اسبوعان كاملان ولم يحدثها فهد بأمر الزواج من نديم ،،،، تري هل اااا،،،، ماذا ،،،لاتفهم تحديدا ماالامر ومستحيل ان تسأل نديم لانه ببساطه يهتم يأخذ ناصر تقريبا يفرغ نفسه بالكليه لشركه عدي في الحقيقه هذه ليست شركه انها وكر لاحدي العصابات تحتاج علي الاقل سته اشهر لتستطيع عمل الدمج ، ، الغريب امر نديم نفسه يتعامل معها بنفس الطريقه ولم يذكر مره واحده امر الزواج ،،، احيانا تشعر انه كان محض حلم في خيالها فقط وان حوارها معه لم يحدث من الاساس ،،، هل كان بالفعل حلم ،،،،فكرت لاكثر من مره ان تسال فهد ولكن ماذا ستخبره ،،،،
زفرت بضيق لتطالع الاوراق امامها بضجر ،،،منذ متي والعمل يضجرها ،،،منذ متي وعقلها يتوقف ليفكر برجل بعينه ،،،، نديم تري الاما تخطط ،،، تريد فقط ان تفهم ،،،، هل تخلي عن فكره عقاب نفسه بها ،،،، ابتسمت وهي تذكر كلمه الحب الذي اسمعها لها ،،، نعم نديم اعترف بحبه لها باغرب طريقه من الممكن ان تحظي بها امراه ،،، هو يري حبه لها عقاب ،،، كلا هو يري عدم مبادلتها له الحب هو العقاب ،،، عقاب فرضه علي نفسه لانه لم يحب زوجه فرضت عليه ،،،اي الرجال هو ،،، تحت اي مسمي يندرج ،،،، نديم كرجل بوجهه الرجولي الاسمر وشعره الاسود وعيونه التي تشبه الفهد طوله الفارع اكتافه العريضه وسيم وجاذبيته تفوق وسامته ،،، بماذا تفكر الان ،،، لقد قابلت الاف الرجال ولم تهتم يوما بشكل احدهم ،،، ثم انها اشترطت ان يكون زواجهم علي الورق فقط ،،، هل لهذا لم يتحدث مع فهد ،،، كلا لقد وافق وتحدها ان تحبه ،،،، اللعنه لما لاتستطيع إخراجه من تفكيرها ،،،لما تشعر انه اصبح يحتل تلك المساحه من عقلها ،،،، يكفي جدل لهذا الحد يجب ان تعرف ماذا يدور حولها تحديدا رفعت الهاتف لتتصل بمن سيخبرها
#ازيك يافهد اخبارك واخبار فرحه والعيال
#ايه ده البرنسس متصله تطمن علي صحتي انتي عيانه ياماسه
قالت بغيض #ماشي انا غلطانه
#طب خلاص ،،،احنا ياستي تمام ايه رايك تتغدي معانا النهارده ،،، بقالي كتير مشوفتكيش
قالت بتردد #ااااا فهد ،،،هوااااا مفيش حاجه عاوز تقولهالي
#حاجه زي ايه يعني
قالت بسرعه ،#لاء ولاحاجه
#طيب هستناكي علي الغدا وهقول لنديم يجيب ناصر علي هنا سلام
اغلقت الخط والتخبط بداخلها تزايد ،،،فهد لايعلم شيء ولكن من الواضح انه يعرف كل تحركات نديم مع ناصر فهو الذي سيحضره اليوم من التدريب ،،، هل كان لقائها بنديم مجرد حلم ،،، ولكن قصه موت والده وزوجته وولده كيف علمتها هناك شيء خاطيء فيما يحدث ،،،،،بعد قليل كانت تترجل لبيت فهد قابلتها فرحه ببتسامه مشعه كعادتها
#النهارده العيد ماسه عندنا
#ازيك يافرحه وحشتيني والعيال عاملين ايه
#تمام فهد مستنيكي في المكتب علي ما اخلص الغدا
ترجلت للمكتب ليطالعها وجهه فهد الجامد كالعاده بادرها
#تعالي ايه الاخبار
جلست امامه وقالت بابتسامه جامده
#انا تمام جدا
عقد فهد ذراعيه وقال
# قليلي بقي اخبار شركه عدي ايه.
ابتسم #وعاوز تعرف الاخبار مني ليه مهو واضح انك عارف الاخبار كلها
#ودا يزعلك
هزت راسها نفيا #خالص انت عارف غلاوتك عندي يافهد ،،، علي العموم الشركه قدمها حوالي ست شهور عشان ترجع تاني ووقتها هعمل دمج مع شركتي
#هتقدري عليهم الاتنين لوحدك
#نديم بيساعدني
فرك ذقنه وقال بتفكير
#هو دا السؤال ،،، نديم دوره ايه في حياه ماسه الحداد
#عم ابني او ابوه اللي مخلفوش زي ماهو بيقول
قاطعها فهد #انا قلت في حياه ماسه مش في حياه ناصر
عقدت ذراعيها #يعني ،،،،،تقدر تقول صديق
#صديق بس ياماسه مفيش حاجه تانيه
قالت بارتباك #حاجه زي ايه يعني ،،،هو اااقالك ايه بالظبط
#سيبك من اللي قاله انا عاوز اسمع منك
مررت اصابعها بشعرها وقالت بتوتر
#مش عارفه يافهد حقيقي مش عارفه ،،،، مش عارفه احدد
قاطعها #داانتي وفقتي تتجوزيه ازاي مش عارفه
الابتسامه التي ملئت وجهها كانت كافيه لتطمئن فهد وتذهب قلقه
#يعني قلك انا قلت انا بيتهيئلي
#قالي بعد ماوصلك علي طول ،،
حدقت بوجهه فقال
#مقلتش ليه ،،، عشان كنت مستني ماسه تاخد قررها من غير ظغط ،،،، شوفي ياماسه قلتهالك من اكتر من ستاشر سنه وهقولهالك تاني ،،،انتي اختي دمنا واحد نسند بعض ونقف في ظهر بعض ،،، ماسه الحداد متعرفش يعني ايه حب ،،،، مش عشان هي مش مؤمنه بيه زي مابتقنع نفسها لاء ،،، عشان هي معشتوش ،،،، نديم راجل انا اسلمك ليه وانا مطمن بس كنت عاوز اعرف رأيك الحقيقي ودا اللي شوفته علي وشك دلوقتي ،،،، واللي حسيته اول مااتصلتي بيا ،،،،
قالت بحيره #بس ااامش عارفه يافهد اول مره ابقي متلخبطه كده ،،،انا اديته كلمتي ،،،بس
#خايفه ،،، ماسه انتي معشتيش حاجه من حياتك مش غلط انك تعيشي وتحبي ،،،الحب احسن حاجه في الدنيا
ياليتها تملك ثقه فهد التي يتحدث بها بهذا الصدق ،،، فهد وليث بالنسبه لها فئه منقرضه من الرجال تستطيع ان تخلص وتعشق بصدق ،،،،لذا يتحدث عن تجربته الخاصه ،،،، تنهدت بقوه ليقول فهد
# انا قلت لنديم يطلع مع ناصر ،،،، هنقعد ونتفق علي التفاصيل
قالت بسرعه #انا مقلتش لناصر
ابتسم فهد #هو قاله وناصر فرحان جدا
وقفت لتستند الي المكتب #واضح اني كنت نايمه علي وداني
هب فهد واقفا ليعتنق كتفها بذراعه
# بس كان نومك تقيل شويتين ،،، علي فكره ليث وفيروز وطنط زمرده عارفين
حدقت بوجهه لتنفجر ضاحكه ويشاركها فهد الضحك
#خياااااانه ،،، بتخوني يافهد وتضحك مع واحده غيري وفي اوضه المكتب وااااعاراااه
حدق الاثنان بفرحه الواقفه علي الباب ليدفع ماسه
بظهرها ويقول ضاحكا
#تصدقي كده برضه ،،،،، هي اللي غرغرت بيا وسقتني حاجه اصفره
فرحه #لايسلم الشرف الرفيع من الاذي حتي يراق علي ملابسه كاتشب
ماسه ضاحكه #والله العظيم انتو مرستان وانا اللي بقول دا اعقل بيت في العيله
فرحه ضاحكه #ياماسه ياحبيبتي دا يوم تاريخي ،،،فهد بيهزر ويضحك ،،،،،فكان لازم اتحشر واسجل اللحظه دي
وكز فهد راسها وقال
#طب عدي البسي عشان نديم زمانه جاي
فرحه بمرح
#حلو اوووي اهو انا بقي عاوزه اشوف سي نديم ده
فهد بحنق #نعم يااختي وتشوفيه بمناسبه ايه ان شاء الله
حركت فرحه يديها نفيا
#لاء لاء فهمتني غلط ،،، انا مش عاوزه اشوفه خاااالص انا رايحه البس
قالت جملتها وهربت من الغرفه
فهد #طب ابقي اشوف خلقتك بره يافرحه
تشاركا الجميع بالضحك رنين جرس الباب جعل الجميع يصمت ليتقدم نديم وناصر ،،،،،،
نعم تستمع لتفاصيل حياتها مكان اقامتها ماتريده وترغبه لقد تحدث نديم في كل شيء ،،،، شيء ما يشبه الدوامه التي لاتنتهي ،،،وهي فقط تدور بداخلها في دوائر مغلقه جزء منها سعيد وجزء منها مرتعب والاغلب حذر ومترقب ،،، لقد وضع نديم نفسه تحت مجهرها المكبر وهذا يعني انها ستري كل عيوبه التي لم تستطيع اخراجها للان انتهي اليوم وهي اصبحت خطيبه نديم ترتدي خاتمه بيمناها وكانه قيد يطبق علي انفاسها ،،،،،،
....................................................
#ماسه اتخطبت
رفع مأمون عيناه عن الاوراق ليطالع جومانه الواقفه امامه وقال باستغراب
#ماسه مين
اقتربت من المكتب # ماسه الحداد هو احنا نعرف كام ماسه
مأمون #ودا اللي هوازاي بقي
جومانه باستغراب #في ايه يامامون فيروز لسه قيلالي دلوقتي في الفون لبسها الدبله عند فهد
هب واقفا وقال بعصبيه
#حلو اوي وانا اخر من يعلم
قالت بحذر #انت متنرفز ليه دلوقتي
اشاح بيده # يعني عجبك اللي بيحصل ده ،، هو انا مش من العيله دي ،،، فهد اتصل بيا امبارح يطمن علينا مقليش ليه
ربتت علي كتفه #اسمع من فهد فيروز وليث محضروش اصلا
قال بشرود #محضروش هي ايه الحكايه بالظبط نصيبه لتكون ماسه عملتها تاني ،،،، متعرفيش مين اللي خطبها
#عم ناصر ،،،تقصد ايه بعملتها تاني
انتبه الي كلمه جومانه وقال بترقب
#مفيش ،،،هي البت دي غاويه ولاد السعدي ولاايه انا لازم اشوف فهد ،،، الغي بقيت المواعيد النهارده لازم اعرف ايه الحكايه بالظبط
قال جملته وحمل سترته ليترجل للخارج جومانه بحنق
#هروح لوحدي انا ،،،،،،ماشي يامأمون
تحرك مأمون للخارج وفي راسه سيناريو واحد فقط يكرر ،،،، العار الذي حاولوا بقدر الامكان مداواته والتغلب عليه ،،،، مشاهد دارت امامه منذ اكثر من سته عشر عاما كانت بطلتها الفريده ماسه ونتجت عنها طفل ،،، طفل لايعرف له اب
ترجل للقسم ليرحب به العسكري
#اهلا ياباشا
#فهد هنا
# موجود اتفضل
تقريبا اقتحم المكتب علي فهد ليهب الاخير واقفة ثم يجلس باريحيه مامون بعصبيه
#ممكن اعرف ايه اللي حصل
#طب قول سلاموا عليكوا الاول
جلس علي المقعد وقال بغيض
#فهد فهمني ايه الحكايه عشان انا علي اخري
عقد فهد ذراعيه وقال #حكايه ايه
#حكايه ماسه يافهد ،،،، خليك عارف انها لو عملتها تاني انا اللي هقتلها المره دي
ضرب فهد يديه بالمكتب وقال بغضب
#اتقي الله وحافظ علي كلامك يامامون ،،،،، انت عارف كويس اوي ان ماسه مستحيل تعملها ،،،
مسح مامون وجهه بيديه ليزفر بارتياح وقال
#انا اسف بس مش عارف ليه الحكايه القديمه عدت قدام عنيا ،،، فهمني بقي ايه الحكايه
# مفيش حكايه ولاحاجه نديم خطبها غريبه اوي ان ماسه تتجوز وتعيش حياتها يامامون ،،، ايه مستكتر عليها يبقي ليها اسره زي اي واحد فينا
#مش مستكتر بس انا عارف ومتاكد ان ماسه رفضه مبدأ الجواز نفسه انت ناسي انا جبتلها كام عريس وانت وليث وهي رفضت ايه اللي جد دلوقتي
هز فهد راسه #اللي جد ،،، هقولك اللي هي بتقنع نفسها بيه ،،، بعد موت عدي ناصر ورث شركته ،،،وشركته كانت بتقع فهي محتاجه نديم عشان تقدر توقف الشركه علي رجلها تاني زائد ان ناصر متعلق بنديم جدا لدرجه انه بيقوله يابابا دا من قبل موت عدي ،،،،، وماسه آثرت كتير في حقه فشافت ان دا اقل تعويض تقدمه ليه ،،،،انه يكون له اب ويعيش حياه مستقره
مامون بحنق #حلو اوي يعني هتتجوز نديم ده عشان تصلح غلطتها مع عدي وفين بقي الاخ في دا كله يعني هو كسبان ايه من الجوازه الغريبه دي
ابتسم فهد # بيحبها ،،، في ايه يابني مالك تنحت كده ليه
مامون بذهول # هي ماسه تنفع تتحب دي تضرب بالجزمه ،،،، تبوسها وتحطها جنب الحيطه وعليها ربع جنيه مخروم من اللي معدش بيصرف ده الواد ده اكيد مختل
قاطعه ضاحكا #بس بس يخرب عقلك ليه كده ،،،، دي ماسه زي القمر
مامون #معترضتش يافهد ماسه عامله زي الزهور السامه تتفرج عليها من بعيد تقرب تسممك وتموت
فهد ضاحكا # مكنتش اعرف انك بتحبها اوي كده
مأمون # لاء بالنسبالنا الوضع مختلف ،،، احنا بنشوفها اختنا اجباري ،،،، يعني مضطر تتحملها زي شربه زيت الخروع كده ، ، بس السؤال بقي الاخ نديم ده هيشربها ازاي
تحكم فهد بضحكاته #مقلتلك بيحبها ،،،،
اشاح مامون بيده وقال #هو الجاني علي روحه بقي ،،،،،ماسه اصلا لغيه الكلمه دي من قاموس حياتها
#بس ماسه بتحبه يابني بطل تتنح كده الله يهديك
مامون بغيض #مهو انت اللي بتقول حجات غريبه ،،، ماسه حبت ابنها بالعافيه ،،، بعد مابقي عنده خمستاشر سنه ،،، ابنها اللي هي مخلفاه يعني المفروض بتحبه بالفطره ،،، عاوز تفهمني انها بتحب ،،،
#دي حاجه انا متاكد منها ،،، شكيت لما اتكلمت معاه وانهارت لما جبناها من بيت عدي بعد اما خطفها
هز مامون راسه بقوه
#ايه ايه ،،، عدي وخطفها هو في ايه بالظبط ،،، هو انا مش من ام العيله دي
فهد موضحا #وقتها كنت لسه موحول مع جومانه ومنتاش ناقص عشان كده مقلتلكش
مامون بعتاب #لاء يافهد ،،،، لما جومانه قلتلي ماسه اتخطبت حسيت ان انا غريب مش من العيله خالص ،،،،، انا اخر من يعلم زي اي غريب
ابتسم فهد #واضح انك اتعلمت الدرس كويس ،،،، مامون بقي بيهتم ودي حاجه كويسه جدا علي العموم هحكيلك اللي حصل شوف ياسيدي .........................................................................بس كده اجا امبارح عندي ولبسها الدبل وهنعمل حفله صغيره في بيت الحداد
مأمون بحيره #غريبه اوي حكايه نديم دي
#ايه الغريب فيها انا مش فاهمك
#صراحه مش مصدق ان ماسه هتتجوز بجد ،،،،
#ماسه شافت كتير يامأمون ،،، يمكن نديم يعوضها شويه ربنا يسعدها
تنهد مأمون #ويصبره ،،،دا داخل حرب شعواء
تبادلا النظرات لينفجرا ضاحكين
٠❤❤❤❤❤❤ الله اكبر ❤❤❤❤❤❤
