#Unicode
~~~~~~~~~~~~~~~~~~~~~~~~~~~
မျဉ်းပြိုင်နှစ်ကြောင်းဟာ
ဘယ်တော့မှမဆုံနိုင်ဘူးလို့ ပြောကြပေမဲ့လည်း
ကမ္ဘာမြေကြီးရဲ့ အဆုံးသတ်တစ်နေရာမှာတော့
ရပ်တန့်သွားရမှာပါပဲ .......
" ဘုန်းနေသွေး "
~~~~~~~~~~~~~~~~~~~~~~~~~~
ကောင်းဆက်ပိုင် ကိုယ့်နှုတ်ခမ်းကိုယ်ပြန်ကိုက်ကြည့်လိုက်သည် ။
နာကျင်သွားတယ်ဆိုတော့ ဒါက အိပ်မက်မဟုတ်တာ သေချာသွားလေပြီ ။
ကိုကြီးက ကျွန်တော့်ကိုကျောပိုးပြီး လှေကားထစ်တွေကို သတိထားကာ ဖြည်းဖြည်းချင်းဆင်းနေ၏ ။
မသိမသာကော ပေါ်တင်ပါကြည့်နေကြတဲ့ဝန်ထမ်းအချို့ကြောင့် ကောင်းဆက်ပိုင် ကိုကြီးကိုကွယ်ကာ ငြိမ်သက်နေမိသည် ။
ငယ်စဉ်ကတည်းကချစ်ခဲ့ရတဲ့ ကိုကြီးကိုယ်သင်းနံ့ဟာ လေအဝှေ့မှာအတူယှဉ်တွဲပါလာတော့ ကောင်းဆက်ပိုင် အသက်ရှူပါအောင့်ထားလိုက်ရသည် ။
ကိုကြီးက ဆံပင်ကိုလိုရင်းတိုရှင်းသာညှပ်တတ်သူဖြစ်၍ ဦးရေမှအကြောစိမ်းလေးတွေကအစ အတိုင်းသားမြင်နေရတာကြောင့် ကောင်းဆက်ပိုင် ရင်ခုန်သံတွေမြန်လာသည် ။
ဝန်ထမ်းအကို ၊ အမများကတော့ အခုထိစိတ်လျှော့ဟန်မတူသေးဘဲ " CEO အဆင်ပြေရဲ့လား ၊ CEO ညောင်းရင် ကျွန်တော်တို့တစ်လှည့်စီ ကျောပိုးပေးပါရစေ ၊ CEO နားပါဦး ၊ CEO ရေသောက်ပါဦး " နဲ့ပြာယာခတ်နေကြကာ ပတ်ပတ်လည်တွင် လူတွေဝိုင်းနေ၏ ။
ကျောပေါ်မှာအခန့်သားနေရာယူထားတဲ့ကျွန်တော်ကသာ အားနာလာပေမဲ့လည်း တည်တင်းတဲ့မျက်နှာထားနဲ့ကိုကြီးကတော့ အားလုံးကို ခေါင်းခါပြကာ ငြင်းဆန်နေသည် ။
" ထမင်းကောစားရဲ့လား ကောင်းဆက်ပိုင် ၊ မင်းခန္ဓာကိုယ် ပေါ့ပါးနေတာက ယောက်ကျားလေးနဲ့တောင် မတူတော့ဘူး "
ခဏနားကြတဲ့အချိန်တွင် ကျွန်တော့်ကိုမကြည့်ဘဲ ရူ့ခင်းကိုသာကြည့်ရင်းပြောလာတဲ့ကိုကြီးစကားကြောင့် ကြောင်တောင်တောင်ဖြစ်သွားရသည် ။
ထိုအချိန် လေပြေနုအေးအေးက ဖြည်းညှင်းစွာတိုက်ခတ်လေတော့ ကိုကြီးရဲ့ခပ်နက်နက်ဆံပင်တွေက ဟိုလွင့် ဒီလွင့်ဖြစ်ကုန်၏ ။
YOU ARE READING
If (Completed)
Romance#Unicode အကယ်၍ အချစ်ကိုအချစ်အတိုင်းသာ သီးသန့်ခံစားကြည့်ခဲ့ပါလျှင် #Zawgyi အကယ္၍ အခ်စ္ကိုအခ်စ္အတိုင္းသာ သီးသန႔္ခံစားၾကည့္ခဲ့ပါလွ်င္
