زفر بقوه ليشعل لفافه وينفث دخانها نظر للمتكومه بجواره وزفر بضيق ،،، اضاء الغرفه ليرفع عنها الغطاء
#جومانه ياحبيبتي
#اممممم سيبني يامأمون انام انا تعبانه ولادك مطلعين عيني طول النهار
زفر بضجر #طب بقولك ايه تعالي نخرج نغير جو
اعتدلت جالسه لتصرخ بعصبيه
#انت عاوز ايه بالظبط
قال بخضه #في ايه ياماما داانا بقولك تعالي نخرج هو انا بعذبك
قالت بضيق #نخرج ايه هي الساعه كااااام
#الساعه عشره حضرتك يعني الليل لسه في اوله ،
قاطعته بحده# تمام اووي وانا بصحي من سته الصبح عشان البهوات عيال حضرتك رايحين مدارسهم ،،،وو
كتم فمها وقال بغيض
#انا غلطان اللي قلتلك تعالي نخرج ،،، عارفه انا مش قاعدلك في البيت من اصله ،،، جومانه انا تعبت
هب واقفا ليبدل ثيابه بعصبيه
#رايح فين انت دلوقتي يعني
قال بغيض #في اي داهيه ،،،هشم هوا بدل اللي يخنق ده اوووف
تحرك للخارج ليصفع باب الغرفه بقوه ،،، يشعر بالاختناق الفعلي لذا ركب سيارته وانطلق بعد قليل كان يطرق الباب الذي لايغلق بوجهه احد ،،،،
فتحت الخادمه الباب ليسأل
#فهد هنا
#ايوه اتفضل حضرتك في الصالون وانا هديله خبر
ترجل للداخل وماهي الاثواني ووجد فهد امامه
#في ايه حد جراله حاجه
#لاء كلهم بخير معلش يافهد عشان ازعجتك بس
قاطعه #اقعد اقعد بس وفهمني ايه الحكايه ياعايده لوسمحتي اعمليلنا اتنين عصير
مأمون #مش عاوز عصير انا اعملي قهوه
فهد باسما # قهوه ايه احنا قربنا علي نص الليل
قال بغيض #الساعه لسه حداشر نص الليل ايه انت كمان ،
#ممكن تهدي شويه وتفهمني ايه الحكايه متخانق مع جومانه مش كده ،،،، هو احنا مش هنخلص بقي من موضوع الشك ده
قال بغيض #لا ياحبيبي شك ايه جومانه رمت طوبتي اصلا من ساعه ماخلفت ،،،، خلاص بقي اهم حاجه في حياتها ،،، اسر واسيل ،،، وانا اولع اتحرق مبقتش في قايمه الاولويات اصلا
فهد بحنق #انت يابني بتكبر ولابتصغر
تنهد بقوه #ايه علاقه اللي بقوله ،،، باني بكبر ولابصغر ياسيدي انا عقلي صغير ،،، عايز اسمع كلمه حلوه واحس ان مراتي مهتمه بيا فيها ايه دي
#مفهاش حاجه وحقك ،،،، بس اعمل حساب انها مشغوله بالعيال بتبقي تعبانه معاهم يامأمون
قال بفيض #ايوه ليه بقي ،،،، سعادتها مطنشه الدنيا كلها ومتقمصه دور سيده الشغاله لييييه ،،،، انا ربنا فاتح عليا وجبتلها واحده تشيل شغل البيت وبعدين واحده مؤهله ومعاها ماجستير في التربيه ،،،،بس ازاي ،،، جومانه لومعملتش كل حاجه بأيدها تعيا ،،،، الاول العيال صغيره ومينفعش اسيبهم لواحدهم دلوقتي العيال في المدرسه طب انا بقي حضرتك هعيش امتي لما العيال تتجوز ان شاء الله
كتم ضحكاته ليقول مأمون بغيض
#انت بتضحك علي ايه يابني ادم
فهد بجديه #اصلك بتتكلم زي مايكون العيال دول هي جيباهم لوحدها مش ولادك انت كمان
قال بحنق #ماشي ولادي معترضتش ،،، بس انا فين يافهد ،،، انا تقريبا بقيت حاسس ان انا مركون علي الرف ،،، يافهد في حجات تانيه انا مينفعش اتكلم فيها ،،،،باختصار جومانه معدتش شيفاني خالص
تنهد #طب متكلمتش معاها
عقد ذراعيه#اتكلمت ،،،، عد عندك انا بعمل وبعمل وبعمل وانت مبتعملش حاجه ،،،، طب المفروض انا اعمل ايه ،،،جبت ناس تساعدها وتقريبا بدفع مرتبتهم علي الفاضي ،،، تعبت يافهد ،،، من حقي احس بشويه مشاعر دفا ،،، ياسيدي انا عايز مراتي تدلعني اجرمت يافهد
زفر بقوه #مأجرمتش ولاحاجه ، ،،،انت محتاج تهدا ،،، وانا هخلي فرحه تكلم جومانه
قاطعه #ايوه عشان تقولي رايح تشتكيني لخوك
فهد بحده #سبحان االه يااخي طب انت عاوز ايه
اشاح بيده #مش عاوز حاجه انا بفضفض معاك ،،، حسيت اني هطرشق وعارف ان محدش هيسمعني غيرك ،،، هما العيال وفرحه فين
#انت لسه فاكر ،،، العيال نايمين عندهم مدارس الصبح ،،،وفرحه جوا مش هتيجي الالو ندهتلها ،،،، شوف اجازه نص السنه كمان اسبوع ضبط مع ماسه واطلع غير جو في اي حته
عقد ذراعيه #هتقولي العيال يجيوا معانا
#ياسيدي انا هاخدهم وخد مراتك وغيروا جو ،،، لو حاسس انها بعدت قرب انت يامامون اللي بينك وبين جومانه حب ،،، الحب يزيد مع العشره مش يقل
قال بحنق #مهو انا مش لاقيه اصلا ،،، يافهد انا بحب جومانه ،،، حبها كان بيقويني عشان هي كانت معايا ،،،، دلوقتي بقيت حاسس اني بحارب طواحين الهوا لوحدي
رفع فهد احدي حاجبيه وقال بترقب
#مش عارف ليه بدأت احس ان الكلام بياخد منحني مش هو
اشاح بيده #مخنتهاش ريح دماغك ،،، بس لوفضلت علي كده هخنها ،،، انا بقيت خايف من نفسي يافهد ،،انت مش متخيل المناظر اللي بتعامل معاها شكلها ايه
قاطعها # اه مهو ديل الكلب ،،، ياشيخ اتقي ربنا بقي ،،، انت عندك بنت ،،،، مش هقولك خاف علي مراتك لاء خاف علي بنتك يامامون
قال بغيض# يعني شايفني واخد واحده ورايح بيها الشقه انت كمان ،،،، انا مش عارف افهمك ،،، مجرد ان مشاعري تتحرك نحيه واحده تبقي خيانه ،،، انا مش عاوز اخون يافهد ،،، انا عاوزها هي بس المصيبه انها مش عاوزه تفهم
وكز كتفه #ابقي غض بصرك واتقي ربنا
اشار الي الحائط خلفه
#تصدق الحيطه اللي وراك فهمت وانت لاء ،،،، افهم يافهد ،،انا شغلي كله مع حريم ،،،، وبعيييد عنك الحريم في الوسط ده حاجه كده صواريخ ارض جو فضائي ،،،واخوك شمعته منوره وسمعته سبقاه ،،، اتكلمت معاها ،،،،،،ماشاء الله بتصدرلي الوش الخشب زي مااكون بشتمها وانا معنتش عجباك ،،،وشويه كلام كده يقفلوك من الدنيا بلي فيها ،،،،وتشد اللحاف اللي نفسي احرق امه ده وتتخمد تقولش هيهرب منها ،،،،طب بزمتك انا مركب تكيف مركزي في ام الفيلا لييييه ،،،،، انا عمري في حياتي مشوفت حد بيتكلفت صيف شتا
كتم فهد ضحكاته #بس بس يخرب عقلك ايه اللي بتقوله ده
زفر بضيق #عارف لو امها لسه عايشه كنت رحت اتكلمت معاها ،،، الله يرحمها الست دي علي قد ماكانت شديده بس كنت هقدر اتكلم معاها ،،، بس انا ملييش كلام مع جودي ومش هكلمها دي اختها الصغيره ومينفعش ،،، انا تعبت يافهد ومعنتش عارف اعمل ايه
ربت علي كتفه
#اهدي بس مفيش مشكله ملهاش حل طب ايه رأيك هخلي فرحه تلمح بس ،،، هما اصحاب وهتقبل منها الكلام
اشاح بيده وقال بضيق #بلاش يافهد انا خلاص فكيت شويه ،،،، هقوم بقي عشان اخرتك عارف انك بتنام بدري
#دا اللي هو مين يابني انا اول مره اجي البيت بدري شويه بيت معانا النهارده
قال بحرج #لاء انا هاخد العربيه والف شويه
هب فهد واقفا #لاء طبعا مينفعش يااافرحه
دقيقه واطلت فرحه بأسدالها الاسود الذي يظهر وبشده زينه وجهها اقتربت وقالت
#ازيك يامأمون وازي جومانه والعيال
خفض مأمون بصره وقال بحرج
#تمام يافرحه
فهد بعصبيه #روحي حضري لمأمون اوضه وطلعيله ترنج من عندي
تلاحمت العيون للحظه لتري وهج غاضب بعيناه لتنسحب بهدوء زفر فهد بقوه ليقول مأمون بسرعه
#ياعم انا ماشي
فهد بحنق #مش قلت هتبات هنا يبقي تبات
مأمون #طب خلاص خلاص
#الاوضه جاهزه يافهد
الجميل بفرحه انها بالفعل تستطيع تحجيم غضبه وهذا ماحدث لانها لم تدخل اوصل مأمون للغرفه وذهب الي غرفته وماان اغلق الباب حتي تعلقت به الحمقاء
#حبيبي ماله
اوقفها علي طرف الفراش رفع يده ومررها علي شفتيها لتحمل بعض من لونها همس بغيض
#لاولاحاجه جنابك ازاي تخرجي بره كده وانتي عارفه ان مأمون هنا
قطمت شفتيها وهمست #نسيت والله لما ندهت عليا لبست الاسدال وطلعت ،،،، بتغير عليا يافهودي
اقترب بوجهه حتي شعر بلفح انفاسها الساخنه
#اذا كنت بغير لما آدم ولااحمد يشوفوكي كده مش هغير من مأمون
انتي بتعتي انا وبس ،،،محدش يشوفك كده غيري
#انا بحبك اوووي
سته عشر عاما قضاها في جنه رسمتها وشيدتها حوله هي سكنت قلبه ليسكن المه للابد ويسكن هو للدنيا التي كانت تهرب منه ،،،،،احيانا يشعر انه ظلمها لقد تزوجها جبرا طفله صغيره ،،،، ولكن هذه الصغيره الضئيله التي تغرق باحضانه هي ،،،،هي كل شيء واي شيء ،،،،، متعته علي الارض سكنه عشقه الذي يتزايد كجبل راسخ ،ام اطفاله الاربعه ،،،،،
سكنت الجميله علي صدره لترفع عيناها اليه وتهمس
#ايه الحكايه بقي مأمون ماله متخانق مع جومانه
تنهد#مش متخانق ،،،تقدري تقولي كده مخنوق وكان عاوز يفضفض
#الحكايه ليها علاقه بجومانه اكيد
ابتسم #مش هتبطلي الاماتعرفي انا عارف ،،،، هو بيقول انها مطنشاه
#بصراحه عنده حق ،،، جومانه بتلف حوالين نفسها ،،، لبخه نفسها اوي يافهد ،،،
#طب متكلمتيش معاها في الحكايه دي
هزت كتفيها #لمحت من بعيد وهي طنشت ،،،،جومانه مقتنعه اوي ان طالما خلفت خلاص مأمون بقي ليها لوحدها انشغلت اوي بالعيال عنه بص انا هكلمها
#قلي بلاش عشان متقلوش انه اجا اشتكلنا
#لاء هو عاوزها هي اللي تهتم مش حد يقولها
قطب #تصدقي اه ،،،، مشكله مامون ان شغله في وسط حريم والمفروض انها عارفه كده ،، وعارفه كمان تاريخه المهبب ،،،
قالت بنعومه #حقه ان مراته تدلعه مش انا بدلعك ياحبيبي
قبل جبينها #انتي مفيش زيك في الدنيا ياحبيبتي
احتضنته وقالت #خلاص نام دلوقتي وسيبلي الموضوع ده انا هسألها بس عشان هو بات هنا هجرجرها في الكلام واخليها هي اللي تقول
#انا بحبك اووي
#وانا بعشقك
،،،،،❤❤❤❤❤الله اكبر ❤❤❤❤❤❤
