#Unicode
~~~~~~~~~~~~~~~~~~~~~~~~~~အချစ်ဟာ လူကိုရူးသွပ်စေပါတယ်
သေမှာမှန်းသိရက်နဲ့
ဆက်တိုက်အော်နေတဲ့ ပုစဉ်းရင်ကွဲလိုပဲ
နာကျင်မှာမှန်းသိရက်နဲ့တောင်
ဆက်ချစ်နေမိတာမျိုးပေါ့ ...." ကောင်းဆက်ပိုင် "
~~~~~~~~~~~~~~~~~~~~~~~~~
မိုးသည်းနေတဲ့ လမ်းမထက်တွင် ကားကို လီဗာကုန်တင်ကာ မောင်းနေတဲ့ ဘုန်းနေသွေး ။
ချော်နေတဲ့လမ်းမတွေထက်မှာ Slip မဖြစ်အောင် ဂရုစိုက်ရင်း အရှိန်ကိုလည်းမလျှော့မိချေ ။
ကျွန်တော်တစ်ခုခုဖြစ်တာ ကိစ္စမရှိပေမဲ့လည်း ကောင်းဆက်ပိုင် ...
ကောင်းဆက်ပိုင် တစ်ခုခုဖြစ်မှာစိုးရိမ်ပါသည် ။
ဘကြီးဦးတို့ကို စိတ်မပူစေရန်လိမ်ပြောခဲ့ပေမဲ့လည်း ကျွန်တော်ကိုယ်တိုင်တော့ စိတ်ပူနေမှုနှုန်းက စက္ကန့်အလိုက် မြင့်တက်လာနေ၏ ။
ကျွန်တော့်ကြောင့် ... ကျွန်တော့်ကြောင့်များ ဖြူစင်တဲ့ထိုကလေး တစ်ခုခုဖြစ်ခဲ့ပါက ကိုယ့်ကိုယ်ခွင့်လွှတ်နိုင်မှာမဟုတ်တာ သေချာသည် ။ ဖုန်းထဲက " အ " ကနဲ နာကျင်သံကိုကြားစဉ်က စိတ်ပူလွန်းကာ မတ်တပ်ထရပ်မိသည်အထိပင် ။
မျိုးမင်းဦးဆိုတဲ့သူတောင်းစားကိုသာ စိတ်ထဲမှာအကြိမ်ကြိမ်အခါခါသတ်ပစ်ပြီး အမှုန့်ကြိတ်ပစ်ချင်နေသည် ။
လောကတွင် တစ်ချို့အရာတွေကနားလည်ရခက်ပါသည် ။
ကိုယ်ကသူ့ကိုမသိပေမဲ့ သူက ကိုယ့်ကို အငြိုးထားနေတာမျိုး ၊ ကိုယ်ကမသိပေမဲ့လည်း သူတို့ရဲ့တစ်ဖက်ခြမ်းတွင်တော့ ကမ္ဘာတွေပါပျက်နေတတ်တာမျိုး ၊ ကျိတ်ပြီးမနာလိုဖြစ်နေတာမျိုးတွေ စသဖြင့် မျိုးစုံကြုံဖူးခဲ့ပေမဲ့လည်း ဒီလောက်ထိစော်ကားထိပါးတာမျိုးတော့ မကြုံခဲ့ရဖူးပါ ။
တွေးကြည့်လေ ဒေါသထွက်လေ ဆိုသလိုပင် ကိုယ်ကသူ့အဖေကိုတောင် မသိပါပဲ ထိုသူတောင်းစားလိုကောင် တောင်းဆိုတာကိုလိုက်လျောပေးရတော့မည့်အခြေအနေဖြစ်နေသည် ။ မတတ်နိုင်ပါ ... ကျွန်တော့်မှာ ရွေးချယ်စရာ မရှိတော့ ။ ချစ်ရသူ မထိခိုက်စေဖို့ဆို ကျွန်တော့်မှာပိုင်ဆိုင်သမျှကိုပေးရရင်တောင် စွန့်လွှတ်ပစ်ဖို့ထိုက်တန်၏ ။
YOU ARE READING
If (Completed)
Romance#Unicode အကယ်၍ အချစ်ကိုအချစ်အတိုင်းသာ သီးသန့်ခံစားကြည့်ခဲ့ပါလျှင် #Zawgyi အကယ္၍ အခ်စ္ကိုအခ်စ္အတိုင္းသာ သီးသန႔္ခံစားၾကည့္ခဲ့ပါလွ်င္