تمددت علي الفراش لتنظر الي سقف الغرفه فوقها طوال عمرها وهي لم تطمع بشيء لاتستطيع الحصول عليه ،،، نظراتها لاتتخطي خطوتها امامها ،،،، هي مجرد فتاه بسيطه من اسره فقيره ،،، لم تتم تعليمها بسبب ضيق ذات اليد اباها مجرد حارس بالجامعه في رقبته اربعه هي اكبرهم ،،،، اباها يحبها ويحب اخوتها ،،، ولكنها الكبري ،،، ابيها تزوج بعد وفاه والدتها ،،، تزوج امراه لكي ترعاها طفله ،،، نعم لم تكن نعم الام ولكنها كذلك تحمل لها فضل ،،، فضل تربيتها صغيره ،،، لم تهتم كثيرا لقسوتها عليها لانها ببساطه ليست امها دوما تعطيها الاف الاعذار وتسامح لم تعتاد علي كره احد ولاحمل ضغينه لاحد لم تغضب يوما من اباها ولكن لم تعرف معني السند ،،، هي وحيده برغم انها تعيش بين عائله ،،، تذكر جيدا عيناه الدامعه وهو يخبرها
# علي عيني يابنتي بس اديكي شايفه الظروف مش هستحمل مصاريف جامعه
#ومين قالك بس ان انا عاوزه ادخل الجامعه ،،،، ورد ملهاش في العلام يابوي
ضحكه ارتسمت علي وجهه ابيها لتربت علي خده
#ربنا اكيد عينلي الاحسن
#علي عيني ياتقي
وهكذا انتهي طموحها الاآني في مواصله التعليم ،،، برغم شغفها الدائم بالتحصيل ،،، ولكنها راضيه ،،، راضيه بحياتها الرتيبه وروتينها اليومي الذي لايتغير وتذكرت كلمات زوجه اباها
#انتي هتفضلي قاعدالي كده في البيت
#طب حضرتك عاوزاني اعمل ايه
#تروحي تشتغلي يااختي ،،، اديكي شايفه ابوكي كبر واخواتك بتكبر ومعدش قادر علي المصاريف
وجاء قرارها بالعمل ،،،، العمل اخرجها للعالم بعيدا عن حياتها الرتيبه ،،، رفض اباها في البدايه
#معنديش بنات تشتغل انا
ولكنه وافق بعد الحاح زوجته
#طيب ياحبيبتي اهوه تعيني قرشين لجهازك وانا ان شاء الله لما يجي ابن الحلال هعمل سلفه واكمل
العمل الحلال لايلحق العار بصاحبه ،،، في البدايه عملت بمحل للبقاله ولكنها تعرضت لمضايقات ليست بالقليله ،،،، العالم الخارجي مختلف عن عالمها ،،،، تنقلت بين المحال حتي استقر بها الحال للعمل في مكتبه صغيره قريبه من بيتها ،،،، صاحبها رجل طيب ،،،، حياتها تمر ليس بها جديد ولكنها راضيه ،،،، تشعر بقمه السعاده والاطفال تتجمع حولها لتعلمهم كلمات الله ،،، ارسل لها القدر صديقتان ،،، حنين ونور المشاغبه ،،، احبتهم بصدق وهم بادلوها المحبه ،،،، حنين ونور يشبهاها علي الرغم انهم من مجتمع مختلف تماما عما تعيش فيه ،،، لم يشعرها ابدا بفقرها بالعكس نور دوما تمر علي بيتها تتحدث باريحيه مع ابيها وتمازح زوجته وتسميها امنا الغوله ،،،،نور دوما تبعث ضحكه من كل شيء ،،،، استعادت لقائها بها منذ قليل
#وحشتني والله
#انتي بكاشه يانور ادخلي
نور بصوت منخفض #امنا الغوله هنا
وكزت كتفها #يابت حرام بلاش ذنوب
نور بتحذير،#اهوه انتي اللي بتبدأي بمد الايد وبعدين ترجعي تعيطي
اجلستها بالصاله لتقول بسرعه
#هاه تشربي ايه
شدت يدها لتجلسها بجوارها وقالت
#مش عاوزه انتي لوحدك
#اه ماما راحت
قاطعتها بحنق #بلاش ماما دي مبتنزلش من زوري
والغلان الصغيرين مش هنا
قالت ضاحكه #مفيش فايده فيكي
نور #يابنتي يعني امنا الغوله هتخلف ايييه مش غلان صغننه ،،،، سيبك بس المهم بقي انا جايه اكلمك في موضوع مهم
اعتدلت لتنظر لها باهتمام
#قولي بس يارب ميطلعش موضوع اهبل
نور بجديه #لاء لاء مش اهبل ،،، شوفي ياستي انا جيبالك عريس
حدقت بوجهها بصدمه #ايه ،،، بطلي تهريج بقي يانور
هزت يدها رافضه #لاوالله مش بهرج انا بتكلم جد جدا
للحظات ظنتها دعابه او احد مقالب نور المعتاده اسندت راسه ليدها وقالت بترقب
#ودا مين بقي ان شاء الله ياست نونه الشعنونه انتي
#احمد اخويا
حدقت بوجهها للحظه لتحاول استوضاح اي من علامات المزاح ولكن وجهها كان جدي بشده
#احمد اخوكي ده اللي بتخدي هدومه واللي خدك من عند حنين
نور بحماس #صح هو الواد الحليوه ده ،اللي انا مقلباه علي طول
قالت بترقب #نور انتي بتتكلمي جد ولابتهزري
#جد والله ،،، هو قالي اعرف رأيك قبل ما يجيب بابا ويجي عشان ميتحرجش
للحظات شعرت بالسعاده ،،، سعاده فتاه تخطب ،،،يريدها رجل ليكمل معها حياته ،،،، خجل وخفقان قلب ،،، حتي قالت نور جملتها الاخيره لتهمس بشرود
#ييجي فين
نور #يجي يخطبك من عمو محمود
#نور احنا ناس علي قد حالنا وو
قاطعتها #علي فكره انا قلتله كل حاجه ،،، وهو قالي لو موافقه انا متمسك بيها جدا
قالت بذهول #ليه انا ،،،
ربتت علي يدها #بصي يانور والله مش عشان احمد اخويا لاء ،،، ولاد الحداد كلهم رجاله يعتمد عليهم ،،، ابونا ربانا من واحنا صغيرين نخاف من ربنا ،،، عمري ماشوفت حد من اخواتي ماسك سجاره ولابيرفع عينه في بنت محدش فيهم بيسيب فرض ،،،،هو مش فارق معاه القصه دي ،،،
قالت بترقب #طب ووالدك وولدتك ممكن يوافقوا
#شوفي انا معرفش رأيهم ،،، بس بابا وماما بيقدروا الحب جدا ،،،، هو هيتكلم معاهم بس لما يعرف رأيك الاول ،،، هاه يتوكل
هزت كتفيها بحيره #مش عارفه يانور انا متلخبطه وووو
#قلقانه من ايه فهميني
تنهدت بقوه # مش عارفه خايفه ،،، نور احنا الفرق بينا كبير اوووي ،،،، والبنات ولاد العائلات الكبيره مليه الدنيا و
قاطعتها#بس هو مش عاوز غيرك ،،،، ومفيش حاجه اسمها كده ،،، الانسان باخلاقه ودينه وروحه الطيبه وفي دي انت اغني مننا كلنا ،،،وعلي فكره هو صلي استخاره ومرتاح .
تنهدت بقوه ،#خلاص هصلي استخاره وربنا يختار اللي في الخير
#يعني انتي قابلاه ولالاء
هزت كتفيها #نور انا مأخدش بالي منه هو كان بيتكلم معاكي ،،، انا بس قلقانه
نور بضيق #برضه موضوع الفلوس دا
#مش كده وبس التعليم كمان انا حيالله معايا ثانويه عامه
نور بغيض #يابنتي انتي بتفكري ازاي عاوزه تكملي ابقي اتفقي معاه وكملي ،، ولعلمك بقي امي اتجوزت قبل مانتيجه ثانويه عامه تطلع ،،، خدت البكلريوس بعد ماخلفتني انا ونقشت الدكتوراه من سنتين بس ، بس انتي خليكي جدعه زيها كانت كل سنه تنجح بعيل جميله امي دي
انفجرت تقي ضاحكه
#يخرب عقلك ايه اللي بتقوليه ده
شاركتها نور الضحك #انتي مش مصدقه ،،، الحاجه فرحه من زمن الفن الجميل خلفت ادم قبل الدراسه اخدت السنه انتساب امتحنت وبعدين خلفت احمد بعد امتحانات تانيه كانت خلفت اسلام
ضربت تقي كفيها وقالت ضاحكه
#بس انتي ليكي اخ صغير
وضعت نور يدها علي رقبتها
#اعوذ بالله دا بقي جاي مع الماجستير حته قرد بيطلع عليا اللي بعمله في احمد كله وزي ماتقولي كده الحج والحاجه كانوا تعبوا من التربيه فطلقوه علينا ،،، بس الحمد لله مناقشه الدكتوراه عدت من غير عيل ،،،
تقي باسمه #ربنا يبارك في عمرها ،،، عارفه انا حبيتها من كلامك عليها
#ولما تشوفيها هتحبيها اكتر ماما تحسيها صاحبتنا اكتر ماهي امنا بس لما بتقلب اجارك الله بتمد ايدها ورجليها وكل الوسائل المساعده اهم حاجه في حياتها
قاطعتها #انتوا مش كده
#لااااء اهم حاجه الباشا الكبير
قطبت #اخوكي الكبير
ابتسمت بحنين #ادم وحشني اوي ،،، لاء مش ادم ياحبيبتي اذا حضر فهد نولع كلنا عادي ،،،وبعدين تعالي هنا هو انا بخطبك لامي متركزي معايا كده الواد زمانه فيص في العربيه
حدقتها بذهول #هو معاكي
#طبعا متلقح علي اول الشارع بالعربيه هاجي لوحدي يعني ،،،،
#حرام عليكي يابنتي الدنيا شمس
نور بحنق #شمس ايه تلقيه قاعد في التكييف مزاجه عنب ،،، المهم بقي نروح نكلم الحاجه ولا اسيبه يتقلب علي جمر النار
تقي بحيره #مش عارفه ،،، مكدبش عليكي حاسه اني داخله عالم مش بتاعي اكبر مني ،، نور انا عمري ماطمعت في حاجه من الدنيا
نور بجديه #اسمعي بقي انتي اللي مش عارفه قيمه نفسك ،،، الانسان مبيتقيمش بظروفه الماديه بيتقيم باخلاقه وطباعه الطيبه ،،، صدقيني بنات كتير مستواهم المادي يمكن اعلي مننا كمان بس اخلاقهم مش مظبوطه ،،، وبعدين الواد من ساعه ماشافك وهو قالب علي انحراف ،،، الوااااد هيضيع مني ياناااااس
انفجرت ضاحكه #يابنتي انتي مبتكمليش كلمتين جد علي بعض
نور #انا حساكي متقبله الموضوع تتوكلي انتي تصلي وتديني ردك بكره ماشي
#ماشي يانور
تنهدت تقي بقوه منذ صلاتها وهي تشعر بالراحه وخف قليلا قلقها وتوجسها ولكنه لم ينتهي تري الغد يمتليء مجهول ،،، مجهول لاتعرف ان كانت تستطيع مواجهته ام الافضل الهرب منه ،،، ولو هربت هل ستندم ،،،،، توصل عقلها لامر واحد فقط ان نتيجه استخارتها ستظهر في موقفه هو ،،، ستحدث نور وتخبرها انها موافقه وتنتظر ،،،، في الاغلب رفض عائله الحداد في دخول فتاه بسيطه مثلها بينهم ،،،،،
❤❤❤❤❤❤صلي علي النبي محمد ❤
