#نوووووووووررررررر
انتفضت فرحه من علي مقعدها فزعه فور سماعها صوت فهد الجهوري لتسرع للباب وتقول بخضه
#في ايه يافهد نور عملت ايه
فهد بعصبيه #بنتك فين
فرحه بقلق #طب بس فهمني
فهد بحزم #هي فين يافرحه
#راحت عند حنين من شويه ،،، ممكن بقي تهدي وتفهمني ايه الحكايه
فهد بعصبيه # الست هانم قدمت شرطه من ورانا
فرحه بذهول #قدمت ازاي يافهد دا النتيجه لسه مطلعتش
فهد بعصبيه #الهانم راحت عملت الاختبارات النهارده اتلقيت اللوا محمود عميد الكليه بيقولي انها عدت من الاختبارات واسمها موجود اول ماالنتيجه تطلع
#من غير كوسه والله
رفع فهد عيناه لاحمد الذي يهبط علي الدرج ليتقدم نحوه ويقول بترقب
#يعني كنت عارف مش كده
احمد ببراءه مصطنعه #انا ،،، لالا تعرف عني كده ياابو ادم
فرحه بغيض #ودي قبلوها ازاي الشبر ونص دي يعني
فهد بحنق #انتي بتستعبطي يافرحه اخواها في الكليه والتاني دفاع جوي
احمد باسما #لاء لاء البركه فيك ياسياده اللوا
فهد بغيض #ولا انت عاوز تشلني
اسلام #بعد الشر عليك ياحبيبي ممكن بس تهدي ونتكلم بهدوء
فرحه بصدمه #انت كمان كنت عارف يااسلام
اسلام بهدوء #دا مستقبلها هي اللي تختاره ،،، احنا بس ننصح خدت بالنصيحه كان بها ماخدتش
احمد مقاطعا #تاخد علي دماغها لما تشبع
نظر فهد لفرحه المصدومه وقال
#مبسوطه كده ياست هانم عيالك عملين حلف شمال الاطلسي علينا
احمد #والله يابابا مش كده الحكايه كلها انه حلمها وهي نفسها يعني متقفش في سكه الحلم
فهد بغيض #يعني خلاص بقيت انا اللي سادد السكه دلوقتي مش كده ،،، فرحه اتصلي بيها هتهالي حالا
فرحه بخوف #طب بس اهدي يافهد الله يخليك
فهد بحزم #انتي سمعتيني ،،، احمد روح عند عمك ليث هتها
احمد بقلق #حححاضر يابابا
تحرك احمد للخارج وهو يستمع صوت والدته تحاول ان تهديء اباه رفع هاتفه ليتصل بادم
#الحقني ياادم ابوك هيولع في نور
#ايه اللي حصل
#نتيجه اختبارات الكليه وصلتله
# بلح
قطب احمد ليوقف السياره بجوار الطريق
#انت قلت ايه
#يابني بلح ،، ابوك عارف من اول يوم اختبارات وهو اللي عداها من اختبار الطول
احمد بصدمه#انت بتقول ايه والزعيق والتشنج اللي كان عمله جوا دا
،#بيعمل شبوره عشان يمتص غضب امك ،،، هتتلهي فيه وتسيب البت بدل ماتقتلها وانت عارف امك ماشاء الله قصيره اه بس اديها مرزبه
انفجر احمد ضاحكا #ياولاد ال....حداد ،،، اقسم بالله انا صدقت داانا ركبي كانت بتخبط في بعض ياجدع ابوك دا ايه
#هو زودها اوي كده
احمد ضاحكا #لاء وانت الصادق دا افور بالقوي المهم انت مش ناوي تحن علينا وتنزل بقي ،،، بقالك شهرين يابني ايه انت بتعاقبنا احنا
#ابدا يااحمد والله انا بس واخد تدريبات مكثفه
احمد بعتاب #علي اخوك ياادم
#وانتوا ذنبكوا ايه ،،، كلكوا حذرتوني وانا اللي مشفوتش
احمد #انت مش متخيل عشان مبتردش علي نور هي عامله ازاي
#والله يااحمد معنتش زعلان منها لما هديت فهمت،،،،،، الحكايه كلها ان انا مش عاوزها تتكلم في حاجه وانا عارف انها علي طول معاها .
#صدقني ياادم الازمه دي غيرت بيت عمك مامون كله، ،، كلهم التزموا اوي انت نفسك لو شوفت اسيل دلوقتي مش هتعرفها
#خلاص يااحمد معدتش فارقه ،،، بعد كده كل قراراتي لازم تبقي من عقلي وبس
#بمعني
#لما انزل هقولك
#طب ناوي امتي دا تاني شهر تطبق
#نازل الاجازه الجايه يااحمد
#طب تمام اروح انا بقي اعيش اللحظه علي نور
والله لطلع عليها هدومي اللي بتسرقها كلها
اغلق احمد الخط ليهمس
#ربنا يهدي بالك ياادم
انطلق الي بيت عمه ليث ليترجل للداخل جذبت اذناه اصوات ضحكات عاليه ليلتف يري نور تهدد احدي الفتيات بايس كريم والاخري ترجع للخلف
نور #والله مانا عتقاكي ياوطيه
الفتاه #يخربيتك هديتي حيلي اللهي تتهدي يانور
نور ضاحكا وهي تقترب منها
#طيب ابقي شوفي مين هيخلصك من ايدي
اندفعت الفتاه لتصطدم به لتلتف دون النظر اليه خلفه نور بغيض
#اوعي بدل ماالبسك الايس كريم ده في دماغك
امسك يدها ليبعد الايس كريم منها
#انت يابت محدش قادر عليكي متتلمي بقي
ابعدته نور وقالت بغيض
#والله ياتقي ماانتي معتقوه
تقي ضاحكه وهي تجري للداخل
# عمو ليث هيحميني منك
ثم وقفت علي الباب لتخرج لسانها لنور
#اممممم
نور بغيض وهي تسرع خلفها
#مش هسيبك
لحظه واختفت نور من امامه ليضرب يديه في بعضهما
#ايه المروستان دا ومين البت الهبله دي
تحرك للداخل ليلحق نورقبل ان تفتك بتلك الصغيره ليفاجيء بضحكاتهما المشتركه مع حنين
احمد باستغراب # الله دا ايه الهبل الرسمي ده
نظ. ثلاثتهما الي احمد لتتقدم حنين تجاهه
#اهلا يااحمد اخبارك ،،، معلش بقي هي تقي ونور كده زي القط والفار
تقي وهي تنظر لنور #انا القط طبعا
نور #يعني مبتحرميش طوعيني هحبسك تاني
حنين #بااااس انتوالاتنين ،،، احمد بابا جوه انت جيله مش كده
عقد احمد ذراعيه وعيناه لاتفارق تلك التقي الذي يري ملامحها واضحه الان وجهه مستدير وعيون بلون العسل تمتليء مشاكسه انف رقيق وشفاه ناعمه اقتربت نور لتهمس بجوار اذنه
#اتقي ربنا ياشيخ احمد .
من الواضح ان تأمله في تلك الطفله قد لاحظه نور وحنين ،،، او لانهم لم يعتادوا علي هذا منه اخفض بصره ليستغفر نور
#هاه جاي ليه بقي عاوز عمو
التف ليولي ظهره لتلك التقي التي خطفت بصره رغما عنه
# لاء جاي اخد جنابك بابا عاوزك
بلعت نور ريقها وقالت بصعوبه
#ااااتقفشنا
هز احمد راسه موافقا ربتت نور علي خدها بخوف وقالت بترقب
#والنتيجه
احمد #دمار شامل ومتكامل ،،، بيزخر الاسلحه وسيبه بيعلن الحرب
نور بقلق #طب وووالطابيه
احمد # ماشاء الله كل اما الدنيا تهدي ترمي قنبله
حنين بغيض #ايييه ده انا مش فاهمه حاجه
تقي #تقريبا كده نور في ورطه من نوع ما ،،،
انها تصر علي انتزاع نظراته الخائنه منه ليلتف اليها ثم ينتبه علي صوت حنين
#ايه الحكايه يااحمد متقلقنيش
نظر احمد الي نور لتؤمي براسها موافقه
احمد #ايه مقلتلكيش انها قدمت شرطه ،،، عمك عرف اجتله نتيجه الاختبارات
نور بلهفه #طب ايه النتيجه اتقبلت
احمد بغيض #هو ده اللي همك ابوكي هيشنقك
هزت نور يدها نفيا #الخوف مش من ابوك ،،، الخوف من امك
احمد باستغراب #ياسلام ،،، قسما بالله انا خارج من البيت وانا ركبي بتخبط في بعض من صوته
حنين بقلق #لاء يااحمد عمو فهد مستحيل يأذيها
نور #الخوف بس ليحط بصمته ويوقف الموضوع
احمد بغيض #هو ده كل اللي همك
نور بحزن #لو كان ادم هنا كان وقف في ظهري مش جاي يرعبني يااستاذ احمد
احمد بتأثر #علي فكره بيقولك مبروك ونازل الاجازه الجايه بس متقوليش لحد
حنين بترقب #وهو عامل ايه يااحمد
احمد #كويس ياحنين يلا بقي يانور عشان نشوف هنعمل ايه
قفزت نور لتطبع قبله علي خده وقالت بحماس
#عجبتني نعمل دي اقسم بالله هتسندني صح
احمد ضاحكا وهو يدفعها
#اهو عشان البوسه دي ،،،هسلمك لابوكي متربطه
يابت وراكي رجاله
حنين #سلام يانور
نور#سلام
تقي #متقطعيش الجوبات وانا هجبلك عيش وحلاوه
نور #مبحبش الحلاوه هتيلي شيكولاته
تقي #طيب احلي شيكولاته
احمد #يلا بقي يانور
نور #يابني انت مستعجل علي قضايا ليه يلا ياعم تموت في الشر قد عنيك
خرج كليهما لتجلس نور بجوار احمد ليسال الاخير
#هي مين البت اللي جوه دي
اعتدلت لتواجهه وعقدت ذراعيها
#بتسال ليه حضرتك
هز احمد كتفيه #عادي يعني انا اول مره اشوفها
نور #اخدت بالي انك كنت مركز معاها اوي
احمد بارتباك #مركز معاها دا ايه الحكايه بس
نور #خلاص بقي هتكدب كمان ،،، المهم دي صحبتي الانتيم انا وحنين
#انتي وحنين ازاي يعني ،،، اصلا حنين اكبر منك
نور #ماهي صاحبتي انا وانا صاحبتها علي حنين فبقت صحبتنا احنا الاتنين عشان ابوها صاحب عمو ليث اصلا ،، قلي بقي ادم قالك ايه بجد
احمد بشرود #هي في كليه ايه
#اوووف يابني ركزلي دقيقه ،،،، ادم قالك ايه بقي كويس
هز احمد راسه #هو بيقول كده بس انا مش
مصدق ولاكلمه
نور # طب مش بيرد عليا ليه
#عشان متكلمهوش عنها ،،،، ادم قافل اووي
مقلتليش بقي هي في كليه ايه
قطبت #هي مين دي
#تقي
اوقف احمد السياره امام البوابه
#عاوز تعرف ليه
هز كتفيه #عادي يعني ،، هو انت تعرفيها من زمان
نور باسمه #ودا بقي اسميه حب من اول نظره ولاايه
احمد بحنق #متتلمي بقي
نور بجديه #طب لو مثلا اخوها اللي شافني كنت ترضي انها تكلمه عني
احمد بجديه#علي فكره انا سالت علي حجات عاديه ممكن اي حد يعرفها عادي يعني
نور#ياسلام يعني مثلا لو قلتلك كليتها مش هتروحلها مش كده
احمد بتاكيد #لاء طبعا الحكايه كلها ان انا عاوز اعرف ،،،،ااااا
اسندت راسها الي ذراعيها
#هاه عاوز تعرف ليه
احمد #مش عارف ،،، بجد مش عارف ،،،
لدغت خده #طيب لما تعرف ابقي قلي
قالت جملتها لتهبط من السياره ليتسال احمد
#طب هي مرتبطه ،،، انتي يابت
وقفت علي الباب لتقول ضاحكه
#لاء مش مرتبطه ومستنيه عريس حليوه بعيون رمادي تهوس وعسليه كده وهيبقي قمررررر وهو عريس
قال بتردد #بس انا معرفش عنها حاجه
نور بجديه #صلي استخاره اتلقيت نفسك مرتاح يبقي تمام ،،،
ابتسم احمد #ماشي بس انتي تعرفيها كويس مش كده ،،، يعني اخلاقها
قاطعته #شبهنا ،،، انا مليش اصحاب شمال يااستاذ ،، ولاقفلت من حكايه اخوك
#منكرش قلقان
#لاء في دي اطمن ،،، ولو تمام انا هعرف رأيها وهديك معلومات عنها تسال عليها وعلي اهلها اظن احلي واجب اهوه
احمد باسما#اه احلي واجب بتدبسيني في جوازه وش
اطلقت نور ضحكه عاليه ولم تنتبه لفتح الباب لتلتف وترتطم بصدر امها لتعتنقها بقوه
#حبيبتي وحشتيني موووت موووت موووت
حاولت فرحه ازاحه يديها بلا جدوي لتقول بغضب
#ابعدي يابت بدل والله ماارزعك في الارض
احمد ضاحكا #يابت سيبها
نور بالحاح #ابدا ،،، دانا لورفعت وشي بس مش هشوفه تاني
فرحه بجديه #نور بطلي تهريج
ابعدت نور لتقول بسرعه وهي تغطي وجهها
#بصي بلاش في الوش ماشي
فرحه بغيض #انا عارفه اني مش هعرف اخد منك لاحق ولاباطل ،،، بس وريني بقي هتفلتي من ابوكي ازاي انا بقالي ساعه بحاول اهديه
نور #انتي الخير والبركه
هزت فرحه راسها نفيا # لاء انا اول مره اشوف فهد كده ،،،عيشي حياتك وربنا يستر بقي ويعدي الكارثه دي علي خير
بلعت نور ريقها لتتحرك ناحيه المكتب طرقت الباب لتدخل وتغلقه
#تعالي هنا يازفته
تحركت تجاه اباها ليهمس
# عارفه لوقصرتي رقبتي هعمل فيكي ايه
حدقته بصدمه ليعلو صوته
#يعني ايه بتتصرفي من دماغك يازفته
هزت نور راسها بقوه لتهمس
#هو انت موافق ولامش موافق انا مش فاهمه حاجه
امسك اذنها ليقول #ليه ان شاء الله ابوكي نايم علي ودانه اظن
نور بالم #اه اه يابابا خلاص والنبي
ترك اذنها فقالت #يعني كنت عارف
فهد بصوت خفيض #من اول يوم ياهانم ولعلمك بقي انا اللي معديكي من اختبار الطول يااوزعه
قفزت لتتعلق بعنقه وقالت بسعاده
#انا بحبك اووي يافهودي
انزلها وقال بصوت عالي
# حته عيله شبر ونص تتحداني انا ،،،، انا اللي معرفتش اربيكي
نور #طب ليه جو الرعب دا بقي
وكز فهد راسها # يعني انا غلطان اطلع اسيبها عليكي
نور برجاء# ربنا يخليك ليا كمل زعيق داانت حتي صوتك كروان ياحبيبي
#بس في حاجه انتي معملتيش حسابها
قطبت #ايه
فهد بجديه #ناصر ،،، هو صحيح متقدمش رسمي بس تقريبا كل يوم بيتصل وانا اللي بأجل انتي كنتي شايفه الظروف اللي عمك مامون فيها وكمان عشان حاله ادم ،،، مفكرتيش لوخيرك هتعملي ايه
نور بحيره #لاء مفكرتش ،،، هو ممكن يعمل كده
عقد ذراعيه وقال بتاكيد #معرفش ،،، بس انتي اخدتي قرار ،،،، ولما تخدي قرار لازم تشوفي كل الجوانب اللي فيه ،،، الدنيا مبتتخدش كده يانور
هاه لو قلك بلاش شرطه هتعملي ايه
حكت راسها #بابا دا حلم حياتي ،،، هو لو بيحبني فعلا هيقف معايا ومش هيبقي عقبه اني احقق حلمي
#بس مش شايفه انها هتبقي تقيله حبتين ،،، انه يتجوز ظابط ،،، انت بنت يانور ،،،
هزت كتفيها #افتكر انه عارفني من زمان ومش جديده انا عليه ،،،، والله قراره لسه في ايده حضرتك بلغ عمو نديم كلمك تاني كان بها مكلمكش يبقي خلاص مليش خير فيه ودي نتيجه الاستخاره
فهد بجديه #دا قرارك النهائي
نور بانكسار #ايوه
ربت علي كتفها #خلاص اطلعي انتي علي اوضتك ومتكلميش حد تمام
هزت راسها موافقه لتخرج يتطلع اليها الجميع وجهها الواجم وعيونها اللامعه بالدموع احمد بقلق
#في ايه يانور
هزت راسها وصعدت ركضا للاعلي لتهب فرحه واقفه لتدخل بسرعه الي المكتب
#ضربتها يافهد
#انا تعبت من البت دي ،،، وبعدين يافرحه هنعمل ايه
فرحه بلين #خلاص بقي اللي حصل حصل ،،، دي كانت فرحانه بالله عليك بلاش نكسر فرحتها
رفع فهد احدي حاجبيه #ياسلام
#طب هعمل ايه طيب ،،، البت اول مره اشوف عنيها مليانه دموع كده قلبي وجعني عليها
تنهد فهد بارتياح #يعني اوافق يافرحه
#عشان خاطري
#خلاص وانا خاطرك اغلي حاجه في الدنيا عندي
❤❤❤❤❤❤صلي علي النبي محمد ❤
