#Unicode
~~~~~~~~~~~~~~~~~~~~~~~~~~ခင်ဗျားနဲ့ပတ်သက်တဲ့
အရာအားလုံးကို
ကံကြမ္မာလို့ တွေးထင်ခဲ့သမျှက
ဖန်တီးယူမှုသက်သက် ဖြစ်နေခဲ့ပါလား ..." ကောင်းဆက်ပိုင် "
~~~~~~~~~~~~~~~~~~~~~~~~~~
ရာသီဥတုက ကြည်လင်သာယာလျှက်ရှိသည် ။
ဒါပေမဲ့ မြို့နှင့်အတန်ငယ်ဝေးတဲ့ အဆောက်အဦးတစ်ခုတွင်းမှာတော့ မုန်တိုင်းထန်နေ၏ ။
" ပြောကြည့်ပါဦး ၊ ခင်ဗျားရဲ့အကြောင်းပြချက်လေးကို "
သံကြိုးဖြင့်လက်နှစ်ဖက်ကို တွဲလောင်းဆွဲထားလို့ နာကျင်နေတဲ့အချိန် ရေနဲ့မျက်နှာကိုအပက်ခံလိုက်ရသည် ။ ထို့အပြင် ဘုန်းနေသွေးရဲ့ပထမဆုံးမေးခွန်းကြောင့် David ဘာပြန်ဖြေရမည် မသိ ။
" ငါ ငါ မှားသွားတယ် ငါ့ကိုခွင့်လွှတ်ပေးပါ Mr.Bhone ၊ မင်းကို Video နဲ့ခြိမ်းခြောက်ပြီး ငါ့ရဲ့ Company ကိုပြန်ဝယ်ခိုင်းမလို့ပါကွာ ၊ ငါတကယ်ကို မှားသွားပါတယ် "
တောင်းပန်နေပေမဲ့လည်း Mr.Bhone ရဲ့ဓါးသွားလိုစူးရှတဲ့အကြည့်တွေက ကြောက်ဖို့ကောင်းလွန်းနေသည် ။
" အဟွန်း ... (27) နှစ်လုံး အသက်ရှင်လာတဲ့အတောအတွင်း ကျွန်တော့်ဆံပင်တစ်ချောင်းကိုတောင် ထိရဲတဲ့သူမရှိခဲ့ဘူး ၊ ခင်ဗျားက အရမ်းသတ္တိကောင်းတာပဲ David ၊ ခင်ဗျားနားလည်ထားဖို့က စီးပွားရေးလုပ်ရင်အရှုံးခံနိုင်ရတယ် ၊ အောက်တန်းကျတဲ့ ခင်ဗျားရဲ့အကြံကြောင့် ထိခိုက်နစ်နာသွားခဲ့ရတာက ကျွန်တော်တစ်ယောက်တည်းမဟုတ်ဘူး ၊ ခင်ဗျားနားလည်လား "
အံ့ကြိတ်ကာပြောနေတဲ့ Mr.Bhone ကိုကြည့်ရင်း David စိတ်ထဲကြောက်ရွံ့လို့လာသည် ။
အပိုင်ကြံထားတာတောင် လွတ်ဖြစ်အောင်လွတ်သွားသေးသည် ။ ဟိုမိန်းမနဲ့ ဟိုကောင်တွေဖုန်းဆက်လာကတည်းက သွားပြီလို့တော့ သိလိုက်၏ ။
ပိုင်ဆိုင်သမျှပစ္စည်းအကုန်ထိုးရောင်းကာ ကိုယ့်နိုင်ငံကိုပြန်ရန်ဆုံးဖြတ်ထားပေမဲ့လည်း နောက်တစ်ရက်မှာပဲ ချက်ချင်းအဖမ်းခံရမယ်လို့တော့ မတွေးမိလိုက်တာ အမှန် ။
YOU ARE READING
If (Completed)
Romance#Unicode အကယ်၍ အချစ်ကိုအချစ်အတိုင်းသာ သီးသန့်ခံစားကြည့်ခဲ့ပါလျှင် #Zawgyi အကယ္၍ အခ်စ္ကိုအခ်စ္အတိုင္းသာ သီးသန႔္ခံစားၾကည့္ခဲ့ပါလွ်င္