اصوات ضربات الرصاص بالخارج تصم الاذان جوان بخضه
#ايه الصوت دا يافاطمه
فاطمه باسما،#متخفيش دا تحيه للعريس بس عشان انتي محضرتيش قبل اكده فرح صعيدي
امسكت الحنه بيديها وقالت بسعاده
#بس حلو اوووي الفرح والطين دا كمان عارفه حاسه ان انا عيله صغيره
زينب ضاحكه #دي حنه ياجوان
فاطمه #طين هنحط طين علي العروسه ياجوان
جوان بتحذير #بطلي تتريقي انا اعرف منين يعني
فاطمه # طب خلاص متزعليش الحنه زينه وعويدنا اكده
جوان #يعني انتي عملتي كده يوم فرحك يافاطمه
فاطمه #معلوم انا فرحي كان اهنه ابا سليم شيعلنا كان فرح كبير فضل تلت ليالي ابوي وابا سليم يدبحوا وياكلو الفقرا ،،،
جوان #انا كمان عملت فرح علي فكره بس مش كده خالص
زينب ضاحكه #عاوزه تعملي فرح من ده في باريس ،،،
جوان بحماس # الفرح كان بالنهار في جنينه واسعه باللون بالورد زي البوابه كده موسيقي حلوه لاء كان فرح مميز برضه
زينب #وكان في رقصه سلو صح
جوان #اكيد اصلا العروسه والعريس هما اللي بيفتتحوا الرقص ،،، عارفه الوصيفات بتوعي كانوا لبسين لون واحد ومعايا من الصبح سافروا من المانيا لباريس
زينب بحماس #طب يلا اوووموا
فاطمه #في ايه يازينب
زينب #مش انتوا الوصيفات بتوعي قومو يلا البسوا شبه بعض
جوان بحماس #والله صح البسي فستانك الاحمر يافاطمه
فاطمه #يعني ايه بقي مش هنلبس الفساتين الجديده
جوان #مش مشكله عشان خاطر زينب ،،،
زينب #انا هقول لصباح تلم الحجات دي وهدخل انا كمان اغير هدومي قبل ماالبنات تهل
انصرفت الثلاثه كل الي وجهته
عند الرجال ،،،هاشم
#مبروك ياعريس يخرب عقلك رجعتني يجي ست سنين لورا
حمزه ضاحكا #اه يوم مااتجوزت ام ياسين طبعا
هاشم وهو يقذفه ببعض الحنه
#لاء هعمل الهبل ده في باريس
حمزه بحنق #بالله عليك ياشيخ مش عاوز ابطع عشان خاطر النبي
قاسم ضاحكا #اباي عليك ياحمزه لازمن لونك يتغير
حمزه بحنق #ياعم انا مبديش لوني يتغير انا عجبني شكلي اكده
تبادل هاشم النظرات مع اصدقاءهم ليرفعوا الاناء المليء بالحنه ويسكبوه علي رأس حمزه ليهرب الاخير تجاه البيت صارخا
#منكوا لله ياظلمه ليكوا يوم
ليتشارك الجميع في الضحك
هاشم #هطلع اغير عشان اروح البيت اشوف لو محتاجين حاجه وراجع
بيت المالكي قريب نوعا ما من بيت الشناوي لذا ترجل هاشم وسط الغيطان كاد ان يعبر بوابه البيت الخارجيه ولكن اوقفه نداء احدهم
#دكتور هاشم
التف ليفاجيء بعزه تهرول نحوه
#الف مبروك عشان اخت حضرتك كان لازم اعمل الواجب مع انك معزمتنيش
زفر بضيق تلك صاحبه السموم اتت لتنفث سمها
#اتفضلي جوا عند الحريم ياااجعفر
اتي الحارس مهرولا
#اامرني ياسيد الناس
#وصل الدكتوره لعند الحريم
قال جملته وتركها ليتحرك ناحيه المندره وبالتاكيد لم يري من يتابع الموقف كاملا من الاعلي ولكنها تبعته
#دكتور هاشم من فضلك
زفر بقوه والتف
#خير
#هو انا وجودي فير مرغوب فيه ولاحاجه
هاشم بضيق #محدش يخطي عتبه الشناويه ويتطرد يادكتوره عن اذنك
عزه بخبث وهي تقترب خطوه
#لو وجودي هيعمل مشاكل انا ممكن امشي
هاشم بحده # وقفتنا كده متصحش انتي جايه تعملي الواجب يبقي عند الحريم ياااادكتوره
قال جملته ودخل المندره ليغلق الباب بوجهها عزه بغيض
#ماشي ياهاشم هنشوف
رفعت وجهها وتحركت لداخل البيت
في المندره ،،،،سليم
#اطلع ياولدي غير خلجاتك دي
جلس هاشم بجوار سليم وانحني علي اذنه
#عزه اجت انا ماصدقت الدنيا راقت يابوي
ربت سليم علي فخذه وهمس
#مش وضحت وهما صدقوك خلصت علي اكده متقلقش بس قول يارب ميقتلهواش
حدق هاشم بوجهه سليم للحظه مالبث ان انفجر ضاحكا سليم
عند الحريم جوان بغيض لفاطمه
#شوفتي كانت بتكلمه ازاي
فاطمه ببتسامه #اهدي شويه واد عمي ميكدبش والبنته دي قليله الربايه وقليل الربايه نعمل فيه ايه
جوان #ايه
فاطمه ضاحكه #نربيه ونعلمه مينضرش حاجه متخصوش
حدقت جوان بوجهه لتهب فاطمه واقفه وخلفها جوان يتخطون الفتيات الراقصه لتهمهم زينب
#يارب عدي اليوم علي خير
جلست فاطمه بجوار عزه لتجلس جوان بالجانب الاخر وكلتاهما يلتصقا بها ضربت فاطمه علي ساقها بقوه
#منوره ياعروسه
عزه بالم وهي تفرك فخذها # اه بالراحه شو يه
فعلت جوان بالمثل لتقول #انشفي كده
عزه #اه هو في ايه بالظبط
فاطمه #جوليلي ياجوان هو في بلاد بره زي عندنا اكده قليل الحيا نسلخ وشه
جوان #لا ء يافاطمه قليل الادب اللي يبص لحاجه تخص غيره بنخرم عنيه بس
فاطمه #اباااي عليكي يعني هنسلخ وشها ولانخرم عنيها
جوان #الاتنين وانا ااقدر ازعلك برضه يازهره
#نعم ياستي
فركت جوان يديها لتشير بيدها فتقترب زهره منها
#حضري الحبال واوضه الادب عشان في واحده قليله الربايه
رفعت زهره وجهها لتنظر لجوان لتغمز الاخيره بعيناها زهره
#عنيا ياست
قالت جملتها لتتحرك للخارج بلعت عزه ريقها برعب لتقول فاطمه
#مالك ياشابه وشك اصفر اكده ليه
هبت عزه واقفه #ااااصل اااانا اااالاااازم امشي
جذبتها فاطمه لتقع مكانها
#تمشي دا ايه ودا يصح برضك لازمن تاخدي واجبك كلياته ولاايه ياجوان
جوان #طبعا ياحبيبتي دا الداخل مابينا
فاطمه وهي ترفع يديها
#الله يرحمه اقري عليه الفاتحه
رفعت جوان يديها وكلتاهما عيونهم تفترس الفريسه حمقاء بجداره لو اعتقدت انهم لقمه سائغه
ترتعش والعرق يتصبب علي جبينها حاولت التماسك قدر الامكان والابتعاد عن تلك الحرباتان يبدو ان مخططها يؤل للفشل ،،، كان الامر يسير كما خططت منذ رات هاشم رجل وسيم والاهم يمتلك تقريبا نصف بلدتهم لم يعنيها ان تكون زوجه ثالثه او حتي رابعه ولكن كانت ستغرق بالنعيم تنحنحت لتجلي صوتها وعيناها معلقه علي الباب حيث اختفت تلك الزهره ماذا سيفعلون بها بالتاكيد لاشيء انه مجرد تهديد بالتاكيد تجمدت حرفيا وهي تري زهره. تقف علي البوابه وتوميء براسها لجوان لتربت الاخيره علي ساقها فتنتفض فزعه
# يلا بينا ياحلوه
عزه بارتعاش #يييلا فيييين
فاطمه في اذنها #هنجهزك ياعروسه
عزه بحده #اااانا مش هروح معاكوا في حته متقدروش تعملوا فيا حاجه هي مش سايبه
فاطمه #واه واه انتي بتترعشي كده ليه ياشابه اهدي اكده لو فكرانا بنهددك يبقي دخلتي البيت الغلط ولاد الشناوي ميهددوش ينفذوا طوالي
جوان بصوت منخفض #الاقوليلي يافاطمه هو المسدس بتاعك مكانه
فاطمه #معلوم ياجوان في صعيدي يمشي من غير سلاحه دي تبقي عيبه حتي في حقه ،،، اومي اومي اما نفرجك علي البيت
عزه برعب #لاااااا مش عاوزه انا عاوزه امشي
جوان هامسه #ليه بس مش ده هيبقي بيت جوزك برضه ولازم نقوم معاكي بالواجب
هبت فاطمه واقفه لتنزعها من علي الاريكه عزه برعب
#الحقوني
فاطمه #محدش يتحرك من مكانه
الجميع جلس مكانه وكان علي رؤسهم الطير جوان #البت دي بترمي بلاها علي هاشم وكانت بالبجاحه انها تيجي لعندنا وتقول انه خطبها هاه نعمل فيها ايه يابنات
احد الفتيات #طلقه بتنين مليم ونخلص منيها
اخري #لاع ياسمر منقتلهاش احنا نشوهها بس عشان تبطل تلف علي الرجاله
اخري #لاع بلاها احنا نزفها في البلد كلياتها عشان يعرفوا انها بنته شمال
دفعتها فاطمه فكادت تقع فاطمه
#تسلموا يابنات احنا هنعرف نربيها
عزه برعب #والله خلاص اااانا همشي من البلد كلها
زينب #خلاص يافاطمه سيبيها تغور
جوان #عشان خاطرك يازينب مع اني كنت ناويه اعمل معاها احلي واجب والله ،،،
عزه بارتعاش #واجبك وصل شكرا
عقدت فاطمه ذراعيها
#سيبها ياجوان مهياش بعيده عن ادينا واللي معملنهوش النهارده بكره نعوضه
عزه #مفيش بكره انا هنزل هلي مصر دلوقتي حالا
قالت جملتها لتهرب ركضا من البيت ومن البلد باسرها لتنفجر فاطمه وجوان ضاحكين زينب
#والله حرام عليكوا البت صعبت عليا
فاطمه بحنق # بتقولي ايه يازينب
زينب #قسما بالله حسيتكوا ريا وسكينه
جوان ضاحكا #اه كنا هنريحوها
ليتشارك الجميع في الضحك وتهمس فاطمه باذن جوان
#يلا مفيش نصيب بس خافي علي نفسك بقي لريحك انا
نظرت جوان لعيون فاطمه المرحه ليتشاركا بالضحك
بالاسفل هاشم في اذن ابيه
#هما عملو فيها ايه دي طالعه تجري زي مايكون ملك الموت بيجري وراها
سليم ضاحكا #ان كيدهن عظيم
هاشم ضاحكا #ونعم بالله
وصل حمزه بسيارته لبيت الشناوي يتبعه المزمار والطبل وقف ليتجمع حوله جميع الرجال ببيت الشناوي وتنطلق الاعيره الناريه في الهواء سليم بسعاده وهو يصافح حمزه
#الف مبروك ياولدي
انحني حمزه ليقبل يد سليم
#ربنا يباركلنا في عمرك يابا الحج
هاشم #تعالي ياحمزه عشان تتصورا
امسك هاشم يده ليهمس
#يخرب عقلك انت ايدك متلجه ليه اكده
حمزه #اااابس متوتر شويه يااخي
وكزه هاشم علي كتفه# يادي المرار الطافح اوعاك تفضحنا
رمقه حمزه شذرا لينفجر هاشم ضاحكا ليهتف الاخير
#سكه العريس جاي
دقائق وظهرت جوان بجلبابها الاسود
#الف مبروك ياحمزه خد بالك من زينب
حمزه بارتباك #في عنيا ياام صفيه
جوان باسمه #تعالوا
تحرك حمزه وبجواره هاشم ليصعدا للاعلي ليري فاتنته الجميله بثوبها الابيض الظاهر بشده بجوار عشرات الاثواب السوداء المحاوطه نعم كان متوتر خائف قلق ولكن فور رؤيتها القت عليه تعويذه سحريه فقط يتحرك ليصل الي السحابه البيضاء امامه احد النجوم المضيئه بشده الخاطفه للانفاس وصل امامها ليرفع الطرحه الخفيفه المنسدله علي وجهها ليتجمد حرفيا ولايشعر باي شيء سوى احساس طاغي تملكه لينحني ويعانق الجميله يرفعها ليعتدل لتتعالي الزغاريد من حوله وهو بعالم اخر محتجز داخل فتنه شفاه بلونها الاحمر المثير كان علي اعتاب الغرق لولا يد هاشم وصوته الضاحك
#اهدي يخربيتك هتفضحنا
فقط وجد صوته بين زحمه المشاعر التي اغرقته
#بقيتي حلالي ربنا يقدرني واسعدك
همست بخجل #نزلني ياحمزه
اغمض عيناه للحظه ليزفر بقوه وينزلها ببطء كارهه لابتعادها يريد فقط القرب التنعم الدفء اخيرا حلمه يتحقق فقط يريد خطفها والابتعاد عن الاعين المحدقه بهم فاطمه
#ربنا يسعدكوا يارب
صفيه بدموعها #دير بالك عليها ياحمزه
انحني امام مقعد صفيه ليرفع يدها ويقبلها باحترام لتقول
#ربنا يسعدكوا ياولدي
#في عنيا ياامي
جوان بحماس #داانا هعملكوا فوتو شين ناااار يلا بقي
استسلم الجميع لاوامر جوان في الحقيقه كان مكرهه لايري اي شيء سواها نجمته المضيئه عيناه فقط تراها ولاتري اي شيء جوان باسما
#خليك معايا ياحمزه كده الصور هتبوظ
حمزه بضيق #لزمته ايه دا بس ياام صفيه
جوان ضاحكه #ذكري هوانتوا هتتجوزوا كل يوم
يلا بقي حط ايديك علي وسطها
حمزه بحماس #بدات احبك
هاشم بغيض # متحترم نفسك يازفت انت
حمزه بحرج #والله مااقصد انا بس
هاشم #اخلص خلينا نخلص
اقترب حمزه وعيناه تلمع ليحتضن خصر زينب فتتململ الاخيره بحرج ليهمس باذنها
#حاسه بيا ام صفيه
لتنظر زينب بعيناه وتنطلق الاضواء انتهيت اخيرا جوان من تصوريهم ليعلن هاشم
#يلا يابني الفرح الناس تحت
امسك حمزه يدها وقال #فرح مين انا عاوز اروح
لتتعالي ضحكات الحريم وتخفض زينب وجهها بحرج لينزع هاشم يدها منه ويدفعه
#عدي قدامي فضحتنا
حمزه بحنق # انت هتفضل كاتم علي نفسي لامتي يااخي اعتقني بقي لوجهه الله
هاشم بغيض #يابني اتهد يخرب عقلك ،،، يعني انزل اقول للناس ايه معلش العريس مش صابر
اشاح حمزه بيده
#لاع لاتقول ولاتعيد ياعم انا جاي اهه
تحرك حمزه بضجر لينفجر هاشم ضاحكا ويتبعه للخارج هاشم
#هتفضل مكشر اكده
حمزه بغيض #بقولك ايه بقي خلي الساعه دي تعدي علي خير
هاشم هامسا # والله زي ماتكون عيل صغار خت لعبته ومقموص
حمزه بضجر هامسا #يعني اسيب عروستي واقعد في وسط الخناشير دي ليييه
كاد ان يرد ولكن احد الحضور تحدث
#اباي مالك مكشر اكده ياحمزه
وكزه هاشم #عجبك اكده
حمزه #مش مكشر ولاحاجه اصل كنت عاوز اخد العروسه وامشي
وكزه هاشم ليقول احدهم ضاحكا
#مستعجل اياك
اخر# عريس بجي
هاشم هامسا#تستاهل التحفيل قسما بالله
سليم ضاحكا #ياولدي احنا لساتنا في اول الفرح والبنته اول مره تبعد عن حضن امها سيبها تشبع منيه
حمزه هامسا #مبقالها عشرين سنه في حضنها يعني مشبعتش
انفجر هاشم ضاحكا ليهب واقفا يحمل عصا ويناول حمزه العصا الاخري ظل يحتطبان والجميع يصفق حتي اعلن حمزه
#كده كفايه اني مروح
سليم #روح ياهاشم هتله عروسته
بعد قليل كان يمسك يدها ليحتضنها بجوار صدره وينطلق بالسياره تتبعه الاعيره الناريه بالهواء
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ترجل هاشم لجناح جوان متعب مرهق اليوم كان طويل من بدايته فتح الباب لتتعلق الجميله صاحبه سبائك الذهب بعنقه
#وحشتني اووي ياهشومي
ضم خصرها اليه
#وانتي كمان وحشتيني الدنيا من غيركوا جهنم حمرا
قربت وجهها منه
#من غيري انا
اطبق علي شفتيها بشغف ليهمس
#من غيرك انت اتوحشتك اووي
وكزت كتفه #ماانت قضيت الليله عند فاطمه
#مش كان يومها
همست بنعومه #ايوه بس سيبت جوان لوحدها
هز راسه نفيا
#جوان ديما في قلبي ،،، جوان اللي قست وكانت عاوزه تبعد عني
تنهدت بقوه #مش هستحمل واحده تانيه تشاركني فيك ياهاشم ،،، عارف محستش بفاطمه الا في الوقت ده ،،، كسره ووجع انا مش هستحمله ،،، صعبه اووي ياهاشم ،،، بس قلبي كان بيقولي هاشم ميعملش كده فيا
ابتسم ليتحرك بها للفراش اراحها ببطء ليستلقي ويضمها اليه
#اني مش عاوز حاجه من الدنيا غيركوا اني مبسوط بحياتي معاكوا
رفعت عيناها له وقالت
#مبسوط معايا اكتر
قرب وجهه منها #عشان انتي العشج ،،، قوليلي بقي عملتوا ايه في البنيه خلتوها تطلع تجري اكده
لمعت زرقتيها لتعتدل بمواجهته
#تهمك في ايه ان شاالله تولع حتي
قال ضاحكا # متهمنيش بس عاوز افهم
جوان وهي تقرب يديها من بعضهما وكانها تخنق احدهم
#كنا هنريحوها ياحسب الله
انفجر ضاحكا #داانتوا يتخاف منيكوا ،،، البت طالعه تجري كانها شافت الموت
رفعت ذراعها وكانها تريه عضلاتها
#طبعا اللي يجي علي حاجه تخصني اشرب من دمه
لدغ خدها #شرسه ياقطتي قلتي حاجه تخصك وانا بقي اخصك ،،، مش اكده
قالت بشراسه #عندك اعتراض انت
جذبها لتسقط علي صدره وقال ضاحكا
#اطلاقا ،، انا ملك ادين حبيبتي
ليغرق في جنتها الدافئه التي حرم منها لشهر كامل يغرق ويتمني الايعود ،،،،،،
❤❤❤❤❤استغفر الله ❤❤❤❤❤❤❤
