If (Completed)

*** Part - (34) ***

#Unicode
~~~~~~~~~~~~~~~~~~~~~~~~~

အဝေးဆုံးမှာပဲ ရှိနေခဲ့တဲ့သူမလို့
လှမ်းလို့မမှီတဲ့ အကွာအဝေးမှာပဲ
ရှိနေခဲ့တဲ့သူမလို့
အနီးဆုံးကို ရောက်လာတဲ့အခါမှာ
ကျွန်တော့်အတွက်တော့
အိပ်မက်တစ်ခုလိုလိုပါပဲ
မပီမပြင် ဝိုးတဝါးနဲ့ .....

" ကောင်းဆက်ပိုင် "

~~~~~~~~~~~~~~~~~~~~~~~~~

တောင်တန်းများကရှည်လျားပြီး တောင်မှမြောက်သို့ သွယ်တန်းလျက်ရှိသည် ။ ကောင်းကင်ပြင်တစ်ခွင်တွင်လည်း မှိုင်းညှိ့နေကာ များမကြာမှီတွင် မိုးရွာတော့မည့်ဟန်အပြည့် ။ လေများပြင်းထန်စွာတိုက်ခတ်နေကြောင်းကိုတော့ အပင်တွေဟိုယိမ်းဒီထိုးနေသည်ကို ကြည့်ခြင်းဖြင့်သိနိုင်သည် ။

ရာသီဥတုကိုဂရုမစိုက်စွာ တောင်တက်လမ်း၌ ဖြည်းညှင်းစွာသွားနေတဲ့ ကားလေးတစ်စီးရှိသည် ။ ထိုထဲတွင် ငြိမ်သက်နေကြသောကောင်လေးနှစ်ယောက်ကလည်း ပတ်ဝန်းကျင်ကိုသာ အာရုံစိုက်ချင်ယောင်ဆောင်နေကြပြီး စကားမပြောဘဲ တိုးတိတ်စွာဖြင့်ရှိနေကြ၏ ။

ဘေးနားရှိ ကောင်းဆက်ပိုင်ကို ကားမောင်းနေရာမှခိုးကြည့်ရင်း ဘုန်းနေသွေး ရင်ခုန်သံတွေမြန်လာသည် ။ ဝတ်ထားတာကလည်း Hoodie အနီရောင်ရဲရဲလေးကို ပုဆိုးအနီလေးနဲ့တဲ့လေ ။ ထို့အပြင် ဖွေးဥနေတဲ့ခြေချောင်းလေးတွေကြားမှာ ကတ္တီပါအနက်ရောင်ဖိနပ်လေးက လိုက်ဖက်ညီစွာတည်ရှိနေသည် ။

I like me better when I'm with you
(မင်းနဲ့အတူရှိနေတဲ့ ငါ့ကိုယ်ငါ ပိုသဘောကျတယ် )

I like me better when I'm with you
(မင်းနဲ့အတူရှိနေတဲ့ ငါ့ကိုယ်ငါ ပိုသဘောကျတယ် )

I knew from the first time, I'd stay for a long time 'cause
(ပထမအကြိမ်မှာပဲ ငါသိခဲ့တယ် ၊ ငါ အချိန်အကြာကြီး နေချင်တယ် )

I like me better when
( ငါ့ကိုယ်ငါ ပိုသဘောကျတယ် )

I like me better when I'm with you
( မင်းနဲ့အတူရှိနေတဲ့အခါမှာ ငါ့ကိုယ်ငါ ပိုသဘောကျတယ် )

ကိုကြီးရဲ့ခပ်တိုးတိုးသီချင်းဆိုသံကြောင့် ကောင်းဆက်ပိုင် ရင်ခုန်သံတွေမြန်လာ၏ ။ တစ်ခါမှ သီချင်းမဆိုခဲ့ဖူးသူက English အသံထွက်ပီသစွာနဲ့ခပ်တိုးတိုးဆိုနေပုံက ရူးသွပ်ပစ်ချင်စရာကောင်းပါသည် ။