مامون بسعاده #الف مبروك ياولاد عقبالك ياادم
ادم #قريب ان شاء الله ياعمو
ربت مامون علي كتف فهد
#مبروك يافهد ،،
فهد #الله يبارك فيك يامامون عقبال ماتفرح باسر واسيل
مامون #في حياتك ياحبيبي
نديم #حلوه اوي حكايه القاعه المنفصله دي
فهد #دي فكره تقي ربنا يبارك فيها
مامون # بنت حلال اوي يافهد ربنا يحفظها
ليث #فعلا ربنا يتمملهم بخير امال فين خطيب اسيل يامامون مش قلت هيجي عشان نتعرف عليه
مامون # جاي في الطريق ،،،
مال احمد علي اذن ادم
#مالك من ساعه مادخلنا القاعه وانت مكلضم في ايه
ادم بضجر # يابني خطوبتي راحت اونطه لاقعدت مع البت ولاشوفت خلقتها حتي
احمد باسما #يعني هتهرب ما دلوقتي نفضها ونمشي
ادم بغيض #ايوه انت وناصر كل واحد ياخد مراته ويخرج وانا بح والليله خلصت علي كده داانا حتي يااخي مش عارف ادلها الشبكه
احمد وهو يكتم ضحكاته #كنت اديها لامك تلبسلهالها
وكز ادم كتفه #متتلم بقي
اقترب ناصر #عمالين تتودودا علي مين هاه
احمد #ادم عاوز يقعد مع خطيبته
ناصر #صراحه عنده حق هما الاتنين اتظلمو في الليله دي ،،،
ادم بحنق #قله البارد ده
ناصر # معلش ياادم هحلهالك والله
قال جملته وتحرك ناحيه ليث
ناصر #عمو عاوزك ثواني
تحرك ليث ليقف امام ناصر
#الف مبروك ياناصر عقبال الليله الكبيره
ناصر #من بوقك لودن عمو فهد ،،، المهم دلوقتي ادم وحنين اتظلموا في الليله دي ،،،، يعني احنا سيكه وهناخد البنات ونخرج والليله خلصت وهو حتي مقعدش مع خطيبته
عقد ليث ذراعيه #والمطلوب
#يعني تاخدهم كده وتخرجهم ااقولك اعزمه علي العشا مهو ابن اخوك برضه مش واحد لقينه في الشارع
ليث #انت عارف خالتك بتاعه سهردي مش بعيد تكون نامت في القاعه التانيه
ناصر #ياعمو اتصرف الواد هيطرشق
ليث بشك #تفتكر ده السبب
ناصر بترقب #هو حضرتك شايف سبب تاني
تنهد ليث #هيبان ياناصر ،،،
ناصر #مش فاهم حضرتك تقصد ايه
#متشغلش دماغك انت روح اقعد مع اصحابك وانا هتصرف في الموضوع ده
تابع ليث ناصر يتحرك لتعاود عيناه الي ادم الذي يرتسم علي وجهه الضيق بابهي صوره ،،، دقائق واقترب مامون ومعه احد الشباب
#ليث اخويا دا بلال
ليث #اهلا بالاسد الجديد في العيله
سلم كلا الرجلان علي بعضهما لينادي ليث
#ادم انده الشباب وتعالي
تحرك الجميع نحوهم ليقوم ليث بالتعارف
#شوف دا ادم واحمد واسلام والاستاذ انس اللي معرفش هو فين دول ولاد فهد ودا ناصر ابن خالتها ودا حسام ابني ،،، بلال خطيب اسيل
تبادل الشباب التحيه وعيون ليث علي ادم الذي يقيم الشاب امامه بنظرات حاده نوعا ما
بلال #الف مبروك ياشباب ربنا يتمم بخير ان شاء الله
ناصر #الله يبارك فيك عقبالك
بلال #قريب ان شاء الله بس عمي يحدد ميعاد
مامون #ان شاء الله ،،،،تعالي بقي اعرفك علي بقيت العيله
تحرك به مامون لتتبعه عيون ادم ليهمس ناصر
#خف عشان انت تحت المرقبه
جمله تسللت لاذن ادم لينظر بعيون ناصر امامه
#عمك بيراقبك خد بالك عشان شكلك بقي زي الزفت
ايه احلوت في عينك دلوقتي
ادم بحنق #انت اتهبلت دي لو اخر واحده في الدنيا ياناصر ،،، الحكايه بس اني بشوف دا فيه ايه عشان توافق عليه وترفضني
ناصر بجديه #انت عارف سبب الرفض ولاتحب افكرك ،،، وافتكر انك قلت الحكايه انتهت ،،،ايه بقي
تنهد ادم بقوه ليكمل ناصر
#خد بالك انت رميت اللي فات ورا ضهرك وعاوز تفتح صفحه جديده لو مش قادر ولسه بتفكر يبقي تبعد من دلوقتي
ادم بحده #انت بتقول ايه
#بقولك اللي فيها اقولهالك انا بدل ماعمو ليث يقفل الباب خالص ،،،،
ادم بضيق #هو ليه مفيش حد عاوز يحس بيا ،،،
وكزه ناصر ليلتف ليصبح بمواجهه ليث
#انا حاسس بيك ،،،، بس انت اللي مش عارف انت عاوز ايه بتلف حوالين نفسك في ساقيه مسكورة لاانت عارف توقف الساقيه ولاهي بتطلع منفعه فتفضل تلف فيها
ادم #لاء ياعمو الحكايه مش كده خالص ،،،، الحكايه ان كرامتي نأقحت شويه مش اكتر
ليث #تمام هصدق الكلام ده بس انت مصدقه
ادم #صدقني ياعمو هي دي الحكايه ،،، اه اتضيقت عشان دا اتفضل عليا بس كمان متمناش اكون مكانه وخلاص كده ،،، دا واحد هيدخل جوا العيله وطبيعي هتعامل معاه
ليث ،#اتمني يكون الكلام ده حقيقي
عند فهد ومامون
فهد # عقبالك يابلال
بلال # والله انا جاهز عمو مامون اللي بيأجل
فهد #ليه يامامون
مامون موضحا #ياحبيبي كنت لسه هدي ميعاد اتصلت انت وقلتلي كتب كتاب نور وهوب قرت الباقي معاها ،،، بس ماشاء الله الليله حلوه اوووي اول مره احضر فرح من غير ذنوب يااخي
فهد باسما #افكار تقي
بلال #ماشاء الله هو ده الصح ياعمو
فهد #عارف بس معظم اللي موجودين قاعدين علي عينهم ،،،، من شويه لسه مدير الامن سألني هو الفرح هيبدا امتي
اسلام# فعلا يابابا مفيش حد من اصحابنا فاهم بس شرع ربنا فوقهم كلهم
ربت بلال علي كتف اسلام ليقول ببتسامه
#ماشاء الله عليك يااسلام ،،،
مامون # اسلام خد بلال معاك وعرفه علي بقيت العيله
اسلام #هو اسر فين
مامون #اسر تعبان شويه وسخن اخد مسكن وقالي هفوق وجاي
فهد بقلق #اسر ماله يامامون
ربت علي كتفه #مفيش الظاهر خد شويه برد يافهد انا اتصلت بيه من شويه صحيته وهو زمانه جاي
اسلام #تعالي يابلال
تحرك بلال مع اسلام ليقول مامون
# انا عارف ان وجوده مضايق ادم ،،، بس
قاطعه فهد #ادم اختار سكته ولازم يعرف ان مفيش مجال انه يرجع المهم طمني اسيل عامله معاه ايه الواد ابن حلال فعلا
مامون #جدا يافهد عارف ربنا وملتزم بس اسيل خايفه ومتردده علي طول ،،،، شويه توافق وبعدين ارجع اشوف الرعب في عنيها عشان كده كنت بأجل عاوزها ترسي علي بر
فهد #لو واثق فيه اكتب عشان يقربوا من بعض .
مامون بحنق #بقولك خايفه من الخطوبه اقولها نكتب
فهد #افهم اللي زي بلال ده هيفضل بعيد عنها طول ماهو خاطب ،،، اسيل محتاجه حد ياخد مكانها القرار ده لانها برضه هتفضل خايفه ،،، التجربه اللي مرت بيها مش سهله ،،،
تنهد مامون #عارف يافهد ،، ربنا ييسر اللي فيه الخير
عند الشباب ناصر
#هما هيفكوا الحصار عننا امتي
احمد بضيق #والله مانا عارف انا شخصيا عاوز امشي دلوقتي حالا
اسلام #اصبرو علي رزقكوا بس
ناصر # انما للصبر حدود ،،، وانا حدودي خلصت ،،،،
اسلام ضاحكا
#يابني انتوا مش جايين مع بعض
احمد #امك فرضت الحصار وجبتهم هييه مشفنهمش حتي ،،،
ناصر #حقه وانا اللي اخد امي وزمرده وعامل عريس بقي وعمال اتخيل هشوفها بقي وارفع الطرحه واحضنها والف بيها
وكز ادم كتفه #فوووق دا في الدخله الكلام ده
اسلام #انت تحترم نفسك ماشي
احمد #تصدق انت مستفذ
انتبه الجميع علي ضحكات بلال ناصر بغيض
#انت بتضحك علي ايه
هز بلال يده #لاء بس استنتجت انك كتبت علي اختهم صح كده
هز ناصر راسه موافقا ليقول بلال
#اصلك كده مش هيبقي عندك حمي واحد لاء دول ماشاء الله اربعه
حك احمد راسه وقال باسما
#تصدق انت صح ،،،، الحمد لله تقي معندهاش اخوات كبار ،،،،
ناصر بحنق #ياعم انت عاوز تجيب عمو محمود الراجل الكيوت ده اللي مسمعناش صوته من بعد كتب الكتاب زيكوا دانا كفايه عليا سياده اللوا
انتقلت عيون احمد الي محمود الجالس وحيدا في احد الاركان ليقول بضيق
#انا مش عارف نسيته ازاي
قال جملته وتحرك ناحيه محمود ليجلس معه
#ايه ياجميل قاعد لوحدك ليه
محمود #ابدا يابني بس انا معرفش حد وووكده احسن
هب احمد واقفا ليمسك يد محمود ويحاوطها بيده
# يعني عاوز تسيبني لوحدني
محمود #يابني لوحدك ايه بس مهو ماشاء الله الكل حواليك اهوه
احمد #عم محمود انا اتجوزت بنتك ،،، اخترتها من بين بنات الدنيا كلها ،،، وفخور جدا باختياري ده ،،،
محمود بانفعال #ربنا يجبر بخاطرك يابني بس يعني انا مش قد المقام
وقف احمد امامه
#مقامك فوق راسي ياراجل ياطيب ،،، احنا بقينا عيله واحده خلاص
ربت محمود علي كتفه
#ربنا يسعدك يابني
تحرك احمد به ليقف مع الشباب ناصر
#ايه ياعم محمود سيبنا وقاعد لوحدك
محمود #ابدا يابني بس قلت انتوا شباب مع بعض
احمد #داانت ابو الشباب
#احمد احمد
نظر احمد الي انس الذي اتي نحوه
#ايه يابني بتنده علي عيل تايه في ايه
انس #ماما بتقولك تعالي انت وناصر عشان تتصوروا
ادم بغيض #وانا يابني مش محسوب
عقد انس ذراعيه
#هي قالت احمد وناصر بس
ربت محمود علي كتفه #روح يابني ربنا يسعدك
ربت احمد علي كتفه لينصرف هو وناصر كاد محمود ان يعاود لطاولته المنزويه لولا يد وضعت علي كتفه ليرفع عيناه لفهد
#قاعد لوحدك قلت هتيجي في وسطنا ايه انت زعلان مننا ولاايه
#ابدا ياباشا
قاطعه فهد #جراي ايه يامحمود احنا بقينا اهل ،،، تعالي ياراجل اقعد في وسطنا
تحرك به فهد ليعرف الناس عليه لم يتوقع منه هذا ولكن شعر بسعاده حقيفيه ،،، اكملت سعادته بطفلته
بالقاعه الاخري وصل ناصر واحمد ليجدا فرحه وماسه في استقبالهما
فرحه# تعالي يااحمد عشان تتصور مع مراتك
احمد #ماما وادم مش هيتصور مع حنين
فرحه #اصبر بس ،،، حنين هتتصور عادي بس انتوا هتتصوروا في حته تانيه
ناصر #حته تانيه فين ياطنط
فرحه #خديه وادخلو بقي
احمد #ايه الحكايه
امسكت فرحه يده وقالت باسمه
#ياحبيبي البنات لابسين فساتين مفتوحه ،،، مينفعش حد يشوفهم غيركوا فهمت
احمد بحنق #فستاين مفتوحه ومشوا بها ازاي
فرحه بحنق #احمد بلاش غباء ،،، لابسين فوقه غطا ومينفعش تتصورا في القاعه انت هتدخل عادي عشان نوراختك بس ناصر هيشوف تقي ازاي فهمت ولااجيب من الاول
احمد #تقريبا مش عارف بقي
فرحه #احمد فكر في موضوع ان تقي تكمل احنا لسه في اول الدراسه وممكن تلحق السنه
تابع حركت والدته ليقول #ماشي هكلمها واشوف
فتحت فرحه احدي الغرف لتدلف للداخل وهو خلفها يكاد يجزم ان ضربات قلبه اعلنت العصيان لتضج بقوه تزلزله لدرجه الارتعاش وهو يتامل تلك الفاتنه اكثر ممايجب قدماه تتحرك دون وعي ليقف امامها يتلمس خصلاتها البنيه الناعمه المسدله برقه بجوار وجهها ،،، رفعت عيناها لتصيبه سهام حارقه من عيون بلون العسل الممتزج بروعه خجلها خدودها الحمراء وشفتيها التي ظهر اكتنازها واضح بهذا اللون الاحمر المثير ،،، كل شيء بها فاتن ،،، فاتن لدرجه فقد العقل والغرق بمحيط فتنه مميزه ،،، كل شيء يتلاشي حوله وفقط حضور الجميله التي يراها متجمله للمره الاولي ،، اخرجه من شطحه بطعم التهور كاد ان يقوم بها صوت والدته
#يلا عشان الصور
هز راسه قليلا لمحاوله السيطره علي فوران الدماء بعروقه وهمس بصوت متحشرج
#احم ،،، اااا ماشاء الله ايه الجمال ده
ابتسمت لتهمس بخجل #شكرا
المصوره #يلا ياعريس ااقف وراها وضمها ليك عشان نبدا الصور
احمد بحنق وهو يشير الي شفتيها
#انتي مشيتي كده من الكوافير
هزت راسها نفيا #لاء
فرحه موضحه #يابني انا جبت انتين من البيوتي معانا ،،،، تقي رفضت تحط مكياج والفستان مفتوح يعني مش هيبان حبيت بس يبقي ليكوا زكريات وعشان البنت تفرح كام صوره بس وهتلبس حجبها وتمسح الميكب وتتصورا الصور اللي هنوريها للناس فهمت
اقترب احمد ليطبع قبله علي جبين فرحه
#ربنا يخليكي لينا ياماما
عند ناصر
وصل ناصر وماسه للغرفه لتدخل ماسه ويتبعها ناصر تتلاقي العيون للحظه ليقترب ويرفعها بين ذراعيه يدور بها وهو يدفن راسه بعنقها ليهمس
#بقيتي حلالي خلاص ،،،بعشقك يانور
نور بهمس #وانا كمان بحبك اوي ياناصر
جمله كافيه لان ترفعه فوق السحاب يري النجوم ويتلمس دفئها المشع يرفع وجهه ليغرق بمحيط اخضر مضطرب ممتع قربه منها جنون بل هوس ،،، هوس اطاح بعقله كاد ان ينفلت كل شيء لولا جمله اخترقت اذنه بصوت والدته
#ناصر اتلم بقي بدل مااروح وابعتلك فرحه
اغمض عيناه للحظه ليلتف بها لمواجهه ماسه
#ياماما ان مأربجها عشان متشلتش
وكزه علي صدره من نور لتهمس
#انا بشلت
اقتربت ماسه لتهمس
#طب نزلها يافالح المصورة والكوافيره واقفين
انزلها ناصر ببطء مرغم ان يبتعد عن جنته التي تتفتح للمره الاولي ليتلقي دهسه لقدمه تاوه بصوت مكتوم لتتلاقي العيون وتهمس
#مانا بشلت بقي
ناصر #يابنتي بتوهها
ماسه بحنق #بتوهه مين طب واطي صوتك
ناصر بغيض # هو انا عندي كام حمي في الجوازه دي
ماسه ضاحكه #لاء متعدش داانا لو كنت جبتلك زمرده كان زمان رجليك الاتنين دلوقتي .
ناصر #ياغلبك ياناصر
عند ادم
# انا مش عارف ايه اللي حشرني معاهم بس
ليث ضاحكا #يابني بطل برطمه
ادم بضيق #مهو دا مسموش كلام ،،، يعني اسمي خطبت وماشاء الله حتي مشوفتش العروسه
ليث #يعني هيغيروها ولاانت متعرفهاش مثلا
ادم بغيض #تمام لزمتي ايه انا بقي في الليله دي ،،، ماروح اقعد في بيتنا واخطبها غيابي
ضحكات اسلام وبلال جعلته يزداد غيضا ادم
#انتو بتضحكوا علي ايه
غالب اسلام ضحكاته #بصراحه ياعمو ادم عنده حق ،،
ليث #خلصنا ياادم بعد الفرح هعزمك علي العشا مبسوط كده
ادم بغيض #جدا ،، مبسوط خالص ،،، هطرشق من الانبساط ،،،، وهي بقي هتيجي معانا ولاهنتعشي انا وانت بس
ليث ضاحكا #قعده الرجاله متتعوضش
اشاح ادم بيده #لاء كده كتير اوي بقي
#في ايه ياادم مالك
التف الجميع الي فهد الذي اقترب منهم ادم بغيض
#ولااي حاجه انا زي الفل اهوه
ليتشارك الجميع بالضحك وينسحب ادم يضرب الهواء بساقه بضجر
فهد #ايه الحكايه هو ماله
اسلام # مهو يابابا هو اللي اتظلم في الليله دي وبصراحه عنده حق ،،،
هز فهد راسه #برضه معندوش صبر
ليث #وانت يا بلال ناوي امتي ان شاء الله
بلال #بصراحه بعد موقف ادم ده انا نويت اكتب علي طول احسن اصلي حطيت نفسي مكانه
فهد# دا حتي مامون الكيوت اللي فينا
لينظر فهد الي ليث وينفجرا ضاحكين
انتهي الحفل ليخرج كل زوجين معا قبل فهد جبين نور
#الف مبروك يانور خد بالك منها ياناصر
ناصر ببلاهه #هو كده خلاص اخدها واروح
نديم بحنق #تعرف تسكت
فهد بغيض #تروح فين ،، عارف لواتاخرت عن الساعه حداشر هعلقك علي باب البيت
ناصر # يعني انا كتبت عشان اخرجها ساعه داانا لومأجر عجله هخدها اكتر من كده
ماسه ضاحكه #يخرب عقلك ياناصر
فهد باسما #خد بالك الساعه راح منها خمس دقايق
اسلام #بابا اروح معاهم
صمت فهد وكانه يفكر ليمسك ناصر يد نور ويتحرك ركضا تجاه السياره يهمهم بحنق
# دا هيفكر يلا يابنتي
ركبوا السياره وانطلق ليلتف الجميع الي احمد الذي يتلقي تقريبا نفس الوصايا من محمود
#معلش يابني بس متتاخروش
احمد #حاضر ياعم محمود من عنيا احنا هنتعشي وهروحها علي طول
ربت محمود علي كتف احمد ليقبل جبين تقي
#ربنا يسعدكوا يابني
اقترب فهد من تقي ليرفع كفه
#بقيت محرم
قال جملته ليقبل جبين تقي ليهمس احمد
#معترضتش بس خف ياكبير
فهد هامسا #عشان تبطل تبوس مراتي وتقولها يافرحتي ياحيوان
احمد بغيض #ياحبيبي دي امي
فهد باستفزاز #ودي مرات ابني
ضحكات تقي العاليه جعلت الاثنان ينظران لها
احمد بغيض # انتي بتضحكي علي ايه
تحكمت تقي بضحكاتها باعجوبه ليقول فهد
#عليك طبعا ،،، مبروك ياولاد تقي عندنا بكره تمام
تقي بحرج # معلش ياعمو بس بابا ااا
احمد # عمو محمود عزمني عندهم بكره
محمود باسما #عشان ياكل من ايد مراته
فرحه #طب ماتخليكوا عندنا كلكوا بكره ياعم محمود قولي حاجه ياام سجود
ام سجود # معلش بقي ياست فرحه خليها يوم تاني
فهد #سيبيهم علي راحتهم يافرحه ،،،
احمد #نستأذن احنا بقي
انصرف احمد ليعانق فهد كتف حنين من ناحيه ومن الناحيه الاخري فرحه ويتحركا بها وادم يستشيط غيضا
فرحه #فهد ابنك نقصله تكه ويفجرنا
فهد باسما #هو فاكر انها سهله ،،، لازم يتعلم الصبر
حنين #طب احنا هنروح فين
فهد # هنروح نتعشي ولاملناش نفس
حنين بارتباك #طب وادم
فهد #اسلام هيجيبه يلا بقي
عطس اسر ليمسح انفه بلال
#يرحمكم الله ،،، يابني طالما تعبان كده ايه اللي نزلك
اسر بتعب #يعني اسيب اخواتي لوحدهم
ربت مامون علي كتفه #ربنا يبارك فيك يارب
جومانه #يلا بقي عشان نروح تعالي معانا يابلال
بلال #لاء معلش انا هروح بس كنت عاوز عمو مامون في كلمتين
تحرك مامون بجوار بلال بعيدا نسبيا مامون
#في ايه يابلال خير
بلال #خير ان شاء الله ،،،، عمو انا كنت عاوز اكتب
يعني بفضل تبقي الخطوبه شرعي عشان نعرف بعض
بلع مامون ريقه لتتحرك راسه الي اسيل التي تفرك كفها بتوتر
#شوف يابلال انا معنديش مانع بس المهم رأيها هي
بلال #انا بكلم حضرتك
قاطعه # انا عارف ياابني بس الافضل تيجي معانا وتتكلم معاها هي
بلال #هو حضرتك شايف انها ممكن متوفقش
تنهد مامون # اسيل قلقانه من الارتباط
بلال بحيره #طب ليه وفقت طالما مش واثقه
مامون #انت فهمت غلط ،،،، هي مرتحالك بس قلقانه من الارتباط نفسه ،،، خايفه تفشل ،،، اسيل لسه ملتزمه قريب ،،، لسه متعرفش حجات كتير
بلال #ياعمي محدش يعرف كل حاجه والدين بحر كل واحد بياخد منه حبه بس محدش بيقدر ياخده كله
انا خريج ازهر بعني بدرس علوم الدين من وانا صغير
ومع كده في حجات كتير جدا معرفهاش
مامون #يابني انا عارف الكلام ده ،،، بس هي اللي مش عاوزه تقتنع ،،،
بلال # يبقي حضرتك تديني فرصه ااقرب وانا هقنعها
#مهو ده اللي انا بقوله ،،، انا موافق علي موضوع الكتاب ده بس عاوزك انت اللي تتكلم معاها
بلال #اللي تشوفه ،،،، بكره ان شاء الله هكون عند حضرتك عشان الوقت اتاخر
مامون #احنا مش بنام بدري
بلال #لاء هي كمان اكيد مرهقه النهارده ومحتاجه ترتاح
مامون #ماشي يابلال هستناك بكره ان شاء الله
تصافح الرجلان لينصرف بلال ،،، ويغرق مامون بحيرته منذ موافقه اسيل عليه وهي تتهرب من موعد للخطبه ولكن لعل فهد محق ومن ناحيه اخري هو لايريد اجبارها علي شيء
#ايه يابابا احنا مش هنروح انا مش قادر ااقف
مامون لاسر #يلا بينا
