا بخير
فرحه #ايوه بخير بس عمك مامون وجومانه الاتنين في المستشفي
#الاتنين ازاي يعني
#معرفش يانور انا هلبس واحمد هيجي ياخدني اروحلهم ولما اروح هفهم
#طيب اجي معاكي اكيد اسيل دلوقتي هتبقي منهاره ومحتاجه حد يبقي جنبها
ربتت علي خدها #طيب ياحبيبتي غيري هدومك علي اما اغير واقلق اسلام عشان ياخد باله من انس لوصحي
#متقلقيش اصلا انس بيتسحب ينام جنبه
#برضه عشان ميصحاش يتلقي نفسه لوحده في البيت
بعد قليل كانت نور وفرحه يركبون سياره فهد الذي يسوقها احمد فرحه بقلق
#انطق يابني ايه الحكايه
احمد بتعب #اما نروح هناك هتفهمي ،،، طنط جومانه عندها جلطه في المخ ولما عمو سمع ضغطه علي جدا ووقع مننا في الارض
فرحه بقلق #استر يارب طب ايه اللي حصل عشان ده كله
نظر احمد الي فرحه ليعاود النظر الي الطريق نور باختناق
#ياحبيبي ياعمو زمان اسيل و اسر منهارين دلوقتي
احمد #اسر منهار ،،،، واسيل اااا يلا احنا وصلنا
اوقف احمد سياره ابيه بالاسفل ليترجل وخلفه فرحه ونور جذبت فرحه زراعه لتساله بقلق
#ايه اللي حصل
احمد #ماما ادم جوا ومحتاجلك اوي
فرحه #ابوك فين قلبي موجوع عليه
تحرك بجوارها ليصعدا الي غرفه جانبيه فتح الباب لتطل بعيون فهدها الالم بعيناه كان كافي لتتحرك لتضم راسه الي صدرها يعتنق خصرها بيديه ليهمهم باختناق
#اخويا بيموت يافرحه ،،، الدنيا كلها اتهدت في لحظه
ربتت علي شعره القصير
#اششش ،،،،لن يصيبنا الاماكتب الله لنا ،،، اهدي يافهد وقول يارب
كم كان يحتاجها بجواره وجود فرحه وحده هو مايطمئنه يعطيه الامل في كل شيء
#يارب
جلست بجواره لتحتضن كفه بكفيها
#ايه الحكايه
هز راسه نفيا #مش قادر اتكلم ،،،
#خلاص طب طمني هما عملين ايه
تنهد بقوه #جومانه عندها جلطه الدكتور ببقول ٤٢ساعه ويبان الاثر ياعالم هتسيبلها ايه ومامون زي ماانتي شايفه ضغطه علي مره واحده وضربات قلبه مش منتظمه
#طب فين اسر واسيل زمانهم منهارين
#اسر كان معايا من شويه وخرج واسيل ااااا وخده منوم ،،، انا حاسس ان دماغي هتشت
ربتت علي خده #اوم يافهد صلي وادعي ربنا يفك الكرب ويزيح الغمه اوم ياحبيبي عشان خاطري ان شاء الله هتعدي باذن الله وكل حاجه هترجع زي الاول واحسن
#مفيش حاجه هترجع زي الاول يافرحه انا هقوم اصلي روحي انت اطمني علي ادم انا مش قادر اروحله
ربتت علي يده لتتحرك خارجا يصحبها احمد ونور
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
كيف لم يري حقيقتها البشعه كيف انخدع ببرائتها كيف احبها قلبه ،،، ولما احبها هي وليس غيرها ،،، لما تطعن رجولته وتدهس كرامته بهذه القسوه انت احمق ادم ،،، احمق لانك تريد فقط الاطمئنان عليها ،،، علي فتاه ليست لك ،،، اسيل ليست لك ادم ،،، اسيل لاخر سمحت له ان يقترب وينتزع حق ليس له ،،، هي من سمحت ادم افق ،،،، تماسك ،،، انت الاقوي ،،،، هب واقفا ليتحرك ناحيه غرفتها فتح الباب ليطالعها نائمه عيناها تحاوطها دوائر زرقاء
هذا بالاضافه لاخري اسفل صدغها ذراعيها محاطان بالجص الابيض ومثبتتان علي صدرها بلع ريقه بصعوبه حالتها المذريه تنهشه لما مازال يتألم من اجلها لما لاينتزعها من داخله ليلقيها في اقرب قمامه الي حيث تنتمي ،،،، الن ينتهي هذا الكابوس ،،، الن يفيق منه ،،،، الي ماذا اوصلتهم هذه النائمه باستكانه وكانها احد الملائكه ،،، عمه وزوجته علي فراش الموت واسر محطم ،،، لقد حطمتهم جميعا
التف لينظر الي السماء التي بدا سوادها ينقشع معلنا ان الفجر قد اذن له ليهمس فقط
#يااااارب
شردت عيناه في السماء للحظات لتتسرب لاذنه همهمه مختنقه التف ليجد اسر يخنقها لحظات وهو ينتزع اسر وهو متشبث بعنقها
#سيبها يااسر
#هموتها ابويا وامي ميموتوش بسبب الفاجره دي
ادم بحده وهو ينتزع اسر بالقوه
#هتودي نفسك في داهيه ياغبي
بدا اسر يتحرك بعشوائيه ليفلت من يد ادم ويتحرك نحوها سريعا هي فقط تفتح عيناها متسعه ولاشيء اخر ليصرخ اسر
# سيبني ياادم
لحظات ووجد احمد ليعتنقه ويبتعد به
احمد #وحد الله يااسر الحكايه مش ناقصه
ادم واحمد يقفان بوجهه اسر وهو فقط يصرخ
#ارتحتي امك جالها جلطه وابوكي بيموت يارب تكوني مرتاحه بس ،،، ياواطيه يافاجره يا
كمم احمد فمه وقال #اشششش بلاش فضايح احنا في المستشفي يااسر فووووق
فرحه ونور فقط يقفان بحاله صدمه كلاهما لايفهم شيء فرحه #طلعه بره يااحمد وسيبوها ترتاح
فقط عيونها تلاقت برماديه تشبهه رماديه حبيبها لتدمع عيون ادم #ماما
خرج الجميع لتبقي نور فقط معها ربتت علي راسها بحنان #اهدي يااسيل محدش هيعملك حاجه سلامتك
اغمضت اسيل عيناها لتتساقط الدموع علي جانب وجهها
بالخارج ماان اخرجتهم فرحه لتغلق الباب ارتمي ادم بين ذراعيها ربتت علي شعره بحنان
#اهدي ياادم انا ابني راجل يقف في ظهر اخواته واسر محتاجلك
احمد #ماما ،،، انا هاخد اسر ونتمشي شويه
فرحه #خده وانزلوا صلوا الفجر اذن
تحرك الاثنان للخارج لتمسك بيد ادم وتجلسه وتجلس امامه
#ايه اللي حصل عشان ده كله
#انا تعبان اوي ياامي ،،، قلبي بيتخنق جوا صدري نفسي اصرخ واقول اااااااه ،، نفسي اعيط نفسي صعبانه عليا اوي ،،،،
ربتت علي خده #اتكلم ياادم
#البنت اللي قلبي اخترها وفضلت كاتم حبها في قلبي عشان يطلع في الحلال ،،، البنت اللي كنت فاكرها واحده من الملايكه ،،،، طلعت متجوزه عرفي
فرحه بصدمه #يامصيبتي انت بتقول ايه
قال بالم #لاء مصيبتي انا ،،، انا اللي مسمعتش كلامك من الاول ،،،، مسمعتش لتحذير نور ،،،،طب لما هي كانت عارفه سبتني ليه ياامي ،،، سبتني ليه ابني قصور علي الرمل تيجي اول موجه تهدها
لاء والوسخ ده مكفهوش الصور الزباله اللي بعتهالي علي الفون بعت لعمي الصور وصوره الورقه العرفي عمي كان هيموتها شلناها انا وبابا واحمد من ايده قاطعه النفس ،،،ومكنش عاوز يسبها اللي فوقه طنط جومانه وقعت مننا في الارض ،،،، عمي وقع واسر كان عاوز يودي نفسه في داهيه وانا متقطع مليون حته ،،،،،عاوز اكرهها ،،، عاوز اخرجها من جوايا مش عارف ليييه ..... خديني في حضنك ياامي انا تعباااان اوي
ضمته فرحه اليها لتهمس بصدمه
#لاحول ولاقوه الابالله ،،، فوق ياادم عسي ان تحبو وعسي ان تكرهوا ،،، انت شايف اللي حصل شر بس اكيد في خير ربنا خفيه عن عنينا ،،،، الحمد لله يابني انها اجت علي قد كده ،،،، القلب المجروح يطيبه ذكر ربنا ،،،،ربنا يخلف عليك ياحبيبي ،،،، اوعي تكون فاكر دا اخر الطريق
رفع وجهه لها
#انا حاسس اني انتهيت
احتضنت وجهه #تبقي عبيط دي اول ضربه تخدها في حياتك ايه عودك طري لدرجه انك تتكسر ،،،، الريح لما تعلي عليك ميل معاها عشان لما تخلص ترجع تاني تفرد عودك ،،، ياما هتقابل في حياتك ،،،لادي نهايه الدنيا ولااخر الطريق ،،،، لووقعنا مره وفضلنا بصين لورا مش هنعرف نمشي خطوتين علي بعض
#اعمل ايه ياامي
ربتت علي خده #تبص قدامك عشان تقدر تكمل صفحه واتقفلت بحلوها ومرها اسيل يمكن مش نصيبك بس هتفضل بنت عمك وهيفضل مامون عمك
قال باختناق #مش قادر ابص في وشه حتي
امسكت كتفيه وقالت بحزم
#رجاله الحداد متفرقهمش حرمه ،، انا وبن عمي ظهرنا في ظهر بعض علي الغريب ابوك عاش طول عمره يلم اخواته حوليه وانا ربيت ابني راجل ميتحكمش فيه عواطفه ،،، يفكر بعقله والعيله عنده اهم حاجه ،،، انسي واعتبر انها رفضت،،، وهي فعلا رفضت ،،، ابوها اللي اجبرها وكلنا شوفنا ده عشان ميخسركش انت وابوك هتسيب عمك لوحده في المصيبه دي يبقي انا معرفتش اربي راجل ،،، عمك مرمي في اوضه ومراته في العنايه واسر واديك شايف اللي عمله خلاص بيت مامون الحداد اتخرب عشان غلطه عيله
#غلطه بتسمي اللي حصل ده غلطه
قالت بتاكيد #ايوه غلطه ،،،،، عيله اتضحك علي عقلها بكلمتين صدقتهم ومشت وراهم ،،، معرفتش تقدر الصح من الغلط ،،، ايه هنشنقها ولاهنرميها ولانقف في ظهرها نلم غلطتها ونعلمها ،،،،شوف الموضوع صح ،،،، ربنا بيبعتلك رساله خلاك تفوق قبل الارتباط الرسمي بيوم واحد ،،، تخيل بقي كده لو الرساله دي اتاخرت اوهي كانت بنت مكاره فعلا وعرفت تسكته ولعبت علي الحبلين واكتشفت ده كله لما بقت في بيتك
ادم بانفعال #كنت قتلتها
ربتت علي كتفه #يبقي تحمد ربنا انه ظهرلك الحقيقه في الوقت ده واعرف ان دي نتيجه الاستخاره بتاعتك وارضي عشان ربنا يراضيك
#طب وقلبي ياامي هعمل فيه ايه
تنهدت بارتياح وقالت بتاكيد
#القلوب في ايد ربك ،،،، قول يارب خرج حبها من قلبي وارزقني احسن منها تبقي نصيبي يلا اوم اتوضا وصلي اسجد واطلب منه التخفيف وفوق عشان نشوف المصيبه اللي احنا فيها ابوك مش قادر يقف علي رجليه ومش قادر يجيلك يطمن عليك
ادم باستسلام #حاضر ياامي حاضر
قال جملته وتحرك خارجا لتتنهد فرحه بقوه
#يارب فك الكرب من عندك ملناش غيرك
❤❤❤❤❤استغفر الله ❤❤❤❤❤❤
