ترجلت الي البيت بصبحه فهد ليهب مأمون واقفا فقط عيناه تتابعها لتتحرك لغرفتها مهمه
#انا هدخل افضي شنطي وشنط العيال عن اذنك يافهد
فهد #دا بيتك ياجومانه
جومانه #لفتره بس لحد ماامهد للولاد
قالت جملتها وترجلت للداخل مأمون بغيض
#عجبك كده
فهد #انت تخرس خالص احمد ربنا انها وافقت ترجع علي هنا انا اقنعتها بالاكراه
عقد ذراعيه #يعني ايه بقي هتفضل كده
فهد بحذر #مامون جومانه كانت مصره علي الطلاق ،،،انا بقالي اسبوع بقنعها ترجع عشان خاطر العيال ،،،، يبقي تتلم بقي ،،، وافتكر اني بلغتك شروطها ملكش دعوه بيها يامامون ،،،،
قال بحنق #يعني ايه مش هتسمحني هنعيش غرب في بيت واحد
زفر فهد بنفاذ صبر
#هو انا بكلم عيل صغير ،،،، بقالك اسبوع عمال تزن ،،،البيت فاضي مش عارف اقعد من غيرها ،،، الدنيا هتخرب ومش عارف اشوف شغلي ،،،، العيال وحشوني،،، واهي رجعت والعيال هترجع من المدرسه علي هنا ،،،عاوز ايه تاني
قال باختناق #عاوز احس ان مراتي رجعتلي
ربت علي كتفه
#مش بالبساطه دي ،،،، وجودها هنا اول خطوه متستعجلش عشان متطربقش علي دماغك ،،،، وخد بالك ماسه راجعه بكره وجومانه هتنزل معاها الشغل
قال بحنق #وتنزل مع ماسه ليه مترجع شغلها
فهد #اه ترجع عشان تشتغل مع نرمين مش كده بدل مانخليها تنسي عملتك السودا نفكرها صح
اشاح بيده وقال #انا نقلتها بتشتغل في الحسابات
فهد بغيض #لاء بجد برافو عليك ،،، نقلتها بس ،،،
قال بضيق # مهو انا كنت هرفدها بس قعدت تعيط ووو
عقد ذراعيه وقال بغيض
#ياحنين ،،،وااايه يارافع راسي
#يوووه يافهد بقي ،،،، والله انا اصلا مش عاوز اشوف خلقتها ،،،، بس عشان كلام الناس ميكترش
فهد بصدمه #يخربيتك هو في حد يعرف
اشاح بيده #يتخرب اكتر من كده ،،،، لما رحت الشغل اول الاسبوع الشركه كلها كانت بتتكلم الهانم كانت معرفه الكل انها طالعه معايا شرم الشيخ
قبض فهد قبضتاه بغيض وقال بحنق
#اه فتقوم سيادتك بدل ماتمشيها تنقلها ،،،، عشان الكل يقول اخد غرضه وبعدها
قاطعه
#لاء ،،،يقولوا العكس ،،،، انها حاولت وانا اللي بعدتها
#شوف ازاي ،،،، انت عاوز تنقنطي ياجدع انت ،،،عارف والله خساره فيك مراتك وعيالك ،،،، عارف ليه عشان انت مبترعيش ذمه ولادين ،،،، هي اعراض الناس لعبه
#مهي اللي شمال يافهد
قال بغيض #بقولك ايه انا همشي بدل مامرارتي تتفقع
وخد بالك جومانه راجعه علي ضمانتي ،،،يعني اجت اشتكت تاني الله في سماه يامامون مهتشوف ظافرها تاني لاهي ولاعيالك ،،، وانا بقي اللي هربيك من الاول يابن الحداد
قال جملته وانصرف ليخر مامون علي المقعد خلفه ،،، هو مخطيء من البدايه يعلم هذا جيد ،،،، كان يعلم انها تنصب حوله الشباك وتعد الفخاخ ،،،،ورغم هذا هو من تقدم ليقع فيها كغر ساذج احمق ،،، عليه تحمل تبعات غبائه ،،،،، اللعنه قلبه يهفو فقط ليري صاحبه عيون القهوه المحتجبه داخل غرفتها الان ،،،، لوتدرك كم اشتاق ويقتله الشوق لمجرد نظره لامعه تمتليء عشق ،،، لقد حرمته حتي من رؤيتها ،،،اشعل لفافه لينفث دخانها بضيق انفتح الباب ليرتج قلبه بالعشق عيناه معلقه بوجهها الذي تطرقه وخصلاتها البنيه التي تشتته كالعاده وقفت امامه لترسمها عيناه داخل منامه بيتيه عاريه نوعا ما بدون اكمام وبنطال قصير بالكاد يغطي ركبتيها منذ سنوات لم ترتدي مثل تلك الاشياء كاد ان يقف يتلمس جزء من دفئها المشع ولكنها تكلمت
#اسمع يامامون احنا مش عيال صغيره ونعرف نحل مشاكلنا كويس اوي
بدايه مبشره جومانه تريد الحل وبدات هي وهذا رائع عقدت ذراعيها
#انت خنتني ،،، والخاين ملوش امان ولاذمه
تقريبا تهدم السقف علي راسه حاول التبرير ليزيد الامر سوء
#جومانه انا مخنتكيش
قالت بتاكيد # ياسلام ،،، يعني اللي عملته ده مسموش خيانه ،،،، يعني عادي اني اسافر مع واحد شرم واعمل معاه زي مانت عملت مش كده
هب واقفا وامسك ذراعيها وقال بغضب
#عشان ادبحك
ابعدت يديه وقالت بتاكيد
#ليه ،،،،، هي مش خيانه وانت شيفها عادي
#جومانه انتي عارفه كويس اوي انا عملت كده ليه ،،، زي ماانتي عارفه ومتاكده اني ملمستهاش
عقدت ذراعيها #والله لمستها ملمستهاش دي حاجه متخصنيش ،،،، انا رجعت عشان خاطر عيالي اللي بيسالوا احنا قاعدين في بيت تيتا ليه ،،،، وبيسالوا علي ابوهم ،،،، لكن العلاقه اللي بينا انتهت علي كده
صك علي اسنانه ليقول بعصبيه
#اسمعي بقي ،،، اللي بنا عمره ماهينتهي ،،، واللي بينا مش علاقه ومش ولاد ياست جومانه ،،، اللي بينا حب سيبناه يتجرح مابينا واحنا الاتنين اللي لازم نداويه مع بعض
قالت بالم ادمع عيناه
#تفتكر هيداوي يامامون ،،، تفتكر مأمون اللي مبيشوفش الانفسه وبس هيتغير ،،،، تفتكر هقدر انسي انك قربت من واحده غيري
احتضن وجهها وقال بصدق
#ايوه هيداوي وانا هتغير وانتي كمان هتنسي ،،،كل اللي طلبه منك علميني ،،،، انا من يوم ماشوفت جومانه وهي بتشيل عني كل حاجه ،،، حتي ضحكتها الحلوه تشيل همومي وتنور الدنيا ،،،،عشان كده لما بعدت عتي اتخنقت ،،، بقيت تايه مش عاوز حاجه غيرها وبس ،،،
سقطت دموعها لتقول باختناق
#الجرح اللي جوايا منك مش سهل يداوي يامامون
مسح دموعها وقال بانفعال
#فوقت والله فوقت ،،، عارف ان انا اللي وصلتك لكده ،،، عارف ان انا غلطان بس طمعان في قلب جو حبيبتي اللي يساع الدنيا كلها
لاح شبح ابتسامه عيناها لتعقد يديها
#من قلك كده داانا حتي قلبي اسود
اقترب منها لينحني حتي يصل لمستوها
#لاء انتي قلبك ابيض زي الفل
اقترب منها لتبتعد وتقول بنعومه
#توء لما انسي يامامون انا لمتلك حجتك ممكن تعد في الاوضه اللي جنب اسر
قال بغيض #يعني ايه بقي هنام مزعزع انا
هزت كتفها #ليه وانت بتفرق معاك يعني ،،، محدش قالك تاخد غيري في حضنك ،،،،
زفر بقوه وقال بغيض #يعني ايه بقي بتعاقبيني
#تمام نسميها عقاب ،،،، الحق دخل هدومك قبل ماالعيال يوصلوا
قالت جملتها لتدخل الغرفه وتصفع الباب خلفها رفع الحقيبه من علي الارض وقال بحنق
#انت تستاهل اكتر من كده ،،، البت دي جابت البرود ده منين ،،،،ماشي ياست جومانه اما نشوف اخرتها هدفع تمن غلطتي ،،،بس متزودهاش
❤❤❤❤❤❤صلي علي النبي ❤❤❤❤❤
