#Unicode
~~~~~~~~~~~~~~~~~~~~~~~~~~~~ဝေးကွာခြင်းက
တစ်သက်စာဖြစ်ခဲ့ရင်တောင်
နောက်ဆုံးနှုတ်ဆက်ခြင်းကိုတော့
လှပစေချင်ခဲ့တယ် ..." ဘုန်းနေသွေး "
~~~~~~~~~~~~~~~~~~~~~~~~~~
အပြန်လမ်းရှိကားပေါ်တွင် အိပ်ရင်းနဲ့လိုက်လာသော ကောင်းဆက်ပိုင် ...
ဆေးအရှိန်နဲ့ မေ့ဆေးအရှိန်ပေါင်းပြီး နုံးခွေနေသည့်အပြင် ဒဏ်ရာရင်းပြီးဖျားနေတဲ့ကောင်လေးကြောင့် ဘုန်းနေသွေး ကားပေါ်တွင်အရိပ်တကြည့်ကြည့်ဖြစ်နေရသည် ။
" အင့် "ကနဲတစ်ချက်လောက် ညည်းသံထွက်လာရင်တောင် ကျွန်တော့်မှာ ထိုင်ရမလိုလို ထရမလိုလို ။
ကိုယ့်အပြစ်တွေချည်းပါပဲ ကလေးရယ် ...
မကာကွယ်ပေးနိုင်တဲ့အပြစ်ကော ...
အချစ်တွေ ထုတ်မပြနိုင်တဲ့အတွက်ကော ...
နာကျင်စေခဲ့တဲ့ အတွက်ကော ...
ပြီးတော့
နာကျင်ရဦးမှာ အတွက်ကော ...~~~~~~~~~~~~~~~~~~~~~~~~~~
" အဆင်ပြေရဲ့လား ညီ ၊ ပိန်သွားလိုက်တာများကွာ ... ခြေထောက်ကကော သက်သာရဲ့လား "
ရှေ့ကကောင်လေးရဲ့ နွမ်းလျလျပုံစံလေးကြောင့် ဇွဲနောင် စိတ်မကောင်း ။ ခရီးသွားနေတုန်းကလည်း အနှောင့်အယှက်ဖြစ်မည်စိုး၍ ဖုန်းမခေါ်ခဲ့ပါ ။ အသံလေးကြားချင်ပေမဲ့လည်း ၊ မျက်နှာလေးမြင်ချင်ပေမဲ့လည်း စိတ်ကိုချုပ်တီးထားခဲ့ရသည်မဟုတ်လား ။
ညီက ဘုန်းနေသွေးသဘောမကျလို့ ကျွန်တော့်ကို ရှောင်နေတာ သိသာလှပါသည် ။
အခုလည်း ညီပြန်ရောက်နေခြင်းကိုတောင် အာကာပြောမှသိရခြင်းဖြစ်၏ ။
ဒါပေမဲ့ စိတ်မဆိုးရက်ခဲ့ပါ ။
ခြေထောက်တွင်ဒဏ်ရာရလာတယ်ပြောတော့ စိုးရိမ်စိတ်တွေက များစွာ ။ အရဲစွန့်ကာ အိမ်အထိလိုက်လာမိတော့ ဘုန်းနေသွေးနေတဲ့အိမ်ကြီးရဲ့အနောက်ဘက်တန်းလျားရှိ ညီရှိတဲ့နေရာသို့ ရောက်လာရတော့သည် ။
ဘကြီးဦးခေါ်လာပေးတဲ့ ထိုကောင်လေးရဲ့အခန်းလေးက ချစ်စရာ ။ သန့်ရှင်းတောက်ပြောင်လွန်းနေတာက ယောက်ကျားလေးတစ်ယောက်ရဲ့အခန်းလို့တောင် သံသယဖြစ်လာမိသည်အထိ ။ အခန်းထဲဝေ့ဝိုက်ကြည့်ရင်းမေးတော့ ညီက ကျွန်တော့်ကိုမော့ကြည့်ကာ နွမ်းလျလျပြုံးပြလာ၏ ။
YOU ARE READING
If (Completed)
Romance#Unicode အကယ်၍ အချစ်ကိုအချစ်အတိုင်းသာ သီးသန့်ခံစားကြည့်ခဲ့ပါလျှင် #Zawgyi အကယ္၍ အခ်စ္ကိုအခ်စ္အတိုင္းသာ သီးသန႔္ခံစားၾကည့္ခဲ့ပါလွ်င္